CORINTHMIKO KÜRAO 15
15
Niepoo vori keto mu rhüla kesü
1Süpi sheri I jüyikeve poketa halapü neko ce süve, neko sheri süo ngopü tate, mu neko sülü thayi tazo. 2Neko sülü kelayite, mhace neko sase tayo lize I neko metha kesüko, sizi kermosa neko kemelü kemethu tazoto. 3Kekrelamori I melü keyi therace uko la Khrista sa keva ukephomako lano, ketholesilü thopü kemeta bi. 4Pü khi khrüva, mu zhosünha pü rhüla süta, ketholesilü thopü kemetabi. 5Pütavo Cephas mengosü, mu methakeyi mi kerikenako sheri; 6Süsalü ukromiko (sazüjürako) thüma kra püngu kezü sheri vapülü mengosü, kekrolaco tsüdo sheri rhü balu vele humi sate. 7Süsalü James mengosü, mu apostelmiko metü sheri mengosü. 8Mu thelalü a sheri mengosü, pütü kemo lü (tümolüpü) menu keyio. 9Kekrelamori apostlemiko dolü kenitho, I apostle mile ziti cüsümo, kekrelamori I Jihova kehu methi tayo tila. 10Vele Jihova kelakeyi kekhrü la I tha hibi tate; mu pü kekhrü süo kemechü thi tamo vele I kekremiko ceri mhatho thi mekro kutate, siri I no mori Jihova kekhrü ayo keta thozo. 11Süla I sheri mu uko sheri hako zhopo thitayo mu neko melüyi.
Khrista rhülakesü kemele
12Mhace tsüdo Khrista kesalü rhüla sü keta uzhopo thita lize, neko dolü dipü bide rhüsalakesü bamo siti pota yola? 13Vele mhace kesami rhüla kesü di lize, size Khrista rhüla sü mote, 14Mhace Khrista rhüla sü mota lize, süsa uko zhopo kemechü kemerü tazo, mu neko kemelü sheri kemethu tazo. 15Ile, uko Jihova zhopo kethi kemedami ta zoto Jihova Khrista merhü sala sü mozo sheri uko Khrista merhü sala süte ziti zhopo thita ketala, sübi kesamiko rhülayi mote. 16Mhace kesami rhüla kesüdi ze süsa Khrista rhüla sü mote. 17Mu mhace Khrista rhüla sümo ta lize, nkemelü kemethu kemerü, neko ne kephoma lü bazolu. 18Süsa Khrista yolü tade zü ketakori kate. 19Mha ukerhülü lebi la ukemeri Khrista yo batisa, uko hesheherü phikemezhe kropü tazo.
Rhüla kesü zhoko
20Vele tsüdo ce Khrista rhüla sütazo, kesalü no, mu zükezülü rhüla kesü püse kera thoo. 21Kekrelamori thümala kesa vorita, mu kesalü rhüla keyi sheri vorita. 22Adam la kesa vori, metüyo sübi Khrista lano kesalü rhüla keyi thümayo vorite. 23Vele kehopü sheri utho uyo thezho püta: Khrista rase zhürao, süsalü Khrista yolü ketako pü sala vori tice. 24Süsa thelao vorito, pü Jihova kede rüvü phu mesü kesüce, uko Poo, pü thezho mikekhapü ketako, keku mu kemeco metü nüda kevasa; 25Kekrelamori püpo kede thita ketola, pü ngomumiko metü khapü püphekhro kedüva kemothe. 26Ngomu thelathoo meka ketoo sü kesaozo. 27Pü mha metü pü pü phekhro süve; vele mha metü kha pü khrosü vale po kebasü, pü lebi pü mesemengo sü, mha metü pü pükhro sü kevao tho. 28Mhametü kha pü khro sü kevao sa pü Nuo ri kha pükhro süsü, side Jihova po mhametü lü püpo süta ketola. 29Sizi kemosa uko dipü bi tata, saketako zalü jülopü keyiko, mhace kesami rhüla kesü dile zitaze? Dipüla uko kesami sülü jülopü ba? 30Uko dipüla bavüdo metülü kebükerü ba zota? 31I neko rechü keba Khrista Jisu la I ngoyi keta hio kenyo ti I Niepoo la tüsonha sasü tayo. 32Mhace thüma zholü I Ephesus lü khonukozü ketü kezhe keba, ala dipü kepra ba, mhace kesami rhüla kesü bamo zo lize? Uko mhati mu krazo bata khe, kekrelamori uko sodo sata teru. 33Mipo ukedova hikhe; mhapo kekri kesüla uzhokeveko jümerho vayo; 34Cosü kemezilü voyi khe, kephomathi hi, kekrelamori humi Jihova la thenga pü.
Rhüla kesüzho
35Vele humi kelüce, dipü bide kesamiko rhüla süta? Mu umo dipü hü bide vorita? 36Nekemeloko, neko rase so kesüko sata mode süri yomo. 37No so kesü uthi umo bi sosü, süo rase püzo, süo ata (teha) zori, mori ubete tsa kekre sheri. 38Vele Jihova pütho pünü pümedolü uthi umo thisü, mu rase sheri utho umo ne. 39Uthiko metü kemhamo, vele thüma thi kre, khonuko uthi kekre, fü (khu) sheri pü thikre, merasheri uthi kre. 40Tülü kehümi ri uthi upho kekrekre phrüzo, vele tülü kehü zapozale kethipü mu cejülü kehü zapozale kekrepü. 41Nace zapozale kethi ba, mu khre sheri zapozale ba, thenyü zapozale kekre püba, thenyüko sheri zapozale kekrekre phrüzo. 42Süla rhüla kesü kesamiko sheri sübi, cemu reta ketolü sosü, süo kece kere thi kemo lü rhü sü tato. 43Thechu therho kedilü sosü, süo merhü pü zapozale lü sü; kethathilü sasü, suo phu mesüpü kekulü sü. 44Uthi upho hülü zholü sosü, süo rüpü kehülü phu mesüyi; hülü zho uthi umo kehü ba, mu rüpü mo sheri ba. 45Thopü kemeta, thüma kerao Adam, thipü ukerhüro kenepü thisü, mu Adam thelao thimerhü pü rüpü thisü. 46Sisheri rüpü kehü süo theraomo vele hülü zho kehüo ra, süsalü rüpü kehüo vori. 47Thüma kerao cejülü mu cejü bi, mu thüma kenao tülü vori, Niepoo zo. 48Cejüo zhorele bi, cejülü vori, mu tülü kehüko tüyo zhorele thisü. 49Mu uko cejülü kehü hübi, uko sheri tülü kehüko hü thipü to. 50Tsühi, asazüjürako, I po keba, uthi umo khipü tülü kalü thiyi ho, Jihova kede ka yi yi ho; mori kamu dita keto (cemu reta keto) püvo cemu retayi keho kalü thiyi ho.
Kemelüko metü satso taho
51Hihe, I mha ketekhri tipü neko mese süto, uko metü zü taho; vele uko metü rede tato. 52Dopülü, umhü mhüphra kesü pülü, thecü kekhulü, thecü khusü ti tülü, kesamiko phu mesü pü ce mu retayi keholü sü vato, mu uko redetato. 53Kekrelamori cemu reta keto hio thipü cemu retayi keholü süva moze kesula, mu sata keto zhühio thipü sata keho zhü thisü moze kesula.
Kesa pi kukeyi thelao
54Süla cemu reta keto zhüo thipü cemu reta keho thisü, sata ketozhü thipü sata keho mo thisü, sizi keyice thopü kemeta jü, thitso yito, “süo poti”, kesao kukeyi po kesao mezo yita. 55O kesao ntha dipüce ba? O mhakhreo nokukeyi dipüce ba? 56Kesa thasü kephoma mu kephoma keku sü thezho. 57Vele Jihova meza pü uko Niepo Jisu yono keku khapü uko tsü sü kevala.
Kukeyi kelü süo thipü yitholü kesü
58Süla azüneko akekhrüko, tha melü yite, rede releta kemo, Niepoo mhatholü ukhashu kesü, neko seba metse Niepoo la ne mhatho thi kesüko kemethu thita mo zo tila.
ទើបបានជ្រើសរើសហើយ៖
CORINTHMIKO KÜRAO 15: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
CORINTHMIKO KÜRAO 15
15
Niepoo vori keto mu rhüla kesü
1Süpi sheri I jüyikeve poketa halapü neko ce süve, neko sheri süo ngopü tate, mu neko sülü thayi tazo. 2Neko sülü kelayite, mhace neko sase tayo lize I neko metha kesüko, sizi kermosa neko kemelü kemethu tazoto. 3Kekrelamori I melü keyi therace uko la Khrista sa keva ukephomako lano, ketholesilü thopü kemeta bi. 4Pü khi khrüva, mu zhosünha pü rhüla süta, ketholesilü thopü kemetabi. 5Pütavo Cephas mengosü, mu methakeyi mi kerikenako sheri; 6Süsalü ukromiko (sazüjürako) thüma kra püngu kezü sheri vapülü mengosü, kekrolaco tsüdo sheri rhü balu vele humi sate. 7Süsalü James mengosü, mu apostelmiko metü sheri mengosü. 8Mu thelalü a sheri mengosü, pütü kemo lü (tümolüpü) menu keyio. 9Kekrelamori apostlemiko dolü kenitho, I apostle mile ziti cüsümo, kekrelamori I Jihova kehu methi tayo tila. 10Vele Jihova kelakeyi kekhrü la I tha hibi tate; mu pü kekhrü süo kemechü thi tamo vele I kekremiko ceri mhatho thi mekro kutate, siri I no mori Jihova kekhrü ayo keta thozo. 11Süla I sheri mu uko sheri hako zhopo thitayo mu neko melüyi.
Khrista rhülakesü kemele
12Mhace tsüdo Khrista kesalü rhüla sü keta uzhopo thita lize, neko dolü dipü bide rhüsalakesü bamo siti pota yola? 13Vele mhace kesami rhüla kesü di lize, size Khrista rhüla sü mote, 14Mhace Khrista rhüla sü mota lize, süsa uko zhopo kemechü kemerü tazo, mu neko kemelü sheri kemethu tazo. 15Ile, uko Jihova zhopo kethi kemedami ta zoto Jihova Khrista merhü sala sü mozo sheri uko Khrista merhü sala süte ziti zhopo thita ketala, sübi kesamiko rhülayi mote. 16Mhace kesami rhüla kesüdi ze süsa Khrista rhüla sü mote. 17Mu mhace Khrista rhüla sümo ta lize, nkemelü kemethu kemerü, neko ne kephoma lü bazolu. 18Süsa Khrista yolü tade zü ketakori kate. 19Mha ukerhülü lebi la ukemeri Khrista yo batisa, uko hesheherü phikemezhe kropü tazo.
Rhüla kesü zhoko
20Vele tsüdo ce Khrista rhüla sütazo, kesalü no, mu zükezülü rhüla kesü püse kera thoo. 21Kekrelamori thümala kesa vorita, mu kesalü rhüla keyi sheri vorita. 22Adam la kesa vori, metüyo sübi Khrista lano kesalü rhüla keyi thümayo vorite. 23Vele kehopü sheri utho uyo thezho püta: Khrista rase zhürao, süsalü Khrista yolü ketako pü sala vori tice. 24Süsa thelao vorito, pü Jihova kede rüvü phu mesü kesüce, uko Poo, pü thezho mikekhapü ketako, keku mu kemeco metü nüda kevasa; 25Kekrelamori püpo kede thita ketola, pü ngomumiko metü khapü püphekhro kedüva kemothe. 26Ngomu thelathoo meka ketoo sü kesaozo. 27Pü mha metü pü pü phekhro süve; vele mha metü kha pü khrosü vale po kebasü, pü lebi pü mesemengo sü, mha metü pü pükhro sü kevao tho. 28Mhametü kha pü khro sü kevao sa pü Nuo ri kha pükhro süsü, side Jihova po mhametü lü püpo süta ketola. 29Sizi kemosa uko dipü bi tata, saketako zalü jülopü keyiko, mhace kesami rhüla kesü dile zitaze? Dipüla uko kesami sülü jülopü ba? 30Uko dipüla bavüdo metülü kebükerü ba zota? 31I neko rechü keba Khrista Jisu la I ngoyi keta hio kenyo ti I Niepoo la tüsonha sasü tayo. 32Mhace thüma zholü I Ephesus lü khonukozü ketü kezhe keba, ala dipü kepra ba, mhace kesami rhüla kesü bamo zo lize? Uko mhati mu krazo bata khe, kekrelamori uko sodo sata teru. 33Mipo ukedova hikhe; mhapo kekri kesüla uzhokeveko jümerho vayo; 34Cosü kemezilü voyi khe, kephomathi hi, kekrelamori humi Jihova la thenga pü.
Rhüla kesüzho
35Vele humi kelüce, dipü bide kesamiko rhüla süta? Mu umo dipü hü bide vorita? 36Nekemeloko, neko rase so kesüko sata mode süri yomo. 37No so kesü uthi umo bi sosü, süo rase püzo, süo ata (teha) zori, mori ubete tsa kekre sheri. 38Vele Jihova pütho pünü pümedolü uthi umo thisü, mu rase sheri utho umo ne. 39Uthiko metü kemhamo, vele thüma thi kre, khonuko uthi kekre, fü (khu) sheri pü thikre, merasheri uthi kre. 40Tülü kehümi ri uthi upho kekrekre phrüzo, vele tülü kehü zapozale kethipü mu cejülü kehü zapozale kekrepü. 41Nace zapozale kethi ba, mu khre sheri zapozale ba, thenyü zapozale kekre püba, thenyüko sheri zapozale kekrekre phrüzo. 42Süla rhüla kesü kesamiko sheri sübi, cemu reta ketolü sosü, süo kece kere thi kemo lü rhü sü tato. 43Thechu therho kedilü sosü, süo merhü pü zapozale lü sü; kethathilü sasü, suo phu mesüpü kekulü sü. 44Uthi upho hülü zholü sosü, süo rüpü kehülü phu mesüyi; hülü zho uthi umo kehü ba, mu rüpü mo sheri ba. 45Thopü kemeta, thüma kerao Adam, thipü ukerhüro kenepü thisü, mu Adam thelao thimerhü pü rüpü thisü. 46Sisheri rüpü kehü süo theraomo vele hülü zho kehüo ra, süsalü rüpü kehüo vori. 47Thüma kerao cejülü mu cejü bi, mu thüma kenao tülü vori, Niepoo zo. 48Cejüo zhorele bi, cejülü vori, mu tülü kehüko tüyo zhorele thisü. 49Mu uko cejülü kehü hübi, uko sheri tülü kehüko hü thipü to. 50Tsühi, asazüjürako, I po keba, uthi umo khipü tülü kalü thiyi ho, Jihova kede ka yi yi ho; mori kamu dita keto (cemu reta keto) püvo cemu retayi keho kalü thiyi ho.
Kemelüko metü satso taho
51Hihe, I mha ketekhri tipü neko mese süto, uko metü zü taho; vele uko metü rede tato. 52Dopülü, umhü mhüphra kesü pülü, thecü kekhulü, thecü khusü ti tülü, kesamiko phu mesü pü ce mu retayi keholü sü vato, mu uko redetato. 53Kekrelamori cemu reta keto hio thipü cemu retayi keholü süva moze kesula, mu sata keto zhühio thipü sata keho zhü thisü moze kesula.
Kesa pi kukeyi thelao
54Süla cemu reta keto zhüo thipü cemu reta keho thisü, sata ketozhü thipü sata keho mo thisü, sizi keyice thopü kemeta jü, thitso yito, “süo poti”, kesao kukeyi po kesao mezo yita. 55O kesao ntha dipüce ba? O mhakhreo nokukeyi dipüce ba? 56Kesa thasü kephoma mu kephoma keku sü thezho. 57Vele Jihova meza pü uko Niepo Jisu yono keku khapü uko tsü sü kevala.
Kukeyi kelü süo thipü yitholü kesü
58Süla azüneko akekhrüko, tha melü yite, rede releta kemo, Niepoo mhatholü ukhashu kesü, neko seba metse Niepoo la ne mhatho thi kesüko kemethu thita mo zo tila.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.