Markus 4
4
Dalilan sabab magsabulak binihiꞌ
(Mateo 13:1-9; Lukas 8:4-8)
1Balik ne isab si Isa magtoloꞌ laꞌi si higad lamew Jalil. Banes teꞌed aꞌa patipun si iye laꞌi, hangkan pasakey iye duk ningkoloꞌ iye dem bangkaꞌ diyataꞌ lamew. Meꞌ aꞌa mabanesin laꞌi si higad lamew si katakasan. 2Magusihat iye si meꞌ aꞌahin duk ekka usihatne si dalilan. Pagusihatnen paꞌinne si siye,
3“Pakalehun bi inin. Niyaꞌ dambuwaꞌ aꞌa pī si tanaꞌne magsabulak binihiꞌ. 4Pagsabulakne, niyaꞌ binihiꞌ tapisik si lān. Manjari pī meꞌ manuk-manukin manganne. 5Meꞌ binihiꞌ sinduwehin laboꞌ diyataꞌ batu pānas, gaꞌi lalem bulaknen. Mura tomoꞌ binihiꞌin peggeꞌ gaꞌi lalem bulaknen. 6Pagsilak ellewin, magtawus ngingking duk peggeꞌ gaꞌi lalem gamutnen, manjari lanes. 7Laboꞌ binihiꞌ sinduwehin dem kasampinitan. Samet nulig sampinitin duk katalungan tinanemin, manjari gaꞌ buwaꞌ. 8Na, binihiꞌ sinduwehin laboꞌ si kahāpan bulak. Manjari meꞌ binihiꞌ inin tomoꞌ duk nulig duk moꞌo buwaꞌne. Jarinen niyaꞌ ne sarang-sarang, niyaꞌ ne ekka, duk niyaꞌ isab ekka manamal. 9Na,” paꞌin si Isa, “amey-amey pakalehun bi bang niyaꞌ pinaꞌin si kaꞌam.”
Puꞌunne magdalilan
(Mateo 13:10-17; Lukas 8:9-10)
10Manjari pagubus ne tahalaꞌ meꞌ aꞌa maꞌekkahin duk luwal saꞌ sampūꞌ duk duwe tindegnen duk meꞌ tindegne sinduwehin malaꞌi si iyehin, tinilew iye weꞌ de bang ine hāti dalilan panoloꞌne miyaꞌan. 11Nambung si Isa, paꞌinne, “Kaꞌurungan ne kaꞌam kataꞌu supaya tahātibi meꞌ tinapukan Tuhan dem pikilannen sabab bang saꞌingge pagbayaꞌne si meꞌ aꞌanen. Saguwaꞌ si meꞌ aꞌa seddilihin, usihatanku siye si meꞌ dalilan, 12supaya siye kuweꞌ tasulat dem kitabin, pinaꞌin,
‘Asal mayam siye saguwaꞌ gaꞌi siye makakite. Asal pakale siye saguwaꞌ gaꞌi siye makahāti.
Peggeꞌ bang siye makakite duk makahāti kaw siye balik si Tuhan, duk ampun Tuhanin siye.’ ”
Pinahāti weꞌ si Isa dalilan sabab aꞌa magsabulak binihiꞌin
(Mateo 13:18-23; Lukas 8:11-15)
13“Na,” paꞌin si Isa si siye, “asal gaꞌi hatiꞌ tasabutbi dalilanku miyaꞌan. Bang sa iyan, gaꞌi du isab tasabutbi kēmon dalilan pagusihatku si kaꞌamin. 14Aꞌa magsabulak binihiꞌin,” paꞌin si Isa, “bang hināti, iye aꞌa magusihat lapal Tuhan si meꞌ aꞌahin. 15Duk meꞌ aꞌa sinduwehin dalil lān bakas kapisikan lapal Tuhanin. Pagkalede lapalin, magtawus pī nakuraꞌ seyitanin ngagew lapalin amban dem pikilande. 16Meꞌ aꞌa sinduwehin dalil bulak diyataꞌ batu pānasin isab. Sinabulakan lapalin si siye. Pagkalede lapal Tuhanin, magtawus kahagadde duk kēgan siye. 17Saguwaꞌ gaꞌ nganggamut palalem lapal Tuhanin dem ateyde. Hangkan gaꞌ siye makatatas tiggel. Pagtekka kasusehanin atawa bang bininasa siye sabab panuhutde lapalin, gaꞌi ne siye kahagad. 18Duk meꞌ aꞌa sinduwehin isab dalil kasampinitanin. Siye meꞌ aꞌa makakale lapal Tuhanin 19saguwaꞌ luwal siye mikil sabab kasusehande si dunyahin. Iye mamahalgaꞌ si siyehin, meꞌ pangalataꞌden. Duk ekka bayuꞌ-bayuꞌan pagnapsuhande. Hangkan bang dalil tinanemin, katalungan lapal Tuhan bakas takaleden duk gaꞌ magbuwaꞌ. 20Saguwaꞌ meꞌ aꞌa sinduwehin, dalil bulak mahāpin. Takalede lapal Tuhanin duk kinahagad weꞌ de. Bang dalil tinanemin, lapal Tuhan bakas takaleden magbuwaꞌ diyalem ateyde. Sinduwehin sarang-sarang buwaꞌnen, sinduwehin ekka duk sinduwehin ekka manamal.”
Payitaꞌan ilekkeban
(Lukas 8:16-18)
21Manjari paꞌin si Isa si siye, “Bang kaꞌam magpayitaꞌan, lekkebanbi ke payitaꞌanin duk palanggana atawa bettadbi ke diyawaꞌ kantil? Gaꞌi. Saguwaꞌ bettadbi si tengenanne. 22Hāti dalilan inin, kēmon tinapukanin ujud pinaguwaꞌ du. Kēmon manggaꞌi tahāti kuweꞌituhin, ujud pinahāti du. 23Amey-amey pakalehun bi bang niyaꞌ pinaꞌin si kaꞌam.”
24Paꞌin si Isa isab, “Asipun bi teꞌed pahāp-hāp ine-ine takalebin. Peggeꞌ bang hāp pangasipbin, hāp isab taꞌeddoꞌbin duk pasōng pe taꞌeddoꞌbin. 25Hātine inin, aꞌahin bang pakale pahāp-hāp, pasōng pangahātinen. Saguwaꞌ bang aꞌahin gaꞌi pakale pahāp-hāp, bisan niyaꞌ kataꞌuhanne kuweꞌahat, ujud tahalaꞌ du amban iye.”
Dalilan sabab binihiꞌ manuligin
26Paꞌin si Isa pe, “Kuweꞌ inin pagbayaꞌ Tuhan si meꞌ aꞌanen. Dalil binihiꞌ sabulakan aꞌa diyataꞌ bulakne. 27Pagubus ne sabulakanne, maghinang ne iye meꞌ hinangne sinduwehin. Tuli iye bang sangem duk dongaꞌ iye bang ellew. Manjari binihiꞌin tomoꞌ duk nulig dihananne. Gaꞌi tasabut aꞌahin bang saꞌingge panulignen. 28Peggeꞌ tomoꞌ binihiꞌin dihananne duk buwaꞌ. Tagnaꞌ magtuglus, ubus bu betteng, ubus bu bukbus ne. 29Pagtahak ne buwaꞌnen, magtawus daꞌak dapuꞌ tanaꞌin pinagani peggeꞌ taꞌabut ne paganihin.”
Dalilan sabab bigi madikiꞌ-dikiꞌin
(Mateo 13:31-32, 34; Lukas 13:18-19)
30Manjari paꞌin si Isa, “Ine pamasaliꞌante bi pagbayaꞌ Tuhan si meꞌ aꞌanen? Duk bang dalilte bi, ine pangandalilante bi iyehin? 31Pagbayaꞌ Tuhan si meꞌ aꞌanen,” paꞌin si Isa, “kuweꞌ dalil da bayuꞌ bigi dikiꞌ-dikiꞌ. Bang tinanem nahut manamal bigi inin. 32Saguwaꞌ bang tatanem ne, nulig duk ngahadje amban kēmon jambangan. Ngahadje meꞌ pangenen, hangkan makajari meꞌ manuk-manukin ngahinang sabakande laꞌi duk pasayindung laꞌi.” 33Ekka meꞌ dalilan sa miyaꞌan guna si Isa pangusihatne lapalin si meꞌ aꞌahin. 34Gaꞌ iye missā si meꞌ aꞌahin bang dumaꞌin si dalilan, saguwaꞌ bang didine hadja duk meꞌ tindegnen, pinahāti weꞌ ne kēmon meꞌ bissānen si siye.
Si Isa mateddoꞌ lahat-lahat
(Mateo 8:23-27; Lukas 8:22-25)
35Manjari ellew miyaꞌan pagmagalib ne, paꞌin si Isa si meꞌ tindegnen, “Sūng kite bi pī palipag si dambiyaꞌ lamew.” 36Inambanan weꞌ de meꞌ aꞌa mabanesin. Pasakey meꞌ tindeg si Isahin dem bangkaꞌ andang paningkoloꞌannen duk binoꞌo ne weꞌ de patulak si Isa. Niyaꞌ isab meꞌ bangkaꞌ sinduwe patuhut si siye. 37Bessuwang nihup baliyu mabasagin duk patampoꞌ goyakin magdem bangkaꞌ, hangkan sōng pennoꞌ ne weꞌ boheꞌ bangkaꞌin. 38Si Isa laꞌi si buliꞌ bangkaꞌ tuli. Maguꞌan iye. Binangun iye weꞌ meꞌ tindegnen. Paꞌinde, “Tuwan, gaꞌi ke kew gagal bisan kite bi matey?” 39Manjari dongaꞌ si Isa duk pinadeheng weꞌ ne baliyuhin. Duk missā iye si lamewin, paꞌinne, “Sarang ne. Pateddoꞌ kew.” Magtawus padeheng baliyuhin duk teddoꞌ ne teꞌed lamewin. 40“Weꞌey kaꞌam tinalew?” paꞌin si Isa si meꞌ tindegnen. “Gaꞌi pe kaꞌam sandel si aku?” 41Tinalew teꞌed siye. Hangkan magtilew-tinilew siye, paꞌinde, “Aꞌahey inin? Bisan baliyuhin duk goyakin nuhut pangandaꞌakannen!”
ទើបបានជ្រើសរើសហើយ៖
Markus 4: yakV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.
Markus 4
4
Dalilan sabab magsabulak binihiꞌ
(Mateo 13:1-9; Lukas 8:4-8)
1Balik ne isab si Isa magtoloꞌ laꞌi si higad lamew Jalil. Banes teꞌed aꞌa patipun si iye laꞌi, hangkan pasakey iye duk ningkoloꞌ iye dem bangkaꞌ diyataꞌ lamew. Meꞌ aꞌa mabanesin laꞌi si higad lamew si katakasan. 2Magusihat iye si meꞌ aꞌahin duk ekka usihatne si dalilan. Pagusihatnen paꞌinne si siye,
3“Pakalehun bi inin. Niyaꞌ dambuwaꞌ aꞌa pī si tanaꞌne magsabulak binihiꞌ. 4Pagsabulakne, niyaꞌ binihiꞌ tapisik si lān. Manjari pī meꞌ manuk-manukin manganne. 5Meꞌ binihiꞌ sinduwehin laboꞌ diyataꞌ batu pānas, gaꞌi lalem bulaknen. Mura tomoꞌ binihiꞌin peggeꞌ gaꞌi lalem bulaknen. 6Pagsilak ellewin, magtawus ngingking duk peggeꞌ gaꞌi lalem gamutnen, manjari lanes. 7Laboꞌ binihiꞌ sinduwehin dem kasampinitan. Samet nulig sampinitin duk katalungan tinanemin, manjari gaꞌ buwaꞌ. 8Na, binihiꞌ sinduwehin laboꞌ si kahāpan bulak. Manjari meꞌ binihiꞌ inin tomoꞌ duk nulig duk moꞌo buwaꞌne. Jarinen niyaꞌ ne sarang-sarang, niyaꞌ ne ekka, duk niyaꞌ isab ekka manamal. 9Na,” paꞌin si Isa, “amey-amey pakalehun bi bang niyaꞌ pinaꞌin si kaꞌam.”
Puꞌunne magdalilan
(Mateo 13:10-17; Lukas 8:9-10)
10Manjari pagubus ne tahalaꞌ meꞌ aꞌa maꞌekkahin duk luwal saꞌ sampūꞌ duk duwe tindegnen duk meꞌ tindegne sinduwehin malaꞌi si iyehin, tinilew iye weꞌ de bang ine hāti dalilan panoloꞌne miyaꞌan. 11Nambung si Isa, paꞌinne, “Kaꞌurungan ne kaꞌam kataꞌu supaya tahātibi meꞌ tinapukan Tuhan dem pikilannen sabab bang saꞌingge pagbayaꞌne si meꞌ aꞌanen. Saguwaꞌ si meꞌ aꞌa seddilihin, usihatanku siye si meꞌ dalilan, 12supaya siye kuweꞌ tasulat dem kitabin, pinaꞌin,
‘Asal mayam siye saguwaꞌ gaꞌi siye makakite. Asal pakale siye saguwaꞌ gaꞌi siye makahāti.
Peggeꞌ bang siye makakite duk makahāti kaw siye balik si Tuhan, duk ampun Tuhanin siye.’ ”
Pinahāti weꞌ si Isa dalilan sabab aꞌa magsabulak binihiꞌin
(Mateo 13:18-23; Lukas 8:11-15)
13“Na,” paꞌin si Isa si siye, “asal gaꞌi hatiꞌ tasabutbi dalilanku miyaꞌan. Bang sa iyan, gaꞌi du isab tasabutbi kēmon dalilan pagusihatku si kaꞌamin. 14Aꞌa magsabulak binihiꞌin,” paꞌin si Isa, “bang hināti, iye aꞌa magusihat lapal Tuhan si meꞌ aꞌahin. 15Duk meꞌ aꞌa sinduwehin dalil lān bakas kapisikan lapal Tuhanin. Pagkalede lapalin, magtawus pī nakuraꞌ seyitanin ngagew lapalin amban dem pikilande. 16Meꞌ aꞌa sinduwehin dalil bulak diyataꞌ batu pānasin isab. Sinabulakan lapalin si siye. Pagkalede lapal Tuhanin, magtawus kahagadde duk kēgan siye. 17Saguwaꞌ gaꞌ nganggamut palalem lapal Tuhanin dem ateyde. Hangkan gaꞌ siye makatatas tiggel. Pagtekka kasusehanin atawa bang bininasa siye sabab panuhutde lapalin, gaꞌi ne siye kahagad. 18Duk meꞌ aꞌa sinduwehin isab dalil kasampinitanin. Siye meꞌ aꞌa makakale lapal Tuhanin 19saguwaꞌ luwal siye mikil sabab kasusehande si dunyahin. Iye mamahalgaꞌ si siyehin, meꞌ pangalataꞌden. Duk ekka bayuꞌ-bayuꞌan pagnapsuhande. Hangkan bang dalil tinanemin, katalungan lapal Tuhan bakas takaleden duk gaꞌ magbuwaꞌ. 20Saguwaꞌ meꞌ aꞌa sinduwehin, dalil bulak mahāpin. Takalede lapal Tuhanin duk kinahagad weꞌ de. Bang dalil tinanemin, lapal Tuhan bakas takaleden magbuwaꞌ diyalem ateyde. Sinduwehin sarang-sarang buwaꞌnen, sinduwehin ekka duk sinduwehin ekka manamal.”
Payitaꞌan ilekkeban
(Lukas 8:16-18)
21Manjari paꞌin si Isa si siye, “Bang kaꞌam magpayitaꞌan, lekkebanbi ke payitaꞌanin duk palanggana atawa bettadbi ke diyawaꞌ kantil? Gaꞌi. Saguwaꞌ bettadbi si tengenanne. 22Hāti dalilan inin, kēmon tinapukanin ujud pinaguwaꞌ du. Kēmon manggaꞌi tahāti kuweꞌituhin, ujud pinahāti du. 23Amey-amey pakalehun bi bang niyaꞌ pinaꞌin si kaꞌam.”
24Paꞌin si Isa isab, “Asipun bi teꞌed pahāp-hāp ine-ine takalebin. Peggeꞌ bang hāp pangasipbin, hāp isab taꞌeddoꞌbin duk pasōng pe taꞌeddoꞌbin. 25Hātine inin, aꞌahin bang pakale pahāp-hāp, pasōng pangahātinen. Saguwaꞌ bang aꞌahin gaꞌi pakale pahāp-hāp, bisan niyaꞌ kataꞌuhanne kuweꞌahat, ujud tahalaꞌ du amban iye.”
Dalilan sabab binihiꞌ manuligin
26Paꞌin si Isa pe, “Kuweꞌ inin pagbayaꞌ Tuhan si meꞌ aꞌanen. Dalil binihiꞌ sabulakan aꞌa diyataꞌ bulakne. 27Pagubus ne sabulakanne, maghinang ne iye meꞌ hinangne sinduwehin. Tuli iye bang sangem duk dongaꞌ iye bang ellew. Manjari binihiꞌin tomoꞌ duk nulig dihananne. Gaꞌi tasabut aꞌahin bang saꞌingge panulignen. 28Peggeꞌ tomoꞌ binihiꞌin dihananne duk buwaꞌ. Tagnaꞌ magtuglus, ubus bu betteng, ubus bu bukbus ne. 29Pagtahak ne buwaꞌnen, magtawus daꞌak dapuꞌ tanaꞌin pinagani peggeꞌ taꞌabut ne paganihin.”
Dalilan sabab bigi madikiꞌ-dikiꞌin
(Mateo 13:31-32, 34; Lukas 13:18-19)
30Manjari paꞌin si Isa, “Ine pamasaliꞌante bi pagbayaꞌ Tuhan si meꞌ aꞌanen? Duk bang dalilte bi, ine pangandalilante bi iyehin? 31Pagbayaꞌ Tuhan si meꞌ aꞌanen,” paꞌin si Isa, “kuweꞌ dalil da bayuꞌ bigi dikiꞌ-dikiꞌ. Bang tinanem nahut manamal bigi inin. 32Saguwaꞌ bang tatanem ne, nulig duk ngahadje amban kēmon jambangan. Ngahadje meꞌ pangenen, hangkan makajari meꞌ manuk-manukin ngahinang sabakande laꞌi duk pasayindung laꞌi.” 33Ekka meꞌ dalilan sa miyaꞌan guna si Isa pangusihatne lapalin si meꞌ aꞌahin. 34Gaꞌ iye missā si meꞌ aꞌahin bang dumaꞌin si dalilan, saguwaꞌ bang didine hadja duk meꞌ tindegnen, pinahāti weꞌ ne kēmon meꞌ bissānen si siye.
Si Isa mateddoꞌ lahat-lahat
(Mateo 8:23-27; Lukas 8:22-25)
35Manjari ellew miyaꞌan pagmagalib ne, paꞌin si Isa si meꞌ tindegnen, “Sūng kite bi pī palipag si dambiyaꞌ lamew.” 36Inambanan weꞌ de meꞌ aꞌa mabanesin. Pasakey meꞌ tindeg si Isahin dem bangkaꞌ andang paningkoloꞌannen duk binoꞌo ne weꞌ de patulak si Isa. Niyaꞌ isab meꞌ bangkaꞌ sinduwe patuhut si siye. 37Bessuwang nihup baliyu mabasagin duk patampoꞌ goyakin magdem bangkaꞌ, hangkan sōng pennoꞌ ne weꞌ boheꞌ bangkaꞌin. 38Si Isa laꞌi si buliꞌ bangkaꞌ tuli. Maguꞌan iye. Binangun iye weꞌ meꞌ tindegnen. Paꞌinde, “Tuwan, gaꞌi ke kew gagal bisan kite bi matey?” 39Manjari dongaꞌ si Isa duk pinadeheng weꞌ ne baliyuhin. Duk missā iye si lamewin, paꞌinne, “Sarang ne. Pateddoꞌ kew.” Magtawus padeheng baliyuhin duk teddoꞌ ne teꞌed lamewin. 40“Weꞌey kaꞌam tinalew?” paꞌin si Isa si meꞌ tindegnen. “Gaꞌi pe kaꞌam sandel si aku?” 41Tinalew teꞌed siye. Hangkan magtilew-tinilew siye, paꞌinde, “Aꞌahey inin? Bisan baliyuhin duk goyakin nuhut pangandaꞌakannen!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.