Mark 9
9
1Tavra Jesus uqallavsaaŋaruq. Iḷumun uqallautigivsi. Marra iñuich iḷaŋich ittut tuquniaŋitchuat tautuŋaiñŋaan kamanaqtuakun atanniqsimannigniksraŋa God-im.
Jesus Qiññaŋa Allaŋŋuqtauruq
(Matthew 17.1-13; Luke 9.28-36)
2 #
2 P 1.17, 18. Tavra itchaksrat uvlut pianiŋmata, Jesus piqasiutiŋagai Peter-lu James-lu John-lu, aasii mayuutivlugich qutchiksuamun iġġimun kisiisa. Tavrani ilaan qiññaŋa allaŋuŋaruq takkuanni. 3Suli annuġaaŋi qaummaġiksiŋarut, qatiqsipiaġataqłutiŋ aputitun, qatiqpaił̣ł̣utiŋ kialiqaa nunami salummaġumiñaiñŋagai qatiqsił̣haaġlugich. 4Tavra niptaŋaruk Elijah-lu Moses-lu, aasii iliŋikta uqaqatigiŋagaak Jesus. 5Tavra Peter uqallaguliqsiŋaruq Jesus-mun, Iḷisaurrii, nakuuruq maaniinnapta. Tupiqta piŋasunik iḷaŋat iliŋnun, iḷaŋat suli Moses-mun, atausiqsuli Elijah-mun. 6Ilaa naluŋaruq sumik uqallautiksramik, iqsivaił̣ł̣utiŋ. 7#Mt 3.17; Mk 1.11; Lk 3.22.Tavra nuvuyam qulaunŋagai, aasii nuvuyamiñ iġiña, uqallaŋaruq. Uvva piviuttaġiraġa Iġñiġa. Naalaġnisiuŋ, aasii kamagilugu. 8Tavra tavrauvva, alaqisanikamiŋ tautuŋaitchut iñuŋmik, aglaan Jesus kisian iliŋiḷḷu. 9Tavra atqallaġmiŋ iġġimiñ, piraksriŋagai quliaqtuaquŋił̣ł̣ugich iñuŋmun sunik tautuŋakkamiŋnik, Iġñiŋa Iñuum aŋiḷġataqtillugu tuqqunmiñ. 10Tavra quliaqtuaġiŋaitkaat taamna. Apiqsruqtuutirraqsiŋarut avanmun sumik aŋiñiq tuqqunmiñ sivuniqaġmagaan. 11#Ml 4.5; Mt 11.14.Tavra apiġiŋagaat Jesus, Summan iḷisaurrit pitquranik uqaġuuvat Elijah qaiqqaaqtuksraunivḷugu qaiŋaiñŋaan Christ-guruaq? 12Jesus kiuŋagai, Iḷumun ittuq Elijah qaiqqaaġniaqtuq Christ-miñ aasii itqanaiġñiaġai supayaat. Aglaalli qanuq Bible uqaluŋich uqaluqaqpat Iġñiŋagun Iñuum? Inna uqaluqaqtut, nagliksaaqpaktuksraunivḷugu suli pisuŋisauluni. 13Aglaalli uqallautigivsi, Elijah qaiganiŋaruq, aasii iñuich piŋagaat qanupayauraq pisukamirruŋ, nalautiłługich aglausimaruat Bible-ni ilaagun.
Jesus Iłuaqsigaa Nukatpiaġruk Ilitqusiqł̣ulik
(Matthew 17.14-21; Luke 9.37-43a)
14Tavra Jesus tikiññami iḷitchitquramiñun pairuanun, tautuŋagai iñugiapiaġataqtuat iñusalaich avataanni iḷisaurriḷḷu pitquranik uqavaaqtuat iḷitchitquranun. 15Tavra tavrauvvaa iluqaġmiŋ iñuich, tautukamirruŋ Jesus, atqunaqłutiŋ niġiiḷḷaqtauŋarut, aasii aqpałłutiŋ ilaanun paġlaŋagaat. 16Tavra ilaan apiġiŋagai, Sunik uqavaaġutiqaqpisi? 17Tavra iḷaŋata iñusalaich kiuŋagaa, Iḷisaurrii, qaġġisiŋagiga iliŋnun iġñiġa. Ilaa uqalaitchuq ilitqusiqł̣uqaqłuni. 18Ilitqusiqł̣uum aŋalataġirraqsimmagu, ilaan iqł̣ataġiraġigaa, innuliqiraqtuġlu, tiriqtitakługiḷḷu kigutini, tiggaqsivluniḷu. Aasii apiġiŋagaluaġitka iḷitchitquratin ilaiññun anitquvlugu ilitqusiqł̣uk aasii anilaiñŋagaat. 19Jesus uqallautiŋagai, qanutun uvva ukpiġutaisigirusi iñuich. Qanutun sivisutigiruamik nayugaksraġivisi ukpiliġataqtillusi? Qanutun igḷutugaksraġivisi? Qaġġitchuuŋ nukatpiaġruk uvamnun. 20Tavra ilaisa qaġġisiŋagaat Jesus-mun. Tautugmagu Jesus, tavrauvvaa ilitqusiqł̣uum qiiqsruqtinŋagaa, aasii ulġuŋaruq nunamun, suli aksralikłuni innuliqivluni qaniġmiñi. 21Tavra Jesus apiġiŋagaa aapaŋa, Qaŋaaglaan tainnaiḷiŋava? Ilaan kiuŋagaa, Miqłiqtuurauniġmiñiñaglaan. 22Akulaitchuami ulġuttaġigaa igniġmun, immamullu, tuqutchukługu. Piḷḷaguvich supayaamik, nagligilunuk ikayuqtiguk. 23Jesus kiuŋagaa, Apiqsrivich piḷḷatilaamnik? Supayaaq piḷḷaruq ukpiġutiqaqtuamun. 24Tavra tavrauvvaa aapaŋa miqłiqtum uqallaŋaruq nipatuvluni, Ataniiq, ukpiqtuŋa. Ikayuŋŋa ukpilivsaaquluŋa.
25Tavra Jesus tautukamigich iñuich qairuat aqpamik atautchimun, ilaan suaŋagaa ilitqusiqł̣uk, Ilivich ilitqusiqł̣uuk, uqalaisitchiruatiin tusaalaisitchiruatiillu anitqugikpiñ nukatpiaġruŋmiñ. Isitqigñak ilaanun. 26Tavra ilitqusiqł̣uk nipaalaŋaruq, suli iqł̣ataġiqqaaqługu atqunaq nukatpiaġruk, aniŋaruq ilaaniñ. Tavra iḷiŋaruq tuquŋaruatun iñugiaktuat uqallallasivḷugich, Tuquruq. 27Tavra Jesus tiguŋagaa argaŋigun, aasii ikayuqługu makitiłługu, aasii makinŋaruq.
28Tavra Jesus isiġman iglumun, iḷitchitquraŋisa apiġiŋagaat suiḷaurivḷutiŋ, Summan uvagut ilitqusiqł̣uk anilaitpisigu? 29Jesus kiuŋagai, Aŋaiyyutim kisimi anillagaa tainnasiq ilitqusiqł̣uk, sum allam piyumiñaitkaa.
Jesus Uqautigivsaaġaa Tuqqutini
(Matthew 17.22-23; Luke 9.43b-45)
30Tavra aullaŋarut tavraŋŋa, aasii iglauvlutiŋ Galilee-kun. Ilaan iñupayaamun iḷisimatquŋaitkaa sumiitilaani, 31qanuq iḷisautiŋagai iḷitchitqurani, suli uqallautiŋagai, Iġñiŋa Iñuum aitchuutauniaqtuq iñuŋnun, aasii tuqunniaġaat. Tuqutauganikkumi, ilaa aŋiñiaqtuq piŋayuagni uvluk. 32Tavra kaŋiqsiŋaitkaat taamna uqaluk, suli taluqsraŋarut apiġiniaġniksraŋagun.
Kiña Kamanaġniqsrauva?
(Matthew 18.1-5; Luke 9.46-48)
33Tavra tikiñŋarut Capernaum-mun. Iglumiillaġmiŋ Jesus apiġiŋagai, Sumik uqavaaġutiqaqtuasii avanmun iglaullapta? 34#Lk 22.24.Iḷitchitqurat kiuŋaitkaat, qanuq iglaullaġmiŋ uqaŋarut avanmun kiña kamanaġniqsrauniaġmagaan. 35#Mt 20.26, 27; 23.11; Mk 10.43, 44; Lk 22.26.Tavra aquvinŋaruq, aasii qaitquŋagai qulit malġuk iḷitchitqurat, aasii uqallautivlugich, Kiñaliqaa iluqaiññiñ kamanaqsił̣haaġukkumi, kamanaił̣haaqtuksrauruq inmiñik, kivgaliutiluni iluqaiññun. 36Tavra ilaan tiguŋagaa miqłiqtuq, aasii inillakługu akunġannun, aasii saġlirriutianikamiuŋ, uqallautiŋagai, 37#Mt 10.40; Lk 10.16; Jn 13.20.Iñuum paġlakpauŋ miqłiqtuuraq uvaŋa pisigiluŋa, uvaŋa paġlagaaŋa. Kialiqaa paġlakamiŋa uvaŋałhiñaq paġlaŋitkaaŋa aglaallu tilisiŋaruaq uvamnik.
Akiḷḷiḷiqsuutiŋitchuaq Uvaptiŋnun Iḷagigikput
(Luke 9.49-50)
38Tavra John uqallautiŋagaa Jesus, Iḷisaurrii, tautuktuaguut iñuŋmik anittairuamik ilitqusiqł̣uŋnik atuqługu atqiñ, aasii iñiqtikkaqput, qanuq uvaptiŋnun piqatauŋiñman. 39Tavra Jesus uqallaŋaruq, Iñiqtiġnagu. Qanuq aliuġnaqtuamik savakkumiñaqtuamik iñuitchuq atuġlugu atiġa, pigiitchuamik uqautigiyumiñallaġmiŋa. 40#Mt 12.30; Lk 11.23.Qanuq akiḷḷiḷiqsuutiŋitchuaq uvaptiŋnun iḷagigikput. 41#Mt 10.42.Kialiqaa aitchuġumisi qallugauramun imiġmik imigaksravsiññik Christ pigimmasi, iḷumun uqallautigivsi, akiḷiusiaqaġniaqtuq.
Piḷuksipkaqtinniaġutit
(Matthew 18.6-9; Luke 17.1-2)
42Kialiqaa piḷuksipkaqpauŋ iḷaŋat makua miqłiqtuuratun iḷivḷutiŋ ukpiqtuat uvamnun, iłuałhaaġayaqtuq uyaġagruamik quŋusiġutchiġḷugu taamna iñuk igitaukpan taġiumun. 43#Mt 5.30.Argakpich piḷuksipkaqpatin, iñuugiñ argaiqsuatun piḷutin. Iłuałhaaġayaqtuq isiġuvich atanniqsimavianun God-im atautchimikunnii argaqaġlutin, iluqaaktun argaqaġniġmiñ aasii nagliksaaġviŋmuktitaulutin, igniġmun qamilaił̣aamun. 44[Taavrumani inimi, qupilġut niġiruat tuqulaitchut, suli igniq sumikunnii qamilaitchuq.] 45Tainnatun suli isigakpich piḷuksipkaqpatin, iñuugiñ isigaiqsuatun piḷutin. Iłuałhaaġayaqtuq isiġuvich atanniqsimavianun God-im isigaitkaluaŋŋaqpich malġugnik isigaqaġniġmiñ aasii nagliksaaġviŋmuktitaulutin. 46[Taavrumani inimi, qupilġut niġiruat tuqulaitchut, suli igniq sumikunnii qamilaitchuq.] 47#Mt 5.29.Suli irivich piḷuksipkaqpatin, iñuugiñ iraiqsuatun piḷutin. Iłuałhaaġayaqtuq isiġuvich God-im atanniqsimavianun iriqaġlutin atautchimik malġugnik iriqaġniġmiñ aasii nagliksaaġviŋmuktitaulutin.
48 #
Is 66.24. Taavrumani inimi qupilġut niġiruat timiŋiññik tuqulaitchut, suli igniq sumikunnii qamilaitchuq. 49Iñupayaaq nakuqsiḷaaqtauyumiñaqtuq igḷutuiḷuni nagliksaaġutinik, tapiglautimmatun ignikun. 50#Mt 5.13; Lk 14.34, 35.Taġiuq niqimun tivraġiksiḷaaġutauruq, aglaan taġiuq taġiuġniiqpan, qanuq taġiuġniḷiġñiaqpisiuŋ? Taġiuġniiġñasi ilivsiññi, suli uqavaaġutaiḷḷusi avanmun.
ទើបបានជ្រើសរើសហើយ៖
Mark 9: INUPIAQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Mark 9
9
1Tavra Jesus uqallavsaaŋaruq. Iḷumun uqallautigivsi. Marra iñuich iḷaŋich ittut tuquniaŋitchuat tautuŋaiñŋaan kamanaqtuakun atanniqsimannigniksraŋa God-im.
Jesus Qiññaŋa Allaŋŋuqtauruq
(Matthew 17.1-13; Luke 9.28-36)
2 #
2 P 1.17, 18. Tavra itchaksrat uvlut pianiŋmata, Jesus piqasiutiŋagai Peter-lu James-lu John-lu, aasii mayuutivlugich qutchiksuamun iġġimun kisiisa. Tavrani ilaan qiññaŋa allaŋuŋaruq takkuanni. 3Suli annuġaaŋi qaummaġiksiŋarut, qatiqsipiaġataqłutiŋ aputitun, qatiqpaił̣ł̣utiŋ kialiqaa nunami salummaġumiñaiñŋagai qatiqsił̣haaġlugich. 4Tavra niptaŋaruk Elijah-lu Moses-lu, aasii iliŋikta uqaqatigiŋagaak Jesus. 5Tavra Peter uqallaguliqsiŋaruq Jesus-mun, Iḷisaurrii, nakuuruq maaniinnapta. Tupiqta piŋasunik iḷaŋat iliŋnun, iḷaŋat suli Moses-mun, atausiqsuli Elijah-mun. 6Ilaa naluŋaruq sumik uqallautiksramik, iqsivaił̣ł̣utiŋ. 7#Mt 3.17; Mk 1.11; Lk 3.22.Tavra nuvuyam qulaunŋagai, aasii nuvuyamiñ iġiña, uqallaŋaruq. Uvva piviuttaġiraġa Iġñiġa. Naalaġnisiuŋ, aasii kamagilugu. 8Tavra tavrauvva, alaqisanikamiŋ tautuŋaitchut iñuŋmik, aglaan Jesus kisian iliŋiḷḷu. 9Tavra atqallaġmiŋ iġġimiñ, piraksriŋagai quliaqtuaquŋił̣ł̣ugich iñuŋmun sunik tautuŋakkamiŋnik, Iġñiŋa Iñuum aŋiḷġataqtillugu tuqqunmiñ. 10Tavra quliaqtuaġiŋaitkaat taamna. Apiqsruqtuutirraqsiŋarut avanmun sumik aŋiñiq tuqqunmiñ sivuniqaġmagaan. 11#Ml 4.5; Mt 11.14.Tavra apiġiŋagaat Jesus, Summan iḷisaurrit pitquranik uqaġuuvat Elijah qaiqqaaqtuksraunivḷugu qaiŋaiñŋaan Christ-guruaq? 12Jesus kiuŋagai, Iḷumun ittuq Elijah qaiqqaaġniaqtuq Christ-miñ aasii itqanaiġñiaġai supayaat. Aglaalli qanuq Bible uqaluŋich uqaluqaqpat Iġñiŋagun Iñuum? Inna uqaluqaqtut, nagliksaaqpaktuksraunivḷugu suli pisuŋisauluni. 13Aglaalli uqallautigivsi, Elijah qaiganiŋaruq, aasii iñuich piŋagaat qanupayauraq pisukamirruŋ, nalautiłługich aglausimaruat Bible-ni ilaagun.
Jesus Iłuaqsigaa Nukatpiaġruk Ilitqusiqł̣ulik
(Matthew 17.14-21; Luke 9.37-43a)
14Tavra Jesus tikiññami iḷitchitquramiñun pairuanun, tautuŋagai iñugiapiaġataqtuat iñusalaich avataanni iḷisaurriḷḷu pitquranik uqavaaqtuat iḷitchitquranun. 15Tavra tavrauvvaa iluqaġmiŋ iñuich, tautukamirruŋ Jesus, atqunaqłutiŋ niġiiḷḷaqtauŋarut, aasii aqpałłutiŋ ilaanun paġlaŋagaat. 16Tavra ilaan apiġiŋagai, Sunik uqavaaġutiqaqpisi? 17Tavra iḷaŋata iñusalaich kiuŋagaa, Iḷisaurrii, qaġġisiŋagiga iliŋnun iġñiġa. Ilaa uqalaitchuq ilitqusiqł̣uqaqłuni. 18Ilitqusiqł̣uum aŋalataġirraqsimmagu, ilaan iqł̣ataġiraġigaa, innuliqiraqtuġlu, tiriqtitakługiḷḷu kigutini, tiggaqsivluniḷu. Aasii apiġiŋagaluaġitka iḷitchitquratin ilaiññun anitquvlugu ilitqusiqł̣uk aasii anilaiñŋagaat. 19Jesus uqallautiŋagai, qanutun uvva ukpiġutaisigirusi iñuich. Qanutun sivisutigiruamik nayugaksraġivisi ukpiliġataqtillusi? Qanutun igḷutugaksraġivisi? Qaġġitchuuŋ nukatpiaġruk uvamnun. 20Tavra ilaisa qaġġisiŋagaat Jesus-mun. Tautugmagu Jesus, tavrauvvaa ilitqusiqł̣uum qiiqsruqtinŋagaa, aasii ulġuŋaruq nunamun, suli aksralikłuni innuliqivluni qaniġmiñi. 21Tavra Jesus apiġiŋagaa aapaŋa, Qaŋaaglaan tainnaiḷiŋava? Ilaan kiuŋagaa, Miqłiqtuurauniġmiñiñaglaan. 22Akulaitchuami ulġuttaġigaa igniġmun, immamullu, tuqutchukługu. Piḷḷaguvich supayaamik, nagligilunuk ikayuqtiguk. 23Jesus kiuŋagaa, Apiqsrivich piḷḷatilaamnik? Supayaaq piḷḷaruq ukpiġutiqaqtuamun. 24Tavra tavrauvvaa aapaŋa miqłiqtum uqallaŋaruq nipatuvluni, Ataniiq, ukpiqtuŋa. Ikayuŋŋa ukpilivsaaquluŋa.
25Tavra Jesus tautukamigich iñuich qairuat aqpamik atautchimun, ilaan suaŋagaa ilitqusiqł̣uk, Ilivich ilitqusiqł̣uuk, uqalaisitchiruatiin tusaalaisitchiruatiillu anitqugikpiñ nukatpiaġruŋmiñ. Isitqigñak ilaanun. 26Tavra ilitqusiqł̣uk nipaalaŋaruq, suli iqł̣ataġiqqaaqługu atqunaq nukatpiaġruk, aniŋaruq ilaaniñ. Tavra iḷiŋaruq tuquŋaruatun iñugiaktuat uqallallasivḷugich, Tuquruq. 27Tavra Jesus tiguŋagaa argaŋigun, aasii ikayuqługu makitiłługu, aasii makinŋaruq.
28Tavra Jesus isiġman iglumun, iḷitchitquraŋisa apiġiŋagaat suiḷaurivḷutiŋ, Summan uvagut ilitqusiqł̣uk anilaitpisigu? 29Jesus kiuŋagai, Aŋaiyyutim kisimi anillagaa tainnasiq ilitqusiqł̣uk, sum allam piyumiñaitkaa.
Jesus Uqautigivsaaġaa Tuqqutini
(Matthew 17.22-23; Luke 9.43b-45)
30Tavra aullaŋarut tavraŋŋa, aasii iglauvlutiŋ Galilee-kun. Ilaan iñupayaamun iḷisimatquŋaitkaa sumiitilaani, 31qanuq iḷisautiŋagai iḷitchitqurani, suli uqallautiŋagai, Iġñiŋa Iñuum aitchuutauniaqtuq iñuŋnun, aasii tuqunniaġaat. Tuqutauganikkumi, ilaa aŋiñiaqtuq piŋayuagni uvluk. 32Tavra kaŋiqsiŋaitkaat taamna uqaluk, suli taluqsraŋarut apiġiniaġniksraŋagun.
Kiña Kamanaġniqsrauva?
(Matthew 18.1-5; Luke 9.46-48)
33Tavra tikiñŋarut Capernaum-mun. Iglumiillaġmiŋ Jesus apiġiŋagai, Sumik uqavaaġutiqaqtuasii avanmun iglaullapta? 34#Lk 22.24.Iḷitchitqurat kiuŋaitkaat, qanuq iglaullaġmiŋ uqaŋarut avanmun kiña kamanaġniqsrauniaġmagaan. 35#Mt 20.26, 27; 23.11; Mk 10.43, 44; Lk 22.26.Tavra aquvinŋaruq, aasii qaitquŋagai qulit malġuk iḷitchitqurat, aasii uqallautivlugich, Kiñaliqaa iluqaiññiñ kamanaqsił̣haaġukkumi, kamanaił̣haaqtuksrauruq inmiñik, kivgaliutiluni iluqaiññun. 36Tavra ilaan tiguŋagaa miqłiqtuq, aasii inillakługu akunġannun, aasii saġlirriutianikamiuŋ, uqallautiŋagai, 37#Mt 10.40; Lk 10.16; Jn 13.20.Iñuum paġlakpauŋ miqłiqtuuraq uvaŋa pisigiluŋa, uvaŋa paġlagaaŋa. Kialiqaa paġlakamiŋa uvaŋałhiñaq paġlaŋitkaaŋa aglaallu tilisiŋaruaq uvamnik.
Akiḷḷiḷiqsuutiŋitchuaq Uvaptiŋnun Iḷagigikput
(Luke 9.49-50)
38Tavra John uqallautiŋagaa Jesus, Iḷisaurrii, tautuktuaguut iñuŋmik anittairuamik ilitqusiqł̣uŋnik atuqługu atqiñ, aasii iñiqtikkaqput, qanuq uvaptiŋnun piqatauŋiñman. 39Tavra Jesus uqallaŋaruq, Iñiqtiġnagu. Qanuq aliuġnaqtuamik savakkumiñaqtuamik iñuitchuq atuġlugu atiġa, pigiitchuamik uqautigiyumiñallaġmiŋa. 40#Mt 12.30; Lk 11.23.Qanuq akiḷḷiḷiqsuutiŋitchuaq uvaptiŋnun iḷagigikput. 41#Mt 10.42.Kialiqaa aitchuġumisi qallugauramun imiġmik imigaksravsiññik Christ pigimmasi, iḷumun uqallautigivsi, akiḷiusiaqaġniaqtuq.
Piḷuksipkaqtinniaġutit
(Matthew 18.6-9; Luke 17.1-2)
42Kialiqaa piḷuksipkaqpauŋ iḷaŋat makua miqłiqtuuratun iḷivḷutiŋ ukpiqtuat uvamnun, iłuałhaaġayaqtuq uyaġagruamik quŋusiġutchiġḷugu taamna iñuk igitaukpan taġiumun. 43#Mt 5.30.Argakpich piḷuksipkaqpatin, iñuugiñ argaiqsuatun piḷutin. Iłuałhaaġayaqtuq isiġuvich atanniqsimavianun God-im atautchimikunnii argaqaġlutin, iluqaaktun argaqaġniġmiñ aasii nagliksaaġviŋmuktitaulutin, igniġmun qamilaił̣aamun. 44[Taavrumani inimi, qupilġut niġiruat tuqulaitchut, suli igniq sumikunnii qamilaitchuq.] 45Tainnatun suli isigakpich piḷuksipkaqpatin, iñuugiñ isigaiqsuatun piḷutin. Iłuałhaaġayaqtuq isiġuvich atanniqsimavianun God-im isigaitkaluaŋŋaqpich malġugnik isigaqaġniġmiñ aasii nagliksaaġviŋmuktitaulutin. 46[Taavrumani inimi, qupilġut niġiruat tuqulaitchut, suli igniq sumikunnii qamilaitchuq.] 47#Mt 5.29.Suli irivich piḷuksipkaqpatin, iñuugiñ iraiqsuatun piḷutin. Iłuałhaaġayaqtuq isiġuvich God-im atanniqsimavianun iriqaġlutin atautchimik malġugnik iriqaġniġmiñ aasii nagliksaaġviŋmuktitaulutin.
48 #
Is 66.24. Taavrumani inimi qupilġut niġiruat timiŋiññik tuqulaitchut, suli igniq sumikunnii qamilaitchuq. 49Iñupayaaq nakuqsiḷaaqtauyumiñaqtuq igḷutuiḷuni nagliksaaġutinik, tapiglautimmatun ignikun. 50#Mt 5.13; Lk 14.34, 35.Taġiuq niqimun tivraġiksiḷaaġutauruq, aglaan taġiuq taġiuġniiqpan, qanuq taġiuġniḷiġñiaqpisiuŋ? Taġiuġniiġñasi ilivsiññi, suli uqavaaġutaiḷḷusi avanmun.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)