Mark 8
8
Jesus Niġipkaġai Four Thousand Iñuich
(Matthew 15.32-39)
1Taavruma aquqiatchiaŋagun iñusalaich katinŋarut. Niqiksraiñmata, Jesus ququaŋagai iḷitchitqurani inmiñun aasii uqallautivlugich. 2Nagligigitka ukua iñuich, qanuq nayuġaanŋa uvluni piŋasuni aasii paŋmapak niqiksraiġutirut. 3Aisaqtitkupkich niġipkaġaluaġnagich, sayaiġñiaqtut apqunmi, qanuq iḷaŋich qaiŋarut uŋasiksuamiñ. 4Tavra iḷitchitquraŋisa kiuŋagaat, Sumiñ iñuum niġisuiqsinniaqpagich ukua iñuich maani nunagluktuami? 5Tavra Jesus apiġiŋagai, Qavsiñik punniġutiqaqpisi? Iliŋich uqallaŋarut, Tallimat malġugnik.
6Tavra iñuich piraksriŋagai aquvitquvlugich nunamun. Tiguvlugich tallimat malġuk punniġich quyyavigiqqaaqługu God, avguŋagai aasii aitchuutigivlugich iḷitchitquramiñun autaaquvlugich iñuŋnun. Tavra iḷitchitqurat tainna piŋarut. 7Suli iqaluutiqaŋarut iñukitchuanik iqalukułłuuranik. Jesus quyyavigiqqaaqługu God, piraksriŋagai iḷitchitqurani niqłiksuutigitquvlugich iñuŋnun. 8Iñupayaat niġiŋarut niqinŋuġataqłutiŋ. Iñugiaktilaaqaqpalliŋarut 4,000-tun. 9Tavra iḷitchitqurat katitchiŋarut iḷakunik tallimat malġuk aguummakpaich siḷiviłługich. Taamna pianiŋman, Jesus aullaqtinŋagai iñuich. 10Tavra tavrauvvaa ilaa ikiŋaruq umiaqpauramun piqatigivlugich iḷitchitqurani, aasii tikiñŋarut Dalmanutha-mun.
Pharisees Tautuguŋarut Aliuġnaqtuamik
(Matthew 16.1-4)
11 #
Mt 12.38; Lk 11.16. Iḷaŋisa Pharisees ullaŋagaat Jesus aasii uqavaaġutiaqsivḷugu. Uuktuġukługu apiġiŋagaat tautuktitquvlutiŋ aliuġnaqtuamik qiḷaŋmiñ, iḷisimanaqsisaġlugu God-mun iviġaumagitilaaŋa. 12#Mt 12.39; Lk 11.29.Tavra aniqsaapaŋaruq atqunaq, aasii uqallakłuni, Summan makua iñuich apiqsrivat tautugukłutiŋ aliuġnaqtuamik? Uqallautigivsi, tainnasiq aliuġnaqtuaq tautuktitauniaŋitchuq taapkunuŋa iñuŋnun. 13Tavra ilaan qimaŋagai, aasii ikitqikł̣uni umiaqpauramun, ikaaŋarut taaguŋatchianun tatchim.
Pharisees-lu Herod-lu Arriqaqtut Imaksramik
(Matthew 16.5-12)
14Tavra iḷitchitqurat puiguiŋarut punniliraaksramiŋnik, aglaan punniġutiqaŋarut atautchimik umiaqpauramiŋñi. 15#Lk 12.1.Tavra Jesus iḷitchitqurani kiliŋagai uqaqłuni, Qaunagisitchi imaksrautiŋiññiñ Pharisees-lu umialguvlu Herod-gum. 16Iḷitchitqurat uqarraqsiŋarut avanmun, Ilaa uqallaktuq tainna, punniġutaiññapta. 17Jesus iḷisimavlugu uqautigikkaŋat uqallautiŋagai, Summan uqaaġutigivisiuŋ punniġutaiññiq? Iḷitchuġiŋaitpisi kaŋiqsiŋaił̣ł̣usiḷu? Puqiisigivisi tainnatun? 18#Jr 5.21; Ez 12.2; Mk 4.12.Iriqaġaluaqłusi tautuksiḷaitpisi? Siutiqaġaluaqłusi tusaalaitpisi? Piiguturusi. 19Avguqapkich tallimat punniġich 5,000-nun iñuŋnun, qavsiñik aguummagnik siḷiviłługich iḷakunik katitchiŋavisi? Iliŋisa kiuŋagaat, Qulit malġugnik. 20Suli avguqapkich tallimat malġuk punniġich 4,000-nun iñuŋnun, qavsiñik aguummakpaŋnik siḷiviłługich iḷakunik katitchiŋavisi? Tavra kiuŋagaat, Tallimat malġugnik. 21Tavra Jesus uqallautiŋagai, Naaggasuliuvva kaŋiqsiŋaitchusi uqautiqaqtilaamnik iḷisaurrutiŋiññik Pharisees-lu Herod-lu.
Jesus Iłuaqsigaa Ayauŋaruaq Iñuk Bethsaida-mi
22Tavra tikiñŋarut Bethsaida-mun, suli qaġġisiŋagaat iñuk ayauŋaruaq Jesus-mun, apiġipiaqługu aksiuquvlugu. 23Tavra ilaan tiguŋagaa ayauŋaruaq argaŋigun, aasii aullativlugu annisiŋagaa nunaaqqimiñ. Tavra tivvuaganikamiuŋ irrakkun, suli aksianikamiuŋ apiġiŋagaa, Sumik tautullasivich? 24Tavra aaġluŋaruq aasii uqallakłuni, Tautukkitka iñuich pisuaqtuat ilaapkua napaaqtut. 25Taamna pianiŋman Jesus aksiutqiŋagaa irrakkun. Tavrani iñuk qiñimmaġiksaapiaŋaruq aasii tautuksiḷḷasiŋaruq takpiksivḷuni. 26Tavra Jesus aipkaŋagaa igluanun, uqallautivlugu, Nunaaqqimugnak.
Peter-m Uqallautaa Jesus Kiutilaaŋanik
(Matthew 16.13-20; Luke 9.18-21)
27Tavra Jesus-lu iḷitchitquraniḷu aullaŋarut nunaaqqiŋiñun Caesarea Philippi-m. Iglaullaġmiŋ iḷitchitqurani apiġiŋagai, Uqallautisiŋa iñuich kiunisuuvanŋa? 28#Mk 6.14, 15; Lk 9.7, 8.Ilaisa kiuŋagaat, Iñuich iḷaŋisa John-gunisuugaatin Paptaiqsi, allalli Elijah-univḷutin, aasiivsauq allat iḷaginivḷutin uqaqtiŋiñun God-im. 29#Jn 6.68, 69.Jesus apiġiŋagai, ilivsiḷiasii kiunivisiŋa? Peter-m kiuŋagaa, Ilivich Christ-gurutin God-im Tiliraŋa. 30Jesus piraksriŋagai, Uqautiginagu taamna kimulliqaa.
Jesus Uqautigigaa Nagliksaaġniksrani Tuquniksraniḷu
(Matthew 16.21-28; Luke 9.22-27)
31Tavra Jesus iḷisautirraqsiŋagai iḷitchitqurani, Iġñiŋa Iñuum nagliksaaqpaktuksrauruq, pisuŋiññiaġaallu Jew-guruat atanauraŋisa, aŋaiyyuliqsiqpaiḷḷu, iḷisaurriḷḷu pitquranik. Aasiisuli tuqutauluŋa, piŋayuagniasii uvluk aŋiḷuŋa. 32Ilaan uqautigiŋagaa taamna iliŋiññun kaŋiqsiñaqsipiaqługu. Tavra Peter-m asivaqtaaġutivlugu uqallautiŋagaa, Tainna uqaqtuksrauŋitchutin. 33Tavra Jesus qiviaqługich iḷitchitqurani, suaŋagaa Peter, Satan, piiġiñ uvamniñ. Isumaŋitchutin God-im isummasianik, aglaan iñuich isumaŋannik.
34 #
Mt 10.38; Lk 14.27. Tavra Jesus ququaganikamigich iñuich ilimiñun iḷitchitquraniḷu, uqallautiŋagai, Kialiqaa maligukkumiŋa, piruksrauŋitchuq ilaan pisukkamiñik, iqsriutilugu aŋarraurani, itqanaitchuksrauruq tuqutautigiyumiñaġluŋaunnii. 35#Mt 10.39; Lk 17.33; Jn 12.25.Qanuq iñuk iñuullatuvaił̣aktuaq tammaiñiaqtuq iñuggunmiñik, aglaalli iñuk sullatuaġumiḷu atiruaq tuqqutiyumiñaġluŋaunnii, tusaayugaaġiksuaġlu, tammaiyumiñaipiaġaa iñuggutini. 36Iñuk suġallakkaluaġumi supayauranik nunamiittuanik aasii tammautigilugich, ilaa suuramik-unnii anniqsuġumiñaitchuq inmiñik. 37Sumik piitchuq iñuum simmiutiksraŋanik iñuggunmiñun. 38Qanuġviitchuq. Iñuum kanŋugikpaŋa iḷisaurrutitkalu iñuŋnun ukpiġutaitchuanun piḷuktuanullu, uvaŋaptauq Iġñiŋan Iñuum kanŋuginiaġmigiga qaiguma qaumanġani Aapama piqatigilugich piḷuutaitchuat isaġulgich.
ទើបបានជ្រើសរើសហើយ៖
Mark 8: INUPIAQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Mark 8
8
Jesus Niġipkaġai Four Thousand Iñuich
(Matthew 15.32-39)
1Taavruma aquqiatchiaŋagun iñusalaich katinŋarut. Niqiksraiñmata, Jesus ququaŋagai iḷitchitqurani inmiñun aasii uqallautivlugich. 2Nagligigitka ukua iñuich, qanuq nayuġaanŋa uvluni piŋasuni aasii paŋmapak niqiksraiġutirut. 3Aisaqtitkupkich niġipkaġaluaġnagich, sayaiġñiaqtut apqunmi, qanuq iḷaŋich qaiŋarut uŋasiksuamiñ. 4Tavra iḷitchitquraŋisa kiuŋagaat, Sumiñ iñuum niġisuiqsinniaqpagich ukua iñuich maani nunagluktuami? 5Tavra Jesus apiġiŋagai, Qavsiñik punniġutiqaqpisi? Iliŋich uqallaŋarut, Tallimat malġugnik.
6Tavra iñuich piraksriŋagai aquvitquvlugich nunamun. Tiguvlugich tallimat malġuk punniġich quyyavigiqqaaqługu God, avguŋagai aasii aitchuutigivlugich iḷitchitquramiñun autaaquvlugich iñuŋnun. Tavra iḷitchitqurat tainna piŋarut. 7Suli iqaluutiqaŋarut iñukitchuanik iqalukułłuuranik. Jesus quyyavigiqqaaqługu God, piraksriŋagai iḷitchitqurani niqłiksuutigitquvlugich iñuŋnun. 8Iñupayaat niġiŋarut niqinŋuġataqłutiŋ. Iñugiaktilaaqaqpalliŋarut 4,000-tun. 9Tavra iḷitchitqurat katitchiŋarut iḷakunik tallimat malġuk aguummakpaich siḷiviłługich. Taamna pianiŋman, Jesus aullaqtinŋagai iñuich. 10Tavra tavrauvvaa ilaa ikiŋaruq umiaqpauramun piqatigivlugich iḷitchitqurani, aasii tikiñŋarut Dalmanutha-mun.
Pharisees Tautuguŋarut Aliuġnaqtuamik
(Matthew 16.1-4)
11 #
Mt 12.38; Lk 11.16. Iḷaŋisa Pharisees ullaŋagaat Jesus aasii uqavaaġutiaqsivḷugu. Uuktuġukługu apiġiŋagaat tautuktitquvlutiŋ aliuġnaqtuamik qiḷaŋmiñ, iḷisimanaqsisaġlugu God-mun iviġaumagitilaaŋa. 12#Mt 12.39; Lk 11.29.Tavra aniqsaapaŋaruq atqunaq, aasii uqallakłuni, Summan makua iñuich apiqsrivat tautugukłutiŋ aliuġnaqtuamik? Uqallautigivsi, tainnasiq aliuġnaqtuaq tautuktitauniaŋitchuq taapkunuŋa iñuŋnun. 13Tavra ilaan qimaŋagai, aasii ikitqikł̣uni umiaqpauramun, ikaaŋarut taaguŋatchianun tatchim.
Pharisees-lu Herod-lu Arriqaqtut Imaksramik
(Matthew 16.5-12)
14Tavra iḷitchitqurat puiguiŋarut punniliraaksramiŋnik, aglaan punniġutiqaŋarut atautchimik umiaqpauramiŋñi. 15#Lk 12.1.Tavra Jesus iḷitchitqurani kiliŋagai uqaqłuni, Qaunagisitchi imaksrautiŋiññiñ Pharisees-lu umialguvlu Herod-gum. 16Iḷitchitqurat uqarraqsiŋarut avanmun, Ilaa uqallaktuq tainna, punniġutaiññapta. 17Jesus iḷisimavlugu uqautigikkaŋat uqallautiŋagai, Summan uqaaġutigivisiuŋ punniġutaiññiq? Iḷitchuġiŋaitpisi kaŋiqsiŋaił̣ł̣usiḷu? Puqiisigivisi tainnatun? 18#Jr 5.21; Ez 12.2; Mk 4.12.Iriqaġaluaqłusi tautuksiḷaitpisi? Siutiqaġaluaqłusi tusaalaitpisi? Piiguturusi. 19Avguqapkich tallimat punniġich 5,000-nun iñuŋnun, qavsiñik aguummagnik siḷiviłługich iḷakunik katitchiŋavisi? Iliŋisa kiuŋagaat, Qulit malġugnik. 20Suli avguqapkich tallimat malġuk punniġich 4,000-nun iñuŋnun, qavsiñik aguummakpaŋnik siḷiviłługich iḷakunik katitchiŋavisi? Tavra kiuŋagaat, Tallimat malġugnik. 21Tavra Jesus uqallautiŋagai, Naaggasuliuvva kaŋiqsiŋaitchusi uqautiqaqtilaamnik iḷisaurrutiŋiññik Pharisees-lu Herod-lu.
Jesus Iłuaqsigaa Ayauŋaruaq Iñuk Bethsaida-mi
22Tavra tikiñŋarut Bethsaida-mun, suli qaġġisiŋagaat iñuk ayauŋaruaq Jesus-mun, apiġipiaqługu aksiuquvlugu. 23Tavra ilaan tiguŋagaa ayauŋaruaq argaŋigun, aasii aullativlugu annisiŋagaa nunaaqqimiñ. Tavra tivvuaganikamiuŋ irrakkun, suli aksianikamiuŋ apiġiŋagaa, Sumik tautullasivich? 24Tavra aaġluŋaruq aasii uqallakłuni, Tautukkitka iñuich pisuaqtuat ilaapkua napaaqtut. 25Taamna pianiŋman Jesus aksiutqiŋagaa irrakkun. Tavrani iñuk qiñimmaġiksaapiaŋaruq aasii tautuksiḷḷasiŋaruq takpiksivḷuni. 26Tavra Jesus aipkaŋagaa igluanun, uqallautivlugu, Nunaaqqimugnak.
Peter-m Uqallautaa Jesus Kiutilaaŋanik
(Matthew 16.13-20; Luke 9.18-21)
27Tavra Jesus-lu iḷitchitquraniḷu aullaŋarut nunaaqqiŋiñun Caesarea Philippi-m. Iglaullaġmiŋ iḷitchitqurani apiġiŋagai, Uqallautisiŋa iñuich kiunisuuvanŋa? 28#Mk 6.14, 15; Lk 9.7, 8.Ilaisa kiuŋagaat, Iñuich iḷaŋisa John-gunisuugaatin Paptaiqsi, allalli Elijah-univḷutin, aasiivsauq allat iḷaginivḷutin uqaqtiŋiñun God-im. 29#Jn 6.68, 69.Jesus apiġiŋagai, ilivsiḷiasii kiunivisiŋa? Peter-m kiuŋagaa, Ilivich Christ-gurutin God-im Tiliraŋa. 30Jesus piraksriŋagai, Uqautiginagu taamna kimulliqaa.
Jesus Uqautigigaa Nagliksaaġniksrani Tuquniksraniḷu
(Matthew 16.21-28; Luke 9.22-27)
31Tavra Jesus iḷisautirraqsiŋagai iḷitchitqurani, Iġñiŋa Iñuum nagliksaaqpaktuksrauruq, pisuŋiññiaġaallu Jew-guruat atanauraŋisa, aŋaiyyuliqsiqpaiḷḷu, iḷisaurriḷḷu pitquranik. Aasiisuli tuqutauluŋa, piŋayuagniasii uvluk aŋiḷuŋa. 32Ilaan uqautigiŋagaa taamna iliŋiññun kaŋiqsiñaqsipiaqługu. Tavra Peter-m asivaqtaaġutivlugu uqallautiŋagaa, Tainna uqaqtuksrauŋitchutin. 33Tavra Jesus qiviaqługich iḷitchitqurani, suaŋagaa Peter, Satan, piiġiñ uvamniñ. Isumaŋitchutin God-im isummasianik, aglaan iñuich isumaŋannik.
34 #
Mt 10.38; Lk 14.27. Tavra Jesus ququaganikamigich iñuich ilimiñun iḷitchitquraniḷu, uqallautiŋagai, Kialiqaa maligukkumiŋa, piruksrauŋitchuq ilaan pisukkamiñik, iqsriutilugu aŋarraurani, itqanaitchuksrauruq tuqutautigiyumiñaġluŋaunnii. 35#Mt 10.39; Lk 17.33; Jn 12.25.Qanuq iñuk iñuullatuvaił̣aktuaq tammaiñiaqtuq iñuggunmiñik, aglaalli iñuk sullatuaġumiḷu atiruaq tuqqutiyumiñaġluŋaunnii, tusaayugaaġiksuaġlu, tammaiyumiñaipiaġaa iñuggutini. 36Iñuk suġallakkaluaġumi supayauranik nunamiittuanik aasii tammautigilugich, ilaa suuramik-unnii anniqsuġumiñaitchuq inmiñik. 37Sumik piitchuq iñuum simmiutiksraŋanik iñuggunmiñun. 38Qanuġviitchuq. Iñuum kanŋugikpaŋa iḷisaurrutitkalu iñuŋnun ukpiġutaitchuanun piḷuktuanullu, uvaŋaptauq Iġñiŋan Iñuum kanŋuginiaġmigiga qaiguma qaumanġani Aapama piqatigilugich piḷuutaitchuat isaġulgich.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)