Tes Haujlwm 25
25
Paulus Thov Mus Cuag Xixas
1Thaum Fexatus los ua tswvxeev tau peb hnub lawm, nws tau tawm hauv lub nroog Xixaleyas mus rau nram lub nroog Yeluxalees, 2qhov chaw uas cov thawj povthawj hlob thiab cov Yudais tej thawjcoj tuaj kom Paulus rau Fexatus. Lawv thov Fexatus 3kom nws ua ib qhov tshwjxeeb pab lawv, uas yog kom nws xa Paulus tuaj rau hauv lub nroog Yeluxalees, rauqhov lawv twb tuavhauv tseg lawm hais tias lawv yuav tos kev muab Paulus tua povtseg. 4Fexatus teb tias, “Paulus tseem raug kaw rau hauv lub nroog Xixaleyas, tsis ntev no kuv twb yuav rovqab mus rau ped. 5Yog nej pom nws ua txhaum dabtsi, ciali hais kom nej cov thawjcoj nrog kuv mus rau pem Xixaleyas thiab mus kom nws rau ped.”
6Fexatus tseem nrog lawv nyob kwvlam li yim los yog kaum hnub, ces nws mamli rovqab mus rau pem Xixaleyas. Hnub tomqab ntawd nws mus nyob tom tsev hais plaub, thiab tau txib kom neeg mus coj Paulus los. 7Thaum Paulus los txog, cov Yudais uas tuaj nram lub nroog Yeluxalees tuaj, txawm los sawv vij nws thiab kom ntau yam uas loj heev txog nws, tiamsis lawv yeej tsis muaj ib qho puavpheej li. 8Paulus txawm hais daws nws zaj hais tias, “Kuv yeej tsis tau ua txhaum cov Yudais txoj Kevcai, lossis txhaum lub Tuamtsev, lossis txhaum Xixas li.”
9Tiamsis Fexatus xav kom cov Yudais nyiam nws, nws txawm nug Paulus hais tias, “Koj puas txaussiab mus rau nram lub nroog Yeluxalees thiab cia kuv hais nej rooj plaub nyob rau nrad?”
10Paulus teb tias, “Kuv twb nyob hauv Xixas lub tsev hais plaub no lawm, ntawm no thiaj yog lub chaw hais kuv rooj plaub. Koj yeej paub zoo hais tias kuv tsis tau ua txhaum rau cov Yudais. 11Yog kuv tau ua txhaum kevcai lossis ua ib yam dabtsi uas tsimnyog raug lub txim tuag, kuv yeej tsis tawv tsis nyom li. Tiamsis yog tej lus uas lawv kom kuv ntawd tsis muaj tseeb, yeej tsis muaj leejtwg yuav muaj cuabkav muab kuv rau lawv. Kuv thov hla mus hais tim Xixas.”
12Tomqab uas Fexatus nrog nws cov tuavxam sablaj tag, nws thiaj hais rau Paulus hais tias, “Koj twb thov hla mus hais tim Xixas lawm, yogli ntawd cia koj mus cuag Xixas.”
Paulus Sawv Tabmeeg Akipas Thiab Npawnikes
13Tsis ntev tomqab ntawd Vajntxwv Akipas thiab nws tus muam Npawnikes tau tuaj saib Fexatus hauv lub nroog Xixaleyas. 14Nkawd tuaj nyob tau ntau hnub, Fexatus txawm piav Paulus rooj plaub rau Vajntxwv mloog: “Muaj ib tug txivneej nyob rau hauv no uas Felis tau muab nws kaw rau hauv tsev lojcuj; 15thaum kuv mus rau nram Yeluxalees, cov Yudais cov thawj povthawj hlob thiab cov txwjlaug txawm tuaj nkaug tus txivneej ntawd rau kuv thiab thov kom kuv txiavtxim rau nws.
16“Tiamsis kuv hais rau lawv hais tias, rawsli kev coj noj coj ua ntawm cov neeg Loos, ob tog yuavtsum tuaj sibhais timncauj timlus thiab cia tus pemkom hais daws nws zaj tag tso, mamli txiavtxim rau tus uas ua txhaum. 17Thaum lawv tuaj txhij rau ntawm no lawm, kuv yeej tsis tos ntev li; hnub tomqab kiag xwb kuv mus nyob hauv lub tsev hais plaub thiab hu kom lawv coj tus txivneej ntawd los cuag kuv. 18Nws cov yeejkom txawm sawv los hais, tiamsis lawv tsis komtxim rau tej uas nws ua txhaum rawsli kuv xav tias lawv yuav kom ntawd. 19Lawv tsuas sibcav hais txog lawv tej kevcai ntseeg thiab hais txog ib tug txivneej uas twb tuag lawm uas hu ua Yexus, tiamsis Paulus khav hais tias Nws tseem muaj sia nyob. 20Kuv tsis paub tias yuav taug zaj no licas, kuv thiaj nug Paulus seb nws puas yeem mus nram lub nroog Yeluxalees thiab mus daws nws rooj plaub rau nrad. 21Tiamsis Paulus thov kom cia nws nyob nws hauv lub tsev lojcuj thiab cia Xixas mamli txiavtxim rau nws. Yogli ntawd, kuv thiaj cia nws nyob nws hauv tsev lojcuj mus txog hnub uas kuv xa nws mus cuag Xixas.”
22Akipas hais rau Fexatus hais tias, “Kuv kuj xav mloog tus txivneej ntawd hais thiab.”
Ces Fexatus txawm teb tias, “Tagkis, koj yuav hnov nws hais.”
23Hnub tomqab Akipas thiab Npawnikes nkawd tuaj ntawm lub meejmom uas loj heev; nkawd tau nkag mus rau hauv ib chav loj uas muaj cov thawj tubrog thiab cov nomtswv tseemceeb hauv lub nroog nyob rau hauv. Thaum ntawd Fexatus txawm txib neeg mus coj Paulus los. 24Fexatus hais tias, “Vajntxwv Akipas thiab nej txhua tus uas nrog peb nyob ntawm no: nej pom tus txivneej no, nws yog tus uas cov Yudais uas nyob hauv lub nroog no thiab cov uas nyob nram lub nroog Yeluxalees, pheej tuaj kom kuv muab nws tua povtseg. 25Tiamsis kuv tsis pom nws tau ua ib yam dabtsi txhaum uas tsimnyog lub txim tuag. Thiab nws tau thov kom xa nws mus hais tim Xixas, yogli ntawd, kuv thiaj txiavtxim siab xa nws mus rau tebchaws Loos. 26Tiamsis kuv yeej tsis muaj ib qho tseemceeb uas yuav zoo sau txog tus txivneej no mus qhia rau Xixas paub. Yogli ntawd, kuv thiaj coj nws los cuag nej sawvdaws, tshwjxeeb, yog coj nws los cuag koj uas yog Huabtais Akipas, kom tomqab uas peb taug nws zaj tag lawm, kuv thiaj yuav muaj lus sau. 27Rauqhov yog tsis muaj ib qho tseemceeb uas qhia tau meej-meej tias tus uas raug txim ua txhaum dabtsi, ces yeej tsis zoo rau kuv yuav xa nws mus li.”
ទើបបានជ្រើសរើសហើយ៖
Tes Haujlwm 25: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Tes Haujlwm 25
25
Paulus Thov Mus Cuag Xixas
1Thaum Fexatus los ua tswvxeev tau peb hnub lawm, nws tau tawm hauv lub nroog Xixaleyas mus rau nram lub nroog Yeluxalees, 2qhov chaw uas cov thawj povthawj hlob thiab cov Yudais tej thawjcoj tuaj kom Paulus rau Fexatus. Lawv thov Fexatus 3kom nws ua ib qhov tshwjxeeb pab lawv, uas yog kom nws xa Paulus tuaj rau hauv lub nroog Yeluxalees, rauqhov lawv twb tuavhauv tseg lawm hais tias lawv yuav tos kev muab Paulus tua povtseg. 4Fexatus teb tias, “Paulus tseem raug kaw rau hauv lub nroog Xixaleyas, tsis ntev no kuv twb yuav rovqab mus rau ped. 5Yog nej pom nws ua txhaum dabtsi, ciali hais kom nej cov thawjcoj nrog kuv mus rau pem Xixaleyas thiab mus kom nws rau ped.”
6Fexatus tseem nrog lawv nyob kwvlam li yim los yog kaum hnub, ces nws mamli rovqab mus rau pem Xixaleyas. Hnub tomqab ntawd nws mus nyob tom tsev hais plaub, thiab tau txib kom neeg mus coj Paulus los. 7Thaum Paulus los txog, cov Yudais uas tuaj nram lub nroog Yeluxalees tuaj, txawm los sawv vij nws thiab kom ntau yam uas loj heev txog nws, tiamsis lawv yeej tsis muaj ib qho puavpheej li. 8Paulus txawm hais daws nws zaj hais tias, “Kuv yeej tsis tau ua txhaum cov Yudais txoj Kevcai, lossis txhaum lub Tuamtsev, lossis txhaum Xixas li.”
9Tiamsis Fexatus xav kom cov Yudais nyiam nws, nws txawm nug Paulus hais tias, “Koj puas txaussiab mus rau nram lub nroog Yeluxalees thiab cia kuv hais nej rooj plaub nyob rau nrad?”
10Paulus teb tias, “Kuv twb nyob hauv Xixas lub tsev hais plaub no lawm, ntawm no thiaj yog lub chaw hais kuv rooj plaub. Koj yeej paub zoo hais tias kuv tsis tau ua txhaum rau cov Yudais. 11Yog kuv tau ua txhaum kevcai lossis ua ib yam dabtsi uas tsimnyog raug lub txim tuag, kuv yeej tsis tawv tsis nyom li. Tiamsis yog tej lus uas lawv kom kuv ntawd tsis muaj tseeb, yeej tsis muaj leejtwg yuav muaj cuabkav muab kuv rau lawv. Kuv thov hla mus hais tim Xixas.”
12Tomqab uas Fexatus nrog nws cov tuavxam sablaj tag, nws thiaj hais rau Paulus hais tias, “Koj twb thov hla mus hais tim Xixas lawm, yogli ntawd cia koj mus cuag Xixas.”
Paulus Sawv Tabmeeg Akipas Thiab Npawnikes
13Tsis ntev tomqab ntawd Vajntxwv Akipas thiab nws tus muam Npawnikes tau tuaj saib Fexatus hauv lub nroog Xixaleyas. 14Nkawd tuaj nyob tau ntau hnub, Fexatus txawm piav Paulus rooj plaub rau Vajntxwv mloog: “Muaj ib tug txivneej nyob rau hauv no uas Felis tau muab nws kaw rau hauv tsev lojcuj; 15thaum kuv mus rau nram Yeluxalees, cov Yudais cov thawj povthawj hlob thiab cov txwjlaug txawm tuaj nkaug tus txivneej ntawd rau kuv thiab thov kom kuv txiavtxim rau nws.
16“Tiamsis kuv hais rau lawv hais tias, rawsli kev coj noj coj ua ntawm cov neeg Loos, ob tog yuavtsum tuaj sibhais timncauj timlus thiab cia tus pemkom hais daws nws zaj tag tso, mamli txiavtxim rau tus uas ua txhaum. 17Thaum lawv tuaj txhij rau ntawm no lawm, kuv yeej tsis tos ntev li; hnub tomqab kiag xwb kuv mus nyob hauv lub tsev hais plaub thiab hu kom lawv coj tus txivneej ntawd los cuag kuv. 18Nws cov yeejkom txawm sawv los hais, tiamsis lawv tsis komtxim rau tej uas nws ua txhaum rawsli kuv xav tias lawv yuav kom ntawd. 19Lawv tsuas sibcav hais txog lawv tej kevcai ntseeg thiab hais txog ib tug txivneej uas twb tuag lawm uas hu ua Yexus, tiamsis Paulus khav hais tias Nws tseem muaj sia nyob. 20Kuv tsis paub tias yuav taug zaj no licas, kuv thiaj nug Paulus seb nws puas yeem mus nram lub nroog Yeluxalees thiab mus daws nws rooj plaub rau nrad. 21Tiamsis Paulus thov kom cia nws nyob nws hauv lub tsev lojcuj thiab cia Xixas mamli txiavtxim rau nws. Yogli ntawd, kuv thiaj cia nws nyob nws hauv tsev lojcuj mus txog hnub uas kuv xa nws mus cuag Xixas.”
22Akipas hais rau Fexatus hais tias, “Kuv kuj xav mloog tus txivneej ntawd hais thiab.”
Ces Fexatus txawm teb tias, “Tagkis, koj yuav hnov nws hais.”
23Hnub tomqab Akipas thiab Npawnikes nkawd tuaj ntawm lub meejmom uas loj heev; nkawd tau nkag mus rau hauv ib chav loj uas muaj cov thawj tubrog thiab cov nomtswv tseemceeb hauv lub nroog nyob rau hauv. Thaum ntawd Fexatus txawm txib neeg mus coj Paulus los. 24Fexatus hais tias, “Vajntxwv Akipas thiab nej txhua tus uas nrog peb nyob ntawm no: nej pom tus txivneej no, nws yog tus uas cov Yudais uas nyob hauv lub nroog no thiab cov uas nyob nram lub nroog Yeluxalees, pheej tuaj kom kuv muab nws tua povtseg. 25Tiamsis kuv tsis pom nws tau ua ib yam dabtsi txhaum uas tsimnyog lub txim tuag. Thiab nws tau thov kom xa nws mus hais tim Xixas, yogli ntawd, kuv thiaj txiavtxim siab xa nws mus rau tebchaws Loos. 26Tiamsis kuv yeej tsis muaj ib qho tseemceeb uas yuav zoo sau txog tus txivneej no mus qhia rau Xixas paub. Yogli ntawd, kuv thiaj coj nws los cuag nej sawvdaws, tshwjxeeb, yog coj nws los cuag koj uas yog Huabtais Akipas, kom tomqab uas peb taug nws zaj tag lawm, kuv thiaj yuav muaj lus sau. 27Rauqhov yog tsis muaj ib qho tseemceeb uas qhia tau meej-meej tias tus uas raug txim ua txhaum dabtsi, ces yeej tsis zoo rau kuv yuav xa nws mus li.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.