Khiav Dim 25
25
Coj Khoom Mus Fij Rau Lub Tsevntaub Dawbhuv
(Khiav Dim 35:4-9)
1Tus TSWV hais rau Mauxes tias, 2“Koj hais rau cov Yixalayees kom coj khoom tuaj fij rau Kuv. Koj ciali txais txhua yam uas cov neeg txaussiab coj tuaj fij. 3Cov khoom uas lawv yuav coj tuaj fij no mas yog: kub, nyiaj, tooj; 4ntaub mag uas zoo-zoo; xov xiav, xov tsamxem, thiab xov liab; thiab tej ristsho uas muab plaub tshis los ntos ua; 5thiab tej tawv yaj uas muab zas tshuaj liab, tej tawv nyuj uas zoo heev, ntoo kubtwg; 6thiab roj sam teeb, tej roj pleev txhawb meejthawj thiab tej hmoov tshuaj uas tswqab; 7tej qe zeb kanelis thiab tej hlaws uas muajnqis tshajplaws uas coj mus dai rau ntawm tus Tuam Povthawj Hlob lub tsho efauj#25:7: Tsho efauj: Txhua zaj uas hais txog tsho efauj, mas yog hais txog lub tsho uas khuam saum xubpwg uas yeej zooli lub tsho khuam ntag. Lub tsho efauj no yog siv tej ntaub uas raug nqi ntau heev los xaws, thiab yog lub tsho txaij uas muab lub Ulees thiab lub Thumees tso rau, uas yog ob yam khoom siv kom haum Vajtswv siab nyiam. thiab nws lub awv. 8Lawv yuavtsum ua ib lub Tsevntaub uas dawbhuv rau Kuv, kom Kuv thiaj yuav nrog tau lawv nyob. 9Ua lub Tsevntaub thiab npaj ua tej khoom siv rau hauv lub Tsevntaub ntawd rawsli tus qauv uas Kuv yuav qhia rau koj ua.
Lub Phijxab Lus Cogtseg
(Khiav Dim 37:1-9)
10“Muab cov ntoo kubtwg los ua ib lub Phijxab, qhov ntev yog 110 xatimev, qhov dav yog 66 xatimev, thiab qhov siab yog 66 xatimev. 11Muab cov tseem-tseem kub vuam lub phijxab ntawd sabnraud thiab sabhauv nruabnrog, thiab muab kub los ua tus ntug thoobplaws. 12Muab kub ua plaub lub khawb ntsia rau ntawm plaub tug ceg, ib sab twg yog ntsia ob lub khawb. 13Muab ntoo kubtwg ua ob tug las kwv thiab muab kub vuam ob tus las ntoo ntawd huv tibsi, 14thiab muab ob tug las ntawd ntxig rau hauv cov khawb ntawm lub Phijxab ib sab ib tug las. 15Thaum ntxig rau hauv cov khawb lawm tsis txhob rho li. 16Ces muab ob daim txiag zeb uas sau Kuv tej lus xaaj uas Kuv yuav muab rau koj ntawd tso rau hauv lub Phijxab.
17“Muab cov tseem-tseem kub ua daim khwb, qhov ntev yog 110 xatimev, qhov dav yog 66 xatimev. #Henpl 9:5 18Muab kub ntaus ua ob tug khelunpees, 19txawb ib tug rau ib tog hau Phijxab. Muab ob tug khelunpees ntawd cog keevxeeb rau lub hau Phijxab ib tug rau ib tog. 20Tso ob tug khelunpees ntawd tig ntsejmuag tuaj uake, kom cov koojtis nthuav los npog lub Phijxab. 21Muab ob daim txiag zeb cia rau hauv lub Phijxab thiab muab lub hau khwb rau. 22Kuv yuav ntsib koj qhov ntawd; Kuv yuav nyob saum lub hau Phijxab kis nruabnrab ntawm ob sab koojtis khelunpees thiab yuav muab tagnrho Kuv tej kevcai rau koj coj mus qhia cov Yixalayees.
Lub Rooj Txawb Ncuav Fij Rau Vajtswv
(Khiav Dim 37:10-16)
23“Muab ntoo kubtwg los ua ib lub rooj ntev 88 xatimev, dav 44 xatimev, siab 66 xatimev. 24Muab cov tseem-tseem kub vuam lub rooj ntawd, thiab muab kub ua ib tug ntug thoobplaws rau. 25Lub npoo rooj ntawd ua tuab li 7.5 xatimev, thiab muab kub ua ib tug ntug thoobplaws lub npoo rooj. 26Muab kub ntaus ua plaub lub khawb ntsia rau plaub lub kaum rooj ntawm plaub tug ceg. 27Cov khawb uas ntxig las kwv lub rooj ntawd, muab ntsia kom ze rau ntawm tus npoo. 28Muab ntoo kubtwg los txua ua ob tug las thiab muab kub vuam rau ob tug las ntawd. 29Ua phaj, khob, hub, thiab tais tau siv rau cawv txivhmab ua khoom fij. Tej twj taig no yuavtsum muab cov tseem-tseem kub ua xwb. 30Lub rooj ntawd yuavtsum txawb rau ntawm hauvntej lub Phijxab Lus Cogtseg, thiab yuavtsum muaj cov ncuav dawbhuv uas fij rau Kuv nyob rau saum lub rooj ntawd txhua lub sijhawm. #Levi 23:5-8
Tus Ncej Txawb Teeb
(Khiav Dim 37:17-24)
31“Muab cov tseem-tseem kub ntaus ua ib tug ncej txawb teeb. Lub taw thiab tus ncej los muab tej tseem kub ntaus ua paj, cos paj, thiab nplai paj, kom keevxeeb rau ntawm tus ncej. 32Thiab ua kom ncau ua rau ceg, ib sab peb ceg. 33Rau ceg ntawd, ib ceg ua peb lub paj zooli paj txiv ovmees, nrog cov cos paj thiab tej nplai paj. 34Tus ncej txawb teeb mas zaig ua plaub lub paj zooli paj txiv ovmees, nrog cov cos paj thiab tej nplai paj. 35Ntawm rau tus ceg teeb ntawd, ua ib lub paj rau hauvqab ntawm cov ceg ncau. 36Cov cos paj, cov ceg thiab tus ncej txawb teeb yog muab tib thooj tseem-tseem kub ntaus ua xwb. 37Ua xya lub teeb rau ntawm tus ncej txawb teeb, thiab taws kom cig pomkev lamlug rau tom hauvntej. 38Muab cov tseem-tseem kub ntaus ua phaj thiab txiab txiav teebxeeb. 39Muab 35 kilus uas tseem-tseem kub los ntaus ua tus ncej txawb teeb thiab tagnrho tej twj siv rau lub teeb no. 40Yuavtsum ua txhua yam no rawsli qhov uas Kuv tau qhia rau koj saum roob lawm. #Teshl 7:44; Henpl 8:5
ទើបបានជ្រើសរើសហើយ៖
Khiav Dim 25: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.