1 Korinto 9
9
Meꞌ patut hininang aꞌa kawakilanin
1Aku inin, samunsayaꞌku maghinang ine-ine kabayaꞌanku. Bakas ku kawakilan weꞌ Isa Almasi dinaꞌak magmahalayak lapalnen. Asal bakas paguwaꞌ iye si aku duk takiteku iye duk mataku inin. Duk sandelbi miyaꞌan kaꞌujudan paghinangku para pu Isa Almasihin. 2Bisan paꞌin meꞌ sinduwehin weꞌ gaꞌ ku kawakilan weꞌ Isa Almasi, saguwaꞌ bang kaꞌam maluꞌu si Korintohin, kataꞌuhanbi weꞌ asal kawakilan ku. Kaꞌam ne teꞌed purebakun weꞌ aꞌa kawakilan ku peggeꞌ nuhut ne kaꞌam pu si Isa Almasi sababku.
3Bang ku bistiga meꞌ aꞌa sabab meꞌ hinangkun, iye inin sambungku si siyehin: 4Weꞌ gaꞌ ke niyaꞌ kapatutku makipakan duk makipaꞌinum si meꞌ aꞌa inusihatankun? 5Gaꞌ ke niyaꞌ kapatutku maganda si dende sandel pu si Isa duk moꞌone si meꞌ palengnganankun kuweꞌ hininang sinduwe meꞌ kawakilanin? Kuweꞌ iyan du hep isab hininang meꞌ pungtinaꞌi si Isa lellahin duk hininang si Petrosin. 6Na, pikilun bi isab inin. Kami ke hadja duk Barnabas subey maghinangin duk niyaꞌ kaꞌelluman kami? Bu sinduwehin tinangdanan weꞌ bi? 7Upama, niyaꞌ ke sundalu si armi gaꞌi inurungan paggastune? Niyaꞌ ke aꞌa magtinanemin gaꞌ niyaꞌ kapatutne mangan buwaꞌ meꞌ tinanemnen? Duk aꞌa magipat hayepin, gaꞌ ke niyaꞌ kapatutne ngeddoꞌ bahagiꞌnen?
8Dumaꞌin hadja amban addatte bi manusiyaꞌin hangkan kataꞌuhante bang ine mapatut si meꞌ aꞌa maghinangin, saguwaꞌ bisan kitabin, saliꞌ du isab pinaꞌin dem kitabin sabab inin. 9Tasulat hep dem saraꞌ pinangurung Tuhan pu si Musahin, pinaꞌin, “Daꞌa pugungun bi behe sapiꞌ magdiꞌik paleybin.” Kannalbi sapiꞌin ke hadja kagagalan Tuhanin pamissāne inin? 10Atawa hatu pinaꞌinne miyaꞌan sabab kite bi. Bugtuꞌ sabab kite bi meꞌ sinulat miyaꞌan. Aꞌa magbadjaꞌin duk aꞌa magpaganihin maghinang siye peggeꞌ ngase-ngase siye weꞌ niyaꞌ bahagiꞌ si siye. 11Kami inin bakas magusihat si kaꞌam lapal Tuhanin. Ibatan aꞌa magtanem miyaꞌan, kuweꞌ kami bakas magtanem lapal Tuhanin dem pikilanbi. Hangkan patut kami gastuhanbi. 12Bang sinduwe meꞌ magtoloꞌ si kaꞌamin patut gastuhanbi, pasōng ne kami asal patut gastuhanbi.
Saguwaꞌ gaꞌ kami māku amban kaꞌam bisan kami taga kapatut māku. Magsandal hadja kami kasigpitan supaya gaꞌ niyaꞌ makabembel aka-aka mahāp sabab Isa Almasihin. 13Bugtuꞌ kataꞌuhanbi weꞌ meꞌ aꞌa maghinang dem langgal mahadje laꞌi si Awrusalamin, kēmon gastude para si kinakanden pangurung amban langgal miyaꞌan. Duk meꞌ imam manōngan hayep pagkuluban si Tuhanin, binahagiꞌan du siye isi hayep pagkulubanin. 14Damikkiyan isab meꞌ aꞌa magmahalayak aka-aka mahāpin, iye pangandaꞌakan Isa Almasihin weꞌ subey siye ginastuhan weꞌ meꞌ makahagad si aka-aka mahāp minahalayakden.
15Saguwaꞌ aku inin, bisan ku patut teꞌed māku amban meꞌ aꞌa inusihatankun, gaꞌ ku bakas māku suweldo si hinangkun. Duk dumaꞌin hangkan inin sulatku si kaꞌam weꞌ supaya ku urunganbi. Hāp pe ku matey, daꞌa bang māku si kaꞌam, peggeꞌ bang ku makasangka suweldo amban kaꞌam, na, gaꞌi ne ku kapagabbu weꞌ maghinang ku si kaꞌam bisan ku gaꞌi sinuweldohan. 16Gaꞌi ku makajari magabbu sabab pagmahalayakku aka-aka mahāpin peggeꞌ hinang inin asal pangandaꞌakan Isa Almasi aku, duk gaꞌi makajari bang gaꞌi hinangku. Asal laꞌat teꞌed matekka si akuhin bang gaꞌi mahalayakku aka-aka mahāpin. 17Bang aku siꞌ mameneꞌ hinangku inin, na, patut ku sinuweldohan. Saguwaꞌ hangkan inin hinangku, dumaꞌin amban bayaꞌku saguwaꞌ peggeꞌ pinasukuꞌ hinang inin si aku weꞌ Tuhanin duk pinangandel inin weꞌ ne si aku. 18Na, ine pamayed akuhin? Pamayed akuhin inin, makajari ku magmahalayak aka-aka mahāpin gaꞌi binayedan bisan ne ku taga kapatut māku gastu.
19Aku inin kapagbayaꞌku si diku, dumaꞌin du ku banyagaꞌ sine-sine. Saguwaꞌ bisan ne kuweꞌ miyaꞌan, kimmatanku dikun banyagaꞌ meꞌ aꞌahin kēmon supaya ekka aꞌa taboꞌoku nuhut Isa Almasi. 20Hangkan hep bang ku magtuhut duk meꞌ Yahudihin, tuhutku meꞌ addat Yahudihin supaya siye kahumatanku sandel pu si Isa Almasi. Duk bisan gaꞌi subey tuhutku saraꞌ si Musahin, iye tinuhut meꞌ bangsa Yahudihin, tuhutku hadja supaya niyaꞌ siye meꞌ manuhut saraꞌ si Musahin kahumatanku sandel pu si Isa Almasi. 21Bang ku isab magtuhut duk meꞌ aꞌa dumaꞌin Yahudihin, na, gaꞌi ne tuhutku addat meꞌ Yahudihin. Iye tinuhutkun addat meꞌ aꞌa dumaꞌin Yahudihin supaya siye kahumatanku sandel pu si Isa Almasi. Bisan ku gaꞌi nuhut saraꞌ āgama meꞌ Yahudihin, masi du ku nuhut saraꞌ Tuhanin peggeꞌ tinuhut weꞌ ku pangandaꞌakan Isa Almasihin. 22Bang ku magtuhut duk meꞌ manggaꞌi mabasag sandelde pu si Isa Almasihin, pasaliꞌku dikun si siye, supaya siye taboꞌoku duk ngabasag sandelden. Kēmon bayuꞌ-bayuꞌan aꞌa inusihatankun, pasaliꞌku dikun si siye supaya niyaꞌ du paꞌin siye kahumatanku sandel pu si Isa Almasi duk siye timbul.
23Hangkan inin hinangku supaya palatag teꞌed aka-aka mahāp sabab Isa Almasihin, duk supaya ku kabahagiꞌan kahāpan pananggup dem aka-aka mahāpin. 24Bugtuꞌ kataꞌuhanbi du weꞌ bang maglakkesan magubas ekka mamagubasin; saguwaꞌ dendangan du hadja mangandaꞌagin duk iye makaꞌeddoꞌ kahāpanin. Na, kaꞌam isab meꞌ masandel pu si Isa Almasihin, kuweꞌ meꞌ aꞌa maglakkesan magubas miyaꞌan maggeꞌes supaya ngandaꞌag, subey kaꞌam maggeꞌes nuhut Tuhanin supaya kaꞌam makasangka kahāpan amban Tuhan si pasōngan. 25Meꞌ aꞌa mabayaꞌ mamatuk magubasin, magmahil dahuꞌ siye duk gaꞌi ne ūtande kabayaꞌanden. Hinangde inin supaya siye ngandaꞌag duk pinahadje. Pamahadje siyehin inurungan siye likung hininang duk dawen kayu duk gaꞌi layun. Saguwaꞌ kite bi meꞌ masandel pu si Isa Almasihin, pinahadje du kite bi, duk kahāpan pangurung si kitehin bi layun salama-lama. Hangkan gaꞌi ūtante bi kabayaꞌanten bi. 26Hangkan aku, kuweꞌ ku aꞌa mamagubasin. Pabentel ku tudju pī peggeꞌ niyaꞌ apasku. Duk bang ku magusihat si meꞌ aꞌa, kuweꞌ ku isab aꞌa mapandey magsuntukin, kahabaꞌ iye nuntuk tewwaꞌ. Duk aku kahabaꞌ ku missā luwal tewwaꞌ binissākun. 27Kuweꞌ aꞌa magsuntukin tiksaꞌku barankun duk gaꞌi teꞌed ūtanku napsu baranku inin, kaw aku mamagusihat si meꞌ aꞌahin, aku pe manggaꞌi tinayimaꞌ Tuhanin.
ទើបបានជ្រើសរើសហើយ៖
1 Korinto 9: yakV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.
1 Korinto 9
9
Meꞌ patut hininang aꞌa kawakilanin
1Aku inin, samunsayaꞌku maghinang ine-ine kabayaꞌanku. Bakas ku kawakilan weꞌ Isa Almasi dinaꞌak magmahalayak lapalnen. Asal bakas paguwaꞌ iye si aku duk takiteku iye duk mataku inin. Duk sandelbi miyaꞌan kaꞌujudan paghinangku para pu Isa Almasihin. 2Bisan paꞌin meꞌ sinduwehin weꞌ gaꞌ ku kawakilan weꞌ Isa Almasi, saguwaꞌ bang kaꞌam maluꞌu si Korintohin, kataꞌuhanbi weꞌ asal kawakilan ku. Kaꞌam ne teꞌed purebakun weꞌ aꞌa kawakilan ku peggeꞌ nuhut ne kaꞌam pu si Isa Almasi sababku.
3Bang ku bistiga meꞌ aꞌa sabab meꞌ hinangkun, iye inin sambungku si siyehin: 4Weꞌ gaꞌ ke niyaꞌ kapatutku makipakan duk makipaꞌinum si meꞌ aꞌa inusihatankun? 5Gaꞌ ke niyaꞌ kapatutku maganda si dende sandel pu si Isa duk moꞌone si meꞌ palengnganankun kuweꞌ hininang sinduwe meꞌ kawakilanin? Kuweꞌ iyan du hep isab hininang meꞌ pungtinaꞌi si Isa lellahin duk hininang si Petrosin. 6Na, pikilun bi isab inin. Kami ke hadja duk Barnabas subey maghinangin duk niyaꞌ kaꞌelluman kami? Bu sinduwehin tinangdanan weꞌ bi? 7Upama, niyaꞌ ke sundalu si armi gaꞌi inurungan paggastune? Niyaꞌ ke aꞌa magtinanemin gaꞌ niyaꞌ kapatutne mangan buwaꞌ meꞌ tinanemnen? Duk aꞌa magipat hayepin, gaꞌ ke niyaꞌ kapatutne ngeddoꞌ bahagiꞌnen?
8Dumaꞌin hadja amban addatte bi manusiyaꞌin hangkan kataꞌuhante bang ine mapatut si meꞌ aꞌa maghinangin, saguwaꞌ bisan kitabin, saliꞌ du isab pinaꞌin dem kitabin sabab inin. 9Tasulat hep dem saraꞌ pinangurung Tuhan pu si Musahin, pinaꞌin, “Daꞌa pugungun bi behe sapiꞌ magdiꞌik paleybin.” Kannalbi sapiꞌin ke hadja kagagalan Tuhanin pamissāne inin? 10Atawa hatu pinaꞌinne miyaꞌan sabab kite bi. Bugtuꞌ sabab kite bi meꞌ sinulat miyaꞌan. Aꞌa magbadjaꞌin duk aꞌa magpaganihin maghinang siye peggeꞌ ngase-ngase siye weꞌ niyaꞌ bahagiꞌ si siye. 11Kami inin bakas magusihat si kaꞌam lapal Tuhanin. Ibatan aꞌa magtanem miyaꞌan, kuweꞌ kami bakas magtanem lapal Tuhanin dem pikilanbi. Hangkan patut kami gastuhanbi. 12Bang sinduwe meꞌ magtoloꞌ si kaꞌamin patut gastuhanbi, pasōng ne kami asal patut gastuhanbi.
Saguwaꞌ gaꞌ kami māku amban kaꞌam bisan kami taga kapatut māku. Magsandal hadja kami kasigpitan supaya gaꞌ niyaꞌ makabembel aka-aka mahāp sabab Isa Almasihin. 13Bugtuꞌ kataꞌuhanbi weꞌ meꞌ aꞌa maghinang dem langgal mahadje laꞌi si Awrusalamin, kēmon gastude para si kinakanden pangurung amban langgal miyaꞌan. Duk meꞌ imam manōngan hayep pagkuluban si Tuhanin, binahagiꞌan du siye isi hayep pagkulubanin. 14Damikkiyan isab meꞌ aꞌa magmahalayak aka-aka mahāpin, iye pangandaꞌakan Isa Almasihin weꞌ subey siye ginastuhan weꞌ meꞌ makahagad si aka-aka mahāp minahalayakden.
15Saguwaꞌ aku inin, bisan ku patut teꞌed māku amban meꞌ aꞌa inusihatankun, gaꞌ ku bakas māku suweldo si hinangkun. Duk dumaꞌin hangkan inin sulatku si kaꞌam weꞌ supaya ku urunganbi. Hāp pe ku matey, daꞌa bang māku si kaꞌam, peggeꞌ bang ku makasangka suweldo amban kaꞌam, na, gaꞌi ne ku kapagabbu weꞌ maghinang ku si kaꞌam bisan ku gaꞌi sinuweldohan. 16Gaꞌi ku makajari magabbu sabab pagmahalayakku aka-aka mahāpin peggeꞌ hinang inin asal pangandaꞌakan Isa Almasi aku, duk gaꞌi makajari bang gaꞌi hinangku. Asal laꞌat teꞌed matekka si akuhin bang gaꞌi mahalayakku aka-aka mahāpin. 17Bang aku siꞌ mameneꞌ hinangku inin, na, patut ku sinuweldohan. Saguwaꞌ hangkan inin hinangku, dumaꞌin amban bayaꞌku saguwaꞌ peggeꞌ pinasukuꞌ hinang inin si aku weꞌ Tuhanin duk pinangandel inin weꞌ ne si aku. 18Na, ine pamayed akuhin? Pamayed akuhin inin, makajari ku magmahalayak aka-aka mahāpin gaꞌi binayedan bisan ne ku taga kapatut māku gastu.
19Aku inin kapagbayaꞌku si diku, dumaꞌin du ku banyagaꞌ sine-sine. Saguwaꞌ bisan ne kuweꞌ miyaꞌan, kimmatanku dikun banyagaꞌ meꞌ aꞌahin kēmon supaya ekka aꞌa taboꞌoku nuhut Isa Almasi. 20Hangkan hep bang ku magtuhut duk meꞌ Yahudihin, tuhutku meꞌ addat Yahudihin supaya siye kahumatanku sandel pu si Isa Almasi. Duk bisan gaꞌi subey tuhutku saraꞌ si Musahin, iye tinuhut meꞌ bangsa Yahudihin, tuhutku hadja supaya niyaꞌ siye meꞌ manuhut saraꞌ si Musahin kahumatanku sandel pu si Isa Almasi. 21Bang ku isab magtuhut duk meꞌ aꞌa dumaꞌin Yahudihin, na, gaꞌi ne tuhutku addat meꞌ Yahudihin. Iye tinuhutkun addat meꞌ aꞌa dumaꞌin Yahudihin supaya siye kahumatanku sandel pu si Isa Almasi. Bisan ku gaꞌi nuhut saraꞌ āgama meꞌ Yahudihin, masi du ku nuhut saraꞌ Tuhanin peggeꞌ tinuhut weꞌ ku pangandaꞌakan Isa Almasihin. 22Bang ku magtuhut duk meꞌ manggaꞌi mabasag sandelde pu si Isa Almasihin, pasaliꞌku dikun si siye, supaya siye taboꞌoku duk ngabasag sandelden. Kēmon bayuꞌ-bayuꞌan aꞌa inusihatankun, pasaliꞌku dikun si siye supaya niyaꞌ du paꞌin siye kahumatanku sandel pu si Isa Almasi duk siye timbul.
23Hangkan inin hinangku supaya palatag teꞌed aka-aka mahāp sabab Isa Almasihin, duk supaya ku kabahagiꞌan kahāpan pananggup dem aka-aka mahāpin. 24Bugtuꞌ kataꞌuhanbi du weꞌ bang maglakkesan magubas ekka mamagubasin; saguwaꞌ dendangan du hadja mangandaꞌagin duk iye makaꞌeddoꞌ kahāpanin. Na, kaꞌam isab meꞌ masandel pu si Isa Almasihin, kuweꞌ meꞌ aꞌa maglakkesan magubas miyaꞌan maggeꞌes supaya ngandaꞌag, subey kaꞌam maggeꞌes nuhut Tuhanin supaya kaꞌam makasangka kahāpan amban Tuhan si pasōngan. 25Meꞌ aꞌa mabayaꞌ mamatuk magubasin, magmahil dahuꞌ siye duk gaꞌi ne ūtande kabayaꞌanden. Hinangde inin supaya siye ngandaꞌag duk pinahadje. Pamahadje siyehin inurungan siye likung hininang duk dawen kayu duk gaꞌi layun. Saguwaꞌ kite bi meꞌ masandel pu si Isa Almasihin, pinahadje du kite bi, duk kahāpan pangurung si kitehin bi layun salama-lama. Hangkan gaꞌi ūtante bi kabayaꞌanten bi. 26Hangkan aku, kuweꞌ ku aꞌa mamagubasin. Pabentel ku tudju pī peggeꞌ niyaꞌ apasku. Duk bang ku magusihat si meꞌ aꞌa, kuweꞌ ku isab aꞌa mapandey magsuntukin, kahabaꞌ iye nuntuk tewwaꞌ. Duk aku kahabaꞌ ku missā luwal tewwaꞌ binissākun. 27Kuweꞌ aꞌa magsuntukin tiksaꞌku barankun duk gaꞌi teꞌed ūtanku napsu baranku inin, kaw aku mamagusihat si meꞌ aꞌahin, aku pe manggaꞌi tinayimaꞌ Tuhanin.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.