Malakaus 5
5
Yexus Kho Tus Txivneej Raug Dab
(Mathais 8:28-34; Lukas 8:26-39)
1Yexus thiab Nws cov thwjtim mus txog sab ntug Hiavtxwv Kalilais tim ub, uas yog cheebtsam Nkelaxas. 2Thaum Yexus tawm hauv lub nkoj los, tamsim ntawd muaj ib tug txivneej uas raug ib tug ntsujplig phem txawm tawm tom roob tojntxas los ntsib Nws. 3Tus txivneej no nyob tom tej roob tojntxas xwb, yeej tsis muaj leejtwg uas yuav khi tau nws li lawm, txawm yuav muab saw hlau khi los yeej tsis tau li. 4Lawv twb muab saw hlau khi nws tes nws taw ntau zaug lawm, tiamsis txhua zaus uas lawv khi nws, nws muab ntiag tu tas, thiab muab tej khawb hlau uas xauv nws kotaw lov tas. Tsis muaj leejtwg muajzog txaus uas yuav kovyeej nws li. 5Nws yos tashnub tashmo tom tojntxas thiab pem tej roob, nws pheej qw nrov-nrov thiab muab pobzeb hlais nws lub cev.
6Thaum nws pom Yexus tseem nyob deb tsawv, nws txawm khiav los txhoscaug ntua pe Yexus, 7thiab qw nrov-nrov hais tias, “Yexus uas yog Vajtswv tus muaj Hwjchim Tshajplaws tus Tub! Koj tuaj thab kuv ua dabtsi? Thov Koj coglus rau Vajtswv hais tias Koj yuav tsis tsimtxom kuv!” ( 8Nws hais li ntawd, rauqhov Yexus hais rau nws tias, “Tus niag ntsujplig phem, koj ciali tawm hauv tus txivneej no mus!”)
9Yexus nug nws hais tias, “Koj lub npe hu licas?”
Nws teb tias, “Kuv lub npe hu ua ‘Coob’ rauqhov peb muaj coob tus!” 10Nws txawm thov Yexus tsis tseg kom tsis txhob ntiab lawv tawm ntawm thaj chaw ntawd mus.
11Muaj ib pab npua coob-coob tabtom nrhiav noj ntawm ib nta toj. 12Cov ntsujplig phem ntawd txawm thov Yexus hais tias, “Xa peb mus rau ntawm pab npua thiab cia peb nkag mus nyob rau hauv pab npua ntawd.” 13Yexus txawm tso ncauj, ces cov ntsujplig phem txawm tawm hauv tus txivneej mus nkag rau pab npua. Tagnrho pab npua ntawd, kwvlam li ntawm 2,000 tus, txawm khiav ntawm lub tsag tsua mus poob rau hauv hiavtxwv thiab tuag tas huv tibsi.
14Cov neeg uas zov npua ntawd txawm khiav rovqab mus qhia tej ntawd rau cov neeg uas nyob hauv nroog thiab nraum tej zos uas nyob ibncig lub nroog, ces sawvdaws txawm tuaj saib tej xwmtxheej uas muaj ntawd. 15Thaum lawv tuaj txog ntawm Yexus, lawv pom tus txivneej uas raug ntau tus dab zaum ntawd twb hnav ristsho thiab feeb meej lawm, mas lawv ntshai kawg li. 16Cov neeg uas tau pom tej xwmtxheej ntawd txawm qhia txog tus txivneej uas raug dab thiab qhia txog pab npua ntawd rau sawvdaws mloog.
17Thaum sawvdaws hnov li ntawd, lawv txawm thov kom Yexus tawm hauv lawv li cheebtsam mus.
18Thaum Yexus tabtom nce rau hauv lub nkoj, tus txivneej uas raug dab txawm thov Yexus hais tias, “Thov cia kuv nrog Koj mus thiab!”
19Tiamsis Yexus tsis kheev, Yexus hais rau nws tias, “Koj ciali rovqab mus tsev, mus cuag koj tsev neeg thiab qhia rau lawv paub tias tus Tswv pab koj thiab tabncuab koj npaum licas.”
20Tus txivneej ntawd txawm mus qhia thoobplaws hauv lub xeev Dekapaulis txog tej uas Yexus tau pab nws lawm rau sawvdaws mloog, txhua tus uas hnov nws qhia xav tsis thoob li.
Yailaus Tus Ntxhais Thiab Tus Pojniam Uas Kov Yexus Tw Tsho
(Mathais 9:18-28; Lukas 8:40-56)
21Yexus txawm caij nkoj hla hiavtxwv rovqab mus rau sab tim ub. Muaj neeg coob-coob tuaj cuag Yexus ntawm ntug dej. 22Muaj ib tug txivneej hu ua Yailaus, uas yog tus saib haujlwm hauv lub tsev sablaj tuaj txog ntawd thiab. Nws pom dheev Yexus, nws txawm los txhoscaug ntua ntawm Yexus kotaw 23thiab thov Yexus hais tias, “Kuv tus ntxhais mob hnyav heev twb yuav tuag. Thov Koj mus tsa tes rau saum nws, nws thiaj yuav zoo thiab muaj sia nyob.”
24Yogli ntawd, Yexus thiaj nrog Yailaus mus. Muaj neeg coob-coob kuj nrog Yexus mus ua rau sib txiv qev.
25Muaj ib tug pojniam uas txomnyem kawg li vim nws mob nchuav cev tau kaum-ob lub xyoos. 26Txawm yog nws twb siv tagnrho nws tej nyiajtxiag thiab twb muaj ntau tus kws-khomob kho lawm los tsis zooli, nws tseem hajyam mob loj zujzus ntxiv xwb. 27Thaum tus pojniam ntawd hnov txog Yexus, ces nws txawm peem ntiag ntawm cov neeg coob-coob mus rau tom Yexus nrobqaum, 28rauqhov nws xav tias, “Yog kuv tau kov Nws tej khaubncaws, kuv tus mob yeej yuav zoo xwb.”
29Nws thiaj kov kiag Yexus lub tsho, tamsim ntawd ntshav txawm tunrho thiab nws mloog nws lub cev twb zoo mob lawm. 30Lub sijhawm ntawd Yexus paub tias hwjchim tawm hauv Nws mus lawm, Nws thiaj tig hlo mus nug cov neeg uas lawv Nws qab hais tias, “Leejtwg kov Kuv lub tsho?”
31Nws cov thwjtim teb tias, “Koj tsis pom tias muaj neeg coob ualuaj li no txiv Koj lov? Uacas Koj yuav nug hais tias, leejtwg kov Koj?”
32Tiamsis Yexus tseem pheej saib ncig pes lees rau tej neeg uas sawv ibncig ntawd seb yog leejtwg kov Nws. 33Tus pojniam ntawd paub tias nws tus mob zoo lawm, nws txawm txav zog los, nws ntshai ua ibce tsheehnyo, nws los txhoscaug ntua ntawm Yexus kotaw thiab qhia tseeb txog txhua yam rau Yexus. 34Yexus hais rau nws tias, “Mentxhais 'e, koj txoj kev ntseeg twb kho koj zoo lawm. Koj ciali mus kajsiab lug thiab tsis txhob muaj mob muaj nkeeg li no ntxiv lawm.”
35Thaum Yexus tseem tabtom hais li ntawd, txawm muaj ob-peb leeg tuaj tom Yailaus tsev tuaj hais rau Yailaus tias, “Koj tus ntxhais twb tuag lawm. Ua licas tseem yuav tabkaum Xibhwb ua dabtsi thiab?”
36Tiamsis Yexus tsis quavntsej#5:36: tsis quavntsej; lossis twb hnov txog. tej lus uas lawv hais ntawd, Yexus hais rau Yailaus hais tias, “Koj tsis txhob ntshai, ciali ntseeg xwb.” 37Yexus tsis pub lwmtus nrog Nws mus, Nws tsuas pub Petus, Yakaunpaus thiab Yakaunpaus tus kwv Yauhas nrog Nws mus xwb. 38Thaum lawv mus txog ntawm Yailaus tsev, Yexus pom sawvdaws ua ntxhov niab, thiab quaj-nyiav ntsoogqees hauv tsev. 39Yexus mus rau hauv tsev thiab hais rau sawvdaws tias, “Nej ua ntxhov niab thiab quaj ua dabtsi? Tus mentxhais no twb tsis tau tuag, nws tsuas yog tsaugzog xwb.”
40Lawv luag thiab thuam Yexus zomzaws, Yexus thiaj ntiab lawv tawm mus nraumzoov, ces Yexus txawm coj tus menyuam ntawd niam thiab txiv, thiab Yexus peb tus thwjtim nrog Nws mus rau hauv chav uas tus menyuam pw. 41Yexus mus tuav nkaus tus menyuam ntawd txhais tes thiab hais rau nws tias, “Talithas khum,” lolus ntawd txhais hais tias, “Mentxhais 'e, Kuv hais rau koj tias, ciali sawvtsees!”
42Tamsim ntawd tus mentxhais txawm sawvtsees thiab mus kev. (Nws hnubnyoog muaj kaum-ob xyoos.) Thaum pom li ntawd sawvdaws xav tsis thoob li. 43Tiamsis Yexus txwv tawv-tawv rau lawv kom tsis txhob mus qhia zaj no rau leejtwg, thiab Nws hais kom lawv mus muab zaub-mov los rau tus mentxhais ntawd noj.
ទើបបានជ្រើសរើសហើយ៖
Malakaus 5: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Malakaus 5
5
Yexus Kho Tus Txivneej Raug Dab
(Mathais 8:28-34; Lukas 8:26-39)
1Yexus thiab Nws cov thwjtim mus txog sab ntug Hiavtxwv Kalilais tim ub, uas yog cheebtsam Nkelaxas. 2Thaum Yexus tawm hauv lub nkoj los, tamsim ntawd muaj ib tug txivneej uas raug ib tug ntsujplig phem txawm tawm tom roob tojntxas los ntsib Nws. 3Tus txivneej no nyob tom tej roob tojntxas xwb, yeej tsis muaj leejtwg uas yuav khi tau nws li lawm, txawm yuav muab saw hlau khi los yeej tsis tau li. 4Lawv twb muab saw hlau khi nws tes nws taw ntau zaug lawm, tiamsis txhua zaus uas lawv khi nws, nws muab ntiag tu tas, thiab muab tej khawb hlau uas xauv nws kotaw lov tas. Tsis muaj leejtwg muajzog txaus uas yuav kovyeej nws li. 5Nws yos tashnub tashmo tom tojntxas thiab pem tej roob, nws pheej qw nrov-nrov thiab muab pobzeb hlais nws lub cev.
6Thaum nws pom Yexus tseem nyob deb tsawv, nws txawm khiav los txhoscaug ntua pe Yexus, 7thiab qw nrov-nrov hais tias, “Yexus uas yog Vajtswv tus muaj Hwjchim Tshajplaws tus Tub! Koj tuaj thab kuv ua dabtsi? Thov Koj coglus rau Vajtswv hais tias Koj yuav tsis tsimtxom kuv!” ( 8Nws hais li ntawd, rauqhov Yexus hais rau nws tias, “Tus niag ntsujplig phem, koj ciali tawm hauv tus txivneej no mus!”)
9Yexus nug nws hais tias, “Koj lub npe hu licas?”
Nws teb tias, “Kuv lub npe hu ua ‘Coob’ rauqhov peb muaj coob tus!” 10Nws txawm thov Yexus tsis tseg kom tsis txhob ntiab lawv tawm ntawm thaj chaw ntawd mus.
11Muaj ib pab npua coob-coob tabtom nrhiav noj ntawm ib nta toj. 12Cov ntsujplig phem ntawd txawm thov Yexus hais tias, “Xa peb mus rau ntawm pab npua thiab cia peb nkag mus nyob rau hauv pab npua ntawd.” 13Yexus txawm tso ncauj, ces cov ntsujplig phem txawm tawm hauv tus txivneej mus nkag rau pab npua. Tagnrho pab npua ntawd, kwvlam li ntawm 2,000 tus, txawm khiav ntawm lub tsag tsua mus poob rau hauv hiavtxwv thiab tuag tas huv tibsi.
14Cov neeg uas zov npua ntawd txawm khiav rovqab mus qhia tej ntawd rau cov neeg uas nyob hauv nroog thiab nraum tej zos uas nyob ibncig lub nroog, ces sawvdaws txawm tuaj saib tej xwmtxheej uas muaj ntawd. 15Thaum lawv tuaj txog ntawm Yexus, lawv pom tus txivneej uas raug ntau tus dab zaum ntawd twb hnav ristsho thiab feeb meej lawm, mas lawv ntshai kawg li. 16Cov neeg uas tau pom tej xwmtxheej ntawd txawm qhia txog tus txivneej uas raug dab thiab qhia txog pab npua ntawd rau sawvdaws mloog.
17Thaum sawvdaws hnov li ntawd, lawv txawm thov kom Yexus tawm hauv lawv li cheebtsam mus.
18Thaum Yexus tabtom nce rau hauv lub nkoj, tus txivneej uas raug dab txawm thov Yexus hais tias, “Thov cia kuv nrog Koj mus thiab!”
19Tiamsis Yexus tsis kheev, Yexus hais rau nws tias, “Koj ciali rovqab mus tsev, mus cuag koj tsev neeg thiab qhia rau lawv paub tias tus Tswv pab koj thiab tabncuab koj npaum licas.”
20Tus txivneej ntawd txawm mus qhia thoobplaws hauv lub xeev Dekapaulis txog tej uas Yexus tau pab nws lawm rau sawvdaws mloog, txhua tus uas hnov nws qhia xav tsis thoob li.
Yailaus Tus Ntxhais Thiab Tus Pojniam Uas Kov Yexus Tw Tsho
(Mathais 9:18-28; Lukas 8:40-56)
21Yexus txawm caij nkoj hla hiavtxwv rovqab mus rau sab tim ub. Muaj neeg coob-coob tuaj cuag Yexus ntawm ntug dej. 22Muaj ib tug txivneej hu ua Yailaus, uas yog tus saib haujlwm hauv lub tsev sablaj tuaj txog ntawd thiab. Nws pom dheev Yexus, nws txawm los txhoscaug ntua ntawm Yexus kotaw 23thiab thov Yexus hais tias, “Kuv tus ntxhais mob hnyav heev twb yuav tuag. Thov Koj mus tsa tes rau saum nws, nws thiaj yuav zoo thiab muaj sia nyob.”
24Yogli ntawd, Yexus thiaj nrog Yailaus mus. Muaj neeg coob-coob kuj nrog Yexus mus ua rau sib txiv qev.
25Muaj ib tug pojniam uas txomnyem kawg li vim nws mob nchuav cev tau kaum-ob lub xyoos. 26Txawm yog nws twb siv tagnrho nws tej nyiajtxiag thiab twb muaj ntau tus kws-khomob kho lawm los tsis zooli, nws tseem hajyam mob loj zujzus ntxiv xwb. 27Thaum tus pojniam ntawd hnov txog Yexus, ces nws txawm peem ntiag ntawm cov neeg coob-coob mus rau tom Yexus nrobqaum, 28rauqhov nws xav tias, “Yog kuv tau kov Nws tej khaubncaws, kuv tus mob yeej yuav zoo xwb.”
29Nws thiaj kov kiag Yexus lub tsho, tamsim ntawd ntshav txawm tunrho thiab nws mloog nws lub cev twb zoo mob lawm. 30Lub sijhawm ntawd Yexus paub tias hwjchim tawm hauv Nws mus lawm, Nws thiaj tig hlo mus nug cov neeg uas lawv Nws qab hais tias, “Leejtwg kov Kuv lub tsho?”
31Nws cov thwjtim teb tias, “Koj tsis pom tias muaj neeg coob ualuaj li no txiv Koj lov? Uacas Koj yuav nug hais tias, leejtwg kov Koj?”
32Tiamsis Yexus tseem pheej saib ncig pes lees rau tej neeg uas sawv ibncig ntawd seb yog leejtwg kov Nws. 33Tus pojniam ntawd paub tias nws tus mob zoo lawm, nws txawm txav zog los, nws ntshai ua ibce tsheehnyo, nws los txhoscaug ntua ntawm Yexus kotaw thiab qhia tseeb txog txhua yam rau Yexus. 34Yexus hais rau nws tias, “Mentxhais 'e, koj txoj kev ntseeg twb kho koj zoo lawm. Koj ciali mus kajsiab lug thiab tsis txhob muaj mob muaj nkeeg li no ntxiv lawm.”
35Thaum Yexus tseem tabtom hais li ntawd, txawm muaj ob-peb leeg tuaj tom Yailaus tsev tuaj hais rau Yailaus tias, “Koj tus ntxhais twb tuag lawm. Ua licas tseem yuav tabkaum Xibhwb ua dabtsi thiab?”
36Tiamsis Yexus tsis quavntsej#5:36: tsis quavntsej; lossis twb hnov txog. tej lus uas lawv hais ntawd, Yexus hais rau Yailaus hais tias, “Koj tsis txhob ntshai, ciali ntseeg xwb.” 37Yexus tsis pub lwmtus nrog Nws mus, Nws tsuas pub Petus, Yakaunpaus thiab Yakaunpaus tus kwv Yauhas nrog Nws mus xwb. 38Thaum lawv mus txog ntawm Yailaus tsev, Yexus pom sawvdaws ua ntxhov niab, thiab quaj-nyiav ntsoogqees hauv tsev. 39Yexus mus rau hauv tsev thiab hais rau sawvdaws tias, “Nej ua ntxhov niab thiab quaj ua dabtsi? Tus mentxhais no twb tsis tau tuag, nws tsuas yog tsaugzog xwb.”
40Lawv luag thiab thuam Yexus zomzaws, Yexus thiaj ntiab lawv tawm mus nraumzoov, ces Yexus txawm coj tus menyuam ntawd niam thiab txiv, thiab Yexus peb tus thwjtim nrog Nws mus rau hauv chav uas tus menyuam pw. 41Yexus mus tuav nkaus tus menyuam ntawd txhais tes thiab hais rau nws tias, “Talithas khum,” lolus ntawd txhais hais tias, “Mentxhais 'e, Kuv hais rau koj tias, ciali sawvtsees!”
42Tamsim ntawd tus mentxhais txawm sawvtsees thiab mus kev. (Nws hnubnyoog muaj kaum-ob xyoos.) Thaum pom li ntawd sawvdaws xav tsis thoob li. 43Tiamsis Yexus txwv tawv-tawv rau lawv kom tsis txhob mus qhia zaj no rau leejtwg, thiab Nws hais kom lawv mus muab zaub-mov los rau tus mentxhais ntawd noj.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.