Loos 12
12
Ua Neej Kom Ua Tau Vajtswv Haujlwm
1Cov kwvtij, vim Vajtswv txoj kev tabncuab uas Nws tau muaj pub rau peb ntau kawg nkaus li, yogli ntawd, kuv thiaj thov kom nej muab nej lub cev ua ib qhov khoom fij uas ciajsia pub rau Vajtswv, uas yog dawbhuv, thiab haum Vajtswv siab. No thiajli yog nej txoj kev pehawm Vajtswv tseeb ntawm sab ntsujplig. 2Tsis txhob ua nej lub neej rawsli lub ntiajteb no tus qauv, tiamsis cia Vajtswv muab nej hloov dua tshiab uas yog hloov nej txoj kev xav, kom nej muaj peevxwm paub tau Vajtswv tus dejsiab hais tias dabtsi zoo, dabtsi haum Nws siab, thiab dabtsi yog qhov uas zoo tshajplaws.
3Vim txoj hmoovhlub uas Vajtswv tau muab pub rau kuv, kuv thiaj hais rau nej txhua tus hais tias: Tsis txhob muab nej tuskheej saib loj dhau qhov uas tsimnyog, tiamsis nej yuavtsum luj nej tuskheej kom zoo, ntsuas nej tuskheej rawsli txoj kev ntseeg uas Vajtswv tau muab rau nej lawm. 4Ntawm peb lub cev yeej muaj ntau yam los koom uake, thiab txhua yam ntawd nyias ua nyias haujlwm. #1Klt 12:12 5Ib yam nkaus li ntawd, txawm yog peb muaj coob leej los peb puavleej koom rau ntawm Khetos; tagnrho sawvdaws puavleej koom ua ib lub cev.
6Los ntawm Vajtswv txoj hmoovhlub, peb nyias tau txais nyias ib qhov khoomplig ntawm Vajtswv uas zoo tsis sibthooj. Tus uas tau qhov khoomplig qhia Vajtswv Txojlus, nws yuav tau qhia rawsli txoj kev ntseeg uas nws muaj; #1Klt 12:4-11 7tus uas tau qhov khoomplig pab haujlwm, nws yuav tau pab; tus uas tau qhov khoomplig ua tus qhia, nws yuav tau qhia; 8tus uas tau qhov khoomplig txhawb dagzog, nws yuav tau txhawb. Tus uas tau qhov khoomplig cev tau rau lwmtus, nws yuav tau cev los ntawm lub siab dawbpaug; tus uas tau qhov khoomplig ua thawjcoj, nws yuav tau ua tibzoo coj; tus uas tau qhov khoomplig tabncuab, nws yuav tau tabncuab los ntawm lub ntsejmuag luagntxhi.
9Kev hlub yuavtsum ncajncees tiag-tiag. Ntxub qhov phem, tiamsis tuav rawv qhov zoo. 10Nej ib leeg yuavtsum hlub ib leeg ib yam li kwvtij nyob rau hauv Khetos, thiab ib leeg yuavtsum hwm ib leeg. 11Yuavtsum rausiab ntso ua haujlwm tsis txhob tubnkeeg. Yuavtsum xyivfab hlo ua Vajtswv haujlwm. 12Cia nej txoj kev ciasiab ua rau nej zoosiab, ua siabntev thaum nej raug teebmeem, thiab thov Vajtswv txhua lub sijhawm. 13Muab tej uas nej muaj mus pab cov ntseeg uas txomnyem; thiab qhib nej lub vaj rau tej qhua uas taug kev tuaj tau so.
14Nej yuav tau thov Vajtswv foom koobhmoov rau cov neeg uas tsimtxom nej; thov kom Nws foom koobhmoov zoo rau lawv, tsis yog kom Nws foom phem rau lawv. #Math 5:44; Lukas 6:28 15Thaum muaj neeg zoosiab, nej ciali nrog lawv zoosiab; thaum muaj neeg quajntsuag, nej ciali nrog lawv quajntsuag. 16Nej yuavtsum ua neej haumxeeb nrog rau txhua tus. Tsis txhob khavtheeb, tiamsis txaussiab hlo nrog cov neeg uas tsis tseemceeb#12:16: txaussiab hlo nrog cov neeg uas tsis tseemceeb; lossis txaussiab hlo txais tes haujlwm uas tsis tseemceeb. koom uake. Tsis txhob xav tias nej yog neeg txawjntse. #Paj 3:7
17Tsis txhob ua phem pauj phem rau ib tug twg, tiamsis yuavtsum ua qhov uas sawvdaws pom tias yog qhov zoo xwb. 18Nej yuavtsum ua txhua yam ntawm nej feem kom nej nyob tau nrog sawvdaws sibhaum. 19Cov kwvtij, nej tsis txhob ua pauj rau luag, tiamsis cia qhov ntawd rau Vajtswv mamli ua, rauqhov Vajtswv Txojlus hais tias, “Kuv yog tus yuav ua pauj thiab Kuv yog tus yuav rautxim, tus Tswv hais li ntawd.” #2Kev 32:35 20Vajtswv Txojlus hais tias, “Yog nej tus yeebncuab tshaib plab, nej ciali muab mov rau nws noj; yog nws nqhis dej, nej ciali muab dej rau nws haus; yog nej ua li no yuav ua rau txoj kev txajmuag los kub nws.” #Paj 25:21-22 (LXX) 21Tsis txhob cia txoj kev phem kovyeej nej, tiamsis nej yuavtsum kovyeej txoj kev phem los ntawm txoj kev zoo.
ទើបបានជ្រើសរើសហើយ៖
Loos 12: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
