Levis Kevcai 6
6
1Tus TSWV hais rau Mauxes tias, #Teev 5:5-8 2“Yog leejtwg ua txhaum thiab ua tsis ncaj rau tus TSWV uas yog tsis kam thim tej khoom uas ib tug kwvtij zejzog coj tuaj rau nws pab khaws tseg ua kev yuam nqi lossis ciali nyiag luag tug lossis ciali txhav luag tug 3lossis nws twb pom luag ib yam khoom uas ploj lawm los nws tseem dag thiab twv ntxhias hais tias nws tsis pom li. 4-5Yog thaum leejtwg ua txhaum li hais no, nws yuavtsum muab tej uas nws tau los ntawm qhov uas ua tsis ncaj ntawd xa rovqab. Hnub uas paub tias nws tau nyiag lawm tiag, nws yuavtsum thim cov khoom ntawd kom puvntoob rovqab rau tus tswv, thiab ntxiv neesnkaum feem pua rau. 6Nws yuavtsum coj ib tug laug yaj lossis laug tshis uas tsis muaj ib qho phem li mus rau tus povthawj hlob muab fij rau tus TSWV daws nws tej kev txhaum. Tus tsiaj ntawd yuavtsum ntaus nqi kom rawsli nomtswv kevcai. 7Tus povthawj hlob yuavtsum muab tus tsiaj ntawd fij daws tus neeg ntawd txoj kev txhaum, kom nws lub txim thiaj yuav raug zam.”
Hlawv Tagnrho Tej Khoom Fij
8Tus TSWV hais rau Mauxes tias, 9“Muab tej kevcai hlawv khoom fij li nram no qhia rau Aloos thiab nws cov tub. Yam khoom uas muab hlawv fij ntawd yuavtsum cia nyob rau saum lub thaj ib hmos kajntug plaws, thiab lub cubtawg los yuavtsum cia cig tsis pub tuag li. 10Ces tus povthawj hlob hnav nws lub tsho ntaub mag ntev thiab lub ris ntaub mag luv, mam mus muab cov tshauv saum lub thaj yawm thiab muab tso rau ntawm lub thaj ib sab. 11Ces nws mamli hloov nws cev ristsho thiab coj cov tshauv mus nchuav rau ntawm qhov chaw dawbhuv uas nyob sabnraum ntug yeej. 12Cov taws saum lub thaj yuavtsum rauv kom cig tsis txhob pub tuag li. Txhua tagkis sawvntxov tus povthawj hlob yuavtsum tuaj muab taws rauv ntxiv rau, thiab muab tej khoom fij thiab tej nqaij rog coj mus hlawv rau saud fij ua kev sib raugzoo. 13Lub cubtawg saum lub thaj mas yuavtsum cia cig tsis txhob pub tuag li.
Fij Tej Qoobloo
14“Ntawm no mus yog tej kevcai uas fij tej qoobloo. Aloos cov tub uas yog cov povthawj hlob yuavtsum muab tej qoobloo mus fij tabmeeg rau tus TSWV ntawm lub thaj hauvntej. 15Tus povthawj hlob muab ib phoovtes hmoov nplej thiab roj, thiab muab hmoov tshuaj tswqab nphoo rau saum cov hmoov nplej thiab coj mus hlawv rau saum lub thaj kom tswqab ntxiag rau tus TSWV txaussiab heev. 16-17Aloos thiab nws cov tub yuav noj cov ncuav tsis xyaw keeb uas seem nyob rau hauv chav dawbhuv, uas yog ntawm lub tshavloog hauv lub Tsevntaub Sibntsib. Tsis txhob muab keeb xyaw cov ncuav ntawd, rauqhov yog cov uas tus TSWV muab rau cov povthawj hlob ua lawv tug siv ua khoom noj fij rau tus TSWV. Nws yog ib yam khoom dawbhuv li cov khoom fij daws txim thiab daws kev txhaum. 18Txhua tus txivneej uas yog Aloos cajces thiaj muaj cai noj tau tej zaub-mov uas coj tuaj fij rau tus TSWV ntawd, ib tiam rau ib tiam mus li. Yog leejtwg mus chwv tej khoom noj uas muab fij ntawd, yuav ua rau tus ntawd dawbhuv.”
19Tus TSWV hais rau Mauxes tias, 20“Aloos thiab nws cov tub yuavtsum nqa khoom mus fij rau tus TSWV, hnub uas ua kevcai tsa nws ua povthawj hlob. Nws yuavtsum nqa 1 kilus hmoov nplej mus ua khoom fij rau tus TSWV (kom sibnpaug zos li tej hmoov nplej uas lawv niajhnub coj mus fij rau tus TSWV), muab ibnrab fij rau thaum sawvntxov thiab ibnrab fij rau thaum tsausntuj. 21Muab zuaj xyaw roj thiab coj mus kib hauv yias, thaum tawgpaj lawm mam coj mus ua khoom fij, kom tej pa tswqab ntxiag ua rau tus TSWV txaussiab. 22Aloos cajces txhua tus uas ua tus Tuam Povthawj Hlob yuavtsum muab khoom fij rau tus TSWV li no ib tiam rau ib tiam mus li. Tej khoom ntawd muab hlawv tagnrho fij rau tus TSWV. 23Tej qoobloo uas tus povthawj hlob muab fij ntawd yuavtsum muab hlawv kom tag, tsis txhob noj hlo li.”
Fij Khoom Daws Txim
24Tus TSWV hais rau Mauxes tias, 25“Muab tej kevcai fij khoom daws txim li nram no qhia rau Aloos thiab nws cov tub. Tus tsiaj uas fij daws txim yuavtsum muab tua rau ntawm lub thaj sab ped, qhov chaw uas tua tsiaj hlawv ua khoom fij tabmeeg tus TSWV. Nov yog ib yam khoom fij uas dawbhuv heev.
26“Tus povthawj hlob uas fij tus tsiaj daws txim ntawd yuav noj tus tsiaj ntawd hauv chav dawbhuv, uas yog ntawm lub tshavloog hauv lub Tsevntaub Sibntsib. 27Yog ib tug twg lossis ib yam dabtsi uas mus chwv tus tsiaj ntawd cov nqaij, yuav ua rau tus ntawd dawbhuv. Yog tus tsiaj ntawd cov ntshav txaws lo tej ristsho, yuavtsum muab tej ristsho ntawd ntxhua rau hauv chav dawbhuv. 28Lub laujkaub av uas muab hau cov nqaij ntawd, yuavtsum muab tsoo povtseg, thiab yog muab laujkaub tooj hau los yuavtsum muab txhuam thiab muab dej yaug kom huv. 29Txhua tus txivneej uas yog cov povthawj hlob tsev neeg muaj cai noj cov nqaij uas muab ua khoom fij no. Cov nqaij ntawd dawbhuv heev. 30Tiamsis tus tsiaj theej txhoj uas muab cov ntshav nqa mus rau hauv lub Tsevntaub Sibntsib fij ua kevcai daws txim, yuavtsum tsis txhob noj, tiamsis muab hlawv xwb.
ទើបបានជ្រើសរើសហើយ៖
Levis Kevcai 6: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Levis Kevcai 6
6
1Tus TSWV hais rau Mauxes tias, #Teev 5:5-8 2“Yog leejtwg ua txhaum thiab ua tsis ncaj rau tus TSWV uas yog tsis kam thim tej khoom uas ib tug kwvtij zejzog coj tuaj rau nws pab khaws tseg ua kev yuam nqi lossis ciali nyiag luag tug lossis ciali txhav luag tug 3lossis nws twb pom luag ib yam khoom uas ploj lawm los nws tseem dag thiab twv ntxhias hais tias nws tsis pom li. 4-5Yog thaum leejtwg ua txhaum li hais no, nws yuavtsum muab tej uas nws tau los ntawm qhov uas ua tsis ncaj ntawd xa rovqab. Hnub uas paub tias nws tau nyiag lawm tiag, nws yuavtsum thim cov khoom ntawd kom puvntoob rovqab rau tus tswv, thiab ntxiv neesnkaum feem pua rau. 6Nws yuavtsum coj ib tug laug yaj lossis laug tshis uas tsis muaj ib qho phem li mus rau tus povthawj hlob muab fij rau tus TSWV daws nws tej kev txhaum. Tus tsiaj ntawd yuavtsum ntaus nqi kom rawsli nomtswv kevcai. 7Tus povthawj hlob yuavtsum muab tus tsiaj ntawd fij daws tus neeg ntawd txoj kev txhaum, kom nws lub txim thiaj yuav raug zam.”
Hlawv Tagnrho Tej Khoom Fij
8Tus TSWV hais rau Mauxes tias, 9“Muab tej kevcai hlawv khoom fij li nram no qhia rau Aloos thiab nws cov tub. Yam khoom uas muab hlawv fij ntawd yuavtsum cia nyob rau saum lub thaj ib hmos kajntug plaws, thiab lub cubtawg los yuavtsum cia cig tsis pub tuag li. 10Ces tus povthawj hlob hnav nws lub tsho ntaub mag ntev thiab lub ris ntaub mag luv, mam mus muab cov tshauv saum lub thaj yawm thiab muab tso rau ntawm lub thaj ib sab. 11Ces nws mamli hloov nws cev ristsho thiab coj cov tshauv mus nchuav rau ntawm qhov chaw dawbhuv uas nyob sabnraum ntug yeej. 12Cov taws saum lub thaj yuavtsum rauv kom cig tsis txhob pub tuag li. Txhua tagkis sawvntxov tus povthawj hlob yuavtsum tuaj muab taws rauv ntxiv rau, thiab muab tej khoom fij thiab tej nqaij rog coj mus hlawv rau saud fij ua kev sib raugzoo. 13Lub cubtawg saum lub thaj mas yuavtsum cia cig tsis txhob pub tuag li.
Fij Tej Qoobloo
14“Ntawm no mus yog tej kevcai uas fij tej qoobloo. Aloos cov tub uas yog cov povthawj hlob yuavtsum muab tej qoobloo mus fij tabmeeg rau tus TSWV ntawm lub thaj hauvntej. 15Tus povthawj hlob muab ib phoovtes hmoov nplej thiab roj, thiab muab hmoov tshuaj tswqab nphoo rau saum cov hmoov nplej thiab coj mus hlawv rau saum lub thaj kom tswqab ntxiag rau tus TSWV txaussiab heev. 16-17Aloos thiab nws cov tub yuav noj cov ncuav tsis xyaw keeb uas seem nyob rau hauv chav dawbhuv, uas yog ntawm lub tshavloog hauv lub Tsevntaub Sibntsib. Tsis txhob muab keeb xyaw cov ncuav ntawd, rauqhov yog cov uas tus TSWV muab rau cov povthawj hlob ua lawv tug siv ua khoom noj fij rau tus TSWV. Nws yog ib yam khoom dawbhuv li cov khoom fij daws txim thiab daws kev txhaum. 18Txhua tus txivneej uas yog Aloos cajces thiaj muaj cai noj tau tej zaub-mov uas coj tuaj fij rau tus TSWV ntawd, ib tiam rau ib tiam mus li. Yog leejtwg mus chwv tej khoom noj uas muab fij ntawd, yuav ua rau tus ntawd dawbhuv.”
19Tus TSWV hais rau Mauxes tias, 20“Aloos thiab nws cov tub yuavtsum nqa khoom mus fij rau tus TSWV, hnub uas ua kevcai tsa nws ua povthawj hlob. Nws yuavtsum nqa 1 kilus hmoov nplej mus ua khoom fij rau tus TSWV (kom sibnpaug zos li tej hmoov nplej uas lawv niajhnub coj mus fij rau tus TSWV), muab ibnrab fij rau thaum sawvntxov thiab ibnrab fij rau thaum tsausntuj. 21Muab zuaj xyaw roj thiab coj mus kib hauv yias, thaum tawgpaj lawm mam coj mus ua khoom fij, kom tej pa tswqab ntxiag ua rau tus TSWV txaussiab. 22Aloos cajces txhua tus uas ua tus Tuam Povthawj Hlob yuavtsum muab khoom fij rau tus TSWV li no ib tiam rau ib tiam mus li. Tej khoom ntawd muab hlawv tagnrho fij rau tus TSWV. 23Tej qoobloo uas tus povthawj hlob muab fij ntawd yuavtsum muab hlawv kom tag, tsis txhob noj hlo li.”
Fij Khoom Daws Txim
24Tus TSWV hais rau Mauxes tias, 25“Muab tej kevcai fij khoom daws txim li nram no qhia rau Aloos thiab nws cov tub. Tus tsiaj uas fij daws txim yuavtsum muab tua rau ntawm lub thaj sab ped, qhov chaw uas tua tsiaj hlawv ua khoom fij tabmeeg tus TSWV. Nov yog ib yam khoom fij uas dawbhuv heev.
26“Tus povthawj hlob uas fij tus tsiaj daws txim ntawd yuav noj tus tsiaj ntawd hauv chav dawbhuv, uas yog ntawm lub tshavloog hauv lub Tsevntaub Sibntsib. 27Yog ib tug twg lossis ib yam dabtsi uas mus chwv tus tsiaj ntawd cov nqaij, yuav ua rau tus ntawd dawbhuv. Yog tus tsiaj ntawd cov ntshav txaws lo tej ristsho, yuavtsum muab tej ristsho ntawd ntxhua rau hauv chav dawbhuv. 28Lub laujkaub av uas muab hau cov nqaij ntawd, yuavtsum muab tsoo povtseg, thiab yog muab laujkaub tooj hau los yuavtsum muab txhuam thiab muab dej yaug kom huv. 29Txhua tus txivneej uas yog cov povthawj hlob tsev neeg muaj cai noj cov nqaij uas muab ua khoom fij no. Cov nqaij ntawd dawbhuv heev. 30Tiamsis tus tsiaj theej txhoj uas muab cov ntshav nqa mus rau hauv lub Tsevntaub Sibntsib fij ua kevcai daws txim, yuavtsum tsis txhob noj, tiamsis muab hlawv xwb.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.