Galatians 1
1
1Ukua tuyuutit qairut Paul-miñ God-im tiliraŋaniñ. Iñuum kialiqaa piksraqtaaġiŋaitkaaŋa alġaqsruirautquluŋa aglaan Jesus Christ, God-ivlu Aapam aŋipkaiŋaruam ilaanik tuqqunmiñ. 2Suli ukua tuyuutit qairut iluqaiññiñ aniqatiniñ nayuqtigikkamniñ, aasii tuyuutauvlutiŋ iluqaiññun aŋaiyyuliqiruanun Galatia-mi. 3Nagliktuusiaqpaqaġitchi tutqiunmiglu God-miñ Aapamiñ Ataniptiŋniḷḷu Jesus Christ-miñ. 4Christ tuquŋaruq aŋarraurami piiġukługich piḷuutivut, annaurrautquvluta iñuutchimiñ piḷuktuami iñuuniġmiñ nunam iñuŋisun. Christ taamna piŋagaa pisuutigimmagu God-im Aapapta, 5iñuich nanġagaksraġikkaŋata isuitchuamun. Amen.
Tusaayugaaġiksuat Atautchiigurut
6Niġiiḷḷaġivsiŋa suksraġiŋaiġñiaqsautigillaan piñiqavsiuŋ God. Ilaan ququaŋagaasi piqatautquvlusi iñuggunmi isuitchuami Christ-kun, aasiuvva paŋmapak saarraqsirusi allauruakun tusaayugaaġiksuamun. 7Allamik tusaayugaaġiksuamik piitkaluaġmiuq aglaan iñuich iḷaŋisa alapitinniaqsaagaasi, allaŋŋuqtiġniaqsaavlugu tusaayugaaġiksuaq Christ-kun. 8Aglaan uvagut-unnii, naagga isaġulik qiḷaŋmiñ alġaqsruisaġniqpan ilivsiññun tusaayugaaġiksuamik paaqsaaŋaruamik alġaqsruutigiŋakkaptiŋniñ ilivsiññun, ilaa qaisauli suksraunġiqsauniksramun. 9Uqallautitqikkivsi. Kiñaliqaa alġaqsruikpan ilivsiññun tusaayugaaġiksuamik paaqsaaŋaruamik taavrumaŋŋa akuqtuŋakkavsiññiñ, ilaa qaisauli suksraunġiqsauniksramun. 10Alġaqsruutigikapku tusaayugaaġiksuaq, alġaqsruiḷaitchuŋa iviġagniaqsiññaġlugich iñuich. Pisuqtilaaptun iviġagniḷukkiga God. Alġaqsruiñiġuma iviġagniaqsiññaġlugich iñuich, kivgaunayaitchuŋa Christ-mun.
Qanuqłuni Paul Tiliraġuqtilaaŋa
11Aniqatiit, iḷisimatqugivsi. Tamanna tusaayugaaġiksuaq alġaqsruutigikkaġa iñuŋniñ piŋitchuq, 12qanuq aitchuusiaġiŋitkiga iñuŋmiñ, naagga iḷisausiaġiŋitkiga, aglaan Jesus Christ satqummiŋagaa uvamnun. 13#Ac 8.3; 22.4, 5; 26.9-11.Tusaaŋagiksi qanusiuŋatilaaġa iñuk iñuuŋŋaġma Jew-guruatun, annagniaqsaaruatun kamagivlugich pitqurat. Tusaaŋammiusi qanutun anayaktuaŋił̣ł̣ugich nagliksaaqtinnapkich aŋaiyyuliqiruat God-mun, iluqaisa suksraunġiġñiaqsaakapkich. 14#Ac 22.3.Kipiġniupiaġataŋaruŋa iñuusukłuŋa tuvraġlugich iḷisaurrutiŋich maŋŋuupta, aasii qaukłiġuutivluŋa qaaŋiqł̣ugich ukiuqtutilaaqatitka iñuuniġmi Jew-guruatun. 15#Ac 9.3-6; 22.6-10; 26.13-18.Aglaalli God sivuniqaŋaniqsuq aniŋaiñŋaġmaunnii ilaan alġaqsruirigisukłuŋa. Aasii aquvatigun, nagliktuutinikpakami uvamnun, 16satqummiŋagaa Iġñini uvamnun, alġaqsruutiqaġumiñaqsivḷuŋa Christ-mik Jew-guŋitchuanun. Taimaniasii uqaqatiqaŋaitchuŋa kimigliqaa iñuŋmik, 17naaggaunnii Jerusalem-muŋaitchuŋa uqaqatigiyaqtuġlugich God-mun tilirauvlutiŋ alġaqsruiriġuŋaruanun sivumni, aglaan aullaŋaruŋa nunamun Arabia-mun, aasii aquvatigun utiqłuŋa iniqpaŋanun Damascus. 18#Ac 9.26-30.Aasii ukiut piŋasut pianiŋmata, aullaŋaruŋa Jerusalem-mun takuvlugu Cephas, aasii itqatigivlugu akimiani uvluni. 19Aglaan tautuŋiñmigitka nalliat-unnii allat tiliraunikun alġaqsruirit aglaan James, Atanġum aniqataa.
20Tuyuutigikkamni ilivsiññun, sivuġaani God-im sagluŋitchuŋa. 21Tavraŋŋa aullaŋaruŋa nunaŋiñun Syria-m Cilicia-vlu. 22Aasii tamauŋanun aglaan aŋaiyyuliqiruaŋisa Christ Judea-mi tautuŋaitkaanŋa. 23Tusaqsraġigiññaŋagaat iñuich uqautaat, Taimña qaŋauvlugu nagliksaaqtitchiruaq uvaptiŋnik suksraunġiġñiaqsaavlugu ukpiġikkaŋat paŋmapak alġaqsruiruq iñuich ukpiquvlugich Christ-mun. 24Aasii pisigivluŋa ilaisa God nanġaŋagaat.
ទើបបានជ្រើសរើសហើយ៖
Galatians 1: INUPIAQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Galatians 1
1
1Ukua tuyuutit qairut Paul-miñ God-im tiliraŋaniñ. Iñuum kialiqaa piksraqtaaġiŋaitkaaŋa alġaqsruirautquluŋa aglaan Jesus Christ, God-ivlu Aapam aŋipkaiŋaruam ilaanik tuqqunmiñ. 2Suli ukua tuyuutit qairut iluqaiññiñ aniqatiniñ nayuqtigikkamniñ, aasii tuyuutauvlutiŋ iluqaiññun aŋaiyyuliqiruanun Galatia-mi. 3Nagliktuusiaqpaqaġitchi tutqiunmiglu God-miñ Aapamiñ Ataniptiŋniḷḷu Jesus Christ-miñ. 4Christ tuquŋaruq aŋarraurami piiġukługich piḷuutivut, annaurrautquvluta iñuutchimiñ piḷuktuami iñuuniġmiñ nunam iñuŋisun. Christ taamna piŋagaa pisuutigimmagu God-im Aapapta, 5iñuich nanġagaksraġikkaŋata isuitchuamun. Amen.
Tusaayugaaġiksuat Atautchiigurut
6Niġiiḷḷaġivsiŋa suksraġiŋaiġñiaqsautigillaan piñiqavsiuŋ God. Ilaan ququaŋagaasi piqatautquvlusi iñuggunmi isuitchuami Christ-kun, aasiuvva paŋmapak saarraqsirusi allauruakun tusaayugaaġiksuamun. 7Allamik tusaayugaaġiksuamik piitkaluaġmiuq aglaan iñuich iḷaŋisa alapitinniaqsaagaasi, allaŋŋuqtiġniaqsaavlugu tusaayugaaġiksuaq Christ-kun. 8Aglaan uvagut-unnii, naagga isaġulik qiḷaŋmiñ alġaqsruisaġniqpan ilivsiññun tusaayugaaġiksuamik paaqsaaŋaruamik alġaqsruutigiŋakkaptiŋniñ ilivsiññun, ilaa qaisauli suksraunġiqsauniksramun. 9Uqallautitqikkivsi. Kiñaliqaa alġaqsruikpan ilivsiññun tusaayugaaġiksuamik paaqsaaŋaruamik taavrumaŋŋa akuqtuŋakkavsiññiñ, ilaa qaisauli suksraunġiqsauniksramun. 10Alġaqsruutigikapku tusaayugaaġiksuaq, alġaqsruiḷaitchuŋa iviġagniaqsiññaġlugich iñuich. Pisuqtilaaptun iviġagniḷukkiga God. Alġaqsruiñiġuma iviġagniaqsiññaġlugich iñuich, kivgaunayaitchuŋa Christ-mun.
Qanuqłuni Paul Tiliraġuqtilaaŋa
11Aniqatiit, iḷisimatqugivsi. Tamanna tusaayugaaġiksuaq alġaqsruutigikkaġa iñuŋniñ piŋitchuq, 12qanuq aitchuusiaġiŋitkiga iñuŋmiñ, naagga iḷisausiaġiŋitkiga, aglaan Jesus Christ satqummiŋagaa uvamnun. 13#Ac 8.3; 22.4, 5; 26.9-11.Tusaaŋagiksi qanusiuŋatilaaġa iñuk iñuuŋŋaġma Jew-guruatun, annagniaqsaaruatun kamagivlugich pitqurat. Tusaaŋammiusi qanutun anayaktuaŋił̣ł̣ugich nagliksaaqtinnapkich aŋaiyyuliqiruat God-mun, iluqaisa suksraunġiġñiaqsaakapkich. 14#Ac 22.3.Kipiġniupiaġataŋaruŋa iñuusukłuŋa tuvraġlugich iḷisaurrutiŋich maŋŋuupta, aasii qaukłiġuutivluŋa qaaŋiqł̣ugich ukiuqtutilaaqatitka iñuuniġmi Jew-guruatun. 15#Ac 9.3-6; 22.6-10; 26.13-18.Aglaalli God sivuniqaŋaniqsuq aniŋaiñŋaġmaunnii ilaan alġaqsruirigisukłuŋa. Aasii aquvatigun, nagliktuutinikpakami uvamnun, 16satqummiŋagaa Iġñini uvamnun, alġaqsruutiqaġumiñaqsivḷuŋa Christ-mik Jew-guŋitchuanun. Taimaniasii uqaqatiqaŋaitchuŋa kimigliqaa iñuŋmik, 17naaggaunnii Jerusalem-muŋaitchuŋa uqaqatigiyaqtuġlugich God-mun tilirauvlutiŋ alġaqsruiriġuŋaruanun sivumni, aglaan aullaŋaruŋa nunamun Arabia-mun, aasii aquvatigun utiqłuŋa iniqpaŋanun Damascus. 18#Ac 9.26-30.Aasii ukiut piŋasut pianiŋmata, aullaŋaruŋa Jerusalem-mun takuvlugu Cephas, aasii itqatigivlugu akimiani uvluni. 19Aglaan tautuŋiñmigitka nalliat-unnii allat tiliraunikun alġaqsruirit aglaan James, Atanġum aniqataa.
20Tuyuutigikkamni ilivsiññun, sivuġaani God-im sagluŋitchuŋa. 21Tavraŋŋa aullaŋaruŋa nunaŋiñun Syria-m Cilicia-vlu. 22Aasii tamauŋanun aglaan aŋaiyyuliqiruaŋisa Christ Judea-mi tautuŋaitkaanŋa. 23Tusaqsraġigiññaŋagaat iñuich uqautaat, Taimña qaŋauvlugu nagliksaaqtitchiruaq uvaptiŋnik suksraunġiġñiaqsaavlugu ukpiġikkaŋat paŋmapak alġaqsruiruq iñuich ukpiquvlugich Christ-mun. 24Aasii pisigivluŋa ilaisa God nanġaŋagaat.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)