Galatians 2
2
Paul-lu Allallu Tilirat
1 #
Ac 11.30; 15.2. Tavra akimiaġuutaiḷat ukiut pianiŋmata, aullatqiŋaruŋa Jerusalem-mun piqatigivlugu Barnabas, Titus piqatigivluguptauq. 2Aullaŋaruŋa qanuq God-im aullaquŋagaaŋa, aasii sivuniqsipkaġniaŋagiga taapkunuŋa aŋaiyyuliqiruani sivulliuqtauruanun, tusaayugaaġiksuaq alġaqsruutigikkaġa Jew-guŋitchuanun. Uqaqatigiŋagitka iñuił̣aami sivulliuqtauruat, iḷaanni savaurriñiġa God-mik anniqsuutauniaŋiññasugalugu. 3Titus unnii, Jew-guŋitchuaq piqatigikkaġa Jerusalem-mi, nalunaiñŋutchigaksraiñŋaruq Jew-guruatun, piḷaktauluni timimigun. 4Piḷaktugaksrauniḷuguunnii, isumman nivliusiġinaġayaitchuq unnii tamatkua iḷumutun ukpiqtuaguŋitchuat nalunaqtuakun qaġġirauŋaitpata aŋaiyyuliqiruanun, suiḷaurivḷutiŋ piqasiutiruat kasimaniptiŋnun nalunautchiḷutiŋ iḷitchuġisuktuat atanġirrutiptiŋnik Jew-guruat pitquraŋiññiñ, ukpiliqaptaqaŋa Christ-mun. Tamatkua iḷumutun ukpiqtuaguŋitchuat ukpiqtinniaqsaapiaġaluaġaatigut ukpiqtuaguruat iñuuruksraunivḷugich kamagilugich Jew-guruat pitquraŋich. 5Aglaan aŋiġuraŋitchugut unnii pipkaġniapiakkaŋannun, iñuuyumiñaquvlusi tuvraġlugu iḷumun tusaayugaaġiksuaq.
6 #
Dt 10.17. Aasiivsauq taapkua iḷisimanaqsiŋaruat sivulliuqtautilaaŋat aŋaiyyuliqiruanun, sumik iḷḷatiksraiñŋarut tusaayugaaġiksuamun alġaqsruutigikkamnun. Uvamnun taapkua sivulliuqtit inmiut allatun iñuktitun, God atiruq iñupayaanun. 7Aglaalli iḷagaluaġnagu tusaayugaaġiksuaq alġaqsruutigikkaġa, sivulliuqtauruat puttuqsriŋarut piksraqtaaguŋatilaamnik alġaqsruutigitquvlugu tusaayugaaġiksuaq Jew-guŋitchuanun, Peter-tun piksraqtaaġuŋaruatun alġaqsruitquvlugu tusaayugaaġiksuamik Jew-guruanun, 8qanuq God-im annaurriŋaruam iñugiaktuanik Jew-guruanik Peter alġaqsruimman, annautiŋammigaivsauq iñugiaktuat Jew-guŋitchuat uvaŋa alġaqsruiñipkun. 9Tavra James-lu Cephas-lu John-lu suaŋavlutiŋ sivulliuqtauniqsuat, puttuqsrikamiŋ God-im nagliktuutiqpaŋanik uvamnun, aitchuqłuŋa taavrumiŋa savaamik, iḷisimanaqsiŋagaat ikayuqtigiiksilaaptiŋnik iḷalivḷunuk, uvaŋalu Barnabas-lu, atisivḷutiŋ alġaqsruitquvlunuk kiikaa Jew-guŋitchuanun, iliŋiḷḷi alġaqsruiñiaġnivḷutik-suli Jew-guruanun. 10Aglaatualuk itqaumatqugaatiguk iḷiappauruanik, taamnapiaġataq piyumalaaġmiraġa.
Paul Natqiksruġaa Peter Antioch-mi
11Qakugumman, Cephas Antioch-muŋman, paaqłakkiga takkuanun, qanuq killukuaŋaruq. 12Aasiuvva inna Peter killukuaŋaruq. Iḷaŋich avilaitqatiŋi James tikiñ ŋaiñŋaisa, Peter niġiqatausuuŋaruq Jew-guŋitchuanun, kipuqłakługich Jew-guruat pitquraŋich. Aasii tikiñmata, iñuurraqsivḷuni pitquraŋisigun Jew-guruat, niġiqatigillaiqł̣ugich ukpiqtuat Jew-guŋitchuat, sivuuġagivlugu qanuq uqausiksraŋat Jew-guruat. 13Allattauq Jew-guruat maliksuŋagaat Peter, iḷisimanaqsivḷugu tuniqsimapiaŋisilaaqtiŋ iḷumun ittuamun iḷitchuġikkaġmiŋnun. Barnabasunnii niġiqataullaiŋaruq Jew-guŋitchuanun. 14Iḷitchuġikapkich iñuuvigiŋiññiġmarruŋ iḷumun ittuaŋa tusaayugaaġiksuam, uqallautiŋagiga Peter iluqaġmiŋ takkuanni inna. Ilivich, Jew-guruatiin, iñuullaniġuvich Jew-guŋitchuatun, summan Jew-guŋitchuat iñuupkaġniaqsaapiaqpigich Jew-guruatun?
Jew-guruallu Jew-guŋitchuallu Annaurraurut Ukpiġutikun
15Uvagut, aniŋaruaguut Jew-guvluta, Jew-guŋitchuat taisuukkavut piḷuusiqirinik, 16#Ps 143.2; Ro 3.20; Ro 3.22.uvagut Jew-guruaguut, iḷisimarugut God-im akuqtulaitkaa iñuk nalaunŋarualiḷugu sivuqqamiñi pisigilugu kamaksriñiataŋniŋa ilaan pitquramiñik qaisauruanik Moses-kun. God-im akuqtuġuugaa iñuk nalaunŋarualivḷugu ukpiliġman Jesus Christ-mun. Taamna iḷitchuġikaptigu, ukpiliŋarugut Christ Jesus-mun, God-mun akuqtullasitquvluta pisigilugu ukpiliġñiqput Christ-mun, kamaksriñiatagniŋiḷaakun pitquranik, qanuq kiñaliqaa nalaunŋasirauyumiñaitchuq sivuġaani God-im kamagigiññaġlugich ilaan pitquraŋi. 17Isummatigilakput una. Uvagut nalaunŋasiñiallapta ukpiġutikun Christ-mun, iḷitchuġiraugupta piḷuusiqirauluta, taamna sivuniqaġniaqpa Christ-mun piḷuksipkaġniḷuta? Naaggapiaġataq. 18Qanuq uvaŋa, iñuuniarraqsitqikkuma kamaksriñikun pitquranik nalaunŋasiñiatagluŋa, ukpilianiŋaqqaaġluŋa Christ-mun, iḷisimanaqsiruŋa piḷuusiqirautilaamnik, 19qanuq kamagiłhaiññalgunaitchut pitqurapayaurat. Pitqurat pasiññiksiññaqtut. Tavraasii pitqurat tuqunmatun pigaanŋa kamaginiḷukkaluaqtillutiŋ uvamnun. Paŋmapak iñuuruŋa God-im iñuutqutaagun uvamnun. 20Tuquruatun pitquranun piuŋa, qanuq Christ kikiaktuurraumman kikiaktuurrauqatauruatun piŋaruŋa. Nalaunŋaruakun iñuuniaġusiġa pitquratiguaqtuaq tuqummatun piŋaruq. Paŋmapak iñuuniataŋaiq suŋa uvaŋaġruiññaq nalaunŋasiñiatagluŋa savaapkun, aglaan Christ iñuuruam uvamni iñuupkaġaaŋa nalaunŋaruakun sivuġaani God-im. Aasii paŋmapak iñuuruŋa-suli nunami ukpiġivlugu Iġñiŋa God-im, piviuttaqaqtuaq uvamnik, suli tuquŋaruaq uvaŋa pisivluŋa. 21Ukpiġivlugu taamna, God nagliktuutiqpaŋa anniqsuutauŋaiŋitkiga, qanuq iñuk nalaunŋasiḷḷakpan sivuġaani God-im kamagigiññaġlugich pitqurat, Christ asiñun tuquŋaniqsuq.
ទើបបានជ្រើសរើសហើយ៖
Galatians 2: INUPIAQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Galatians 2
2
Paul-lu Allallu Tilirat
1 #
Ac 11.30; 15.2. Tavra akimiaġuutaiḷat ukiut pianiŋmata, aullatqiŋaruŋa Jerusalem-mun piqatigivlugu Barnabas, Titus piqatigivluguptauq. 2Aullaŋaruŋa qanuq God-im aullaquŋagaaŋa, aasii sivuniqsipkaġniaŋagiga taapkunuŋa aŋaiyyuliqiruani sivulliuqtauruanun, tusaayugaaġiksuaq alġaqsruutigikkaġa Jew-guŋitchuanun. Uqaqatigiŋagitka iñuił̣aami sivulliuqtauruat, iḷaanni savaurriñiġa God-mik anniqsuutauniaŋiññasugalugu. 3Titus unnii, Jew-guŋitchuaq piqatigikkaġa Jerusalem-mi, nalunaiñŋutchigaksraiñŋaruq Jew-guruatun, piḷaktauluni timimigun. 4Piḷaktugaksrauniḷuguunnii, isumman nivliusiġinaġayaitchuq unnii tamatkua iḷumutun ukpiqtuaguŋitchuat nalunaqtuakun qaġġirauŋaitpata aŋaiyyuliqiruanun, suiḷaurivḷutiŋ piqasiutiruat kasimaniptiŋnun nalunautchiḷutiŋ iḷitchuġisuktuat atanġirrutiptiŋnik Jew-guruat pitquraŋiññiñ, ukpiliqaptaqaŋa Christ-mun. Tamatkua iḷumutun ukpiqtuaguŋitchuat ukpiqtinniaqsaapiaġaluaġaatigut ukpiqtuaguruat iñuuruksraunivḷugich kamagilugich Jew-guruat pitquraŋich. 5Aglaan aŋiġuraŋitchugut unnii pipkaġniapiakkaŋannun, iñuuyumiñaquvlusi tuvraġlugu iḷumun tusaayugaaġiksuaq.
6 #
Dt 10.17. Aasiivsauq taapkua iḷisimanaqsiŋaruat sivulliuqtautilaaŋat aŋaiyyuliqiruanun, sumik iḷḷatiksraiñŋarut tusaayugaaġiksuamun alġaqsruutigikkamnun. Uvamnun taapkua sivulliuqtit inmiut allatun iñuktitun, God atiruq iñupayaanun. 7Aglaalli iḷagaluaġnagu tusaayugaaġiksuaq alġaqsruutigikkaġa, sivulliuqtauruat puttuqsriŋarut piksraqtaaguŋatilaamnik alġaqsruutigitquvlugu tusaayugaaġiksuaq Jew-guŋitchuanun, Peter-tun piksraqtaaġuŋaruatun alġaqsruitquvlugu tusaayugaaġiksuamik Jew-guruanun, 8qanuq God-im annaurriŋaruam iñugiaktuanik Jew-guruanik Peter alġaqsruimman, annautiŋammigaivsauq iñugiaktuat Jew-guŋitchuat uvaŋa alġaqsruiñipkun. 9Tavra James-lu Cephas-lu John-lu suaŋavlutiŋ sivulliuqtauniqsuat, puttuqsrikamiŋ God-im nagliktuutiqpaŋanik uvamnun, aitchuqłuŋa taavrumiŋa savaamik, iḷisimanaqsiŋagaat ikayuqtigiiksilaaptiŋnik iḷalivḷunuk, uvaŋalu Barnabas-lu, atisivḷutiŋ alġaqsruitquvlunuk kiikaa Jew-guŋitchuanun, iliŋiḷḷi alġaqsruiñiaġnivḷutik-suli Jew-guruanun. 10Aglaatualuk itqaumatqugaatiguk iḷiappauruanik, taamnapiaġataq piyumalaaġmiraġa.
Paul Natqiksruġaa Peter Antioch-mi
11Qakugumman, Cephas Antioch-muŋman, paaqłakkiga takkuanun, qanuq killukuaŋaruq. 12Aasiuvva inna Peter killukuaŋaruq. Iḷaŋich avilaitqatiŋi James tikiñ ŋaiñŋaisa, Peter niġiqatausuuŋaruq Jew-guŋitchuanun, kipuqłakługich Jew-guruat pitquraŋich. Aasii tikiñmata, iñuurraqsivḷuni pitquraŋisigun Jew-guruat, niġiqatigillaiqł̣ugich ukpiqtuat Jew-guŋitchuat, sivuuġagivlugu qanuq uqausiksraŋat Jew-guruat. 13Allattauq Jew-guruat maliksuŋagaat Peter, iḷisimanaqsivḷugu tuniqsimapiaŋisilaaqtiŋ iḷumun ittuamun iḷitchuġikkaġmiŋnun. Barnabasunnii niġiqataullaiŋaruq Jew-guŋitchuanun. 14Iḷitchuġikapkich iñuuvigiŋiññiġmarruŋ iḷumun ittuaŋa tusaayugaaġiksuam, uqallautiŋagiga Peter iluqaġmiŋ takkuanni inna. Ilivich, Jew-guruatiin, iñuullaniġuvich Jew-guŋitchuatun, summan Jew-guŋitchuat iñuupkaġniaqsaapiaqpigich Jew-guruatun?
Jew-guruallu Jew-guŋitchuallu Annaurraurut Ukpiġutikun
15Uvagut, aniŋaruaguut Jew-guvluta, Jew-guŋitchuat taisuukkavut piḷuusiqirinik, 16#Ps 143.2; Ro 3.20; Ro 3.22.uvagut Jew-guruaguut, iḷisimarugut God-im akuqtulaitkaa iñuk nalaunŋarualiḷugu sivuqqamiñi pisigilugu kamaksriñiataŋniŋa ilaan pitquramiñik qaisauruanik Moses-kun. God-im akuqtuġuugaa iñuk nalaunŋarualivḷugu ukpiliġman Jesus Christ-mun. Taamna iḷitchuġikaptigu, ukpiliŋarugut Christ Jesus-mun, God-mun akuqtullasitquvluta pisigilugu ukpiliġñiqput Christ-mun, kamaksriñiatagniŋiḷaakun pitquranik, qanuq kiñaliqaa nalaunŋasirauyumiñaitchuq sivuġaani God-im kamagigiññaġlugich ilaan pitquraŋi. 17Isummatigilakput una. Uvagut nalaunŋasiñiallapta ukpiġutikun Christ-mun, iḷitchuġiraugupta piḷuusiqirauluta, taamna sivuniqaġniaqpa Christ-mun piḷuksipkaġniḷuta? Naaggapiaġataq. 18Qanuq uvaŋa, iñuuniarraqsitqikkuma kamaksriñikun pitquranik nalaunŋasiñiatagluŋa, ukpilianiŋaqqaaġluŋa Christ-mun, iḷisimanaqsiruŋa piḷuusiqirautilaamnik, 19qanuq kamagiłhaiññalgunaitchut pitqurapayaurat. Pitqurat pasiññiksiññaqtut. Tavraasii pitqurat tuqunmatun pigaanŋa kamaginiḷukkaluaqtillutiŋ uvamnun. Paŋmapak iñuuruŋa God-im iñuutqutaagun uvamnun. 20Tuquruatun pitquranun piuŋa, qanuq Christ kikiaktuurraumman kikiaktuurrauqatauruatun piŋaruŋa. Nalaunŋaruakun iñuuniaġusiġa pitquratiguaqtuaq tuqummatun piŋaruq. Paŋmapak iñuuniataŋaiq suŋa uvaŋaġruiññaq nalaunŋasiñiatagluŋa savaapkun, aglaan Christ iñuuruam uvamni iñuupkaġaaŋa nalaunŋaruakun sivuġaani God-im. Aasii paŋmapak iñuuruŋa-suli nunami ukpiġivlugu Iġñiŋa God-im, piviuttaqaqtuaq uvamnik, suli tuquŋaruaq uvaŋa pisivluŋa. 21Ukpiġivlugu taamna, God nagliktuutiqpaŋa anniqsuutauŋaiŋitkiga, qanuq iñuk nalaunŋasiḷḷakpan sivuġaani God-im kamagigiññaġlugich pitqurat, Christ asiñun tuquŋaniqsuq.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)