TIMOTHY KÜRAO 1
1
1U Kümünupüh ukülaküyio mu Jisu Khrista ukümüri küneo yolü chi mu küdaküyi Paul no thopüh 2Timothy kümülülü punu kütho thikütao ce küsü; ngokümüzhie, kükhrü mu lünüo u Kümünupüh yolü küvo.
Kücejü Kümütha züh lüno u ceriyi noti
3Ino Macedonia lü vode Ephesus lü kübace n pono thüma thüzho kümütha dzü mütha kükri kütiko püh müthahi no posü, 4Ukopo thüdzü küpo mu upotsaneko dzü küpoko rünyi hino posüh, kükrenamoli süko yolü Kümünupüh mhatho kümülülü thaküsüko moli küzüküsu, ulakükreküti püvo tayo kütila. 5Thüzho khaküsü külüyono kükhrü. U külü kümüsa lüno voyo mu utho ulü müzho kümolü lüno voyo. 6Thüma humi mha süko pon u küdode pozükümo uco küdiko potate. 7Uko no thüzho kümüthami thi nyisa eli uko no dipüh pobashi sede poyomo morei uko poküba kütho zo küti mülü yomo. 8U münu de thüzhoo süyi lize thüzhoo veti seba. 9U seküyi thüzho hi kümathomi na thisü mo eli thüzho zü kümomi mu thüzho kümütsuko, Ukümünupüh se kümoko küphomako, musakümoko, mizü züh kümoko, upo uzu küdokhriko mu thümumi, miküdokhrimi na zo. 10Kürügükürüzümi, u tho u zümi yo kethenga kethi, thüma zhü ketimi, mikhwü zu kümoko mi küswü, thüma kücejümi, medade rüswü ketiko miküdo kütami mu kümütha züh zü küthürü kütiko. 11Kümüthazü püh umülü küva küvethoo u Kümünupüh dzüyiküve küthoo zü kürhü zo.
Nyepoo ngokümüzhe kha Paul kütsüla kümüza
12Jisu Khrista a Nyepoo dzüküpo a kütsüla mu a küda püh apon yitho thi küyila pukümüza poyo. 13Ino vapüh Nyepoo tha mu mülade pu kümülümiko müthimünyi, mikhwü zümo vo zori puno ngokümüzhie püh a tsü kükrelamoli Ino mülümode semode thita kütala. 14Jisu Khrista yolü ngokümüzhe püh a kütsukülhu thisü, hihi Jisu Khrista yolü kümülü mu kükhrü lazo. 15Hicehi mülüyi küsü kümatho küzütho zü mu yiküsü züsü Jisu Khrista no küphomami külayi kütola cezülü vo, süko dolü Ino küphoumadoo. 16Eli puno ngukümüzhe püh a tsüsü, side küphomadoo a yolüno Jisu Khrista kükhrü küla kedi thapüh mülü küyimi müka de uko po küchothe külaküyi ngoyi kütola. 17Küchothe küdeo, puh küla küdio, Kümünupuh pon thürho zapozale mütü püh küyiyo thite. 18Anu Timothy Ino kümüthazü hihi sadzü popüh kümütayo npo müdziyi mu nkunhie thide kümürha non poyo. 19N kümülü rüderületa hide n lükütho püh thüma u kümülü dzüru rülükütako bita hite. 20Thüma sünyisü Hymenaeus mu Alexander, Ino unyi khapüh Satan belüsüve side unyi po u Kümünupüh tha lata mo kütola.
ទើបបានជ្រើសរើសហើយ៖
TIMOTHY KÜRAO 1: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
TIMOTHY KÜRAO 1
1
1U Kümünupüh ukülaküyio mu Jisu Khrista ukümüri küneo yolü chi mu küdaküyi Paul no thopüh 2Timothy kümülülü punu kütho thikütao ce küsü; ngokümüzhie, kükhrü mu lünüo u Kümünupüh yolü küvo.
Kücejü Kümütha züh lüno u ceriyi noti
3Ino Macedonia lü vode Ephesus lü kübace n pono thüma thüzho kümütha dzü mütha kükri kütiko püh müthahi no posü, 4Ukopo thüdzü küpo mu upotsaneko dzü küpoko rünyi hino posüh, kükrenamoli süko yolü Kümünupüh mhatho kümülülü thaküsüko moli küzüküsu, ulakükreküti püvo tayo kütila. 5Thüzho khaküsü külüyono kükhrü. U külü kümüsa lüno voyo mu utho ulü müzho kümolü lüno voyo. 6Thüma humi mha süko pon u küdode pozükümo uco küdiko potate. 7Uko no thüzho kümüthami thi nyisa eli uko no dipüh pobashi sede poyomo morei uko poküba kütho zo küti mülü yomo. 8U münu de thüzhoo süyi lize thüzhoo veti seba. 9U seküyi thüzho hi kümathomi na thisü mo eli thüzho zü kümomi mu thüzho kümütsuko, Ukümünupüh se kümoko küphomako, musakümoko, mizü züh kümoko, upo uzu küdokhriko mu thümumi, miküdokhrimi na zo. 10Kürügükürüzümi, u tho u zümi yo kethenga kethi, thüma zhü ketimi, mikhwü zu kümoko mi küswü, thüma kücejümi, medade rüswü ketiko miküdo kütami mu kümütha züh zü küthürü kütiko. 11Kümüthazü püh umülü küva küvethoo u Kümünupüh dzüyiküve küthoo zü kürhü zo.
Nyepoo ngokümüzhe kha Paul kütsüla kümüza
12Jisu Khrista a Nyepoo dzüküpo a kütsüla mu a küda püh apon yitho thi küyila pukümüza poyo. 13Ino vapüh Nyepoo tha mu mülade pu kümülümiko müthimünyi, mikhwü zümo vo zori puno ngokümüzhie püh a tsü kükrelamoli Ino mülümode semode thita kütala. 14Jisu Khrista yolü ngokümüzhe püh a kütsukülhu thisü, hihi Jisu Khrista yolü kümülü mu kükhrü lazo. 15Hicehi mülüyi küsü kümatho küzütho zü mu yiküsü züsü Jisu Khrista no küphomami külayi kütola cezülü vo, süko dolü Ino küphoumadoo. 16Eli puno ngukümüzhe püh a tsüsü, side küphomadoo a yolüno Jisu Khrista kükhrü küla kedi thapüh mülü küyimi müka de uko po küchothe külaküyi ngoyi kütola. 17Küchothe küdeo, puh küla küdio, Kümünupuh pon thürho zapozale mütü püh küyiyo thite. 18Anu Timothy Ino kümüthazü hihi sadzü popüh kümütayo npo müdziyi mu nkunhie thide kümürha non poyo. 19N kümülü rüderületa hide n lükütho püh thüma u kümülü dzüru rülükütako bita hite. 20Thüma sünyisü Hymenaeus mu Alexander, Ino unyi khapüh Satan belüsüve side unyi po u Kümünupüh tha lata mo kütola.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.