1 Corinthians 9
9
Tilirauruam Ataniġnaqutiŋi
1Nalupqinaitchuamik ukpiqtuaguruŋa atanġiqsitauŋaruaq. Atanġum tiliraġigaaŋa allatituttauq tilirauŋaruatun, qanuq tautuŋagiga Jesus Ataniqput, suli ilivsi ukpiqtuaġuŋarusi Ataniġmun uvaŋa alġaqsruiñipkun. 2Allat iñuich uqaġaluaqpata tilirauŋiññiḷuŋa, tiliraupiaŋaniraksraġigivsiŋa, qanuq ukpiġutiksi ukpiġnaqsiḷġutauruq Ataniġmun tiliŋatilaamnik alġaqsruitquvluŋa tusaayugaaġiksuamik.
3Taavrumiŋa kiggutiqaġuuruŋa iñuŋnun arguasuguuruanun Ataniġmun tiliŋatilaamnik. 4Nalaunŋaruq allatuttauq iñuktitun pamataugupta. 5Nalaunŋammiuq uvaptiŋnun tuvaaqasiqpatigut nuliaguruam iglauraġikapta, tainnatuttauq allatitun tilirauruatun, Ataniptalu aniqatiŋisun, Cephas-tullu. 6Kisimñuk Barnabas-lu uvaŋalu savaktuiññaġlunuk iñuggutiqaqtuksrauviñuk, pamatchiugaqtillusi allanik iñuŋnik? Tainna piraksraġiŋitkiptiguk. 7Iñupayaaq akiḷiiḷaitchuq aŋuyaktiġuqsaqami. Suli iñupayaaq nautchirriikami grapes napaaqtuayaaŋiññik niġiḷaunnani siiġñiaŋiññik piḷaitchuq. Suli iñupayaaq pamiqsaaqaqtuaq immuliviginiaġnagich piḷaitchuq. Tainnatulli iñuk tilirauruaq alġaqsruitquvlugu pamataksraġiŋitkaluaġmiuq inmiñik. 8Uvaŋa, iñugruiññauruaŋaa, taamna tainna uqallausiġivigu? Naumi. Tainna pitqurat iḷisaurrimmiut. 9#Dt 25.4; 1 Ti 5.18.Pitqurani aitchuutauŋaruani Moses-mun aglausimaruq inna, “Sigguġutituġniaŋitkiñ qimukti tunmaqtuaq palauvaksranun amiġaiyaivḷuni palauvaksranik.” Isumavisi God isumaaluuttaqaġasugalugu qimuktinik kisianik tainna uqallakami? 10Naumi. Uvagut isumaaluuttaġiłhaaŋagaatigut, qanuq iñuk nunaliqiruaq savaktuksrauruatun niġiugluni iḷaŋiutiniaqtilaamiñik palauvaksranik, tainnatulli iñuktauq salummairuaq palauvaksranik savaktuksraummiuq niġiugilugu iḷaŋiutiniaqtilaani. 11#Ro 15.27.Uvagut alġaqsruiŋakapta tusaayugaaġiksuanik ilivsiññun aasii ilivsi ukpiqtuaġuqłusi, pamataksrauŋitpisa?
12Allat iñuich qasiḷiaġillakparruŋ pamarrusiaqaġnik ilivsiññiñ, nalaunŋałhaaġaluaqtuq uvagut qasiḷiaġiguptigu pamarrusiaksraq ilivsiññiñ. Aglaan qasiḷiaġiŋaitkikput taamna ilivsiññiñ, qanuq piñaiḷutchiqsuġuŋił̣ł̣ugu tusaayugaaġiksuaq Christ-kun. 13#Dt 18.1.Iḷisimagisi iñuich savaaqaqtuat God-im aŋaiyyuvikpaŋani niqiksraġuurut aŋaiyyuvikpaŋmiñ, suli aŋaiyyuliqsiqpaich savaktuat ikipkaiviŋmi iḷaŋiutisuummiut niġrutiniñ aitchuutauruaniñ tavrani. 14#Mt 10.10; Lk 10.7.Tainnatuttauq Ataniq pitqurriiŋaruq tamatkua alġaqsruiruat tusaayugaaġiksuanik akiññaktuksrauvlugich tamatkunaŋŋa akuqtuiruaniñ tusaayugaaġiksuamik.
15Aglaan uvaŋa atuŋaitkiga nalliat-unnii tamatkua nalaunŋaruakun pamarrusiaqautiksrat, naaggaunnii ukuniŋa tuyuŋitchuŋa piññaksaġluŋa tainnatchimik pamarrusiaksramik. Sugiŋił̣haaġiga tuquguma alġaqsruiḷuŋa akiiḷaaġluŋa tammaiñiġmiñ ilivsiññun alġaqsruiñiksramik. 16Piraksriusiaqaqłuŋa alġaqsruutigitquvlugu tusaayugaaġiksuaq, kamasaaġutigiyumiñaitkiga alġaqsruiñiq. Alġaqsruiŋitkaluaġuma isumaapiaġataġniaqtuŋa. 17Alġaqsruisuksiññaġluŋa alġaqsruiguma akiḷiusiaqaġniaġaluaqtuŋa. Aglaan uvaŋa alġaqsruiŋitchuŋa pisuksiññaġluŋa, aglaan alġaqsruiruŋa God-im aitchuŋavluŋa savaaksrapiaġatamik. 18Sumik aasii akiḷiusiaqaqpik? Quviasuunmik piññaktaamnik alġaqsruiñiġmiñ tusaayugaaġiksuamik pamarrusiaqaġaluaġnaŋa iñuŋniñ, nalaunŋagaluaŋŋaan apiqsriñiksraġa pamarrusiaksramik tamatkunaŋŋa ukpiqtuaniñ.
19Tavra uvaŋa kivgauŋitkaluaŋŋaġma iñuŋmun, uvamnik iḷiuqtuŋa kivgatun iñupayaanun, uvapkun kiikaa iñuich qanutun ukpiliqugaluaqługich Christ-mun. 20Jew-guruanun iḷisuummiuŋa Jew-guruatun, uvapkun Jew-guruat ukpiliqugaluaqługich. Iñuŋnun pitquratigun Moses-kun qaisauruatigun iñuuniaqtuanun, iḷisuummiuŋa iñuuniaġusiatitun tamatkua tainna iñuuniaġusiqaqtuat, uvapkun ukpiliqugaluaqługich. Isummatigiŋitchuŋa uvamnik pituksimarualiḷuŋa iñuuruksrauluŋa tainnaittuatigun piḷġutchisigun. 21Jew-guŋitchuanun iñuuniaqtuaguŋitchuanun pitquratigun Moses-kun qaisauruatigun, iḷisuummiuŋa iñuuniaqtuatun pitquraitchuakun, uvapkun iliŋich ukpiliqugaluaqługich. Kipuqłaglugich pitquraŋi God-im piḷaiñmiuŋa tainna pikama, qanuq pitquraŋisa Christ aŋalatkaanŋa. 22Iñuŋnun tutqiiḷiyaruanun ukpiġunmiŋni iñuusuuruŋa tutqiiḷitchaiḷivḷugich, uvapkun iliŋich ukpiqtuaguquvlugich. Qanupayaaq iñuk irrusiqaġman, ilaatun piñiḷugaqtuŋa pisigivlugu qanusipayaakun piñaġumiñaqpan iñuich iḷaŋich uvapkun ukpiqtuaguquvlugich.
23Tainna pisuuruŋa pisigivlugu tusaayugaaġiksuaq, iḷaŋiutisukłuŋa quviasaaġutiŋiñiñ. 24Iḷisimarusi aqpaliurraqtuani, iluqaġmiŋ aqpaliurraqtuat akimaniataguurut, aglaan atausiq akiññaguuruq. Iñuunivsiññi Christ-mun, akiññallasivḷuni aqpaliurraqtuatulli pisitchi. 25Anaktaqtitun inmiñun qaunagilluataqtuatun supayaatigun, aitchuusiaġisukługu niaquġun maqullaruaq, tainnatulli uvagut ukpiqtuaguruaguut iñuulluataqtuksraurugut, aitchuusiaġiyumiñaqsiḷugu niaquġun akiññaktaaksraq maquyumiñaitchuaq. 26Taamna tainnainman, aqpaliurraqtitun ittuŋa akimasaqłuni aqpattuatun, naaggaqaa qakiqtaqtitun akimasaqłuni qakiqtaqtuatun. 27Aŋalalluataqtuŋa uvamnik, suli atanniqsimagiga timiga, iḷaanni alġaqsruiŋaqqaaġluŋa allanun, nalliummatiŋaiqsualiñasugaluŋa.
ទើបបានជ្រើសរើសហើយ៖
1 Corinthians 9: INUPIAQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
1 Corinthians 9
9
Tilirauruam Ataniġnaqutiŋi
1Nalupqinaitchuamik ukpiqtuaguruŋa atanġiqsitauŋaruaq. Atanġum tiliraġigaaŋa allatituttauq tilirauŋaruatun, qanuq tautuŋagiga Jesus Ataniqput, suli ilivsi ukpiqtuaġuŋarusi Ataniġmun uvaŋa alġaqsruiñipkun. 2Allat iñuich uqaġaluaqpata tilirauŋiññiḷuŋa, tiliraupiaŋaniraksraġigivsiŋa, qanuq ukpiġutiksi ukpiġnaqsiḷġutauruq Ataniġmun tiliŋatilaamnik alġaqsruitquvluŋa tusaayugaaġiksuamik.
3Taavrumiŋa kiggutiqaġuuruŋa iñuŋnun arguasuguuruanun Ataniġmun tiliŋatilaamnik. 4Nalaunŋaruq allatuttauq iñuktitun pamataugupta. 5Nalaunŋammiuq uvaptiŋnun tuvaaqasiqpatigut nuliaguruam iglauraġikapta, tainnatuttauq allatitun tilirauruatun, Ataniptalu aniqatiŋisun, Cephas-tullu. 6Kisimñuk Barnabas-lu uvaŋalu savaktuiññaġlunuk iñuggutiqaqtuksrauviñuk, pamatchiugaqtillusi allanik iñuŋnik? Tainna piraksraġiŋitkiptiguk. 7Iñupayaaq akiḷiiḷaitchuq aŋuyaktiġuqsaqami. Suli iñupayaaq nautchirriikami grapes napaaqtuayaaŋiññik niġiḷaunnani siiġñiaŋiññik piḷaitchuq. Suli iñupayaaq pamiqsaaqaqtuaq immuliviginiaġnagich piḷaitchuq. Tainnatulli iñuk tilirauruaq alġaqsruitquvlugu pamataksraġiŋitkaluaġmiuq inmiñik. 8Uvaŋa, iñugruiññauruaŋaa, taamna tainna uqallausiġivigu? Naumi. Tainna pitqurat iḷisaurrimmiut. 9#Dt 25.4; 1 Ti 5.18.Pitqurani aitchuutauŋaruani Moses-mun aglausimaruq inna, “Sigguġutituġniaŋitkiñ qimukti tunmaqtuaq palauvaksranun amiġaiyaivḷuni palauvaksranik.” Isumavisi God isumaaluuttaqaġasugalugu qimuktinik kisianik tainna uqallakami? 10Naumi. Uvagut isumaaluuttaġiłhaaŋagaatigut, qanuq iñuk nunaliqiruaq savaktuksrauruatun niġiugluni iḷaŋiutiniaqtilaamiñik palauvaksranik, tainnatulli iñuktauq salummairuaq palauvaksranik savaktuksraummiuq niġiugilugu iḷaŋiutiniaqtilaani. 11#Ro 15.27.Uvagut alġaqsruiŋakapta tusaayugaaġiksuanik ilivsiññun aasii ilivsi ukpiqtuaġuqłusi, pamataksrauŋitpisa?
12Allat iñuich qasiḷiaġillakparruŋ pamarrusiaqaġnik ilivsiññiñ, nalaunŋałhaaġaluaqtuq uvagut qasiḷiaġiguptigu pamarrusiaksraq ilivsiññiñ. Aglaan qasiḷiaġiŋaitkikput taamna ilivsiññiñ, qanuq piñaiḷutchiqsuġuŋił̣ł̣ugu tusaayugaaġiksuaq Christ-kun. 13#Dt 18.1.Iḷisimagisi iñuich savaaqaqtuat God-im aŋaiyyuvikpaŋani niqiksraġuurut aŋaiyyuvikpaŋmiñ, suli aŋaiyyuliqsiqpaich savaktuat ikipkaiviŋmi iḷaŋiutisuummiut niġrutiniñ aitchuutauruaniñ tavrani. 14#Mt 10.10; Lk 10.7.Tainnatuttauq Ataniq pitqurriiŋaruq tamatkua alġaqsruiruat tusaayugaaġiksuanik akiññaktuksrauvlugich tamatkunaŋŋa akuqtuiruaniñ tusaayugaaġiksuamik.
15Aglaan uvaŋa atuŋaitkiga nalliat-unnii tamatkua nalaunŋaruakun pamarrusiaqautiksrat, naaggaunnii ukuniŋa tuyuŋitchuŋa piññaksaġluŋa tainnatchimik pamarrusiaksramik. Sugiŋił̣haaġiga tuquguma alġaqsruiḷuŋa akiiḷaaġluŋa tammaiñiġmiñ ilivsiññun alġaqsruiñiksramik. 16Piraksriusiaqaqłuŋa alġaqsruutigitquvlugu tusaayugaaġiksuaq, kamasaaġutigiyumiñaitkiga alġaqsruiñiq. Alġaqsruiŋitkaluaġuma isumaapiaġataġniaqtuŋa. 17Alġaqsruisuksiññaġluŋa alġaqsruiguma akiḷiusiaqaġniaġaluaqtuŋa. Aglaan uvaŋa alġaqsruiŋitchuŋa pisuksiññaġluŋa, aglaan alġaqsruiruŋa God-im aitchuŋavluŋa savaaksrapiaġatamik. 18Sumik aasii akiḷiusiaqaqpik? Quviasuunmik piññaktaamnik alġaqsruiñiġmiñ tusaayugaaġiksuamik pamarrusiaqaġaluaġnaŋa iñuŋniñ, nalaunŋagaluaŋŋaan apiqsriñiksraġa pamarrusiaksramik tamatkunaŋŋa ukpiqtuaniñ.
19Tavra uvaŋa kivgauŋitkaluaŋŋaġma iñuŋmun, uvamnik iḷiuqtuŋa kivgatun iñupayaanun, uvapkun kiikaa iñuich qanutun ukpiliqugaluaqługich Christ-mun. 20Jew-guruanun iḷisuummiuŋa Jew-guruatun, uvapkun Jew-guruat ukpiliqugaluaqługich. Iñuŋnun pitquratigun Moses-kun qaisauruatigun iñuuniaqtuanun, iḷisuummiuŋa iñuuniaġusiatitun tamatkua tainna iñuuniaġusiqaqtuat, uvapkun ukpiliqugaluaqługich. Isummatigiŋitchuŋa uvamnik pituksimarualiḷuŋa iñuuruksrauluŋa tainnaittuatigun piḷġutchisigun. 21Jew-guŋitchuanun iñuuniaqtuaguŋitchuanun pitquratigun Moses-kun qaisauruatigun, iḷisuummiuŋa iñuuniaqtuatun pitquraitchuakun, uvapkun iliŋich ukpiliqugaluaqługich. Kipuqłaglugich pitquraŋi God-im piḷaiñmiuŋa tainna pikama, qanuq pitquraŋisa Christ aŋalatkaanŋa. 22Iñuŋnun tutqiiḷiyaruanun ukpiġunmiŋni iñuusuuruŋa tutqiiḷitchaiḷivḷugich, uvapkun iliŋich ukpiqtuaguquvlugich. Qanupayaaq iñuk irrusiqaġman, ilaatun piñiḷugaqtuŋa pisigivlugu qanusipayaakun piñaġumiñaqpan iñuich iḷaŋich uvapkun ukpiqtuaguquvlugich.
23Tainna pisuuruŋa pisigivlugu tusaayugaaġiksuaq, iḷaŋiutisukłuŋa quviasaaġutiŋiñiñ. 24Iḷisimarusi aqpaliurraqtuani, iluqaġmiŋ aqpaliurraqtuat akimaniataguurut, aglaan atausiq akiññaguuruq. Iñuunivsiññi Christ-mun, akiññallasivḷuni aqpaliurraqtuatulli pisitchi. 25Anaktaqtitun inmiñun qaunagilluataqtuatun supayaatigun, aitchuusiaġisukługu niaquġun maqullaruaq, tainnatulli uvagut ukpiqtuaguruaguut iñuulluataqtuksraurugut, aitchuusiaġiyumiñaqsiḷugu niaquġun akiññaktaaksraq maquyumiñaitchuaq. 26Taamna tainnainman, aqpaliurraqtitun ittuŋa akimasaqłuni aqpattuatun, naaggaqaa qakiqtaqtitun akimasaqłuni qakiqtaqtuatun. 27Aŋalalluataqtuŋa uvamnik, suli atanniqsimagiga timiga, iḷaanni alġaqsruiŋaqqaaġluŋa allanun, nalliummatiŋaiqsualiñasugaluŋa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)