CORINTHMIKO KÜRAO 16
16
Jüthelako mu kelü kesü
1Tsüdoce I kemesakola mhakhrüpü tsüsü keto I Galatia koce thino posü kehuce kolü, neko süo thisü te. 2Deobado zho theranha neko mhakha kesüko püvo kengu meta vate, Jihova neko po mha kepra kemeve thi keyibi I tavori tice süko püvo kengu bata mo ketola. 3Mu I tavori tice neko sopü neko medolü neko lesitho kesü khipü apo ketsüsü keto la, neko mephromevode kha Jerusalem lü kesü. 4Mu mhace I tavota lize, uko zü kesa votato. 5Tsühi I Mecedonia chozü tavori to, mu sülü ta neko ce vori to. 6Mu I tüsü tüco neko celü batato, I keho thi sheri arevü cholü neko azü vori te. 7I chodelü tsühi neko zü kesü mota, vele pütü dopü neko celü thothü süto, ziti melü ba, mhace Niepoo pü medo to lize. 8Vele I Ephesus lü Pentecost vori kemothe thothü bata to. 9Kekrelamori moze kesu pü cekha kezho pü khripü atsü metate; mu sülü kemetsumiko kekroba. 10Tsühi mhace Timothy vori lize, püpo methi mpe hide neko zübata te; kekrelamori pü sheri amhatho bi mhathi tazo tila. 11Süla mipüpori pü khapü mhatho kemo thiva hite, vele püpo krokrü de bayi te, side püpo ta ace vorite, I püzü kesünyü keba pü usazüjürami zo tila. 12Usazüo Apollos la I püpo ta neko ce vorinyü shuba, usazüjürako züde; vele pü medolü lize tha südo ce püta vori hole zi bate, vele pütü püla pütü mu thiyi kevece vori toshe. 13Neko fü mu laba zote, kemelü lü tha metü pü bate thepumi thipü bate, metü meco yite; 14Ne mhametülü kekhrü lü mhathi bazote. 15I nekoce choyo, sazüjürako, neko Stephanas cekro ju seba tho, Achoia mhatho se zhürathoko, mu uko kemesako yitholü uko nüphayi keho thi tazo. 16Neko sheri sübi ti thite, mu kehopü sheri hako zü mhathi ketako yo; kekhrühi kesüko. 17Staphanas, Fortunatos mu Achaicus hiko kevori la anüshuzo; kekrelamori neko celü tsakhu kebako uko khasü neko tsüsü ketala. 18Uko a rüpü thi merhüsü mu nekothi kesürhü kesüla, süla neko sübi thisü bazote, süko bi tiko yo. 19Asialü kehuko neko kelu süzüho; Aquila mu Priscilla ni sheri kelushu süho Niepoo zalü, unicelü kehu kebako metü. 20Uko sazüjürako metü neko kelu süzüho; neko kemesa kemebo keti zholü hunehu mebo süte; 21I Paul atho abe pü ne kelu süho. 22Mhace thüma kehopü sheri Niepoo khrü kemomi püpo Anathema Maranatha thi tate. 23Ngokemezhe kekhrü uko Niepoo Jisu Khrista po neko zü ba keyio thite. 24A kekhrü po neko yo ba yite, Jisu Khrista zalü. Amen.
ទើបបានជ្រើសរើសហើយ៖
CORINTHMIKO KÜRAO 16: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.