CORINTHMIKO KÜRAO 3
3
Uthi upho zhüko rüpü chokha thivayo
1Asazüjürako I nekoce rüpü zhüko poyi su, vele uthiumo laco, natsi miko ce kepo jü. 2I nojü khapü neko vathisü, themu khapü neko va thisümo, kekrelamori neko dolü tsüdo süko khiyiho, mori thiri yiho tila. 3Kekrelamori neko tsüri uthi upho medo kethilü bazolu, mhakemenyü kesoti ba, kelalati, süla neko uthi upho lüdolü tazo side thüma zhorele lü hübata mome? 4Neko humi poti, I Paul ceco, mu kekreo poti I Apollo ceco, hihi neko uthi upho medolü bata mome?
Khristan miko dolü yitho sü Jihova lazo
5Paul sü sopü mu Apollo sü thüma sopü, vele uni yithomizo, uni yono neko melüyi, Niepoo khapü thüma püpü tsü kesü bi? 6I shusü, Apollo jüpü ketisü, vele Niepoo tho thekünma kesü zo. 7Süla shu kesüo zori mhapümo, mori jü khipü keti kesüo zori mhapüri zomo, vele Jihova thekü nmasü. 8Tsühi, shu kesüo mu jü chu kesüo uni mipüzo; thüma keho püsheri utho uzhokhro ngo yito, pü dipü bide mhatho thi sheri.
Khristanmi yitho mu pü zhokhro
9Kekrelamori ukometü kezü Jihova yitho mizo, neko Jihova yi kefü mizo, neko Jihova cetho mi phrüzo. 10Jihova phikemezhe khapü aketsü cekethi krüta keve mipü, I pübodü shudüsü, mu kekre miko süyo thi. Vele kehopü sheri mhalü menute, pü dipü bide mhathi yo sheri. (Bodü pü lebi) 11Kekrelamori bodü süo zo kemo sa, kekremi shudü sala yo tila, Jisu lebizo.
Yitho cokena mu püzhokhro
12Tsühi, humi bodü kethi suna, raka, ketsü pümakerü, sü, mu nicu; 13Thüma kehopü sheri pü mhatho mengo sü zoto, kekrelamori tüsozhopü vori ketola; mu süo mepü thüsü peto, mu thüma kehopü mhatho sheri melü rü kesüce seyi mu ngo yito. 14Mhace mha kethi mipü ce kethi zholü thi lize, pü zhokhro ngo yito. 15Mhace pümhatho tova lize, pü ka tato; vele pütho pü kela yito, vele melü rüpü peto. 16Neko Jihova kereshüce ziti semo zome? Jihova Rüpü neko lü hütayo ziti. 17Mhace thüma humi Jihova kereshüce thi merho tayo lize, Jihova pü meka vato, Jihova reshüce mesa, neko reshüce süo zo. 18Thüma kehopü pori pütho püshu menyo va hite. Mhace thüma humi cejülü mhase mu tsü lize, püpo kenyomi thi tate, sizi lize pü mhakesemi pü thite. 19Kekrelamori cejü hilü mhase Jihova la kenyo püzo. Kekrelamori hiziti thopü meta, Pü mhakeseko dokerü khi yite. 20Mu süsa sheri Niepoo mhakeseko kelü sebate, mu süko kemethu thite. 21Süla thüma kehopüri thüma la zapozale thiba hite. Kekrelamori mha metü püzhü tila. 22Paul la sheri, mori Apollo la sheri, mori Cephas la sheri, mori cejüo la sheri, mori kerhümi la sheri, mori kesa la sheri, mori tsüdo mha kebako la sheri, mori hisa vori keto mhako la sheri, mhapüri mozo, vele püla zo. 23Neko Khrista zhü zo, mu Khrista sü Jihova zo.
ទើបបានជ្រើសរើសហើយ៖
CORINTHMIKO KÜRAO 3: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
CORINTHMIKO KÜRAO 3
3
Uthi upho zhüko rüpü chokha thivayo
1Asazüjürako I nekoce rüpü zhüko poyi su, vele uthiumo laco, natsi miko ce kepo jü. 2I nojü khapü neko vathisü, themu khapü neko va thisümo, kekrelamori neko dolü tsüdo süko khiyiho, mori thiri yiho tila. 3Kekrelamori neko tsüri uthi upho medo kethilü bazolu, mhakemenyü kesoti ba, kelalati, süla neko uthi upho lüdolü tazo side thüma zhorele lü hübata mome? 4Neko humi poti, I Paul ceco, mu kekreo poti I Apollo ceco, hihi neko uthi upho medolü bata mome?
Khristan miko dolü yitho sü Jihova lazo
5Paul sü sopü mu Apollo sü thüma sopü, vele uni yithomizo, uni yono neko melüyi, Niepoo khapü thüma püpü tsü kesü bi? 6I shusü, Apollo jüpü ketisü, vele Niepoo tho thekünma kesü zo. 7Süla shu kesüo zori mhapümo, mori jü khipü keti kesüo zori mhapüri zomo, vele Jihova thekü nmasü. 8Tsühi, shu kesüo mu jü chu kesüo uni mipüzo; thüma keho püsheri utho uzhokhro ngo yito, pü dipü bide mhatho thi sheri.
Khristanmi yitho mu pü zhokhro
9Kekrelamori ukometü kezü Jihova yitho mizo, neko Jihova yi kefü mizo, neko Jihova cetho mi phrüzo. 10Jihova phikemezhe khapü aketsü cekethi krüta keve mipü, I pübodü shudüsü, mu kekre miko süyo thi. Vele kehopü sheri mhalü menute, pü dipü bide mhathi yo sheri. (Bodü pü lebi) 11Kekrelamori bodü süo zo kemo sa, kekremi shudü sala yo tila, Jisu lebizo.
Yitho cokena mu püzhokhro
12Tsühi, humi bodü kethi suna, raka, ketsü pümakerü, sü, mu nicu; 13Thüma kehopü sheri pü mhatho mengo sü zoto, kekrelamori tüsozhopü vori ketola; mu süo mepü thüsü peto, mu thüma kehopü mhatho sheri melü rü kesüce seyi mu ngo yito. 14Mhace mha kethi mipü ce kethi zholü thi lize, pü zhokhro ngo yito. 15Mhace pümhatho tova lize, pü ka tato; vele pütho pü kela yito, vele melü rüpü peto. 16Neko Jihova kereshüce ziti semo zome? Jihova Rüpü neko lü hütayo ziti. 17Mhace thüma humi Jihova kereshüce thi merho tayo lize, Jihova pü meka vato, Jihova reshüce mesa, neko reshüce süo zo. 18Thüma kehopü pori pütho püshu menyo va hite. Mhace thüma humi cejülü mhase mu tsü lize, püpo kenyomi thi tate, sizi lize pü mhakesemi pü thite. 19Kekrelamori cejü hilü mhase Jihova la kenyo püzo. Kekrelamori hiziti thopü meta, Pü mhakeseko dokerü khi yite. 20Mu süsa sheri Niepoo mhakeseko kelü sebate, mu süko kemethu thite. 21Süla thüma kehopüri thüma la zapozale thiba hite. Kekrelamori mha metü püzhü tila. 22Paul la sheri, mori Apollo la sheri, mori Cephas la sheri, mori cejüo la sheri, mori kerhümi la sheri, mori kesa la sheri, mori tsüdo mha kebako la sheri, mori hisa vori keto mhako la sheri, mhapüri mozo, vele püla zo. 23Neko Khrista zhü zo, mu Khrista sü Jihova zo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.