1 Korinto 10
10
Sessaꞌ sabab meꞌ tuhan-tuhan
1Meꞌ kapungtinaꞌihanku, paꞌessebante kaꞌam bang ine talabey meꞌ kapapuꞌanten bi meꞌ Yahudihin masa paglengngande manuhut si Musa awwalley. Kalandungan siye kēmon weꞌ inalak, tandaꞌ weꞌ nuhut Tuhanin si siye. Palipag siye isab kēmon magbettis si tengngaꞌ tahik ēnande Tahik Peyatin duk gaꞌ du niyaꞌ umantag si siye. 2Dalilnen kuweꞌ bakas siye kēmon tapandi dem inalak duk dem tahik duk iye miyaꞌan tandaꞌin weꞌ siye meꞌ tindeg si Musa. 3Kēmon siye mangan kinakan pinangurung weꞌ Tuhanin. 4Duk ininum isab weꞌ de boheꞌ pinangurungne si siyehin, peggeꞌ kēmon siye kapanginum boheꞌ mapaguwaꞌ amban dem batuhin. Duk hāti batu miyaꞌan, Almasihin, peggeꞌ laꞌi Almasi nuhut-nuhutan siye. 5Saguwaꞌ bisan kuweꞌ miyaꞌan panabang Tuhan si siyehin, kaꞌekkahanden gaꞌ kasulutan Tuhanin si meꞌ hinanganden; hangkan hep ekka siye matey laꞌi dem lahat makagindew-gindew miyaꞌan.
6Na, meꞌ maꞌumantag si siye miyaꞌan subey pamintangante bi supaya kite bi gaꞌi napsuhan maghinang laꞌat kuweꞌ siye miyaꞌan. 7Daꞌa kite bi numba limbagan tuhan-tuhan kuweꞌ hinangande sinduwehin masaley. Tasulat hep dem kitab sabab hinangande miyaꞌan, pinaꞌin, “Meꞌ aꞌahin ningkoloꞌ mangan duk nginum pamahadjede tuhan-tuhanden. Ubus miyaꞌan kuwat siye mansak duk maghinang laꞌat.” 8Daꞌa kite bi magjina kuweꞌ hinangande sinduwehin masaley. Sabab pagjinaden niyaꞌ siye duwempūꞌ duk tellu ngibu mamateyin dem da ellew hadja. 9Daꞌa kite bi magduse pinagtuꞌuran, panuleyante Tuhanin bang bennal ke kite leggane. Hininang inin weꞌ meꞌ kapapuꞌante bi sinduwehin masaley duk ekka siye matey tigtuk sawe. 10Daꞌa isab kite bi muhun sabab ine-ine garaꞌ Tuhan si kitehin bi, kuweꞌ hinangande sinduwehin masaley. Hangkan hep pinapatey siye weꞌ malaꞌikat mamoꞌo kamateyin.
11Hangkan kēmon miyaꞌan umantag si siye supaya mintang meꞌ aꞌahin. Duk tasulat isab inin dem kitab supaya kite bi gaꞌi maghinangan kuweꞌ siye miyaꞌan peggeꞌ sōng kiyamat ne dunyahin.
12Hangkan bang niyaꞌ luꞌu aꞌa paꞌinne weꞌ basag du sandelne si Tuhanin, subey iye pahatul-hatul kaw iye bessuwang taboꞌo weꞌ sassat bu kapagduse ne iye. 13Kēmon bayuꞌan sassat matekka si kaꞌamin, iye du isab meꞌ sassat matekka si kēmon manusiyaꞌin. Saguwaꞌ kapangandelan teꞌed Tuhanin, hangkan gaꞌi kaꞌam pasagadanne sinassat bang gaꞌi tasandalbi peggeꞌ bang tekka sassatin tabangan Tuhanin du kaꞌam duk tasandalbi sassat miyaꞌan duk supaya kaꞌam lumuwas amban miyaꞌan.
14Hangkan hep, meꞌ bagayku kinalasahankun, halliꞌanun bi teꞌed numba meꞌ tuhan-tuhan. 15Kaꞌam iyan meꞌ aꞌa taꞌu mikil. Hangkan pikil-pikilun bi teꞌed pinaꞌinku si kaꞌam inin bang tumuꞌun ke atawa gaꞌi. 16Bang kite bi magtipun-tipun pangessebante bi kamatey Isa Almasihin, ininumte bi dem sawanin iye bakas kite magpasalamat si Tuhanin, tandaꞌ miyaꞌan weꞌ magdambuwaꞌ ne kite duk Almasi sabab lahaꞌne mabuꞌusin. Damikkiyan pan kinepak-kepakin. Kakante pan miyaꞌan, tandaꞌ weꞌ sukuꞌ pu si Almasi ne kite. 17Peggeꞌ dambuwaꞌ du hadja panin bisan kite bi ekka, kuweꞌ dambuwaꞌ du hadja kite bi peggeꞌ pagtupedante bi pan dambuwaꞌ miyaꞌan.
18Payamanun bi addat bangsa Israꞌilin. Meꞌ mamangan kinakan sinōngan si Tuhanin patuhut isab ngisbat Tuhanin. Bang sa īꞌ, hātinen weꞌ meꞌ aꞌa mamangan meꞌ sinōngan si meꞌ tuhan-tuhanin patuhut isab numba tuhan-tuhan miyaꞌan. 19Ine hāti pinaꞌinku inin? Hātinen ke weꞌ toꞌo ellum meꞌ tuhan-tuhanden duk kinakan sinōngan si siyehin niyaꞌ gunane? 20Dumaꞌin! Saguwaꞌ iye hāti pinaꞌinkun, weꞌ meꞌ sinōngan si meꞌ tuhan-tuhanin, sōngande si seyitan dumaꞌin si Tuhan. Duk gaꞌi ku mabayaꞌ weꞌ magtuhut kaꞌam duk meꞌ seyitanin. 21Bang kaꞌam magtipun mangan duk nginum pangessebanbi kamatey Isa Almasihin, gaꞌi kaꞌam makajari patuhut isab mangan duk nginum meꞌ bakas sinōngan meꞌ aꞌa si meꞌ tuhan-tuhanden. Peggeꞌ bang kaꞌam mangan miyaꞌan, kuweꞌ du kaꞌam magtuhut ne duk meꞌ seyitanin. 22Batang sunggud-sunggudte ke Tuhanin? Weꞌ basag kite amban iye?
23Niyaꞌ meꞌ aꞌa magpaꞌin, “Makajari hinang kami ine-ine kabayaꞌan kamihin.” Toꞌo iyan, saguwaꞌ gaꞌi du kēmon hāp, duk gaꞌi du kēmon makabasag sandel aꞌahin si Tuhan. 24Daꞌa pikilte kahāpanten saguwaꞌ subey pikilte kahāpan saweꞌten.
25Makajari kaꞌam mangan sinumbaliꞌ ine-ine pinabellihan si tiyanggi. Saguwaꞌ daꞌa kaꞌam magtilew bang bakas sinōngan ke miyaꞌan si meꞌ tuhan-tuhan duk samunsayaꞌbi mangan, 26peggeꞌ tasulat hep dem kitab, pinaꞌin, “Dunyahin duk kēmon bayuꞌ-bayuꞌan dem dunyahin, Tuhanin dapuꞌnen.”
27Bang upama niyaꞌ aꞌa gaꞌi sandel pu si Isa Almasi matik kaꞌam mangan duk mabayaꞌ kaꞌam pī, makajari kakanbi ine-ine bettadanne kaꞌam. Saguwaꞌ daꞌa kaꞌam magtilew-tilew bang bakas sinōngan ke miyaꞌan si meꞌ tuhan-tuhan duk samunsayaꞌbi mangan. 28-29Saguwaꞌ bang upama niyaꞌ magpaꞌin weꞌ laꞌuk miyaꞌan bakas sinōngan si tuhan-tuhan, na, daꞌa kakanun bi sabab aꞌa mangakahan kaꞌamin. Bang upama kitene kaꞌam manganne, ngasasew dem pikilannen, paꞌinne makapagduse kaꞌam. Kaw niyaꞌ kaꞌam magpaꞌin, “Weꞌey ku subey gaꞌi mangan bang sabab aꞌa mamura masasew dem pikilannen hadja. 30Bang pagsalamatanku du si Tuhan kinakankun, weꞌey ku subey sabit aꞌa bu bakas du miyaꞌan pagsalamatanku.”
31Na, inin sambungkun si bakas pinaꞌinbi miyaꞌan. Ine-ine hinangbi, mangan ke kaꞌam atawa nginum, subey hinangbi hadja supaya tapudji Tuhanin. 32Daꞌa hinangun bi ine-ine bang sallaꞌ si meꞌ Yahudihin atawa si meꞌ aꞌa bangsa seddilihin atawa si meꞌ pagkasibi masandel si Tuhanin. 33Batukanun bi ku. Ine-ine hinangku, paggeꞌesanku nulut siye kēmon, peggeꞌ dumaꞌin pinikilkun kahāpankun saguwaꞌ kahāpan meꞌ aꞌahin kēmon, supaya siye timbul amban hukuman duseden.
ទើបបានជ្រើសរើសហើយ៖
1 Korinto 10: yakV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.
1 Korinto 10
10
Sessaꞌ sabab meꞌ tuhan-tuhan
1Meꞌ kapungtinaꞌihanku, paꞌessebante kaꞌam bang ine talabey meꞌ kapapuꞌanten bi meꞌ Yahudihin masa paglengngande manuhut si Musa awwalley. Kalandungan siye kēmon weꞌ inalak, tandaꞌ weꞌ nuhut Tuhanin si siye. Palipag siye isab kēmon magbettis si tengngaꞌ tahik ēnande Tahik Peyatin duk gaꞌ du niyaꞌ umantag si siye. 2Dalilnen kuweꞌ bakas siye kēmon tapandi dem inalak duk dem tahik duk iye miyaꞌan tandaꞌin weꞌ siye meꞌ tindeg si Musa. 3Kēmon siye mangan kinakan pinangurung weꞌ Tuhanin. 4Duk ininum isab weꞌ de boheꞌ pinangurungne si siyehin, peggeꞌ kēmon siye kapanginum boheꞌ mapaguwaꞌ amban dem batuhin. Duk hāti batu miyaꞌan, Almasihin, peggeꞌ laꞌi Almasi nuhut-nuhutan siye. 5Saguwaꞌ bisan kuweꞌ miyaꞌan panabang Tuhan si siyehin, kaꞌekkahanden gaꞌ kasulutan Tuhanin si meꞌ hinanganden; hangkan hep ekka siye matey laꞌi dem lahat makagindew-gindew miyaꞌan.
6Na, meꞌ maꞌumantag si siye miyaꞌan subey pamintangante bi supaya kite bi gaꞌi napsuhan maghinang laꞌat kuweꞌ siye miyaꞌan. 7Daꞌa kite bi numba limbagan tuhan-tuhan kuweꞌ hinangande sinduwehin masaley. Tasulat hep dem kitab sabab hinangande miyaꞌan, pinaꞌin, “Meꞌ aꞌahin ningkoloꞌ mangan duk nginum pamahadjede tuhan-tuhanden. Ubus miyaꞌan kuwat siye mansak duk maghinang laꞌat.” 8Daꞌa kite bi magjina kuweꞌ hinangande sinduwehin masaley. Sabab pagjinaden niyaꞌ siye duwempūꞌ duk tellu ngibu mamateyin dem da ellew hadja. 9Daꞌa kite bi magduse pinagtuꞌuran, panuleyante Tuhanin bang bennal ke kite leggane. Hininang inin weꞌ meꞌ kapapuꞌante bi sinduwehin masaley duk ekka siye matey tigtuk sawe. 10Daꞌa isab kite bi muhun sabab ine-ine garaꞌ Tuhan si kitehin bi, kuweꞌ hinangande sinduwehin masaley. Hangkan hep pinapatey siye weꞌ malaꞌikat mamoꞌo kamateyin.
11Hangkan kēmon miyaꞌan umantag si siye supaya mintang meꞌ aꞌahin. Duk tasulat isab inin dem kitab supaya kite bi gaꞌi maghinangan kuweꞌ siye miyaꞌan peggeꞌ sōng kiyamat ne dunyahin.
12Hangkan bang niyaꞌ luꞌu aꞌa paꞌinne weꞌ basag du sandelne si Tuhanin, subey iye pahatul-hatul kaw iye bessuwang taboꞌo weꞌ sassat bu kapagduse ne iye. 13Kēmon bayuꞌan sassat matekka si kaꞌamin, iye du isab meꞌ sassat matekka si kēmon manusiyaꞌin. Saguwaꞌ kapangandelan teꞌed Tuhanin, hangkan gaꞌi kaꞌam pasagadanne sinassat bang gaꞌi tasandalbi peggeꞌ bang tekka sassatin tabangan Tuhanin du kaꞌam duk tasandalbi sassat miyaꞌan duk supaya kaꞌam lumuwas amban miyaꞌan.
14Hangkan hep, meꞌ bagayku kinalasahankun, halliꞌanun bi teꞌed numba meꞌ tuhan-tuhan. 15Kaꞌam iyan meꞌ aꞌa taꞌu mikil. Hangkan pikil-pikilun bi teꞌed pinaꞌinku si kaꞌam inin bang tumuꞌun ke atawa gaꞌi. 16Bang kite bi magtipun-tipun pangessebante bi kamatey Isa Almasihin, ininumte bi dem sawanin iye bakas kite magpasalamat si Tuhanin, tandaꞌ miyaꞌan weꞌ magdambuwaꞌ ne kite duk Almasi sabab lahaꞌne mabuꞌusin. Damikkiyan pan kinepak-kepakin. Kakante pan miyaꞌan, tandaꞌ weꞌ sukuꞌ pu si Almasi ne kite. 17Peggeꞌ dambuwaꞌ du hadja panin bisan kite bi ekka, kuweꞌ dambuwaꞌ du hadja kite bi peggeꞌ pagtupedante bi pan dambuwaꞌ miyaꞌan.
18Payamanun bi addat bangsa Israꞌilin. Meꞌ mamangan kinakan sinōngan si Tuhanin patuhut isab ngisbat Tuhanin. Bang sa īꞌ, hātinen weꞌ meꞌ aꞌa mamangan meꞌ sinōngan si meꞌ tuhan-tuhanin patuhut isab numba tuhan-tuhan miyaꞌan. 19Ine hāti pinaꞌinku inin? Hātinen ke weꞌ toꞌo ellum meꞌ tuhan-tuhanden duk kinakan sinōngan si siyehin niyaꞌ gunane? 20Dumaꞌin! Saguwaꞌ iye hāti pinaꞌinkun, weꞌ meꞌ sinōngan si meꞌ tuhan-tuhanin, sōngande si seyitan dumaꞌin si Tuhan. Duk gaꞌi ku mabayaꞌ weꞌ magtuhut kaꞌam duk meꞌ seyitanin. 21Bang kaꞌam magtipun mangan duk nginum pangessebanbi kamatey Isa Almasihin, gaꞌi kaꞌam makajari patuhut isab mangan duk nginum meꞌ bakas sinōngan meꞌ aꞌa si meꞌ tuhan-tuhanden. Peggeꞌ bang kaꞌam mangan miyaꞌan, kuweꞌ du kaꞌam magtuhut ne duk meꞌ seyitanin. 22Batang sunggud-sunggudte ke Tuhanin? Weꞌ basag kite amban iye?
23Niyaꞌ meꞌ aꞌa magpaꞌin, “Makajari hinang kami ine-ine kabayaꞌan kamihin.” Toꞌo iyan, saguwaꞌ gaꞌi du kēmon hāp, duk gaꞌi du kēmon makabasag sandel aꞌahin si Tuhan. 24Daꞌa pikilte kahāpanten saguwaꞌ subey pikilte kahāpan saweꞌten.
25Makajari kaꞌam mangan sinumbaliꞌ ine-ine pinabellihan si tiyanggi. Saguwaꞌ daꞌa kaꞌam magtilew bang bakas sinōngan ke miyaꞌan si meꞌ tuhan-tuhan duk samunsayaꞌbi mangan, 26peggeꞌ tasulat hep dem kitab, pinaꞌin, “Dunyahin duk kēmon bayuꞌ-bayuꞌan dem dunyahin, Tuhanin dapuꞌnen.”
27Bang upama niyaꞌ aꞌa gaꞌi sandel pu si Isa Almasi matik kaꞌam mangan duk mabayaꞌ kaꞌam pī, makajari kakanbi ine-ine bettadanne kaꞌam. Saguwaꞌ daꞌa kaꞌam magtilew-tilew bang bakas sinōngan ke miyaꞌan si meꞌ tuhan-tuhan duk samunsayaꞌbi mangan. 28-29Saguwaꞌ bang upama niyaꞌ magpaꞌin weꞌ laꞌuk miyaꞌan bakas sinōngan si tuhan-tuhan, na, daꞌa kakanun bi sabab aꞌa mangakahan kaꞌamin. Bang upama kitene kaꞌam manganne, ngasasew dem pikilannen, paꞌinne makapagduse kaꞌam. Kaw niyaꞌ kaꞌam magpaꞌin, “Weꞌey ku subey gaꞌi mangan bang sabab aꞌa mamura masasew dem pikilannen hadja. 30Bang pagsalamatanku du si Tuhan kinakankun, weꞌey ku subey sabit aꞌa bu bakas du miyaꞌan pagsalamatanku.”
31Na, inin sambungkun si bakas pinaꞌinbi miyaꞌan. Ine-ine hinangbi, mangan ke kaꞌam atawa nginum, subey hinangbi hadja supaya tapudji Tuhanin. 32Daꞌa hinangun bi ine-ine bang sallaꞌ si meꞌ Yahudihin atawa si meꞌ aꞌa bangsa seddilihin atawa si meꞌ pagkasibi masandel si Tuhanin. 33Batukanun bi ku. Ine-ine hinangku, paggeꞌesanku nulut siye kēmon, peggeꞌ dumaꞌin pinikilkun kahāpankun saguwaꞌ kahāpan meꞌ aꞌahin kēmon, supaya siye timbul amban hukuman duseden.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019, Wycliffe Bible Translators, Inc. All rights reserved.