1 Kauleethaus 8
8
Lus Nug Txog Tej Zaub-mov Uas Muab Fij Rau Mlom
1Zaumno, hais txog tej zaub-mov uas luag muab fij rau tej mlom lawm.
Peb yeej paub tias “Peb txhua tus puavleej muaj kev txawjntse.” Kev txawjntse ua rau muaj kev khavtheeb; tiamsis kev hlub ua rau muaj kev ruaj-khov tuaj. 2Tus uas xav tias nws paub qeeyam, tus ntawd yeej tseem tsis tau paub li qhov uas tsimnyog nws yuavtsum paub. 3Tiamsis tus uas hlub Vajtswv, Vajtswv yeej paub tus ntawd.
4Yogli ntawd, hais txog tej zaub-mov uas luag muab fij rau tej mlom lawm: peb yeej paub tias nyob rau hauv lub ntiajteb no, mlom yeej tsis tseemceeb dabtsi li, thiab peb paub tias tsuas muaj tibtug Vajtswv xwb, yeej tsis muaj dua lwmtus li lawm. 5Txawm yog tej uas neeg yuav hu hais tias “tej nyuag vajtswv,” tsis hais nyob saum ntuj lossis hauv ntiajteb no; txawm yuav nyiam muaj ntau “tus nyuag vajtswv” thiab ntau “tus nyuag tswv,” 6los peb tsuas muaj tibtug Vajtswv, uas yog Leejtxiv tus uas tsim ibpuas tsavyam thiab yog tus uas pub txojsia rau peb los ua neej nyob pub rau Nws. Tsuas muaj tibtug Tswv xwb, uas yog Yexus Khetos, txhua yam yog Nws tsim thiab qhov uas peb muaj sia los puavleej yog los ntawm Nws los.
7Tiamsis tsis yog txhua tus paub txog tej no. Muaj ibtxhia yog cov uas yeej ibtxwm teev mlom ntev los lawm, yogli ntawd, thaum lawv noj zaub noj mov, lawv thiaj tseem xav tias tej ntawd yog tej uas twb muab fij rau mlom lawm. Lawv tej kev xav tseem tsis tau ruaj-khov, lawv thiaj xav tias yog lawv noj ces lawv ua txhaum lawm. 8Tiamsis tej zaub-mov ntawd yeej coj tsis tau kom peb los nyob ze rau ntawm Vajtswv; txawm yog peb tsis noj los peb yeej tsis tuncua dabtsi, thiab txawm yog peb noj los yeej tsis ntxiv dabtsi tuaj.
9Tiamsis nej yuavtsum ceevfaj, tsis txhob siv nej txoj kev ywjpheej ua rau cov uas txoj kev ntseeg tseem tsis tau khov yuamkev mus ua txhaum. 10Pivxam hais tias muaj ib tug uas nws txoj kev xav tseem tsis tau ruaj-khov, pom koj tus uas paub txog tej no tabtom noj mov hauv lub tsev teev mlom; qhov no puas yog txhawb kom nws ciali mus noj tej zaub-mov uas tau muab fij rau tej mlom ntawd thiab? 11Vim nej txoj kev paub, nej thiaj ua rau cov kwvtij uas lawv txoj kev xav tseem tsis tau ruaj-khov uas Khetos twb los tuag theej lawv lub txhoj lawm raug kev puastsuaj! 12Thaum nej ua txhaum rau nej cov kwvtij ntseeg li no, nej ua rau lawv txoj kev xav uas tseem tsis tau ruaj-khov ntawd muaj kev puasntsoog, ces yog nej ua txhaum rau Khetos ntag. 13Yogli ntawd, yog tias tej uas kuv noj ua rau kuv ib tug kwvtij poob kev txhaum, ces kuv yuav tsis noj nqaij ntxiv li lawm, kom kuv thiajli yuav tsis ua rau ib tug ntseeg yuamkev mus ua txhaum.
ទើបបានជ្រើសរើសហើយ៖
1 Kauleethaus 8: MWW2022
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022 United Bible Societies. All rights reserved.