TIMOTHY KÜRAO 2
2
Kürüsu kühu la kutarhoküsü
1I nce porasü nyi kübao kütasa kühupon thüma kühopülari cho mu n müzhiemülo mu mi zhopo ri thi mu u Kümünupüh tsü ba zoyite. 2Side cho kütice Küdekola mu mi mho küzho khüko la ri sade chobazoyite: silize min uküyhu küzhie mo mu upon mizü küzüve mu Ihü de kütholü münu de tayi kütola. 3U külaküyi u Kümünupüh mhüzü ce no siküti pu nüzo kütila. 4Puno thüma mütüko pon külaküyi ngoi küti mu kütho mhaseo vo küti punüzo. 5Süsari u Kümünupüh yozo, sülize u Kümünupüh mu thüma dolü kütha ripuzo puno thüma thiküta Khrista zo. 6Puno pupho khapü thüma mütüko rhapü müzüte, süla pütütüce süsüzhopo thisü molizo süte. 7Süsü la kümülü mu kütho lüno apon Judakümoko kümütha süsü dzüyiküve pü mi mütha mu pü apostle püthi kütola a küdayite mu süsüküthotüzo, cezü mozo. 8Sülano I thüpumi pon kühorapüh kücho thizori ulürüda mori mizü kümülita mode ubenyi pon müsade ube yhopü küchoküthi a müdo. 9Süsü bide thünomi pori unga ne mu ulümüsa müzide ukhwüne uzhotüko ukütsopüta küti a müdo; süsari upitha che dolinyi thipüh mori suna mori mhama kürü khwümeko süta moli, 10Thünomi kütholüyo kütiko uvaküzüve kütiko süde mhathoküve linyiko thipüh ukütsoyi no süzo. 11Thünomi pon mhakühopülüri mikhrikhro bade münude mi ukümüthazüko seyite. 12Süzomoli thünomipon sü mi mütha mori thüpumi mhuküzho thi kütamoli münu bade mikhwü rünyiküyi thinyi. 13Kükrelamoli Adam no Eve mhüjü thi müra. 14Mu Adam no küdo ketsü lü tamo; veli thünopü no kedoketsülü lüta no phoma ta. 15Vele thünopüri nu kümünu lüno pü külayito pü kümülü, kükhrü mu kümüsa lü pükhi kürünu püba tsüsa.
ទើបបានជ្រើសរើសហើយ៖
TIMOTHY KÜRAO 2: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
TIMOTHY KÜRAO 2
2
Kürüsu kühu la kutarhoküsü
1I nce porasü nyi kübao kütasa kühupon thüma kühopülari cho mu n müzhiemülo mu mi zhopo ri thi mu u Kümünupüh tsü ba zoyite. 2Side cho kütice Küdekola mu mi mho küzho khüko la ri sade chobazoyite: silize min uküyhu küzhie mo mu upon mizü küzüve mu Ihü de kütholü münu de tayi kütola. 3U külaküyi u Kümünupüh mhüzü ce no siküti pu nüzo kütila. 4Puno thüma mütüko pon külaküyi ngoi küti mu kütho mhaseo vo küti punüzo. 5Süsari u Kümünupüh yozo, sülize u Kümünupüh mu thüma dolü kütha ripuzo puno thüma thiküta Khrista zo. 6Puno pupho khapü thüma mütüko rhapü müzüte, süla pütütüce süsüzhopo thisü molizo süte. 7Süsü la kümülü mu kütho lüno apon Judakümoko kümütha süsü dzüyiküve pü mi mütha mu pü apostle püthi kütola a küdayite mu süsüküthotüzo, cezü mozo. 8Sülano I thüpumi pon kühorapüh kücho thizori ulürüda mori mizü kümülita mode ubenyi pon müsade ube yhopü küchoküthi a müdo. 9Süsü bide thünomi pori unga ne mu ulümüsa müzide ukhwüne uzhotüko ukütsopüta küti a müdo; süsari upitha che dolinyi thipüh mori suna mori mhama kürü khwümeko süta moli, 10Thünomi kütholüyo kütiko uvaküzüve kütiko süde mhathoküve linyiko thipüh ukütsoyi no süzo. 11Thünomi pon mhakühopülüri mikhrikhro bade münude mi ukümüthazüko seyite. 12Süzomoli thünomipon sü mi mütha mori thüpumi mhuküzho thi kütamoli münu bade mikhwü rünyiküyi thinyi. 13Kükrelamoli Adam no Eve mhüjü thi müra. 14Mu Adam no küdo ketsü lü tamo; veli thünopü no kedoketsülü lüta no phoma ta. 15Vele thünopüri nu kümünu lüno pü külayito pü kümülü, kükhrü mu kümüsa lü pükhi kürünu püba tsüsa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.