Levis Kevcai 7
7
Fij Khoom Daws Kev Txhaum
1“Ntawm no yog tej kevcai rau kev fij khoom daws kev txhaum uas yog cov khoom dawbhuv kawg nkaus. 2Muab tus tsiaj uas fij daws kev txhaum ntawd tua rau ntawm lub thaj sab ped uas yog qhov chaw tua tej tsiaj hlawv ua khoom fij, thiab muab cov ntshav coj mus nchuav ywg thoobplaws lub thaj ntawd plaub sab huv tibsi. 3Muab cov roj luas kom tag coj mus fij rau saum lub thaj, tus kotw uas rog-rog, tej npluag roj uas npog tej plab hnyuv thiab siab-ntsws, 4ob lub raum thiab tej npluag roj uas npog ob lub raum, thiab nplais siab uas zoo tshajplaws. 5Tus povthawj hlob yuavtsum muab tagnrho cov nqaij rog coj mus hlawv rau saum lub thaj ua khoom noj fij rau tus TSWV. Nov yog txoj kev uas daws kev txhaum. 6Txhua tus txivneej uas yog cov povthawj hlob tsev neeg muaj cai noj tau cov nqaij ntawd, tiamsis yuavtsum yog noj nyob rau hauv chav dawbhuv xwb, rauqhov tus tsiaj ntawd yog yam khoom dawbhuv kawg nkaus.
7“Muaj ib txoj kevcai uas siv rau kev fij khoom daws kev txhaum thiab zamtxim: tus povthawj hlob twg yog tus fij tus tsiaj theej txhoj, ces cov nqaij ntawd yog nws tug. 8Tus tsiaj uas coj tuaj tua hlawv ua khoom fij ntawd, daim tawv los yog tus povthawj hlob uas hlawv tus tsiaj ntawd tug thiab. 9Txhua yam qoobloo uas muab puab ua ncuav cub hauv qhovtxos lossis cub hauv laujkaub lossis kib hauv yias uas coj mus ua khoom fij, tus povthawj hlob twg fij tej ncuav ntawd rau Vajtswv, cov ncuav ntawd puavleej yog nws tug. 10Tiamsis tagnrho cov hmoov nplej uas tsis tau muab cub coj mus ua khoom fij, txawm yog muab zuaj xyaw roj lossis tseem ua hmoov qhuav los yeej yog Aloos cov tub uas yog ua cov povthawj hlob tug, thiab yuavtsum muab faib kom sibnpaug zos rau lawv.
Fij Khoom Ua Kev Sib Raugzoo
11“Ntawm no yog tej kevcai rau kev fij khoom ua kev sib raugzoo uas yog muab fij rau tus TSWV. 12Yog ib tug twg muab khoom mus fij ua Vajtswv tsaug, nws yuavtsum muab ib tug tsiaj nrog rau tej ncuav tsis xyaw keeb li nram no mus fij: cov ncuav tuab uas zuaj xyaw roj txivntoo, cov ncuav nyias uas muab roj txivntoo pleev rau saud, thiab cov ncuav hmoov nplej mos uas muab zuaj xyaw roj txivntoo. 13Dua li ntawd, nws yuavtsum muab tej ncuav uas zuaj xyaw keeb lawm los fij ntxiv rau thiab. 14Nws yuavtsum muab cov ncuav ntawd ib yam ib lub coj mus fij rau tus TSWV; cov ncuav ntawd yog tus povthawj hlob uas coj cov ntshav tsiaj mus nchos rau lub thaj tug. 15Tus tsiaj cov nqaij yuavtsum tau noj kom tag rau hnub uas fij tus tsiaj ntawd, tsis pub kom tshuav ib qho nqaij seem mus txog tagkis sawvntxov.
16“Tiamsis yog ib tug twg coj khoom tuaj fij ua kev sib raugzoo rawsli nws tau coglus tseg lossis rawsli nws txoj kev txaussiab; ciali muab tus tsiaj uas coj tuaj tua fij ntawd noj rau hnub ntawd, tiamsis yog noj tsis tag, los hnub tomqab mamli muab rov los noj los tau. 17Tej nqaij uas seem, hnub thib peb yuavtsum muab coj mus hlawv povtseg. 18Yog leejtwg tseem noj tus tsiaj ntawd tej nqaij txog hnub thib peb, Vajtswv yuav tsis txais yuav nws tej khoom fij. Tej khoom fij ntawd yuav tsis suav ua nws tug, tiamsis Vajtswv yuav muab suav ua cov khoom fij uas tsis huv; yog leejtwg noj, nws yuav tau ris lub txim ntawd. 19Yog tej nqaij ntawd chwv raug tej yam uas tsis huv, yuavtsum tsis txhob noj, tiamsis ciali muab hlawv povtseg.
“Txhua tus uas yog neeg huv rawsli kevcai lawm muaj cai noj tau cov nqaij ntawd, 20tiamsis yog tus uas tsis huv es ciali noj tus tsiaj uas fij ua kev sib raugzoo nrog tus TSWV lawm, yuavtsum muab tus ntawd rho tawm ntawm Vajtswv haivneeg mus. 21Yog leejtwg noj tej nqaij ua khoom fij tomqab uas nws mus tuav tej yam tsis huv, tsis hais neeg lossis tsiaj, yuavtsum muab nws rho tawm ntawm Vajtswv haivneeg mus.”
22Tus TSWV hais rau Mauxes tias, 23“Koj hais rau cov Yixalayees hais tias: Tsis txhob noj tej roj nyuj, roj yaj lossis roj tshis hlo li. 24Tsis txhob noj tej roj tsiaj uas ciali tuag lossis raug tsiaj qus tom tuag, tiamsis cia siv ua lwmyam los tau. 25Yog leejtwg noj tej roj ntawm tus tsiaj uas muab tua hlawv fij rau tus TSWV lawm, yuavtsum muab tus ntawd rho tawm ntawm Vajtswv haivneeg mus. 26Txawm yog cov Yixalayees nyob qhovtwg los xij, txwv tunrho tsis pub muab ntshav noog lossis ntshav tsiaj los ua zaub noj. #Chiv 9:4; Levi 17:10-14; 19:26; 2Kev 12:16, 23; 15:23 27Yog leejtwg hla txojcai no, yuavtsum muab nws rho tawm ntawm Vajtswv haivneeg mus.”
28Tus TSWV hais rau Mauxes tias, 29“Koj hais rau cov Yixalayees tias: Yog leejtwg muab khoom mus fij ua kev sib raugzoo rau tus TSWV, nws yuavtsum nqa ib feem uas yog ua khoomplig tshwjxeeb mus fij rau tus TSWV, 30uas yog nqa los ntawm nws txhais tes coj mus hlawv rau tus TSWV. Nws yuavtsum nqa tus tsiaj ntawd cov roj nrog lub hauvnrob mus fij ua ib yam khoom tshwjxeeb rau tus TSWV. 31Tus povthawj hlob yuavtsum muab cov roj ntawd hlawv rau saum lub thaj, tiamsis muab lub hauvnrob rau Aloos thiab Aloos cov tub. 32Tus tsiaj ntawd cesqab sab xis yog muab pub ua tshwjxeeb 33rau tus povthawj hlob uas yog Aloos tus tub uas muab cov ntshav thiab tej roj fij ua kev sib raugzoo ntawd. 34Tus tsiaj ntawd lub hauvnrob thiab cesqab sab xis yog yam khoom tshwjxeeb uas tus TSWV tau muab los ntawm cov neeg Yixalayees rau tus povthawj hlob Aloos thiab nws cov tub. Cov Yixalayees yuavtsum muab li no rau cov povthawj hlob ib tiam rau ib tiam mus li.”
35Qhov no yog ib feem ntawm cov khoom uas fij rau tus TSWV uas tau muab rau Aloos thiab nws cov tub, txij hnub uas tsa lawv ua povthawj hlob mus. 36Txij hnub ntawd los tus TSWV thiaj xaaj kom cov Yixalayees yuavtsum muab ib feem ntawm cov khoom no rau lawv. Txoj kevcai no cov Yixalayees yuavtsum coj ib tiam rau ib tiam mus li.
37Cov no yog tej kevcai rau kev hlawv khoom fij, fij tej qoobloo, fij khoom daws txim, fij khoom zam kev txhaum, fij khoom ua kevcai tsa povthawj hlob, thiab fij khoom ua kev sib raugzoo. 38Cov lus uas tus TSWV xaaj rau Mauxes no yog nyob rau saum Roob Xinais hnub uas nws kom cov Yixalayees nqa khoom tuaj fij rau tus TSWV nyob nram tiaj suabpuam.
ទើបបានជ្រើសរើសហើយ៖
Levis Kevcai 7: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Levis Kevcai 7
7
Fij Khoom Daws Kev Txhaum
1“Ntawm no yog tej kevcai rau kev fij khoom daws kev txhaum uas yog cov khoom dawbhuv kawg nkaus. 2Muab tus tsiaj uas fij daws kev txhaum ntawd tua rau ntawm lub thaj sab ped uas yog qhov chaw tua tej tsiaj hlawv ua khoom fij, thiab muab cov ntshav coj mus nchuav ywg thoobplaws lub thaj ntawd plaub sab huv tibsi. 3Muab cov roj luas kom tag coj mus fij rau saum lub thaj, tus kotw uas rog-rog, tej npluag roj uas npog tej plab hnyuv thiab siab-ntsws, 4ob lub raum thiab tej npluag roj uas npog ob lub raum, thiab nplais siab uas zoo tshajplaws. 5Tus povthawj hlob yuavtsum muab tagnrho cov nqaij rog coj mus hlawv rau saum lub thaj ua khoom noj fij rau tus TSWV. Nov yog txoj kev uas daws kev txhaum. 6Txhua tus txivneej uas yog cov povthawj hlob tsev neeg muaj cai noj tau cov nqaij ntawd, tiamsis yuavtsum yog noj nyob rau hauv chav dawbhuv xwb, rauqhov tus tsiaj ntawd yog yam khoom dawbhuv kawg nkaus.
7“Muaj ib txoj kevcai uas siv rau kev fij khoom daws kev txhaum thiab zamtxim: tus povthawj hlob twg yog tus fij tus tsiaj theej txhoj, ces cov nqaij ntawd yog nws tug. 8Tus tsiaj uas coj tuaj tua hlawv ua khoom fij ntawd, daim tawv los yog tus povthawj hlob uas hlawv tus tsiaj ntawd tug thiab. 9Txhua yam qoobloo uas muab puab ua ncuav cub hauv qhovtxos lossis cub hauv laujkaub lossis kib hauv yias uas coj mus ua khoom fij, tus povthawj hlob twg fij tej ncuav ntawd rau Vajtswv, cov ncuav ntawd puavleej yog nws tug. 10Tiamsis tagnrho cov hmoov nplej uas tsis tau muab cub coj mus ua khoom fij, txawm yog muab zuaj xyaw roj lossis tseem ua hmoov qhuav los yeej yog Aloos cov tub uas yog ua cov povthawj hlob tug, thiab yuavtsum muab faib kom sibnpaug zos rau lawv.
Fij Khoom Ua Kev Sib Raugzoo
11“Ntawm no yog tej kevcai rau kev fij khoom ua kev sib raugzoo uas yog muab fij rau tus TSWV. 12Yog ib tug twg muab khoom mus fij ua Vajtswv tsaug, nws yuavtsum muab ib tug tsiaj nrog rau tej ncuav tsis xyaw keeb li nram no mus fij: cov ncuav tuab uas zuaj xyaw roj txivntoo, cov ncuav nyias uas muab roj txivntoo pleev rau saud, thiab cov ncuav hmoov nplej mos uas muab zuaj xyaw roj txivntoo. 13Dua li ntawd, nws yuavtsum muab tej ncuav uas zuaj xyaw keeb lawm los fij ntxiv rau thiab. 14Nws yuavtsum muab cov ncuav ntawd ib yam ib lub coj mus fij rau tus TSWV; cov ncuav ntawd yog tus povthawj hlob uas coj cov ntshav tsiaj mus nchos rau lub thaj tug. 15Tus tsiaj cov nqaij yuavtsum tau noj kom tag rau hnub uas fij tus tsiaj ntawd, tsis pub kom tshuav ib qho nqaij seem mus txog tagkis sawvntxov.
16“Tiamsis yog ib tug twg coj khoom tuaj fij ua kev sib raugzoo rawsli nws tau coglus tseg lossis rawsli nws txoj kev txaussiab; ciali muab tus tsiaj uas coj tuaj tua fij ntawd noj rau hnub ntawd, tiamsis yog noj tsis tag, los hnub tomqab mamli muab rov los noj los tau. 17Tej nqaij uas seem, hnub thib peb yuavtsum muab coj mus hlawv povtseg. 18Yog leejtwg tseem noj tus tsiaj ntawd tej nqaij txog hnub thib peb, Vajtswv yuav tsis txais yuav nws tej khoom fij. Tej khoom fij ntawd yuav tsis suav ua nws tug, tiamsis Vajtswv yuav muab suav ua cov khoom fij uas tsis huv; yog leejtwg noj, nws yuav tau ris lub txim ntawd. 19Yog tej nqaij ntawd chwv raug tej yam uas tsis huv, yuavtsum tsis txhob noj, tiamsis ciali muab hlawv povtseg.
“Txhua tus uas yog neeg huv rawsli kevcai lawm muaj cai noj tau cov nqaij ntawd, 20tiamsis yog tus uas tsis huv es ciali noj tus tsiaj uas fij ua kev sib raugzoo nrog tus TSWV lawm, yuavtsum muab tus ntawd rho tawm ntawm Vajtswv haivneeg mus. 21Yog leejtwg noj tej nqaij ua khoom fij tomqab uas nws mus tuav tej yam tsis huv, tsis hais neeg lossis tsiaj, yuavtsum muab nws rho tawm ntawm Vajtswv haivneeg mus.”
22Tus TSWV hais rau Mauxes tias, 23“Koj hais rau cov Yixalayees hais tias: Tsis txhob noj tej roj nyuj, roj yaj lossis roj tshis hlo li. 24Tsis txhob noj tej roj tsiaj uas ciali tuag lossis raug tsiaj qus tom tuag, tiamsis cia siv ua lwmyam los tau. 25Yog leejtwg noj tej roj ntawm tus tsiaj uas muab tua hlawv fij rau tus TSWV lawm, yuavtsum muab tus ntawd rho tawm ntawm Vajtswv haivneeg mus. 26Txawm yog cov Yixalayees nyob qhovtwg los xij, txwv tunrho tsis pub muab ntshav noog lossis ntshav tsiaj los ua zaub noj. #Chiv 9:4; Levi 17:10-14; 19:26; 2Kev 12:16, 23; 15:23 27Yog leejtwg hla txojcai no, yuavtsum muab nws rho tawm ntawm Vajtswv haivneeg mus.”
28Tus TSWV hais rau Mauxes tias, 29“Koj hais rau cov Yixalayees tias: Yog leejtwg muab khoom mus fij ua kev sib raugzoo rau tus TSWV, nws yuavtsum nqa ib feem uas yog ua khoomplig tshwjxeeb mus fij rau tus TSWV, 30uas yog nqa los ntawm nws txhais tes coj mus hlawv rau tus TSWV. Nws yuavtsum nqa tus tsiaj ntawd cov roj nrog lub hauvnrob mus fij ua ib yam khoom tshwjxeeb rau tus TSWV. 31Tus povthawj hlob yuavtsum muab cov roj ntawd hlawv rau saum lub thaj, tiamsis muab lub hauvnrob rau Aloos thiab Aloos cov tub. 32Tus tsiaj ntawd cesqab sab xis yog muab pub ua tshwjxeeb 33rau tus povthawj hlob uas yog Aloos tus tub uas muab cov ntshav thiab tej roj fij ua kev sib raugzoo ntawd. 34Tus tsiaj ntawd lub hauvnrob thiab cesqab sab xis yog yam khoom tshwjxeeb uas tus TSWV tau muab los ntawm cov neeg Yixalayees rau tus povthawj hlob Aloos thiab nws cov tub. Cov Yixalayees yuavtsum muab li no rau cov povthawj hlob ib tiam rau ib tiam mus li.”
35Qhov no yog ib feem ntawm cov khoom uas fij rau tus TSWV uas tau muab rau Aloos thiab nws cov tub, txij hnub uas tsa lawv ua povthawj hlob mus. 36Txij hnub ntawd los tus TSWV thiaj xaaj kom cov Yixalayees yuavtsum muab ib feem ntawm cov khoom no rau lawv. Txoj kevcai no cov Yixalayees yuavtsum coj ib tiam rau ib tiam mus li.
37Cov no yog tej kevcai rau kev hlawv khoom fij, fij tej qoobloo, fij khoom daws txim, fij khoom zam kev txhaum, fij khoom ua kevcai tsa povthawj hlob, thiab fij khoom ua kev sib raugzoo. 38Cov lus uas tus TSWV xaaj rau Mauxes no yog nyob rau saum Roob Xinais hnub uas nws kom cov Yixalayees nqa khoom tuaj fij rau tus TSWV nyob nram tiaj suabpuam.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.