Tes Haujlwm 22
22
1“Nej cov uas ua niam ua txiv thiab ua kwv ua tij sawvdaws, thov nej mloog kuv tej lus uas kuv yuav hais daws kuv zaj!” 2Thaum lawv hnov Paulus ua lus Henplais hais rau lawv, lawv tseem hajyam nyob ntsiagto dua qub; Paulus thiaj hais tias:
3“Kuv yog neeg Yudais, kuv yug hauv lub nroog Thaxus uas nyob pem tebchaws Kilikias, tiamsis kuv los lojhlob nyob hauv lub nroog Yeluxalees no. Nkamaliyees yog tus xibhwb qhia ntawv rau kuv ntag. Kuv tau ua tibzoo kawm txog peb cov yawgkoob tej Kevcai, thiab kuv muab siab npuab Vajtswv ib yam li nej txhua tus uas hnubno nyob rau ntawm no thiab. #Teshl 5:34-39 4Kuv tau tsimtxom cov neeg uas taug Txojkev no kom tuag mus. Kuv tau ntes tej pojniam thiab txivneej coj mus kaw rau hauv tsev lojcuj. #Teshl 8:3; 26:9-11 5Tus Tuam Povthawj Hlob thiab tagnrho cov thawjcoj hauv Koomhaum qibsiab puavleej ua tau timkhawv hais tias kuv hais tseeb xwb. Kuv tau txais tej ntaub ntawv uas lawv ua rau kuv nqa mus rau cov kwvtij Yudais uas nyob pem lub nroog Damaxakas, yogli ntawd, kuv thiaj mus ntes cov uas nyob rau ped thiab cab los rautxim rau nrad lub nroog Yeluxalees no.
Paulus Hais Txog Qhov Uas Nws Los Ntseeg Vajtswv
(Tes Haujlwm 9:1-19; 26:12-18)
6“Thaum yuavluag tavsu uas kuv tabtom taug kev mus yuav txog pem lub nroog Damaxakas, txawm muaj ib tug duab ci nplas saum ntuj los puagncig kuv. 7Kuv txawm ntog kiag rau hauv av thiab hnov ib lub suab hais rau kuv tias, ‘Xaulaus, Xaulaus! Ua licas koj tsimtxom Kuv?’
8“Kuv nug nws hais tias, ‘Tus Tswv, koj yog leejtwg?’ Nws teb kuv tias, ‘Kuv yog Yexus tus uas yog neeg Naxalev, uas koj tsimtxom ntag.’ 9Cov txivneej uas nrog kuv mus puavleej pom tus duab ci ntawd, tiamsis lawv tsis hnov tus uas tabtom haislus rau kuv ntawd lub suab.
10“Kuv nug hais tias, ‘Tus Tswv, kuv yuav ua licas?’ Tus Tswv thiaj hais rau kuv tias, ‘Koj ciali sawv thiab mus rau hauv lub nroog Damaxakas. Thaum koj mus txog tod, yuav muaj neeg qhia rau koj paub txog txhua yam uas Vajtswv tau npaj tseg cia rau koj ua.’ 11Tus duab uas ci-ci ntawd tau ua rau kuv ob lub qhovmuag tsis pomkev lawm, yogli ntawd kuv cov phoojywg uas nrog kuv mus ntawd thiajli tuav kuv tes thiab coj kuv mus rau hauv lub nroog Damaxakas.
12“Nyob hauv lub nroog Damaxakas muaj ib tug txivneej hu ua Ananias, nws yog ib tug uas hwm Vajtswv, coj rawsli peb tej Kevcai, thiab yog ib tug uas cov neeg Yudais uas nyob hauv lub nroog Damaxakas puavleej hwm nws. 13Nws tuaj saib kuv, nws los sawv ntawm kuv ib sab thiab hais rau kuv tias, ‘Tus kwv Xaulaus 'e, koj ciali rov pomkev!’ Tamsim ntawd kuv txawm rov pomkev thiab tsa qhovmuag saib nws. 14Nws hais ntxiv tias, ‘Peb cov yawgkoob tus Vajtswv tau xaiv koj los paub Nws tus dejsiab, los pom Nws tus Tubtxib uas ncajncees, thiab los hnov Nws tej lus uas Nws hais rau koj. 15Rauqhov koj yuav ua ib tug timkhawv txog Nws, yuav qhia zaj uas koj tau pom thiab tau hnov lawm rau sawvdaws paub. 16Nimno koj tseem yuav tos ua dabtsi? Ciali sawv thiab ua kevcai rausdej, thiab tuav tus Tswv lub npe thov Nws ntxuav koj tej kev txhaum huv tibsi mus.’
Vajtswv Hu Paulus Mus Qhia Lwm Haivneeg
17“Tomqab kuv rov los txog hauv lub nroog Yeluxalees, thiab thaum kuv tseem tabtom thov Vajtswv hauv lub Tuamtsev, kuv txawm ua yogtoog, 18kuv pom tus Tswv los hais rau kuv tias, ‘Ciali majnroos thiab tawm hauv lub nroog Yeluxalees no mus, rauqhov cov neeg uas nyob hauv no yuav tsis kam txais yuav koj txoj kev ua timkhawv txog Kuv.’ 19Kuv txawm teb tias, ‘Tus Tswv, lawv yeej paub meej tias kuv tau mus rau hauv tej tsev sablaj, mus ntes thiab mus ntaus cov uas ntseeg Koj. 20Thaum Koj tus timkhawv Xatefanus raug tua tuag, kuv nyob ntawd thiab; kuv tseem nrog lawv pomzoo kom muab nws tua povtseg, thiab tseem pab saib cov neeg uas tua Xatefanus tej tsho ntev thiab.’ #Teshl 7:58 21Tus Tswv hais rau kuv tias, ‘Ciali mus, Kuv yuav txib koj mus deb heev, uas yog mus rau Lwm Haivneeg.’ ”
22Cov neeg ntawd mloog Paulus piav los txog li no xwb, ces lawv txawm qw nrov-nrov hais tias, “Tus neeg no nyob hnyav av xwb, tsis tsimnyog ua neej nyob lawm! Ciali muab nws tua! Muab nws tua povtseg!” 23Lawv qw nrov-nrov, thiab hle lawv tej tsho pov zomzaws rau ub rau no, thiab tsuab hmoov av w rau saum nruabntug. 24Tus thawj tubrog pawg txhiab txawm kom nws cov tubrog coj Paulus mus hauv lub yeej, muab nws nplawm kom nws qhia seb yog vim licas cov Yudais pheej yuav qw tawmtsam Paulus heev ualuaj. 25Tiamsis thaum cov tubrog tabtom muab nws khi es yuav muab nws nplawm, Paulus txawm hais rau tus thawj tubrog pawg pua uas sawv ze ntawd hais tias, “Qhov uas ciali muab ib tug pejxeem Loos nplawm uantej uas twb tsis tau taug nws zaj thiab pom tias nws muaj txim, qhov ntawd puas rawsli txoj kevcai?”
26Thaum tus thawj tubrog pawg pua hnov li ntawd, nws mus qhia rau tus thawj tubrog pawg txhiab hais tias, “Koj ua dabtsi li no? Tus txivneej ntawd yog ib tug pejxeem Loos los sav!”
27Yogli ntawd, tus thawj tubrog pawg txhiab thiaj los nug Paulus hais tias, “Qhia rau kuv seb, koj yog pejxeem Loos lov?”
Paulus teb tias, “Kuv yeej yog tiag.”
28Tus thawj tubrog pawg txhiab txawm hais tias, “Kuv kuj yog neeg Loos thiab, tiamsis kuv them nyiaj ntau heev, kuv thiaj dhau tau los ua ib tug pejxeem Loos.”
Paulus teb tias, “Tiamsis thaum kuv yug los, kuv yeej yog neeg Loos lawm.”
29Tamsim ntawd cov neeg uas tseem yuav taug Paulus zaj txawm thim tawm ntawm nws mus lawm; thiab thaum tus thawj tubrog pawg txhiab paub tias Paulus yog pejxeem Loos, nws ntshai heev, rauqhov nws twb muab Paulus khi lawm.
Paulus Sawv Tabmeeg Cov Yudais Tej Nomtswv
30Tus thawj tubrog pawg txhiab xav paub tseeb hais tias tej lus uas cov Yudais nkaug Paulus ntawd yog licas tiag; yogli ntawd, hnub tomqab nws txawm kom lawv muab Paulus txoj saw hlau daws, thiab hais kom cov thawj povthawj hlob thiab cov thawjcoj hauv Koomhaum qibsiab sawvdaws tuaj sablaj uake. Ces nws txawm coj Paulus los sawv tabmeeg sawvdaws.
ទើបបានជ្រើសរើសហើយ៖
Tes Haujlwm 22: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.
Tes Haujlwm 22
22
1“Nej cov uas ua niam ua txiv thiab ua kwv ua tij sawvdaws, thov nej mloog kuv tej lus uas kuv yuav hais daws kuv zaj!” 2Thaum lawv hnov Paulus ua lus Henplais hais rau lawv, lawv tseem hajyam nyob ntsiagto dua qub; Paulus thiaj hais tias:
3“Kuv yog neeg Yudais, kuv yug hauv lub nroog Thaxus uas nyob pem tebchaws Kilikias, tiamsis kuv los lojhlob nyob hauv lub nroog Yeluxalees no. Nkamaliyees yog tus xibhwb qhia ntawv rau kuv ntag. Kuv tau ua tibzoo kawm txog peb cov yawgkoob tej Kevcai, thiab kuv muab siab npuab Vajtswv ib yam li nej txhua tus uas hnubno nyob rau ntawm no thiab. #Teshl 5:34-39 4Kuv tau tsimtxom cov neeg uas taug Txojkev no kom tuag mus. Kuv tau ntes tej pojniam thiab txivneej coj mus kaw rau hauv tsev lojcuj. #Teshl 8:3; 26:9-11 5Tus Tuam Povthawj Hlob thiab tagnrho cov thawjcoj hauv Koomhaum qibsiab puavleej ua tau timkhawv hais tias kuv hais tseeb xwb. Kuv tau txais tej ntaub ntawv uas lawv ua rau kuv nqa mus rau cov kwvtij Yudais uas nyob pem lub nroog Damaxakas, yogli ntawd, kuv thiaj mus ntes cov uas nyob rau ped thiab cab los rautxim rau nrad lub nroog Yeluxalees no.
Paulus Hais Txog Qhov Uas Nws Los Ntseeg Vajtswv
(Tes Haujlwm 9:1-19; 26:12-18)
6“Thaum yuavluag tavsu uas kuv tabtom taug kev mus yuav txog pem lub nroog Damaxakas, txawm muaj ib tug duab ci nplas saum ntuj los puagncig kuv. 7Kuv txawm ntog kiag rau hauv av thiab hnov ib lub suab hais rau kuv tias, ‘Xaulaus, Xaulaus! Ua licas koj tsimtxom Kuv?’
8“Kuv nug nws hais tias, ‘Tus Tswv, koj yog leejtwg?’ Nws teb kuv tias, ‘Kuv yog Yexus tus uas yog neeg Naxalev, uas koj tsimtxom ntag.’ 9Cov txivneej uas nrog kuv mus puavleej pom tus duab ci ntawd, tiamsis lawv tsis hnov tus uas tabtom haislus rau kuv ntawd lub suab.
10“Kuv nug hais tias, ‘Tus Tswv, kuv yuav ua licas?’ Tus Tswv thiaj hais rau kuv tias, ‘Koj ciali sawv thiab mus rau hauv lub nroog Damaxakas. Thaum koj mus txog tod, yuav muaj neeg qhia rau koj paub txog txhua yam uas Vajtswv tau npaj tseg cia rau koj ua.’ 11Tus duab uas ci-ci ntawd tau ua rau kuv ob lub qhovmuag tsis pomkev lawm, yogli ntawd kuv cov phoojywg uas nrog kuv mus ntawd thiajli tuav kuv tes thiab coj kuv mus rau hauv lub nroog Damaxakas.
12“Nyob hauv lub nroog Damaxakas muaj ib tug txivneej hu ua Ananias, nws yog ib tug uas hwm Vajtswv, coj rawsli peb tej Kevcai, thiab yog ib tug uas cov neeg Yudais uas nyob hauv lub nroog Damaxakas puavleej hwm nws. 13Nws tuaj saib kuv, nws los sawv ntawm kuv ib sab thiab hais rau kuv tias, ‘Tus kwv Xaulaus 'e, koj ciali rov pomkev!’ Tamsim ntawd kuv txawm rov pomkev thiab tsa qhovmuag saib nws. 14Nws hais ntxiv tias, ‘Peb cov yawgkoob tus Vajtswv tau xaiv koj los paub Nws tus dejsiab, los pom Nws tus Tubtxib uas ncajncees, thiab los hnov Nws tej lus uas Nws hais rau koj. 15Rauqhov koj yuav ua ib tug timkhawv txog Nws, yuav qhia zaj uas koj tau pom thiab tau hnov lawm rau sawvdaws paub. 16Nimno koj tseem yuav tos ua dabtsi? Ciali sawv thiab ua kevcai rausdej, thiab tuav tus Tswv lub npe thov Nws ntxuav koj tej kev txhaum huv tibsi mus.’
Vajtswv Hu Paulus Mus Qhia Lwm Haivneeg
17“Tomqab kuv rov los txog hauv lub nroog Yeluxalees, thiab thaum kuv tseem tabtom thov Vajtswv hauv lub Tuamtsev, kuv txawm ua yogtoog, 18kuv pom tus Tswv los hais rau kuv tias, ‘Ciali majnroos thiab tawm hauv lub nroog Yeluxalees no mus, rauqhov cov neeg uas nyob hauv no yuav tsis kam txais yuav koj txoj kev ua timkhawv txog Kuv.’ 19Kuv txawm teb tias, ‘Tus Tswv, lawv yeej paub meej tias kuv tau mus rau hauv tej tsev sablaj, mus ntes thiab mus ntaus cov uas ntseeg Koj. 20Thaum Koj tus timkhawv Xatefanus raug tua tuag, kuv nyob ntawd thiab; kuv tseem nrog lawv pomzoo kom muab nws tua povtseg, thiab tseem pab saib cov neeg uas tua Xatefanus tej tsho ntev thiab.’ #Teshl 7:58 21Tus Tswv hais rau kuv tias, ‘Ciali mus, Kuv yuav txib koj mus deb heev, uas yog mus rau Lwm Haivneeg.’ ”
22Cov neeg ntawd mloog Paulus piav los txog li no xwb, ces lawv txawm qw nrov-nrov hais tias, “Tus neeg no nyob hnyav av xwb, tsis tsimnyog ua neej nyob lawm! Ciali muab nws tua! Muab nws tua povtseg!” 23Lawv qw nrov-nrov, thiab hle lawv tej tsho pov zomzaws rau ub rau no, thiab tsuab hmoov av w rau saum nruabntug. 24Tus thawj tubrog pawg txhiab txawm kom nws cov tubrog coj Paulus mus hauv lub yeej, muab nws nplawm kom nws qhia seb yog vim licas cov Yudais pheej yuav qw tawmtsam Paulus heev ualuaj. 25Tiamsis thaum cov tubrog tabtom muab nws khi es yuav muab nws nplawm, Paulus txawm hais rau tus thawj tubrog pawg pua uas sawv ze ntawd hais tias, “Qhov uas ciali muab ib tug pejxeem Loos nplawm uantej uas twb tsis tau taug nws zaj thiab pom tias nws muaj txim, qhov ntawd puas rawsli txoj kevcai?”
26Thaum tus thawj tubrog pawg pua hnov li ntawd, nws mus qhia rau tus thawj tubrog pawg txhiab hais tias, “Koj ua dabtsi li no? Tus txivneej ntawd yog ib tug pejxeem Loos los sav!”
27Yogli ntawd, tus thawj tubrog pawg txhiab thiaj los nug Paulus hais tias, “Qhia rau kuv seb, koj yog pejxeem Loos lov?”
Paulus teb tias, “Kuv yeej yog tiag.”
28Tus thawj tubrog pawg txhiab txawm hais tias, “Kuv kuj yog neeg Loos thiab, tiamsis kuv them nyiaj ntau heev, kuv thiaj dhau tau los ua ib tug pejxeem Loos.”
Paulus teb tias, “Tiamsis thaum kuv yug los, kuv yeej yog neeg Loos lawm.”
29Tamsim ntawd cov neeg uas tseem yuav taug Paulus zaj txawm thim tawm ntawm nws mus lawm; thiab thaum tus thawj tubrog pawg txhiab paub tias Paulus yog pejxeem Loos, nws ntshai heev, rauqhov nws twb muab Paulus khi lawm.
Paulus Sawv Tabmeeg Cov Yudais Tej Nomtswv
30Tus thawj tubrog pawg txhiab xav paub tseeb hais tias tej lus uas cov Yudais nkaug Paulus ntawd yog licas tiag; yogli ntawd, hnub tomqab nws txawm kom lawv muab Paulus txoj saw hlau daws, thiab hais kom cov thawj povthawj hlob thiab cov thawjcoj hauv Koomhaum qibsiab sawvdaws tuaj sablaj uake. Ces nws txawm coj Paulus los sawv tabmeeg sawvdaws.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.