CORINTHMIKO KÜRAO 4
4
Khrista yitho miko mejo keto (sheco) thüma po thiho
1Thüma kehopüpori habi de ukehülü mipo melüyi kesümi thitate, Khristaa yitho mipü tibi, Jihova mhatho sekemo ungo kethi yitholü michotha kethimipü tila. 2Sülebi mori michotha kethimi kemelü kevemi ziti mipo ngoti mesü. 3Vele ala zono neko sheco kethi sü mhakedopü zo, mori thüma kekrepo thi sheri, sizizo, I atho asheco thimo. 4Kekrelamori I athozono mhapüri sebamo, sizosheri I hice athi kematho bamozo, vele asheco-o sü Niepoo zo. 5Süla pütü mhüjü mhapüri sheco thi hite, Niepoo vori kemothe, pü kezülü resürevapü ketako metü hala sü ketola; umelülü mharhü ketako metü kehala süto: mu süce thüma kehopü sheri Jihova chuto. 6Mhahikola, azüneko, I mhakhi kedepü azalü mu Apollos zalü süvato, neko lano; side nekopo haniyo mhaseyi ketola, thüma lü kerekrüpü thopü kemeta pi sümo ketola, mu neko humi utho ulükerekrü kuta mo ketola. 7Kekrelamori sopü nthipü mice rekrüku süta? No no bakemo pü dipü la bale ziba? Tsühi no ngoyi ta lize dipüla nthi kerekrü zapozale thibata? No ngoyi kemo pübi bateme? 8Tsühi neko chupü bate, mu neko mhane bate, neko kedemi thi bate hako samode, mu akemenyü nekopo kede thita nyü kethozo, side hako sheri neko züde kedethita ketola.
Apostlemiko zho rele kemenu
9Kekrelamori akelüce Jihova ha apostle miko ketsü kenutho thisü tetho ziba, dokhri va ketola ketsü kesüko; cejüo po hako pe bate, tüyo choyimi mhüjülü mu thüma mhüjülü sheri. 10Hako kenyomi thite Khrista lano, vele Khrista lano neko mhakesemi (ketsümi); ha kethathimi, neko keku miko thibate; neko therho kepümi, vele hako mipo thalice ketami thite. 11Tsü bavüdo hilü ketso hani kenani therimeri bazo mu fümene di süsa miko hani meshu mu hani keba thethiridi. 12Tsühi ketso sheri hako therimeri tazo, mu fübemene methu ketami thitazo, mu meshu, mu hakeba thethi sheri bamo. 13Mhatho thizoba, hatho habe khipü, hameshu zo sheri hako jopü sümi tsü thazo, ha methi kesüko la ha kemezhe ti püyi. 14I mhahiko thopü neko kengasü keto lamo, vele aneko nekopo nekerepü seba ketola, akekhrü miko. 15Kekrelamori nekotho Khrista yolü kemetha nye keripü batazo sheri, siri nekopo kethi thüma kekro bamo, kekrelamori I Jisu Khrista jüyikevelü neko menu kesüla 16Süla I nekoce choyo neko asakemejimi thi yite. 17Mhahiola I Timotheus ketsüpü nekoce süzüho, pü kematho anu zo Niepoo celü, pü azho areleko khipüvo neko po arekrayi ketola, Khrista yolü, I kehorapü zori kehucekolü mimetha ketako.
Apostlemiko keku, kehukoyo
18Tsücehi humi ukhipü kerekrü kemeko bate I nekoce tavori hoketa lüde, 19Vele I rekri vapülü nekoce vori tato, mhace Niepoo medo lize, uko kemeko jüpo keba füko seyito, vele keku kene jü. 20Kekrelamori Jihova kede kethisü jüo zomori keku lüto. 21Neko kedipü biba? I sürü khipü nekoce vori tome, mori kekhrü khipü vorita, mu rüpülü menünu tilü ta?
ទើបបានជ្រើសរើសហើយ៖
CORINTHMIKO KÜRAO 4: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
CORINTHMIKO KÜRAO 4
4
Khrista yitho miko mejo keto (sheco) thüma po thiho
1Thüma kehopüpori habi de ukehülü mipo melüyi kesümi thitate, Khristaa yitho mipü tibi, Jihova mhatho sekemo ungo kethi yitholü michotha kethimipü tila. 2Sülebi mori michotha kethimi kemelü kevemi ziti mipo ngoti mesü. 3Vele ala zono neko sheco kethi sü mhakedopü zo, mori thüma kekrepo thi sheri, sizizo, I atho asheco thimo. 4Kekrelamori I athozono mhapüri sebamo, sizosheri I hice athi kematho bamozo, vele asheco-o sü Niepoo zo. 5Süla pütü mhüjü mhapüri sheco thi hite, Niepoo vori kemothe, pü kezülü resürevapü ketako metü hala sü ketola; umelülü mharhü ketako metü kehala süto: mu süce thüma kehopü sheri Jihova chuto. 6Mhahikola, azüneko, I mhakhi kedepü azalü mu Apollos zalü süvato, neko lano; side nekopo haniyo mhaseyi ketola, thüma lü kerekrüpü thopü kemeta pi sümo ketola, mu neko humi utho ulükerekrü kuta mo ketola. 7Kekrelamori sopü nthipü mice rekrüku süta? No no bakemo pü dipü la bale ziba? Tsühi no ngoyi ta lize dipüla nthi kerekrü zapozale thibata? No ngoyi kemo pübi bateme? 8Tsühi neko chupü bate, mu neko mhane bate, neko kedemi thi bate hako samode, mu akemenyü nekopo kede thita nyü kethozo, side hako sheri neko züde kedethita ketola.
Apostlemiko zho rele kemenu
9Kekrelamori akelüce Jihova ha apostle miko ketsü kenutho thisü tetho ziba, dokhri va ketola ketsü kesüko; cejüo po hako pe bate, tüyo choyimi mhüjülü mu thüma mhüjülü sheri. 10Hako kenyomi thite Khrista lano, vele Khrista lano neko mhakesemi (ketsümi); ha kethathimi, neko keku miko thibate; neko therho kepümi, vele hako mipo thalice ketami thite. 11Tsü bavüdo hilü ketso hani kenani therimeri bazo mu fümene di süsa miko hani meshu mu hani keba thethiridi. 12Tsühi ketso sheri hako therimeri tazo, mu fübemene methu ketami thitazo, mu meshu, mu hakeba thethi sheri bamo. 13Mhatho thizoba, hatho habe khipü, hameshu zo sheri hako jopü sümi tsü thazo, ha methi kesüko la ha kemezhe ti püyi. 14I mhahiko thopü neko kengasü keto lamo, vele aneko nekopo nekerepü seba ketola, akekhrü miko. 15Kekrelamori nekotho Khrista yolü kemetha nye keripü batazo sheri, siri nekopo kethi thüma kekro bamo, kekrelamori I Jisu Khrista jüyikevelü neko menu kesüla 16Süla I nekoce choyo neko asakemejimi thi yite. 17Mhahiola I Timotheus ketsüpü nekoce süzüho, pü kematho anu zo Niepoo celü, pü azho areleko khipüvo neko po arekrayi ketola, Khrista yolü, I kehorapü zori kehucekolü mimetha ketako.
Apostlemiko keku, kehukoyo
18Tsücehi humi ukhipü kerekrü kemeko bate I nekoce tavori hoketa lüde, 19Vele I rekri vapülü nekoce vori tato, mhace Niepoo medo lize, uko kemeko jüpo keba füko seyito, vele keku kene jü. 20Kekrelamori Jihova kede kethisü jüo zomori keku lüto. 21Neko kedipü biba? I sürü khipü nekoce vori tome, mori kekhrü khipü vorita, mu rüpülü menünu tilü ta?
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.