Mag 15
15
Baah ta Yisa ki jon Palati ban man
(Matiu 27:1-2,11-14; Lug 23:1-5; Jɔnn 18:28-38)
1Kumanug a ninkpeeb, nin kitiŋ nmɔn a ninkpeeb, nin ban wɔɔnn Uwonbɔr a siim, nin Juu yaab a ninkpeeb biɛn nan lagin njakpanyiɛn, ki lol ilol, le ki baan Yisa tikulor ki ta u jon kitiŋ nmɔn a bɔr ninkpelu wan wee bi yi u ke Palati n ban. 2Le Palati baan u ke, “Fin le sin ye Juu yaab a bɔru win naa?”
Le Yisa jiin ki ke, “Ke ŋaah len man ni.”
3Le kumanug a ninkpeeb nmɔn pag ki bii u takpem. 4Le Palati ji baan u, “Ŋaa yin jiin tiba, pelim baah pag ki biiŋ man.”
5Le Yisa le yii kaa jiin ni, le ni gar Palati.
Palati kaah nan jaa ke bin ku Yisa man
(Matiu 27:15-26; Lug 23:13-25; Jɔnn 18:39—19:16)
6Yuglagir a chiig a jim a yonn biɛn, Palati ti nyan uninfo uba le kuloondiigin, wan wee bininfobin ban, ki jaa. 7Iyaayoo nmɔn uja uba nan be kuloondiigin, le u yinl ye Barabasi. U ma nin bininfob biba le nan be kuloondiigin, bi mɔyiil lan wee bi nan jɔɔ kitiŋin yaan wee ki ku bininfobin bu. 8Mambu le kuninfogbaluŋ nmɔn nan lagin ki miɛ Palati ke un tun ke waah pii ti tun man ni.
9Le u baan bi ke, “Ni ban n nyan Juu yaab a bɔru win lee?” 10Nan bu-n u nyi ibamɔn ke kininaŋ bu le kumanug a ninkpeeb ta Yisa ki ŋa u nɔɔn. 11Le kumanug a ninkpeeb nmɔn nan mann pag ki bei kuninfogbaluŋin ke, bin bei u wee un nyan Barabasi sei bi.
12Le Palati mann baan bi ke, “Ke wan wee ni yi u ke Juu yaab a bɔru nan n ŋa u nii?”
13Le bi tiɛn nin nmɔpɔɔn ki ke, “Kpaa mu lidapunpunl bu.”
14Le Palati baan bi ke, “Babu? U bir jann ye ti laa?” Le bi mann tiɛn papaab ki ke, “Kpaa mu lidapunpunl bu!”
15Le Palati ban un penn kuninfogbaluŋin a sufu, mambu le u nyan Barabasi ki sei bi, le ki che bi boo Yisa, le ki ta u sei bi ke bin tan kpaa u lidapunpunl bu.
Bitɔtogib kaah nan sugir Yisa man
(Matiu 27:27-31; Jɔnn 19:2-3)
16Le bitɔtogib nmɔn ta Yisa ki kɔɔ kitiŋ nmɔn a bɔru Palati a naakoon#15:16 Palati a naakoon Rom yaab a leen yin bi nan yi Palati a naakoon nmɔn ‘Peritoriɛm’ le., ki yin bi kpiɛtiib biɛn. 17Le bi choo u wanyeewann pir, ki ta daala maŋ ki yeen u, le ki ta ikunkon ki loo kiyuchigirig ki ta chigin u, 18le ki nin poor u ke baah ti poor u bɔr man nin, ki ke, “Juu yaab a bɔru, a pɔɔ woo.” 19Le ki ta likikagil ki fiɛb u yul, ki siin timɔsann jaar u bu, ki gbaa bi dun bu u titogil. 20Baah daa u nyɔɔrug ki diɛ nan, le bi choo daala maŋin ki pir le ki jiin u yaa wan yɔɔrin ki yeen u, le ki ta u ki nyan ke bin tan kpaa u lidapunpunl bu.
Baah nan kpa Yisa lidapunpunl bu man
(Matiu 27:32-44; Lug 23:26-43; Jɔnn 19:17-27)
21Baah nan be nsan bu ki chaa n-yonn man nin, le bi kenn u jaa uba le u yinl ye Simɔnn. Le bitɔtogib nmɔn mug u le u gaa Yisa a kum a dapunpunl nmɔn. (Uja nmɔn nan ye Sarene a jau le, u nan nyan kitinbig kiba ni le ki chaan Jerusalam. U nan ye Alɛgzanda nin Rufusi a baa le.) 22Le bi ta Yisa ki jon nan yaan wee bi yi ke Goligota, (ni taai le ye, Kuyukpabug a bol.) 23Ni yaan le bininfob biba nan sei u ndaam man ŋmar nin nnyɔg man wee bi yi mi ke miɛr nan, le u yii kaa nyun ni. 24Le bi nin kpaa u lidapunpunl bu, le ki tɔn inaa ki por u wan yɔɔr. 25Bi nan kpaa u njakpanyiɛn le, tikur tiwiɛ a yonn. 26Bi nan sɔb baah ke bi kan u bir tan nmɔn le ki tabin u dapunpunlin bu le ki ke, “Juu yaab a bɔru n sɔ.” 27Bi nan kpaa binaayigib bilee idapunpun bu ki kpiɛ u bu, le uba be u nɔɔjiim paam, le u kpiɛg mu be u nɔɔgam paam.#Mag 10:37 28#15:28 Chinchinn a sɔbim nin nsɔbim man wee ti num gbee mu terim ki kpiɛ bitinkpegib a siɛra jib kaa jɔɔ Mag 15:28. Le ni gbeen nan sɔb Uwonbɔr a gbɔŋin ke, “Bi ŋa u le ke baah ŋaan titoonbirdam man nin.”
29Le ban nyan niin nin chonn ki gugin bi yuli ki sugir u, ki ke, “Tɔ, fin le ke a li fir ber iwonjiɛn niin nan ki ji ta iweehn itaa ki maa ki nna. 30Man ke, nyan lidapunpunl nan a paab ki jiirin ki nan fee a ba ki jaau.”
31Man le kumanug a ninkpeeb nin ban wɔɔnn Uwonbɔr a siimin mu sugir u, le ki bei tab ke, “U ti feen u tab le ki jaar, kaa ji na li fir fee u ba ki jaa. 32Juu yaab a bɔru wan ye Masiya nan, nya lidapunpunl nan a paab ki jirin daandaan nan, wee ti kan ki ŋa u yada.” Le ban wee bi nan ta kpiɛ u bu ki kpaa n mu sugir u.
Yisa a kum a bɔr
(Matiu 27:45-56; Lug 23:44-49; Jɔnn 19:28-30)
33Nwosisiigin, le kutingbɔŋ biɛn nan bɔŋ ki tan kpaa kujɔɔg a kur titaa. 34Ti kur titaa nmɔn a yonn, le Yisa kunn papaab ke, “Eloi, Eloi, lema sabagtani?” Ni taai le ye ke, “N Wonbɔru, n Wonbɔru ba ŋa wee a fɔr ki jiɛn maa?”
35Le ban si niin nin gbir waah yi, le biba ke, “Ni pela man u yi Elaja le.” 36Le bi ni uba guun ki tan yuur chiisɔgsu ki ta ŋa ndaam man mɔɔn nin ki ta sagin kudaag bu, le ki don tan sei u ke un nyu, ki ji len ke, “Che ti lig njee Elaja li dan ki nan jiin u lidapunpunl nan a paab bee waa li dan naa?”
37Le Yisa mann kunn papaab, le ki nin kpo iyaayoo nmɔn.
38N-yonn nmɔn le likinkenl lan jɔn ki por iwonjiɛn niin nin choo bɔgir papaab ki tan jaa tum. 39Le bitɔb a sanliiru nan si lidapunpunl nmɔn ban ki kan Yisa kaah kpo man nmɔn, le ki ke, “Ibamɔn bu, uja nmɔn sin ye Uwonbɔr a Bija le.”
40Le Meri wan nyan Magidalin nin Meri wan ye Jemisi big nin Josesi a na nan, nin Salomi, mu nan kpiɛ bipiib biba bu le bi si nan fɔg ki lig. 41Bi pii nan nɔɔ Yisa, n-yonn man wee u la nan be Galilii n le, ki ter u. Bipiib tab takpem ban nan nɔɔ Yisa ki foo Jerusalam nan mu nan be niin.
Yisa a gbanann a piim a bɔr
(Matiu 27:57-61; Lug 23:50-56; Jɔnn 19:38-42)
42Ni nan ye sili daal le, ni nan yin wonn njakpanyiɛn likpakɔɔl daal le. Lidaal nmɔn a jɔɔg 43le Arimatiya a tiŋ a jau wan a yinl ye Josef nan dan. U nan ye Juu yaab a bɔjiru a ninkpelu uba le, ki ye u buchinn nin ibamɔn, ki nan guu Uwonbɔr a naam n-yaa foonim. Mambu, le u nan jon Palati ban kaa san bijawaami ke un ta Yisa a gbanann ki sei u ni. 44Palati kaah pii gbir ke Yisa kpo nan, le ni gar u, le u yin bitɔb a sanliiru ki tan baan u ke, “Yisa kaah kpe-n ni yuur waa?” 45Waah nan gbir bitɔb a sanliiru nmɔn a mɔnn diɛ, le u yin Josef nmɔn ki nan jaa u ke un tan yuur Yisa a gbanann nna. 46Josef pii nan daa kikinpeŋa le ki tan jɔnn Yisa a gbanann lidapunpunl n bu ki ta pɔbin niin, ki ta u piin kukaag kan wee bi nan jiɛ kutanpiig bu, ki ta litangbagtakpenl ki biin ki mɔbin. 47Le Meri wan nan nyan Magidalin nin Meri wan nan ye Josesi a na nan, bi nan kan baah pii Yisa a gbanann nan yaan na.
ទើបបានជ្រើសរើសហើយ៖
Mag 15: KUGL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Komba New Testament © Bible Society of Ghana, 2014.
Mag 15
15
Baah ta Yisa ki jon Palati ban man
(Matiu 27:1-2,11-14; Lug 23:1-5; Jɔnn 18:28-38)
1Kumanug a ninkpeeb, nin kitiŋ nmɔn a ninkpeeb, nin ban wɔɔnn Uwonbɔr a siim, nin Juu yaab a ninkpeeb biɛn nan lagin njakpanyiɛn, ki lol ilol, le ki baan Yisa tikulor ki ta u jon kitiŋ nmɔn a bɔr ninkpelu wan wee bi yi u ke Palati n ban. 2Le Palati baan u ke, “Fin le sin ye Juu yaab a bɔru win naa?”
Le Yisa jiin ki ke, “Ke ŋaah len man ni.”
3Le kumanug a ninkpeeb nmɔn pag ki bii u takpem. 4Le Palati ji baan u, “Ŋaa yin jiin tiba, pelim baah pag ki biiŋ man.”
5Le Yisa le yii kaa jiin ni, le ni gar Palati.
Palati kaah nan jaa ke bin ku Yisa man
(Matiu 27:15-26; Lug 23:13-25; Jɔnn 18:39—19:16)
6Yuglagir a chiig a jim a yonn biɛn, Palati ti nyan uninfo uba le kuloondiigin, wan wee bininfobin ban, ki jaa. 7Iyaayoo nmɔn uja uba nan be kuloondiigin, le u yinl ye Barabasi. U ma nin bininfob biba le nan be kuloondiigin, bi mɔyiil lan wee bi nan jɔɔ kitiŋin yaan wee ki ku bininfobin bu. 8Mambu le kuninfogbaluŋ nmɔn nan lagin ki miɛ Palati ke un tun ke waah pii ti tun man ni.
9Le u baan bi ke, “Ni ban n nyan Juu yaab a bɔru win lee?” 10Nan bu-n u nyi ibamɔn ke kininaŋ bu le kumanug a ninkpeeb ta Yisa ki ŋa u nɔɔn. 11Le kumanug a ninkpeeb nmɔn nan mann pag ki bei kuninfogbaluŋin ke, bin bei u wee un nyan Barabasi sei bi.
12Le Palati mann baan bi ke, “Ke wan wee ni yi u ke Juu yaab a bɔru nan n ŋa u nii?”
13Le bi tiɛn nin nmɔpɔɔn ki ke, “Kpaa mu lidapunpunl bu.”
14Le Palati baan bi ke, “Babu? U bir jann ye ti laa?” Le bi mann tiɛn papaab ki ke, “Kpaa mu lidapunpunl bu!”
15Le Palati ban un penn kuninfogbaluŋin a sufu, mambu le u nyan Barabasi ki sei bi, le ki che bi boo Yisa, le ki ta u sei bi ke bin tan kpaa u lidapunpunl bu.
Bitɔtogib kaah nan sugir Yisa man
(Matiu 27:27-31; Jɔnn 19:2-3)
16Le bitɔtogib nmɔn ta Yisa ki kɔɔ kitiŋ nmɔn a bɔru Palati a naakoon#15:16 Palati a naakoon Rom yaab a leen yin bi nan yi Palati a naakoon nmɔn ‘Peritoriɛm’ le., ki yin bi kpiɛtiib biɛn. 17Le bi choo u wanyeewann pir, ki ta daala maŋ ki yeen u, le ki ta ikunkon ki loo kiyuchigirig ki ta chigin u, 18le ki nin poor u ke baah ti poor u bɔr man nin, ki ke, “Juu yaab a bɔru, a pɔɔ woo.” 19Le ki ta likikagil ki fiɛb u yul, ki siin timɔsann jaar u bu, ki gbaa bi dun bu u titogil. 20Baah daa u nyɔɔrug ki diɛ nan, le bi choo daala maŋin ki pir le ki jiin u yaa wan yɔɔrin ki yeen u, le ki ta u ki nyan ke bin tan kpaa u lidapunpunl bu.
Baah nan kpa Yisa lidapunpunl bu man
(Matiu 27:32-44; Lug 23:26-43; Jɔnn 19:17-27)
21Baah nan be nsan bu ki chaa n-yonn man nin, le bi kenn u jaa uba le u yinl ye Simɔnn. Le bitɔtogib nmɔn mug u le u gaa Yisa a kum a dapunpunl nmɔn. (Uja nmɔn nan ye Sarene a jau le, u nan nyan kitinbig kiba ni le ki chaan Jerusalam. U nan ye Alɛgzanda nin Rufusi a baa le.) 22Le bi ta Yisa ki jon nan yaan wee bi yi ke Goligota, (ni taai le ye, Kuyukpabug a bol.) 23Ni yaan le bininfob biba nan sei u ndaam man ŋmar nin nnyɔg man wee bi yi mi ke miɛr nan, le u yii kaa nyun ni. 24Le bi nin kpaa u lidapunpunl bu, le ki tɔn inaa ki por u wan yɔɔr. 25Bi nan kpaa u njakpanyiɛn le, tikur tiwiɛ a yonn. 26Bi nan sɔb baah ke bi kan u bir tan nmɔn le ki tabin u dapunpunlin bu le ki ke, “Juu yaab a bɔru n sɔ.” 27Bi nan kpaa binaayigib bilee idapunpun bu ki kpiɛ u bu, le uba be u nɔɔjiim paam, le u kpiɛg mu be u nɔɔgam paam.#Mag 10:37 28#15:28 Chinchinn a sɔbim nin nsɔbim man wee ti num gbee mu terim ki kpiɛ bitinkpegib a siɛra jib kaa jɔɔ Mag 15:28. Le ni gbeen nan sɔb Uwonbɔr a gbɔŋin ke, “Bi ŋa u le ke baah ŋaan titoonbirdam man nin.”
29Le ban nyan niin nin chonn ki gugin bi yuli ki sugir u, ki ke, “Tɔ, fin le ke a li fir ber iwonjiɛn niin nan ki ji ta iweehn itaa ki maa ki nna. 30Man ke, nyan lidapunpunl nan a paab ki jiirin ki nan fee a ba ki jaau.”
31Man le kumanug a ninkpeeb nin ban wɔɔnn Uwonbɔr a siimin mu sugir u, le ki bei tab ke, “U ti feen u tab le ki jaar, kaa ji na li fir fee u ba ki jaa. 32Juu yaab a bɔru wan ye Masiya nan, nya lidapunpunl nan a paab ki jirin daandaan nan, wee ti kan ki ŋa u yada.” Le ban wee bi nan ta kpiɛ u bu ki kpaa n mu sugir u.
Yisa a kum a bɔr
(Matiu 27:45-56; Lug 23:44-49; Jɔnn 19:28-30)
33Nwosisiigin, le kutingbɔŋ biɛn nan bɔŋ ki tan kpaa kujɔɔg a kur titaa. 34Ti kur titaa nmɔn a yonn, le Yisa kunn papaab ke, “Eloi, Eloi, lema sabagtani?” Ni taai le ye ke, “N Wonbɔru, n Wonbɔru ba ŋa wee a fɔr ki jiɛn maa?”
35Le ban si niin nin gbir waah yi, le biba ke, “Ni pela man u yi Elaja le.” 36Le bi ni uba guun ki tan yuur chiisɔgsu ki ta ŋa ndaam man mɔɔn nin ki ta sagin kudaag bu, le ki don tan sei u ke un nyu, ki ji len ke, “Che ti lig njee Elaja li dan ki nan jiin u lidapunpunl nan a paab bee waa li dan naa?”
37Le Yisa mann kunn papaab, le ki nin kpo iyaayoo nmɔn.
38N-yonn nmɔn le likinkenl lan jɔn ki por iwonjiɛn niin nin choo bɔgir papaab ki tan jaa tum. 39Le bitɔb a sanliiru nan si lidapunpunl nmɔn ban ki kan Yisa kaah kpo man nmɔn, le ki ke, “Ibamɔn bu, uja nmɔn sin ye Uwonbɔr a Bija le.”
40Le Meri wan nyan Magidalin nin Meri wan ye Jemisi big nin Josesi a na nan, nin Salomi, mu nan kpiɛ bipiib biba bu le bi si nan fɔg ki lig. 41Bi pii nan nɔɔ Yisa, n-yonn man wee u la nan be Galilii n le, ki ter u. Bipiib tab takpem ban nan nɔɔ Yisa ki foo Jerusalam nan mu nan be niin.
Yisa a gbanann a piim a bɔr
(Matiu 27:57-61; Lug 23:50-56; Jɔnn 19:38-42)
42Ni nan ye sili daal le, ni nan yin wonn njakpanyiɛn likpakɔɔl daal le. Lidaal nmɔn a jɔɔg 43le Arimatiya a tiŋ a jau wan a yinl ye Josef nan dan. U nan ye Juu yaab a bɔjiru a ninkpelu uba le, ki ye u buchinn nin ibamɔn, ki nan guu Uwonbɔr a naam n-yaa foonim. Mambu, le u nan jon Palati ban kaa san bijawaami ke un ta Yisa a gbanann ki sei u ni. 44Palati kaah pii gbir ke Yisa kpo nan, le ni gar u, le u yin bitɔb a sanliiru ki tan baan u ke, “Yisa kaah kpe-n ni yuur waa?” 45Waah nan gbir bitɔb a sanliiru nmɔn a mɔnn diɛ, le u yin Josef nmɔn ki nan jaa u ke un tan yuur Yisa a gbanann nna. 46Josef pii nan daa kikinpeŋa le ki tan jɔnn Yisa a gbanann lidapunpunl n bu ki ta pɔbin niin, ki ta u piin kukaag kan wee bi nan jiɛ kutanpiig bu, ki ta litangbagtakpenl ki biin ki mɔbin. 47Le Meri wan nan nyan Magidalin nin Meri wan nan ye Josesi a na nan, bi nan kan baah pii Yisa a gbanann nan yaan na.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Komba New Testament © Bible Society of Ghana, 2014.