Mag 16
16
Yisa a kum a fiim a bɔr
(Matiu 28:1-8; Lug 24:1-12; Jɔnn 20:1-10)
1Likpakɔɔl daal kaah nan jon nin, le Meri wan nyan Magidalin, nin Salomi, nin Meri wan nan ye Jemisi a na nan, nan jon ki tan daa tulaali ke bin tan gbir ŋa Yisa a gbanann. 2Nnyantoon a chinchinn a weem daal a jakpanyiɛn, ke nween kaa la pɔɔ, le bi chinn ki fii ki jon kukaag nmɔn yaan. 3Baah la nan be nsan bu ki chaan, le bi baan tab ke, “Ŋma tan yin bin litangbagil lan leg kukaag nan a mɔb ki sei taa?” (Litangbagil nmɔn nan yab pam.) 4Le bi tan mal niin, ki miin likalool nmɔn pii bin ki dɔ li binba le. 5Le bi kɔɔ kukaag nmɔn yaan, ki kan unaachipɔɔn ka nnɔɔjiin paam ki yee daala peŋ fufɔbig. Le ni gar bi takpem.
6Le unaachipɔɔn nmɔn bei bi ke, “Ni laa che nin gar ni man ni. Ni ban Yisa wan ye Nazarif a tiŋ a ninfou wan wee bi nan kpaa u lidapunpunl bu n le. U fii nkumin na. Waa be do. 7Ni li jir ki tan bei u bɔɔnɔɔb nin Piita ke u liin bi nintogil ki jon Galilii u; nin yaan le bi ta li kan u ke waah pii nan bei bi man ni.”
8Le bipiibin a sufu nan ŋmarin, le bi gbanann jegil, le bi nan nyan kukaag nmɔn yaan, ki guun, le kaa bei uba, nan bu-n bijawaam le nan choo bi.
Yisa kaah nan ta u ba ki wɔɔn bininfob man
(Matiu 28:9-10; Lug 24:13-35; Jɔnn 20:11-18)
9 # 16:9 Chinchinn a sɔbim nin nsɔbim man wee ti num gbee mu terim ki kpiɛ bitinkpegib a siɛra jib kaa jɔɔ Mag 16:9-20. Tɔ, Yisa kaah nan fii nkumin, Juu yaab a kpakɔɔl daal kaah jon ki won a jakpanyiɛn nmɔn, u nan chinn ta u ba wɔɔn Meri wan nan nyan Magidalin ni le, wan wee u nan nyan nnaanbiim milile u ni nan. 10Le Meri nan jon bininfob ban nan nɔɔ Yisa nan ban. Ban nan jɔɔ npoobiin ki ka ki mɔɔr nan. Le ki bei bi ke u kan Yisa u, u fii nkumin na. 11Baah gbir man nin, baa nan ŋa yada.
12Ni bɔɔn bu, le Yisa a bɔɔnɔɔb bilee nan choon chaa ntingbaan. Le Yisa nan degir ki ta u ba wɔɔn bi. 13Le bi jir kitiŋin yaan ki tan bei bi tabin, baah kan Yisa man, le baa ŋa yada.
Yisa kaah nan ta u baa ki wɔɔn u bɔɔnɔɔb piig nin u ba man
(Matiu 28:16-20; Lug 24:36-49; Jɔnn 20:19-23; Litoonl 1:6-8)
14Ni bɔɔn bu jigin le Yisa a bɔɔnɔɔb piig nin uba-n nan ka ki ji tijiir, le u nan degir bi bu, ki fuun bi bu nin bi yada kaah waar man, nin bi tuli kaah pɔɔ. Mambu, nin baah kaa ŋa ban kan waah fii nkumin ni yada-n bu. 15Le u ji bei bi ke, “Ni li chaa ki tan mɔɔn tibɔŋann nmɔn ki wɔɔn uninfo biɛn, kutingbɔŋ nan yaan biɛn na. 16Wan biɛn ŋa yada wee bi fun u Uwonbɔr a nyunfulin ke u li kan nŋmarim; amaa wan kaa ŋa yada ke Uwonbɔr na li bii u. 17Amaa ban ŋaam yada nan li tun ligaril a toon; bi na li yin n yinl ki nyan nnaanbiim bininfobin, ki ji pag ileen pɔɔn, 18ni ye bi nan choo iwaa bee bi nan jin bi tijibir ke, naa li ŋa bi niba, bi ji nan ta bi nɔɔi ki paan bibaarib bu ke, bi li kan kutebug.”
Yisa kaah don Uwonbɔr a niin man
(Lug 24:50-53; Litoonl 1:9-11)
19Tɔ, Yisa kaah nan pag tibɔr nmɔn ki diɛ n-yonn man nin, le Uwonbɔr ta u don U niin ki tan kaan u ma Uwonbɔr a nɔɔjiim paam. 20Man le u bɔɔnɔɔbin nan jon ki tan be ki mɔɔn u bɔŋann nmɔn ilog biɛn, le ti yudaau nmɔn be nin bi, ki che bi tun ligaril a toon, le bi toon nmɔn wɔɔn siɛra ke bi mɔɔn ni nmɔn ye ibamɔn le.
ទើបបានជ្រើសរើសហើយ៖
Mag 16: KUGL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Komba New Testament © Bible Society of Ghana, 2014.
Mag 16
16
Yisa a kum a fiim a bɔr
(Matiu 28:1-8; Lug 24:1-12; Jɔnn 20:1-10)
1Likpakɔɔl daal kaah nan jon nin, le Meri wan nyan Magidalin, nin Salomi, nin Meri wan nan ye Jemisi a na nan, nan jon ki tan daa tulaali ke bin tan gbir ŋa Yisa a gbanann. 2Nnyantoon a chinchinn a weem daal a jakpanyiɛn, ke nween kaa la pɔɔ, le bi chinn ki fii ki jon kukaag nmɔn yaan. 3Baah la nan be nsan bu ki chaan, le bi baan tab ke, “Ŋma tan yin bin litangbagil lan leg kukaag nan a mɔb ki sei taa?” (Litangbagil nmɔn nan yab pam.) 4Le bi tan mal niin, ki miin likalool nmɔn pii bin ki dɔ li binba le. 5Le bi kɔɔ kukaag nmɔn yaan, ki kan unaachipɔɔn ka nnɔɔjiin paam ki yee daala peŋ fufɔbig. Le ni gar bi takpem.
6Le unaachipɔɔn nmɔn bei bi ke, “Ni laa che nin gar ni man ni. Ni ban Yisa wan ye Nazarif a tiŋ a ninfou wan wee bi nan kpaa u lidapunpunl bu n le. U fii nkumin na. Waa be do. 7Ni li jir ki tan bei u bɔɔnɔɔb nin Piita ke u liin bi nintogil ki jon Galilii u; nin yaan le bi ta li kan u ke waah pii nan bei bi man ni.”
8Le bipiibin a sufu nan ŋmarin, le bi gbanann jegil, le bi nan nyan kukaag nmɔn yaan, ki guun, le kaa bei uba, nan bu-n bijawaam le nan choo bi.
Yisa kaah nan ta u ba ki wɔɔn bininfob man
(Matiu 28:9-10; Lug 24:13-35; Jɔnn 20:11-18)
9 # 16:9 Chinchinn a sɔbim nin nsɔbim man wee ti num gbee mu terim ki kpiɛ bitinkpegib a siɛra jib kaa jɔɔ Mag 16:9-20. Tɔ, Yisa kaah nan fii nkumin, Juu yaab a kpakɔɔl daal kaah jon ki won a jakpanyiɛn nmɔn, u nan chinn ta u ba wɔɔn Meri wan nan nyan Magidalin ni le, wan wee u nan nyan nnaanbiim milile u ni nan. 10Le Meri nan jon bininfob ban nan nɔɔ Yisa nan ban. Ban nan jɔɔ npoobiin ki ka ki mɔɔr nan. Le ki bei bi ke u kan Yisa u, u fii nkumin na. 11Baah gbir man nin, baa nan ŋa yada.
12Ni bɔɔn bu, le Yisa a bɔɔnɔɔb bilee nan choon chaa ntingbaan. Le Yisa nan degir ki ta u ba wɔɔn bi. 13Le bi jir kitiŋin yaan ki tan bei bi tabin, baah kan Yisa man, le baa ŋa yada.
Yisa kaah nan ta u baa ki wɔɔn u bɔɔnɔɔb piig nin u ba man
(Matiu 28:16-20; Lug 24:36-49; Jɔnn 20:19-23; Litoonl 1:6-8)
14Ni bɔɔn bu jigin le Yisa a bɔɔnɔɔb piig nin uba-n nan ka ki ji tijiir, le u nan degir bi bu, ki fuun bi bu nin bi yada kaah waar man, nin bi tuli kaah pɔɔ. Mambu, nin baah kaa ŋa ban kan waah fii nkumin ni yada-n bu. 15Le u ji bei bi ke, “Ni li chaa ki tan mɔɔn tibɔŋann nmɔn ki wɔɔn uninfo biɛn, kutingbɔŋ nan yaan biɛn na. 16Wan biɛn ŋa yada wee bi fun u Uwonbɔr a nyunfulin ke u li kan nŋmarim; amaa wan kaa ŋa yada ke Uwonbɔr na li bii u. 17Amaa ban ŋaam yada nan li tun ligaril a toon; bi na li yin n yinl ki nyan nnaanbiim bininfobin, ki ji pag ileen pɔɔn, 18ni ye bi nan choo iwaa bee bi nan jin bi tijibir ke, naa li ŋa bi niba, bi ji nan ta bi nɔɔi ki paan bibaarib bu ke, bi li kan kutebug.”
Yisa kaah don Uwonbɔr a niin man
(Lug 24:50-53; Litoonl 1:9-11)
19Tɔ, Yisa kaah nan pag tibɔr nmɔn ki diɛ n-yonn man nin, le Uwonbɔr ta u don U niin ki tan kaan u ma Uwonbɔr a nɔɔjiim paam. 20Man le u bɔɔnɔɔbin nan jon ki tan be ki mɔɔn u bɔŋann nmɔn ilog biɛn, le ti yudaau nmɔn be nin bi, ki che bi tun ligaril a toon, le bi toon nmɔn wɔɔn siɛra ke bi mɔɔn ni nmɔn ye ibamɔn le.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Komba New Testament © Bible Society of Ghana, 2014.