1 Corinthians 4
4
Christ Tiliraŋi
1Uvagut iḷisaurrit isummatigiraksraurugut Christ-mun kivgaġiniḷuta, aitchuusiaqaqłuta savaaksrapiaġatamik iḷisaurriruaguluta God-im iḷumun ittuaŋanik kaŋiqsiñaiñŋaruamik sivuani. 2Tavraasii kivgat niġiugiraurut ataramik ukpiġnaqtuksraupiaqługich. 3Kivgalluatauŋavik uvaŋa? Qanupayaaq ilivsi allallu iñuich isummatigigaluaqpanŋa uŋiarrisaġiŋitkiga. Uvamnun unnii pimaqłuktualiŋitchuŋa. 4Isummatigiŋitchuŋa pasiñaġumiñaġluŋa kivgaumaqłuŋniḷuŋa, aglaan taamna sivuniqaŋitchuq pasiñaġumiñaiññiḷuŋa. Ataniq isivġiiruq uvamnik. 5Uqaġnasi iñuich pasiraksraġuġniḷugich isivġiġvium sivuani, Atanġum qaiviksraŋata sivuani. Atanġum qaigumi, ilaan salapqiġñiaġai iluqaisa iriqsimaruat, suli salapqiġḷugich iñuich nalunaqtuakun sivunniuġutiŋich. Tavraniasii iñupayaaq nalaunŋaruakun God-im akiḷiġñiaġaa. 6Aniqatiit, uvamniglu Apollos-miglu urriqasiŋaruŋa anniqsuqsaqłusi, iḷitchitquvlusi qanuq iñuusiksravsiññik uvaptiktun tuvraġlugich Bible, nallipayaaqsi kamasaaquŋił̣ł̣ugu, iviġaumaġiłhaaquŋił̣ł̣ugu iñuk atausiq allamiñ iñuŋmiñ. 7Anniqsuusiat pigikkasi iluqaġmiŋ God-miŋŋaqtaurut. Aasii aitchuusiaġiniqavsigik, summan uqavigaaqpisi aitchuusiaġiŋitchuatun iḷivḷugich?
8Ilivsi Corinthians isummatigisaaniktusi ilivsiññun pigiliutianignivḷugich iluqaisa pigisuktasi. Isummatigisaaniktusi ilivsiññun piiḷḷiuŋiññivḷusi quviasaaġusianik qiḷaŋmiñ. Isummatigirusi ilivsiññik umialiktun iḷivḷusi, kamanałhaaġnivḷusi uvaptiŋniñ, aasii pigiraksraġiŋił̣ł̣ugich uvagut iḷisaurrutivut. Umialliqsimanniquyumagaluaġmigivsi umialiktitun, piqatauyumiñaqsiḷuta atanniqsimannignivsiññi. 9Iḷaanni isumasuuruŋa God-mun aqulliqpiaġuutipkaġasugaluta takłauriruani iñuŋni, uvagut tililauruaguut, tigutaaqtatun tuqutauyasiruatun, qiñiqsitaaliutivluta isuannun akimavlutiŋ aŋiḷġaqtuat takłaurivḷutiŋ, takunnaqtitchukłuta iñuŋnullu isaġuliŋnullu atunim. 10Isumakkusiaqaqtugut isumalluaġiitchualivḷuta Christ pisigivlugu, aglaalli ilivsiññun isummatigirusi isumaturualivḷusi ukpiqtuasii. Aasiisuli uvagut suaŋaiññiraurugut ilivsiḷi isummatigipkaqtillusi suaŋarualivḷusi. Kamanaqtualiraummiusi aglaalli uvagut suuŋitchualirauvluta. 11Paŋmapaŋmun aglaan ikarraġmun kaaksiurugut imiġuksiuvlutalu, annuġaagiḷḷiuġmiugut, pimaqłuktaqtauvluta, aimaaġviiñmiugut. 12#Ac 18.3.Siġġaqinialgiñmiugut savautigivlugich argavut. Uqamaqłuurraukapta, quviasaaqłiirugut, nagliksaaqtitaukapta igḷutuutirugut. 13Saŋutaukapta iḷammiuġniḷuktugut. Irrusiñiŋarugut paŋmapaglu irrusiġigikput suaqłuŋisun nunam natiġluŋisun supayaam.
14Aglaŋitkitka taapkua kanŋusaaqsaġlusi, aglaan siḷġiqsuqsaqłusi piviuttaġikkaptun miqłiqtuptun. 15Kisiññaitchuanik unnii iḷisaurriqaġaluaġuvsi qapiŋaisaaqtiksravsiññik ukpiġutivsiññi, atausisualuŋmik iñuŋmik piqaqtusi aapaummatun ittuamik ilivsiññun, qanuq uvaŋa aapauruatun ilivsiññun alġaqsruutigiŋagiga tusaayugaaġiksuaq, aasii ilivsi anitqiŋarusi ukpiqłusi Christ-mun. 16#1 Co 11.1; Phil 3.17.Tuvraqupiaqtuŋaasii ilivsiññun. 17Aasii ikayuqsaqłusi tainna pitquvlusi, tiligiga ilivsiññun piviuttaġiraġa ukpiġnaqtuaġlu Timothy, miqłiqtuġimmatun itaġa pisigivlugu ukpiqtuaguŋaniŋa uvapkun. Itqaqtinniaġaasi iñuuniaġusimñik atausiŋŋuqatigikapkuqaŋa Christ, uvaŋa iḷisaurrisiptuttauq sumiḷiqaa aŋaiyyuliqiruani.
18Iñuich iḷasi arguaŋarut, qaiñiaŋiññasugaluŋa ilivsiññun. 19Aglaan ullayasigivsi, Atanġum pisuutigikpagu, iḷitchuġiniaqtuŋa arguaŋaruat tamatkua uqaqpagaaqsiññaqtilaaŋannik naagga piqapiaqtilaaŋannik God-im suaŋŋataanik. 20Qanuq God-im atanniqsimmataa iñuŋnun uqaqsiññaġniġuŋitchuq, iñuuniġuruq God-im suaŋŋataagun. 21Sutquyumavisi? Ullagniaqpisi tatavsaġiaġlusi, naagga piviuttaqqunmi?
ទើបបានជ្រើសរើសហើយ៖
1 Corinthians 4: INUPIAQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
1 Corinthians 4
4
Christ Tiliraŋi
1Uvagut iḷisaurrit isummatigiraksraurugut Christ-mun kivgaġiniḷuta, aitchuusiaqaqłuta savaaksrapiaġatamik iḷisaurriruaguluta God-im iḷumun ittuaŋanik kaŋiqsiñaiñŋaruamik sivuani. 2Tavraasii kivgat niġiugiraurut ataramik ukpiġnaqtuksraupiaqługich. 3Kivgalluatauŋavik uvaŋa? Qanupayaaq ilivsi allallu iñuich isummatigigaluaqpanŋa uŋiarrisaġiŋitkiga. Uvamnun unnii pimaqłuktualiŋitchuŋa. 4Isummatigiŋitchuŋa pasiñaġumiñaġluŋa kivgaumaqłuŋniḷuŋa, aglaan taamna sivuniqaŋitchuq pasiñaġumiñaiññiḷuŋa. Ataniq isivġiiruq uvamnik. 5Uqaġnasi iñuich pasiraksraġuġniḷugich isivġiġvium sivuani, Atanġum qaiviksraŋata sivuani. Atanġum qaigumi, ilaan salapqiġñiaġai iluqaisa iriqsimaruat, suli salapqiġḷugich iñuich nalunaqtuakun sivunniuġutiŋich. Tavraniasii iñupayaaq nalaunŋaruakun God-im akiḷiġñiaġaa. 6Aniqatiit, uvamniglu Apollos-miglu urriqasiŋaruŋa anniqsuqsaqłusi, iḷitchitquvlusi qanuq iñuusiksravsiññik uvaptiktun tuvraġlugich Bible, nallipayaaqsi kamasaaquŋił̣ł̣ugu, iviġaumaġiłhaaquŋił̣ł̣ugu iñuk atausiq allamiñ iñuŋmiñ. 7Anniqsuusiat pigikkasi iluqaġmiŋ God-miŋŋaqtaurut. Aasii aitchuusiaġiniqavsigik, summan uqavigaaqpisi aitchuusiaġiŋitchuatun iḷivḷugich?
8Ilivsi Corinthians isummatigisaaniktusi ilivsiññun pigiliutianignivḷugich iluqaisa pigisuktasi. Isummatigisaaniktusi ilivsiññun piiḷḷiuŋiññivḷusi quviasaaġusianik qiḷaŋmiñ. Isummatigirusi ilivsiññik umialiktun iḷivḷusi, kamanałhaaġnivḷusi uvaptiŋniñ, aasii pigiraksraġiŋił̣ł̣ugich uvagut iḷisaurrutivut. Umialliqsimanniquyumagaluaġmigivsi umialiktitun, piqatauyumiñaqsiḷuta atanniqsimannignivsiññi. 9Iḷaanni isumasuuruŋa God-mun aqulliqpiaġuutipkaġasugaluta takłauriruani iñuŋni, uvagut tililauruaguut, tigutaaqtatun tuqutauyasiruatun, qiñiqsitaaliutivluta isuannun akimavlutiŋ aŋiḷġaqtuat takłaurivḷutiŋ, takunnaqtitchukłuta iñuŋnullu isaġuliŋnullu atunim. 10Isumakkusiaqaqtugut isumalluaġiitchualivḷuta Christ pisigivlugu, aglaalli ilivsiññun isummatigirusi isumaturualivḷusi ukpiqtuasii. Aasiisuli uvagut suaŋaiññiraurugut ilivsiḷi isummatigipkaqtillusi suaŋarualivḷusi. Kamanaqtualiraummiusi aglaalli uvagut suuŋitchualirauvluta. 11Paŋmapaŋmun aglaan ikarraġmun kaaksiurugut imiġuksiuvlutalu, annuġaagiḷḷiuġmiugut, pimaqłuktaqtauvluta, aimaaġviiñmiugut. 12#Ac 18.3.Siġġaqinialgiñmiugut savautigivlugich argavut. Uqamaqłuurraukapta, quviasaaqłiirugut, nagliksaaqtitaukapta igḷutuutirugut. 13Saŋutaukapta iḷammiuġniḷuktugut. Irrusiñiŋarugut paŋmapaglu irrusiġigikput suaqłuŋisun nunam natiġluŋisun supayaam.
14Aglaŋitkitka taapkua kanŋusaaqsaġlusi, aglaan siḷġiqsuqsaqłusi piviuttaġikkaptun miqłiqtuptun. 15Kisiññaitchuanik unnii iḷisaurriqaġaluaġuvsi qapiŋaisaaqtiksravsiññik ukpiġutivsiññi, atausisualuŋmik iñuŋmik piqaqtusi aapaummatun ittuamik ilivsiññun, qanuq uvaŋa aapauruatun ilivsiññun alġaqsruutigiŋagiga tusaayugaaġiksuaq, aasii ilivsi anitqiŋarusi ukpiqłusi Christ-mun. 16#1 Co 11.1; Phil 3.17.Tuvraqupiaqtuŋaasii ilivsiññun. 17Aasii ikayuqsaqłusi tainna pitquvlusi, tiligiga ilivsiññun piviuttaġiraġa ukpiġnaqtuaġlu Timothy, miqłiqtuġimmatun itaġa pisigivlugu ukpiqtuaguŋaniŋa uvapkun. Itqaqtinniaġaasi iñuuniaġusimñik atausiŋŋuqatigikapkuqaŋa Christ, uvaŋa iḷisaurrisiptuttauq sumiḷiqaa aŋaiyyuliqiruani.
18Iñuich iḷasi arguaŋarut, qaiñiaŋiññasugaluŋa ilivsiññun. 19Aglaan ullayasigivsi, Atanġum pisuutigikpagu, iḷitchuġiniaqtuŋa arguaŋaruat tamatkua uqaqpagaaqsiññaqtilaaŋannik naagga piqapiaqtilaaŋannik God-im suaŋŋataanik. 20Qanuq God-im atanniqsimmataa iñuŋnun uqaqsiññaġniġuŋitchuq, iñuuniġuruq God-im suaŋŋataagun. 21Sutquyumavisi? Ullagniaqpisi tatavsaġiaġlusi, naagga piviuttaqqunmi?
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)