CORINTHMIKO KÜRAO 14
14
Saju kepo mhaphrü kezhotho pü
1Mhakha miketsü kekhrü hu zote, mu rüpü mhaphrü menyü sayi zote, vele saju kepo neko phuyi te. 2Sekemo jü po keba thüma ce po bamo vele, siri pü rüpülü ketekhri ti jüpo ba. 3Vele saju kepo thüma ce poba püthi meve sü ketola, tarho kesü mu thelü tho melu kesü. 4Sekemo fü po keba pütho püthi meve ba, vele saju po kebao kehu thi meve keto la poba. 5I neko metüpo sekemo jüpo nyüzo süo ceri saju poti veku; kekrelamori pü saju kepoo jü sekemo kepoo ce zhoku tila, püco po kemese sü kemosa, mu kehu thi mevesü. 6Tsühi, azüneko, mhace I jüse kemo po de I neko ce vori, nekoce püco vacho sü kemo sa nekola dipü kemeve ba, mori mhase mori saju kepo mori zü keta thezhoko khi vori molize? 7Kerhü kediko zori ufüseyo, leli mori harp libüko, uko fü thi kemetse sü mo lize, dipü bide thefü seyi ta süo lelime mori harp libü sheri? 8Mhace thecü khu kemetse sümo lize sopü therila keredeyi veta? 9Sübi neko sekemojü popü mipo seyi keve thisü molize, dipü poba sheri seyi tome? Kekrelamori no popü tükhralü sü bate. 10Jükekro, thefü kekro cejü ba, süko püri uco kedi kethi bamo. 11Süla I püco mhace semo lize, I po kebao mhüjülü mhase kemomizo, mu mhapo kebao sheri amhüjülü mhase kemomi zo. 12Neko sübi rüpü mhaphrükola neko lü keni thiba zosheri, kehuce thi meveyi keto ve rekriti phuzo yite. 13Se kemojü kepoo sheri püco vachopü mice süyi ketola kecho thiyi te. 14Mhace I se kemojü kepomi pü lize a rüpü kechothi ba, vele akese kelülü ala kemeve ngoyi mo. 15Süsa dipü bi tata? I rüpülü kecho thito mu akese kelü lü sheri, I rüpülü tsale thito, mu amhase lü sheri I tsale thito. 16Kemosa no rüpülü kethezü khasü süce thethilü kebako nkepo semo lize dipü bide “Amen” zisü ta, no kemeza kha kesü semo talize? 17No kethezü khameve shusü zori, vele kekremiko thimevesü mote. 18I a Jihova meza, I neko metüko ceri sekemo jü po mekro ku ba yoti la. 19Siri kehucelü jüco püngu akeselü popü mi metha kesü no jü nyekeri sekemo jülü kepo ce veku. 20Asazüjürako ne mhakeselü natsimi thita hite; vele mithimesu tilü neko natsimi thite, vele mhaselü ne pethimi thite. 21Thezho lesilü thopü kemeta, thüma jükekre kepoko umü kekre ketiko I thüma hikoce jüpo süto, sizosheri uko afü renyiyi ho, Niepoo posüte. 22Süla jü kekrekepo zasi püzo, kemelü milamo, vele melü kemokola, vele saju kepojü kemelü lü ta kemoko khrühi yomo, vele kemelü miko la. 23Mhace kehukro metü tavo thethi pülü kemekroyi, de metü semo meyilüjüpo ta, mu sülü melü kemomi, mhase kemoko vori, uko nyo bate siti pota mo tome? 24Vele mhace metüko shaju pota, mita ukodolü vori melü kemo mori mhasekemomi, pü kelüce metüko pü mejo bata lizu mhalü tato. 25Mhahiko kemekhrü pü melülü thi kesü, mu püzü nekü tsü Jihova reshü tato, mu Jihova neko züta kethozo sizi tato. 26Dipü biti thiti mesü ta, azüneko? Neko tavo kengu keyice neko metü tsale ba, hülüzho koba, umeyilüjü ba, kehala kesüla, mu ucokepo ba; mha metü thi meve kesülü thite. 27Mhace humi sekemo jü poyo lize, mikena mori kekrotholü misü züde kebadolü mipüpo ufü kela kesü (uco kepo) thite. 28Vele uco kepo bamota lize püpo kehucelü kemekre thita te, pütho pü rethi mu pü Rüo zü kerethi batate. 29Saju kepo mikena mori misü pote, mu kekremiko po pütüme moshi lü süte. 30Mhace mhahu kehala prari ta lize, pükhüce kebako kerao po kemekre thi batate. 31Neko mi püpü de saju metüko poyi ve, side metüpo seyi ketola, mu metüpo thelü tho kemelu thisü ketola. 32Saju kepo rüpüko saju kepomiko füzüyo. 33Kekrelamori Jihova kebükerüti kekuomo, vele kezü keve, kemesamiko kehuce metülü. 34Thenomiko po kemekre thiba tate kehucelü, ukopo jüpo mori ve, vele uko jüzülü bayi te zisü, thezholü sheri popü metazo. 35Mhace uko mhahu seba lize, uko unopu neko ce mhaketso yite, celüno; kekrelamori thenomi kehucelü mhakepo kethenga püzo. 36Neko yo Jihova jü dipü voriba? Mori süo nlebi prari me? 37Mhace thüma humi utho ulüpü saju kepomi lezi, mori rüpü thüma le zi, püpo semu lü yite, I thopü neko ce kesü Niepoo apo thosü no ace kha kesü jüzo. 38Vele mhasekemomi po mhasemo zo bate. 39Sübi, asazüjürako saju kepo menyü sai zote, mu sekemo jü kepo sheri khalidü va hite. 40Mhametü kezüvelü mu pütüpüzholü thiyi te.
ទើបបានជ្រើសរើសហើយ៖
CORINTHMIKO KÜRAO 14: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.
CORINTHMIKO KÜRAO 14
14
Saju kepo mhaphrü kezhotho pü
1Mhakha miketsü kekhrü hu zote, mu rüpü mhaphrü menyü sayi zote, vele saju kepo neko phuyi te. 2Sekemo jü po keba thüma ce po bamo vele, siri pü rüpülü ketekhri ti jüpo ba. 3Vele saju kepo thüma ce poba püthi meve sü ketola, tarho kesü mu thelü tho melu kesü. 4Sekemo fü po keba pütho püthi meve ba, vele saju po kebao kehu thi meve keto la poba. 5I neko metüpo sekemo jüpo nyüzo süo ceri saju poti veku; kekrelamori pü saju kepoo jü sekemo kepoo ce zhoku tila, püco po kemese sü kemosa, mu kehu thi mevesü. 6Tsühi, azüneko, mhace I jüse kemo po de I neko ce vori, nekoce püco vacho sü kemo sa nekola dipü kemeve ba, mori mhase mori saju kepo mori zü keta thezhoko khi vori molize? 7Kerhü kediko zori ufüseyo, leli mori harp libüko, uko fü thi kemetse sü mo lize, dipü bide thefü seyi ta süo lelime mori harp libü sheri? 8Mhace thecü khu kemetse sümo lize sopü therila keredeyi veta? 9Sübi neko sekemojü popü mipo seyi keve thisü molize, dipü poba sheri seyi tome? Kekrelamori no popü tükhralü sü bate. 10Jükekro, thefü kekro cejü ba, süko püri uco kedi kethi bamo. 11Süla I püco mhace semo lize, I po kebao mhüjülü mhase kemomizo, mu mhapo kebao sheri amhüjülü mhase kemomi zo. 12Neko sübi rüpü mhaphrükola neko lü keni thiba zosheri, kehuce thi meveyi keto ve rekriti phuzo yite. 13Se kemojü kepoo sheri püco vachopü mice süyi ketola kecho thiyi te. 14Mhace I se kemojü kepomi pü lize a rüpü kechothi ba, vele akese kelülü ala kemeve ngoyi mo. 15Süsa dipü bi tata? I rüpülü kecho thito mu akese kelü lü sheri, I rüpülü tsale thito, mu amhase lü sheri I tsale thito. 16Kemosa no rüpülü kethezü khasü süce thethilü kebako nkepo semo lize dipü bide “Amen” zisü ta, no kemeza kha kesü semo talize? 17No kethezü khameve shusü zori, vele kekremiko thimevesü mote. 18I a Jihova meza, I neko metüko ceri sekemo jü po mekro ku ba yoti la. 19Siri kehucelü jüco püngu akeselü popü mi metha kesü no jü nyekeri sekemo jülü kepo ce veku. 20Asazüjürako ne mhakeselü natsimi thita hite; vele mithimesu tilü neko natsimi thite, vele mhaselü ne pethimi thite. 21Thezho lesilü thopü kemeta, thüma jükekre kepoko umü kekre ketiko I thüma hikoce jüpo süto, sizosheri uko afü renyiyi ho, Niepoo posüte. 22Süla jü kekrekepo zasi püzo, kemelü milamo, vele melü kemokola, vele saju kepojü kemelü lü ta kemoko khrühi yomo, vele kemelü miko la. 23Mhace kehukro metü tavo thethi pülü kemekroyi, de metü semo meyilüjüpo ta, mu sülü melü kemomi, mhase kemoko vori, uko nyo bate siti pota mo tome? 24Vele mhace metüko shaju pota, mita ukodolü vori melü kemo mori mhasekemomi, pü kelüce metüko pü mejo bata lizu mhalü tato. 25Mhahiko kemekhrü pü melülü thi kesü, mu püzü nekü tsü Jihova reshü tato, mu Jihova neko züta kethozo sizi tato. 26Dipü biti thiti mesü ta, azüneko? Neko tavo kengu keyice neko metü tsale ba, hülüzho koba, umeyilüjü ba, kehala kesüla, mu ucokepo ba; mha metü thi meve kesülü thite. 27Mhace humi sekemo jü poyo lize, mikena mori kekrotholü misü züde kebadolü mipüpo ufü kela kesü (uco kepo) thite. 28Vele uco kepo bamota lize püpo kehucelü kemekre thita te, pütho pü rethi mu pü Rüo zü kerethi batate. 29Saju kepo mikena mori misü pote, mu kekremiko po pütüme moshi lü süte. 30Mhace mhahu kehala prari ta lize, pükhüce kebako kerao po kemekre thi batate. 31Neko mi püpü de saju metüko poyi ve, side metüpo seyi ketola, mu metüpo thelü tho kemelu thisü ketola. 32Saju kepo rüpüko saju kepomiko füzüyo. 33Kekrelamori Jihova kebükerüti kekuomo, vele kezü keve, kemesamiko kehuce metülü. 34Thenomiko po kemekre thiba tate kehucelü, ukopo jüpo mori ve, vele uko jüzülü bayi te zisü, thezholü sheri popü metazo. 35Mhace uko mhahu seba lize, uko unopu neko ce mhaketso yite, celüno; kekrelamori thenomi kehucelü mhakepo kethenga püzo. 36Neko yo Jihova jü dipü voriba? Mori süo nlebi prari me? 37Mhace thüma humi utho ulüpü saju kepomi lezi, mori rüpü thüma le zi, püpo semu lü yite, I thopü neko ce kesü Niepoo apo thosü no ace kha kesü jüzo. 38Vele mhasekemomi po mhasemo zo bate. 39Sübi, asazüjürako saju kepo menyü sai zote, mu sekemo jü kepo sheri khalidü va hite. 40Mhametü kezüvelü mu pütüpüzholü thiyi te.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.