Tes Haujlwm 26
26
Paulus Hais Daws Nws Zaj Tabmeeg Akipas
1Akipas hais rau Paulus hais tias, “Kuv tsocai rau koj hais daws koj zaj.” Paulus xyab hlo tes thiab hais daws nws zaj li no:
2“Vajntxwv Akipas, kuv suav hais tias kuv muaj hmoo kawg li uas hnubno kuv tau los sawv ntawm koj xubntiag hais daws txhua zaj uas cov Yudais komtxim rau kuv, 3rauqhov koj paub zoo txog cov Yudais tej kevlig kevcai thiab lawv tej kev tsis sibhaum. Yogli ntawd, thov koj ua siabntev mloog kuv hais.
4“Txij thaum kuv yau los txog niajhnub no, cov Yudais puavleej paub tias kuv ua kuv lub neej zoo licas. Lawv yeej paub tagnrho kuv lub neej, pib thaum kuv tseem nrog kuv haivneeg nyob thiab thaum kuv mus nyob rau hauv Yeluxalees. 5Lawv yeej ibtxwm paub kuv thaum ub los lawm, yog lawv yeem ua timkhawv hais tias kuv yog ib tug nyob hauv cov Falixais pab uas coj kevcai ntseeg nruj heev los yeej tau. #Teshl 23:6; Filipi 3:5 6Zaumno kuv los sawv ntawm no hais plaub twb yog vim kuv ciasiab rau tej uas Vajtswv tau coglus tseg rau peb cov yawgkoob lawm. 7Qhov ntawd yog qhov uas peb cov Yudais kaum-ob xeem ciasiab ntsoov hais tias peb yuav tau txais, es sawvdaws thiaj rausiab ntso niajhnub niajhmo pehawm Vajtswv. Twb yog vim qhov kev ciasiab no ntag lau, Vajntxwv, es kuv thiaj raug cov Yudais kom! 8Ua licas nej cov uas nyob ntawm no thiaj suav hais tias qhov uas Vajtswv tsa tau cov neeg uas tuag lawm sawv rovqab los yog ib zaj uas tsis txaus ntseeg?
9“Kuv txeev xav hauv lub siab hais tias kuv yuav ua txhua yam tawmtsam Yexus tus uas yog neeg Naxalev lub npe. #Teshl 8:3; 22:4-5 10Kuv thiaj ua li ntawd nyob rau hauv lub nroog Yeluxalees. Kuv tau txais hwjchim los ntawm cov thawj povthawj hlob mus ntes cov ntseeg Vajtswv coob leej coj mus kaw rau hauv tsev lojcuj. Thiab thaum lawv muab cov ntseeg ntawd coj mus tua povtseg, los kuv tseem nrog pomzoo thiab. 11Muaj ntau zaug kuv muab lawv rautxim hauv tej tsev sablaj thiab yuam kom lawv tso lawv tej kev ntseeg tseg. Kuv npautaws rau lawv heev, kawg qhov uas kuv ciali mus tsimtxom cov ntseeg uas nyob rau txawv nroog li thiab.
Paulus Hais Txog Qhov Uas Nws Los Ntseeg Vajtswv
(Tes Haujlwm 9:1-19; 22:6-16)
12“Twb yog vimli no, cov thawj povthawj hlob thiaj tsocai thiab xa kuv mus pem lub nroog Damaxakas. 13Vajntxwv, thaum tavsu uas kuv taug kev mus, kuv pom ib tug duab ci saum ntuj tuaj uas tseem ci tshaj lub hnub los puagncig kuv thiab cov neeg uas nrog kuv mus ntawd. 14Peb txhua tus txawm ntog tag rau hauv av, thiab kuv hnov ib lub suab ua lus Henplais hais rau kuv tias, ‘Xaulaus, Xaulaus! Ua licas koj tsimtxom kuv? Qhov uas koj ntaus Kuv kuj yog rov ua rau koj mob xwb, ib yam li tus nyuj uas nws rov tuam nws tus tswv tus pas ntag.’ 15Kuv nug hais tias, ‘Tus Tswv, koj yog leejtwg?’ Tus Tswv teb tias, ‘Kuv yog Yexus tus uas koj tsimtxom ntag. 16Tiamsis ciali sawv, qhov uas Kuv los tshwm rau koj pom no, yog Kuv los tsa koj ua Kuv tus tubtxib. Koj yuavtsum mus qhia qhov uas hnubno koj pom Kuv#26:16: Tej phau ntawv qub uas xuas tes sau, tsis muaj Kuv. thiab tej uas Kuv yuav ua rau koj pom yav tomntej rau sawvdaws paub. 17Kuv yuav cawm koj ntawm koj haivneeg thiab Lwm Haivneeg. Kuv yuav xa koj mus 18qhib lawv lub qhovmuag thiab tig lawv tawm ntawm qhov tsausntuj los rau ntawm qhov pomkev, thiab tawm hauv Xatas lub hwjchim los cuag Vajtswv, kom los ntawm qhov uas lawv los ntseeg Kuv, lawv lub txim thiaj yuav raug zam thiab thiaj tau los nrog cov neeg uas Vajtswv twb xaiv cia lawm nyob uake.’
Paulus Hais Txog Nws Tes Haujlwm
19“Vajntxwv Akipas, twb yog vimli ntawd, kuv thiaj tawv tsis dhau lub suab uas hais saum ntuj los. 20Kuv xub qhia rau cov uas nyob hauv lub nroog Damaxakas, dhau ntawd kuv mus qhia rau cov uas nyob hauv lub nroog Yeluxalees, tomqab ntawd kuv mus qhia thoobplaws hauv lub xeev Yudas thiab qhia Lwm Haivneeg, kom sawvdaws yuavtsum tso lawv tej kev txhaum tseg thiab tig los cuag Vajtswv, thiab ua tej uas qhia tau hais tias lawv yeej tso lawv tej kev txhaum tseg lawm tiag. #Teshl 9:20, 28-29 21Twb yog vimli ntawd es cov Yudais thiajli tuaj ntes kuv hauv lub Tuamtsev thiab npajsiab yuav muab kuv tua povtseg. 22Tiamsis Vajtswv niajzaus pab kuv los txog niajhnub no, kuv thiajli tau tuaj sawv ntawm no ua timkhawv qhia rau nej sawvdaws, tsis hais tus hlob lossis tus yau mloog. Kuv tsis tau hais lwm zaj li, kuv tsuas hais tib zaj uas cov xibhwb cev Vajtswv lus thiab Mauxes tau qhia tseg hais tias yeej yuav muaj li ntawd xwb: 23hais tias, tus Mexiyas yuav raug kev tsimtxom, thiab Nws yuav yog thawjtug uas sawv hauv qhovtuag rovqab los. Nws yuav qhia qhov kaj uas yog txoj kev cawmdim rau cov Yudais thiab Lwm Haivneeg.” #1Klt 15:20; Yaxaya 42:6; 49:6
24Thaum Paulus tabtom hais daws Paulus zaj tsis tau tag, Fexatus txawm qw nrov-nrov rau Paulus hais tias, “Paulus, koj vwm lawm! Tej kev txawjntse uas koj kawm ua rau koj vwm lawm!”
25Paulus teb tias, “Fexatus, kuv tsis vwm! Kuv yeej meejpem thiab tej lus uas kuv hais no yeej muaj tseeb tiag. 26Vajntxwv Akipas, kuv muaj cuabkav qhia tej no rau koj, rauqhov koj yeej paub tej no tag huv tibsi lawm, vim tej no tsis tau tshwmsim zais nkoos uas yuav tsis muaj neeg paub. 27Vajntxwv Akipas, koj puas ntseeg tej lus uas cov xibhwb cev Vajtswv lus tau sau tseg? Kuv paub tias koj yeej ntseeg.”
28Vajntxwv Akipas hais rau Paulus hais tias, “Koj nyuamqhuav qhia ibpliag no xwb, koj txawmsiv xav tias koj yuav yaum tau kuv los ua ib tug ntseeg Yexus no lov?”
29Paulus teb tias, “Txawm yog yuav qhia luv thiab ntev los xij, kuv thov Vajtswv kom koj thiab tagnrho nej txhua tus uas tabtom mloog kuv qhia hnubno, kom nej dhau los zooli kuv, tsuas yog thov kom nej tsis txhob raug luag muab saw hlau khi li kuv raug no xwb.”
30Ces Vajntxwv Akipas, tus Tswvxeev Fexatus, Npawnikes thiab tagnrho cov neeg uas nyob ntawd txawm sawv, 31thiab thaum lawv tawm mus lawm, lawv sibtham hais tias, “Tus txivneej no tsis tau ua ib qhov txhaum uas tsimnyog tuag lossis txaus muab kaw rau hauv tsev lojcuj.” 32Vajntxwv Akipas thiaj hais rau Fexatus hais tias, “Yog tus txivneej no tsis txhob thov mus hais tim Xixas ces peb ciali muab nws tso mus los yeej tau.”
ទើបបានជ្រើសរើសហើយ៖
Tes Haujlwm 26: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Tes Haujlwm 26
26
Paulus Hais Daws Nws Zaj Tabmeeg Akipas
1Akipas hais rau Paulus hais tias, “Kuv tsocai rau koj hais daws koj zaj.” Paulus xyab hlo tes thiab hais daws nws zaj li no:
2“Vajntxwv Akipas, kuv suav hais tias kuv muaj hmoo kawg li uas hnubno kuv tau los sawv ntawm koj xubntiag hais daws txhua zaj uas cov Yudais komtxim rau kuv, 3rauqhov koj paub zoo txog cov Yudais tej kevlig kevcai thiab lawv tej kev tsis sibhaum. Yogli ntawd, thov koj ua siabntev mloog kuv hais.
4“Txij thaum kuv yau los txog niajhnub no, cov Yudais puavleej paub tias kuv ua kuv lub neej zoo licas. Lawv yeej paub tagnrho kuv lub neej, pib thaum kuv tseem nrog kuv haivneeg nyob thiab thaum kuv mus nyob rau hauv Yeluxalees. 5Lawv yeej ibtxwm paub kuv thaum ub los lawm, yog lawv yeem ua timkhawv hais tias kuv yog ib tug nyob hauv cov Falixais pab uas coj kevcai ntseeg nruj heev los yeej tau. #Teshl 23:6; Filipi 3:5 6Zaumno kuv los sawv ntawm no hais plaub twb yog vim kuv ciasiab rau tej uas Vajtswv tau coglus tseg rau peb cov yawgkoob lawm. 7Qhov ntawd yog qhov uas peb cov Yudais kaum-ob xeem ciasiab ntsoov hais tias peb yuav tau txais, es sawvdaws thiaj rausiab ntso niajhnub niajhmo pehawm Vajtswv. Twb yog vim qhov kev ciasiab no ntag lau, Vajntxwv, es kuv thiaj raug cov Yudais kom! 8Ua licas nej cov uas nyob ntawm no thiaj suav hais tias qhov uas Vajtswv tsa tau cov neeg uas tuag lawm sawv rovqab los yog ib zaj uas tsis txaus ntseeg?
9“Kuv txeev xav hauv lub siab hais tias kuv yuav ua txhua yam tawmtsam Yexus tus uas yog neeg Naxalev lub npe. #Teshl 8:3; 22:4-5 10Kuv thiaj ua li ntawd nyob rau hauv lub nroog Yeluxalees. Kuv tau txais hwjchim los ntawm cov thawj povthawj hlob mus ntes cov ntseeg Vajtswv coob leej coj mus kaw rau hauv tsev lojcuj. Thiab thaum lawv muab cov ntseeg ntawd coj mus tua povtseg, los kuv tseem nrog pomzoo thiab. 11Muaj ntau zaug kuv muab lawv rautxim hauv tej tsev sablaj thiab yuam kom lawv tso lawv tej kev ntseeg tseg. Kuv npautaws rau lawv heev, kawg qhov uas kuv ciali mus tsimtxom cov ntseeg uas nyob rau txawv nroog li thiab.
Paulus Hais Txog Qhov Uas Nws Los Ntseeg Vajtswv
(Tes Haujlwm 9:1-19; 22:6-16)
12“Twb yog vimli no, cov thawj povthawj hlob thiaj tsocai thiab xa kuv mus pem lub nroog Damaxakas. 13Vajntxwv, thaum tavsu uas kuv taug kev mus, kuv pom ib tug duab ci saum ntuj tuaj uas tseem ci tshaj lub hnub los puagncig kuv thiab cov neeg uas nrog kuv mus ntawd. 14Peb txhua tus txawm ntog tag rau hauv av, thiab kuv hnov ib lub suab ua lus Henplais hais rau kuv tias, ‘Xaulaus, Xaulaus! Ua licas koj tsimtxom kuv? Qhov uas koj ntaus Kuv kuj yog rov ua rau koj mob xwb, ib yam li tus nyuj uas nws rov tuam nws tus tswv tus pas ntag.’ 15Kuv nug hais tias, ‘Tus Tswv, koj yog leejtwg?’ Tus Tswv teb tias, ‘Kuv yog Yexus tus uas koj tsimtxom ntag. 16Tiamsis ciali sawv, qhov uas Kuv los tshwm rau koj pom no, yog Kuv los tsa koj ua Kuv tus tubtxib. Koj yuavtsum mus qhia qhov uas hnubno koj pom Kuv#26:16: Tej phau ntawv qub uas xuas tes sau, tsis muaj Kuv. thiab tej uas Kuv yuav ua rau koj pom yav tomntej rau sawvdaws paub. 17Kuv yuav cawm koj ntawm koj haivneeg thiab Lwm Haivneeg. Kuv yuav xa koj mus 18qhib lawv lub qhovmuag thiab tig lawv tawm ntawm qhov tsausntuj los rau ntawm qhov pomkev, thiab tawm hauv Xatas lub hwjchim los cuag Vajtswv, kom los ntawm qhov uas lawv los ntseeg Kuv, lawv lub txim thiaj yuav raug zam thiab thiaj tau los nrog cov neeg uas Vajtswv twb xaiv cia lawm nyob uake.’
Paulus Hais Txog Nws Tes Haujlwm
19“Vajntxwv Akipas, twb yog vimli ntawd, kuv thiaj tawv tsis dhau lub suab uas hais saum ntuj los. 20Kuv xub qhia rau cov uas nyob hauv lub nroog Damaxakas, dhau ntawd kuv mus qhia rau cov uas nyob hauv lub nroog Yeluxalees, tomqab ntawd kuv mus qhia thoobplaws hauv lub xeev Yudas thiab qhia Lwm Haivneeg, kom sawvdaws yuavtsum tso lawv tej kev txhaum tseg thiab tig los cuag Vajtswv, thiab ua tej uas qhia tau hais tias lawv yeej tso lawv tej kev txhaum tseg lawm tiag. #Teshl 9:20, 28-29 21Twb yog vimli ntawd es cov Yudais thiajli tuaj ntes kuv hauv lub Tuamtsev thiab npajsiab yuav muab kuv tua povtseg. 22Tiamsis Vajtswv niajzaus pab kuv los txog niajhnub no, kuv thiajli tau tuaj sawv ntawm no ua timkhawv qhia rau nej sawvdaws, tsis hais tus hlob lossis tus yau mloog. Kuv tsis tau hais lwm zaj li, kuv tsuas hais tib zaj uas cov xibhwb cev Vajtswv lus thiab Mauxes tau qhia tseg hais tias yeej yuav muaj li ntawd xwb: 23hais tias, tus Mexiyas yuav raug kev tsimtxom, thiab Nws yuav yog thawjtug uas sawv hauv qhovtuag rovqab los. Nws yuav qhia qhov kaj uas yog txoj kev cawmdim rau cov Yudais thiab Lwm Haivneeg.” #1Klt 15:20; Yaxaya 42:6; 49:6
24Thaum Paulus tabtom hais daws Paulus zaj tsis tau tag, Fexatus txawm qw nrov-nrov rau Paulus hais tias, “Paulus, koj vwm lawm! Tej kev txawjntse uas koj kawm ua rau koj vwm lawm!”
25Paulus teb tias, “Fexatus, kuv tsis vwm! Kuv yeej meejpem thiab tej lus uas kuv hais no yeej muaj tseeb tiag. 26Vajntxwv Akipas, kuv muaj cuabkav qhia tej no rau koj, rauqhov koj yeej paub tej no tag huv tibsi lawm, vim tej no tsis tau tshwmsim zais nkoos uas yuav tsis muaj neeg paub. 27Vajntxwv Akipas, koj puas ntseeg tej lus uas cov xibhwb cev Vajtswv lus tau sau tseg? Kuv paub tias koj yeej ntseeg.”
28Vajntxwv Akipas hais rau Paulus hais tias, “Koj nyuamqhuav qhia ibpliag no xwb, koj txawmsiv xav tias koj yuav yaum tau kuv los ua ib tug ntseeg Yexus no lov?”
29Paulus teb tias, “Txawm yog yuav qhia luv thiab ntev los xij, kuv thov Vajtswv kom koj thiab tagnrho nej txhua tus uas tabtom mloog kuv qhia hnubno, kom nej dhau los zooli kuv, tsuas yog thov kom nej tsis txhob raug luag muab saw hlau khi li kuv raug no xwb.”
30Ces Vajntxwv Akipas, tus Tswvxeev Fexatus, Npawnikes thiab tagnrho cov neeg uas nyob ntawd txawm sawv, 31thiab thaum lawv tawm mus lawm, lawv sibtham hais tias, “Tus txivneej no tsis tau ua ib qhov txhaum uas tsimnyog tuag lossis txaus muab kaw rau hauv tsev lojcuj.” 32Vajntxwv Akipas thiaj hais rau Fexatus hais tias, “Yog tus txivneej no tsis txhob thov mus hais tim Xixas ces peb ciali muab nws tso mus los yeej tau.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.