1 Corinthians 3
3
God-im Kivgaŋi
1Aglaan taimani nayuqavsi, aniqatiit, iḷisautiyumiñaiñŋagivsi iñuktun iḷiḷusi puttuqsriruatun Ilitqusiġiksuakun, qanuq ukpiqsaqpaallukłusi. Inŋavlusi ukpiŋaitchuatun kaŋiqsiñmi, suli miqłiqtuuratun iłłusi ukpiġutivsiññi. 2#He 5.12, 13.Iḷisaurrutitka ilivsiññun siġḷiġnaiñŋarut. Miqłiqtuuraq immułhiñamik imiqtuksraummatun niqipiaqtullasiŋaił̣ł̣uni, tainnatun itqanaiñŋaiñmiusi iḷisaurrutiksranun agliraksraiŋaruat ukpiqtuat kaŋiqsiḷḷakkaŋiññun. Paŋmapak-unnii itqanaiñŋitchusi. 3Qanuq uvva paŋmapak-unnii iñuuruagurusi ukpiŋaitchuatun. Killuqqutivlusi avanmun, qanaaġutivlusiḷu, ukpiŋaitchuatun ittusi, aullasiqaqtusi iñugruiññatun. 4#1 Co 1.12.Qanuq ilivsiññik aŋalattusi iñugruiññatun iḷasi uqaġmata Paul-muktuqtuŋa, allalli uqaqłutiŋ, uvaŋa Apollos-muktuqtuŋa.
5Suliqutauva Apollos? Suliqutauva Paul? Kivgałhiñak uvaguk ukpiġikkaptiguk, Atanġum ukpiliqsinmasi Apollos-kullu uvapkullu God-im piraksriutillaaŋatun uvaptiŋnun. 6#Ac 18.4-11; Ac 18.24-28.Alġaqsruiñiqpuk akunnavsiññi uuktuutiqaġumiñaqtuq nautchirriqirim savaaŋanik. Uvaŋa urriqatigiluŋa nautchirriiruatun nautchiaksranik, aasiiḷi Apollos imiġmik aiḷaqtiġimmatun nautchirriutauruanik, aasiiḷi God-im naupkaqługich. 7Tavraasii iñuk nautchirriiruaq iñuglu aiḷaqtiġiruaq suvigruaguŋitchuk, aglaan God kisimi naumaruq qanuq naupkaiḷḷaruq. 8Nautchirriiruaġlu aiḷaqtiġiruaġlu atiruk, aasii inmikkullaa akiḷiusiaqaġniaqtuk savaallaamikkun. 9Qanuq uvaguk savaqatigiiksuguk God pisivlugu, aasii ilivsiḷi God-im nautchiaqaġvigimmatun. Aasiisuli igluqpaktun inmiusi God-im nappakkaŋatun.
10Sanatuvluni qaukłiuruatun igluqpiritun, inillaŋagiga maŋŋuksraq, taŋŋiqł̣ugu savaaksrirrutaa God-im uvamnun. Taavruma maŋŋuliutiruam qaaŋanun allali iñuk nappairuq. Iñullaa qaunakłaaġli qanuq nappaisilaamiñik taavrumuŋa maŋŋuliutauŋaruamun. 11Allamik maŋŋuksramik iñuk iḷisiyumiñaitchuq taamna anaglugu iḷirauŋaruaq, sivuniqaqtuaq Jesus Christ-mik. 12Iñuich aglaan nappaiyumiñaġmiut maŋŋuliutauŋaruamun akisuruanik sunik maqulaitchuanik naaggaqaa akiisuuranik sunik maquyaruanik. 13Iñullaam savaaŋa satqummiġñiaqtuq isivġiġvium uvluani. Qanuq taavrumani uvlumi iñullaam savaaŋa qanuġumiñaġniaġaa igniġum, aasii igniġum uuktuġniaġaa qanusiutilaaŋanik iñullaam savaaŋa. 14Iñuum kialiqaa savaaŋa nappaŋakkaŋa maŋŋuliutauŋaruamun, igniġum ikiŋitpagu ilaa akiḷiusiaqaġniaqtuq. 15Iñuum kialiqaa savaaŋa ikiraukpan, ilaa akiḷiusiaqaġniaŋitchuq, ilaa annaurraupqaatchiaġmiḷuni igniġmiñ annaurraukami.
16 #
1 Co 6.19; 2 Co 6.16. Nalupqinaitchuamik puttuqsrimarusi God-im iñuutilaaŋanik iḷuvsiññi. Ilivsi ittusi ilaan aŋaiyyuviatun, suli God-im Ilitqusiġiksuaŋa iñuuvluni iḷuvsiññi. 17Kialiqaa maqutpagu taamna God-im aŋaiyyuvia, God-iptauq suksraunġiġñiaġmigaa ilaa. Qanuq God-im aŋaiyyuvia ilaaguaqtauruq ilaanun, aasii ilivsi ilaan aŋaiyyuvigigaasi.
18Kiñaliqaa sagluqinani inmiñik. Iñuk akunnavsiññi isumagumi isumatunasugaluni, iñugruiññaich isummasiatitun isummatigikamirruŋ isumattun, ilaa isumalluaġiiġḷi isumattutinikkumauq God-im isumattutaanik. 19#Job 5.13.Qanuq isumattutaat ukpiŋaitchuat asiḷiqqutauruq God-mi. Taamna sivuniġivlugu aglausimaruq Bible-ni inna, “God-im isumatusaaruat pisaupkaġaġigai ilaisa pisaasuqsaaniaġutaannun.” 20#Ps 94.11.Aasiisuli aglausimavsaaqłuni, “Atanġum iḷisimagai isumaŋich isumaturuat asiḷiqqutautilaaŋat.” 21Tamatkua tainnainniġmata, kiñaliqaa uqavigaaġutiqaŋaiḷḷi iñuich nalliŋiññuktuġniḷuni atautchimunmuktaqtuat, qanuq supayaat pigigisi ikayuqsaqłusi, 22Paul-lu Apollos-lu Cephas-lu God-im nunaŋalu iñuggullu tuqqullu paŋmapak iñuuniqsiḷu, iñuggutigiyumaakkaqsiḷu, iluqaisa pigigisi, 23aasiisuli Christ pigigaasi, aasiiḷivsauq Christ God-im pigimmigaa.
ទើបបានជ្រើសរើសហើយ៖
1 Corinthians 3: INUPIAQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
1 Corinthians 3
3
God-im Kivgaŋi
1Aglaan taimani nayuqavsi, aniqatiit, iḷisautiyumiñaiñŋagivsi iñuktun iḷiḷusi puttuqsriruatun Ilitqusiġiksuakun, qanuq ukpiqsaqpaallukłusi. Inŋavlusi ukpiŋaitchuatun kaŋiqsiñmi, suli miqłiqtuuratun iłłusi ukpiġutivsiññi. 2#He 5.12, 13.Iḷisaurrutitka ilivsiññun siġḷiġnaiñŋarut. Miqłiqtuuraq immułhiñamik imiqtuksraummatun niqipiaqtullasiŋaił̣ł̣uni, tainnatun itqanaiñŋaiñmiusi iḷisaurrutiksranun agliraksraiŋaruat ukpiqtuat kaŋiqsiḷḷakkaŋiññun. Paŋmapak-unnii itqanaiñŋitchusi. 3Qanuq uvva paŋmapak-unnii iñuuruagurusi ukpiŋaitchuatun. Killuqqutivlusi avanmun, qanaaġutivlusiḷu, ukpiŋaitchuatun ittusi, aullasiqaqtusi iñugruiññatun. 4#1 Co 1.12.Qanuq ilivsiññik aŋalattusi iñugruiññatun iḷasi uqaġmata Paul-muktuqtuŋa, allalli uqaqłutiŋ, uvaŋa Apollos-muktuqtuŋa.
5Suliqutauva Apollos? Suliqutauva Paul? Kivgałhiñak uvaguk ukpiġikkaptiguk, Atanġum ukpiliqsinmasi Apollos-kullu uvapkullu God-im piraksriutillaaŋatun uvaptiŋnun. 6#Ac 18.4-11; Ac 18.24-28.Alġaqsruiñiqpuk akunnavsiññi uuktuutiqaġumiñaqtuq nautchirriqirim savaaŋanik. Uvaŋa urriqatigiluŋa nautchirriiruatun nautchiaksranik, aasiiḷi Apollos imiġmik aiḷaqtiġimmatun nautchirriutauruanik, aasiiḷi God-im naupkaqługich. 7Tavraasii iñuk nautchirriiruaq iñuglu aiḷaqtiġiruaq suvigruaguŋitchuk, aglaan God kisimi naumaruq qanuq naupkaiḷḷaruq. 8Nautchirriiruaġlu aiḷaqtiġiruaġlu atiruk, aasii inmikkullaa akiḷiusiaqaġniaqtuk savaallaamikkun. 9Qanuq uvaguk savaqatigiiksuguk God pisivlugu, aasii ilivsiḷi God-im nautchiaqaġvigimmatun. Aasiisuli igluqpaktun inmiusi God-im nappakkaŋatun.
10Sanatuvluni qaukłiuruatun igluqpiritun, inillaŋagiga maŋŋuksraq, taŋŋiqł̣ugu savaaksrirrutaa God-im uvamnun. Taavruma maŋŋuliutiruam qaaŋanun allali iñuk nappairuq. Iñullaa qaunakłaaġli qanuq nappaisilaamiñik taavrumuŋa maŋŋuliutauŋaruamun. 11Allamik maŋŋuksramik iñuk iḷisiyumiñaitchuq taamna anaglugu iḷirauŋaruaq, sivuniqaqtuaq Jesus Christ-mik. 12Iñuich aglaan nappaiyumiñaġmiut maŋŋuliutauŋaruamun akisuruanik sunik maqulaitchuanik naaggaqaa akiisuuranik sunik maquyaruanik. 13Iñullaam savaaŋa satqummiġñiaqtuq isivġiġvium uvluani. Qanuq taavrumani uvlumi iñullaam savaaŋa qanuġumiñaġniaġaa igniġum, aasii igniġum uuktuġniaġaa qanusiutilaaŋanik iñullaam savaaŋa. 14Iñuum kialiqaa savaaŋa nappaŋakkaŋa maŋŋuliutauŋaruamun, igniġum ikiŋitpagu ilaa akiḷiusiaqaġniaqtuq. 15Iñuum kialiqaa savaaŋa ikiraukpan, ilaa akiḷiusiaqaġniaŋitchuq, ilaa annaurraupqaatchiaġmiḷuni igniġmiñ annaurraukami.
16 #
1 Co 6.19; 2 Co 6.16. Nalupqinaitchuamik puttuqsrimarusi God-im iñuutilaaŋanik iḷuvsiññi. Ilivsi ittusi ilaan aŋaiyyuviatun, suli God-im Ilitqusiġiksuaŋa iñuuvluni iḷuvsiññi. 17Kialiqaa maqutpagu taamna God-im aŋaiyyuvia, God-iptauq suksraunġiġñiaġmigaa ilaa. Qanuq God-im aŋaiyyuvia ilaaguaqtauruq ilaanun, aasii ilivsi ilaan aŋaiyyuvigigaasi.
18Kiñaliqaa sagluqinani inmiñik. Iñuk akunnavsiññi isumagumi isumatunasugaluni, iñugruiññaich isummasiatitun isummatigikamirruŋ isumattun, ilaa isumalluaġiiġḷi isumattutinikkumauq God-im isumattutaanik. 19#Job 5.13.Qanuq isumattutaat ukpiŋaitchuat asiḷiqqutauruq God-mi. Taamna sivuniġivlugu aglausimaruq Bible-ni inna, “God-im isumatusaaruat pisaupkaġaġigai ilaisa pisaasuqsaaniaġutaannun.” 20#Ps 94.11.Aasiisuli aglausimavsaaqłuni, “Atanġum iḷisimagai isumaŋich isumaturuat asiḷiqqutautilaaŋat.” 21Tamatkua tainnainniġmata, kiñaliqaa uqavigaaġutiqaŋaiḷḷi iñuich nalliŋiññuktuġniḷuni atautchimunmuktaqtuat, qanuq supayaat pigigisi ikayuqsaqłusi, 22Paul-lu Apollos-lu Cephas-lu God-im nunaŋalu iñuggullu tuqqullu paŋmapak iñuuniqsiḷu, iñuggutigiyumaakkaqsiḷu, iluqaisa pigigisi, 23aasiisuli Christ pigigaasi, aasiiḷivsauq Christ God-im pigimmigaa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)