Roma 14
14
Daꞌa sallaꞌte meꞌ pagkasite masandel pu si Isahin
1Niyaꞌ batang paꞌinku si kaꞌam sabab aꞌa gaꞌi pe basag sandelne pu si Isahin. Subey iye addatanbi. Daꞌa iye boꞌohun bi magjawab bang gaꞌi saliꞌ pamikilbin pasal meꞌ hinangan mapatutin duk manggaꞌi mapatutin. 2Saꞌupama aꞌa manggaꞌi mabasag sandelnen, kahagad iye weꞌ haram mangan hinayep ine-ine hangkan iye hadja paglaꞌuknen sayul. Bu aꞌa mabasag sandelnen, kahagad weꞌ bisan kinakan ine makajari kinakan. 3Mamangan hinayepin subey gaꞌi udjiꞌne manggaꞌi mamanganin. Damikkiyan manggaꞌi mamangan hinayepin subey gaꞌi bissāhanne aꞌa mamangan ine-inehin. Peggeꞌ tinayimaꞌ du aꞌa miyaꞌan weꞌ Tuhanin. 4Weꞌ sine kaꞌam hangkan sallaꞌbi daraꞌakan aꞌa seddilihin? Dumaꞌin kaꞌam paghinangannen, hangkan amunen hadja patut magpikilanin bang tewwaꞌ hininang aꞌa miyaꞌan atawa gaꞌi. Asal gaꞌi du aꞌa miyaꞌan laboꞌ, peggeꞌ tabangan Panuhutanten bi iye duk gaꞌi salaꞌ hinangannen.
5Niyaꞌ meꞌ aꞌa kimmatande weꞌ dambuwaꞌ ellew hadje amban meꞌ ellew sinduwe. Niyaꞌ isab meꞌ aꞌa kimmatande weꞌ saliꞌ-saliꞌ meꞌ ellewin. Subey kaꞌam dangan-dangan bugtuꞌ bang saꞌingge pamikilbin. 6Aꞌa mamahadje dambuwaꞌ ellewin, hinangne inin pamahadjene Tuhanin. Damikkiyan isab aꞌa mamangan ine-inehin, mangan iye pamahadjene Tuhanin, peggeꞌ pagsukulanne si Tuhanin kinakannen. Aꞌa manggaꞌi mamangan hinayepin, damikkiyan pahadjene isab Tuhanin hangkan iye gaꞌi mangan hinayep duk magsukul isab iye si Tuhan. 7Kēmon kite bi sukuꞌ pu si Isa Almasi, Panuhutanten bi. Hangkan si kaꞌellumte bi duk si kamateyte bi subey iye sinulutten bi dumaꞌin diten bi. 8Hangkan kite bi ellum, supaya pinudji Panuhutanten bi Isa Almasi. Damikkiyan isab bang matey kite bi. Manjari, bang kite bi ellum atawa matey, sukuꞌ pu si Isa Almasi kite bi. 9Peggeꞌ inin sababnen hangkan matey Almasi duk ellum iye balik, supaya iye Panuhutanten bi bang kite bi ellum atawa matey. 10Weꞌey kaꞌam meꞌ manggaꞌi mamangan hinayepin bissāhanbi pungtinaꞌibi masandel pu si Isahin? Duk kaꞌam meꞌ mamangan ine-inehin isab, weꞌey udjiꞌbi pungtinaꞌibi masandel pu si Isahin? Kēmon kite bi nengge du iyan si harapan Tuhan si ellew dambuli duk hukumne kite bi. 11Peggeꞌ tasulat hep dem kitab, pinaꞌin,
“Sabennal-bennal teꞌed, paꞌin Tuhanin, kēmon aꞌahin pasujud du iyan si aku. Kēmon aꞌahin magbennal du iyan weꞌ aku asal Tuhanin.”
12Manjari kēmon kite bi subey magaka si Tuhan sabab meꞌ bakas hinangante bi matuꞌu si dunyahin.
Daꞌa padusehun bi saweꞌbin
13Hangkan hep daꞌa ne bissā-bissāhante saweꞌten sabab hinangannen. Saguwaꞌ iye inin subey pinikilten, weꞌ asal gaꞌi teꞌed kite maghinangan ine-ine bang sabab hinangante miyaꞌan ujud makapagduse pungtinaꞌite masandel pu si Isahin. 14Peggeꞌ aku inin sukuꞌ pu si Isa Almasi, Panuhutanten bi, kabugtuꞌanku weꞌ gaꞌ niyaꞌ kinakan haram. Saguwaꞌ bang niyaꞌ aꞌa kahagad weꞌ niyaꞌ kinakan haram, na, haram teꞌed si iye. 15Bang suse pungtinaꞌinu masandel pu si Isahin sabab niyaꞌ kakannu bu haram si iye, na hātinen pastiꞌ ne weꞌ gaꞌi kew malasa si iye. Bang sabab kinakannun kaw ujud gaꞌi ne nuhut Tuhanin pungtinaꞌinun, daꞌa ne kakanun. Matey hep Isa Almasi sabab pungtinaꞌinu miyaꞌan. 16Bisan hāp si kaꞌu bang laꞌat si pungtinaꞌinu masandel pu si Isahin, na, daꞌa ne hinangun supaya gaꞌi kew bissāhande laꞌat. 17Tuhanin magbayaꞌ si kitehin bi. Bang asal tuhutte bi iye, subey gaꞌi langkew dem pikilante bi bang ine kinakanten bi atawa ininumten bi. Iye subey malangkew dem pikilanten bi, weꞌ subey bentel hinanganten bi, duk subey kite bi magsulut-sulut, duk subey isab kite bi kēgan, duk kēgten bi pinangurung weꞌ Niyawa Tuhanin dem ateyte bi. 18Bang kuweꞌ inin panuhutte bi Isa Almasihin, kasulutan Tuhanin si kite bi duk pagaddatan kite bi weꞌ meꞌ pagkasite bi manusiyaꞌin.
19Hangkan hep subey teꞌed pagtuyuꞌante bi maghinang meꞌ hinangan makasulut saweꞌten bi duk magtabang-tinabang kite bi supaya ngabasag sandelte bi si Tuhanin. 20Bisan kaꞌam makajari mangan ine-ine, daꞌa kakanun bi bang sabab pamanganbi miyaꞌan ngalamma sandel saweꞌbin si Tuhan. Bennal gaꞌ niyaꞌ kinakan haram, saguwaꞌ gaꞌi hāp bang kakanbi bu laꞌat si saweꞌbi duk sabab pamanganbi miyaꞌan kapagduse saweꞌbin. 21Iye mahāp hininangin, ine-ine paglaꞌukbi atawa inumbi atawa hinangbi, bang makapagduse pagkasibin, daꞌa teꞌed hinangun bi. 22Ine-ine kahagadbi sabab inin, subey hadja kaꞌam duk Tuhanin mangataꞌuhan iyehin. Sine-sine gaꞌi duwe-duwehan saguwaꞌ kabugtuꞌanne weꞌ tewwaꞌ hininangnen, asal kēgan aꞌa miyaꞌan. 23Saguwaꞌ saꞌupama, niyaꞌ dambuwaꞌ aꞌa luwal duwe-duwehan weꞌ kaw niyaꞌ kinakan gaꞌi makajari kakanne saguwaꞌ kakanne pe, na, magduse iye si matahan Tuhan peggeꞌ hinangannen gaꞌi magtuhut duk kinahagadnen. Bisan ine-ine hinangte, bang duwe-duwehan kite kaw gaꞌi hāp bu hinangte pe, na kapagduse ne kite.
ទើបបានជ្រើសរើសហើយ៖
Roma 14: yakV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.
Roma 14
14
Daꞌa sallaꞌte meꞌ pagkasite masandel pu si Isahin
1Niyaꞌ batang paꞌinku si kaꞌam sabab aꞌa gaꞌi pe basag sandelne pu si Isahin. Subey iye addatanbi. Daꞌa iye boꞌohun bi magjawab bang gaꞌi saliꞌ pamikilbin pasal meꞌ hinangan mapatutin duk manggaꞌi mapatutin. 2Saꞌupama aꞌa manggaꞌi mabasag sandelnen, kahagad iye weꞌ haram mangan hinayep ine-ine hangkan iye hadja paglaꞌuknen sayul. Bu aꞌa mabasag sandelnen, kahagad weꞌ bisan kinakan ine makajari kinakan. 3Mamangan hinayepin subey gaꞌi udjiꞌne manggaꞌi mamanganin. Damikkiyan manggaꞌi mamangan hinayepin subey gaꞌi bissāhanne aꞌa mamangan ine-inehin. Peggeꞌ tinayimaꞌ du aꞌa miyaꞌan weꞌ Tuhanin. 4Weꞌ sine kaꞌam hangkan sallaꞌbi daraꞌakan aꞌa seddilihin? Dumaꞌin kaꞌam paghinangannen, hangkan amunen hadja patut magpikilanin bang tewwaꞌ hininang aꞌa miyaꞌan atawa gaꞌi. Asal gaꞌi du aꞌa miyaꞌan laboꞌ, peggeꞌ tabangan Panuhutanten bi iye duk gaꞌi salaꞌ hinangannen.
5Niyaꞌ meꞌ aꞌa kimmatande weꞌ dambuwaꞌ ellew hadje amban meꞌ ellew sinduwe. Niyaꞌ isab meꞌ aꞌa kimmatande weꞌ saliꞌ-saliꞌ meꞌ ellewin. Subey kaꞌam dangan-dangan bugtuꞌ bang saꞌingge pamikilbin. 6Aꞌa mamahadje dambuwaꞌ ellewin, hinangne inin pamahadjene Tuhanin. Damikkiyan isab aꞌa mamangan ine-inehin, mangan iye pamahadjene Tuhanin, peggeꞌ pagsukulanne si Tuhanin kinakannen. Aꞌa manggaꞌi mamangan hinayepin, damikkiyan pahadjene isab Tuhanin hangkan iye gaꞌi mangan hinayep duk magsukul isab iye si Tuhan. 7Kēmon kite bi sukuꞌ pu si Isa Almasi, Panuhutanten bi. Hangkan si kaꞌellumte bi duk si kamateyte bi subey iye sinulutten bi dumaꞌin diten bi. 8Hangkan kite bi ellum, supaya pinudji Panuhutanten bi Isa Almasi. Damikkiyan isab bang matey kite bi. Manjari, bang kite bi ellum atawa matey, sukuꞌ pu si Isa Almasi kite bi. 9Peggeꞌ inin sababnen hangkan matey Almasi duk ellum iye balik, supaya iye Panuhutanten bi bang kite bi ellum atawa matey. 10Weꞌey kaꞌam meꞌ manggaꞌi mamangan hinayepin bissāhanbi pungtinaꞌibi masandel pu si Isahin? Duk kaꞌam meꞌ mamangan ine-inehin isab, weꞌey udjiꞌbi pungtinaꞌibi masandel pu si Isahin? Kēmon kite bi nengge du iyan si harapan Tuhan si ellew dambuli duk hukumne kite bi. 11Peggeꞌ tasulat hep dem kitab, pinaꞌin,
“Sabennal-bennal teꞌed, paꞌin Tuhanin, kēmon aꞌahin pasujud du iyan si aku. Kēmon aꞌahin magbennal du iyan weꞌ aku asal Tuhanin.”
12Manjari kēmon kite bi subey magaka si Tuhan sabab meꞌ bakas hinangante bi matuꞌu si dunyahin.
Daꞌa padusehun bi saweꞌbin
13Hangkan hep daꞌa ne bissā-bissāhante saweꞌten sabab hinangannen. Saguwaꞌ iye inin subey pinikilten, weꞌ asal gaꞌi teꞌed kite maghinangan ine-ine bang sabab hinangante miyaꞌan ujud makapagduse pungtinaꞌite masandel pu si Isahin. 14Peggeꞌ aku inin sukuꞌ pu si Isa Almasi, Panuhutanten bi, kabugtuꞌanku weꞌ gaꞌ niyaꞌ kinakan haram. Saguwaꞌ bang niyaꞌ aꞌa kahagad weꞌ niyaꞌ kinakan haram, na, haram teꞌed si iye. 15Bang suse pungtinaꞌinu masandel pu si Isahin sabab niyaꞌ kakannu bu haram si iye, na hātinen pastiꞌ ne weꞌ gaꞌi kew malasa si iye. Bang sabab kinakannun kaw ujud gaꞌi ne nuhut Tuhanin pungtinaꞌinun, daꞌa ne kakanun. Matey hep Isa Almasi sabab pungtinaꞌinu miyaꞌan. 16Bisan hāp si kaꞌu bang laꞌat si pungtinaꞌinu masandel pu si Isahin, na, daꞌa ne hinangun supaya gaꞌi kew bissāhande laꞌat. 17Tuhanin magbayaꞌ si kitehin bi. Bang asal tuhutte bi iye, subey gaꞌi langkew dem pikilante bi bang ine kinakanten bi atawa ininumten bi. Iye subey malangkew dem pikilanten bi, weꞌ subey bentel hinanganten bi, duk subey kite bi magsulut-sulut, duk subey isab kite bi kēgan, duk kēgten bi pinangurung weꞌ Niyawa Tuhanin dem ateyte bi. 18Bang kuweꞌ inin panuhutte bi Isa Almasihin, kasulutan Tuhanin si kite bi duk pagaddatan kite bi weꞌ meꞌ pagkasite bi manusiyaꞌin.
19Hangkan hep subey teꞌed pagtuyuꞌante bi maghinang meꞌ hinangan makasulut saweꞌten bi duk magtabang-tinabang kite bi supaya ngabasag sandelte bi si Tuhanin. 20Bisan kaꞌam makajari mangan ine-ine, daꞌa kakanun bi bang sabab pamanganbi miyaꞌan ngalamma sandel saweꞌbin si Tuhan. Bennal gaꞌ niyaꞌ kinakan haram, saguwaꞌ gaꞌi hāp bang kakanbi bu laꞌat si saweꞌbi duk sabab pamanganbi miyaꞌan kapagduse saweꞌbin. 21Iye mahāp hininangin, ine-ine paglaꞌukbi atawa inumbi atawa hinangbi, bang makapagduse pagkasibin, daꞌa teꞌed hinangun bi. 22Ine-ine kahagadbi sabab inin, subey hadja kaꞌam duk Tuhanin mangataꞌuhan iyehin. Sine-sine gaꞌi duwe-duwehan saguwaꞌ kabugtuꞌanne weꞌ tewwaꞌ hininangnen, asal kēgan aꞌa miyaꞌan. 23Saguwaꞌ saꞌupama, niyaꞌ dambuwaꞌ aꞌa luwal duwe-duwehan weꞌ kaw niyaꞌ kinakan gaꞌi makajari kakanne saguwaꞌ kakanne pe, na, magduse iye si matahan Tuhan peggeꞌ hinangannen gaꞌi magtuhut duk kinahagadnen. Bisan ine-ine hinangte, bang duwe-duwehan kite kaw gaꞌi hāp bu hinangte pe, na kapagduse ne kite.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.