Maa 5
5
Tãaɔ dia sawaɔnɛ
(Mat 8.28-34; Luk 8.26-39)
1Aa kà Gadala busuu isida baale. 2Kɛ́ Yesu bɔ̀ gó guu gɔ̃̀ɔ, tãadee bɔ̀ gɛvĩkĩi à mɔ̀ daiaalɛ. 3Ìɔ ku gbɛ'ɛ pɔ dɛ mia ũɔ guuɛ. Baa mɔdaona lí fɔ̃ à aà kũ̀ lɔo. 4Asa wìɔ aà ye ń mɔdaonaɔ, wìɔ aà da líu mɔɔmɔɔɛ, ãma ì mɔpiɔ kɛ̃kɛ̃ɛ, ì lípiɔ gboogboo. Gbɛ̃e gbãa i ka à aà zuukɛ̀o. 5Gwãasĩna ń fãanɛo pii ìɔ bɛbɛ gɛvĩkĩi ń sĩsĩpɔlɛɔɛ, ìɔ wiilɛ, ìɔ azĩa lili ń gbɛo.
6Kɛ́ à Yesu è kãaa, ɔ̃ à baalɛ̀, à mɔ̀ wùlɛ aà aɛ. 7-8Ɔ̃ Yesu mɛ̀ tãapi gowà, ɔ̃ à wii gbãa lɛ̀ à mɛ̀: Yesu, Lua Musude Nɛ, bɔmɛ wá daaai? Ma nanɛ Luazi, nsu ǹ ma wɛtão. 9Ɔ̃ Yesu aà là à mɛ̀: N tɔ́n kpelewai? Ɔ̃ a wèwà à mɛ̀: Ma tɔ́n Dasi, asa wá dasiɛ. 10Ɔ̃ aa awakpà Yesuɛ maamaa, asu ń yá à ń bɔlɛ busupiuo.
11Gɔɔ bee sawakusan waiɔ ku we, aalɛ pɔble sĩsĩpɔlɛu. 12Ɔ̃ tãapiɔ wabikɛ̀ Yesuwa aa mɛ̀: Wá gbaɛ sawaɔ guu wà dinɛ́. 13Yesu ń gba zɛ́, ɔ̃ tãapiɔ gò gɔ̃ɛpiwa aa gɛ̀ dì sawapiɔnɛ. Ɔ̃ sawa wai pɔ kà ɔaa kwi (2 000) taawapiɔ wì ń bao, aa pìla sòonawa aa sì isidau, ɔ̃ aa gàga we. 14Ɔ̃ an dãnaɔ baalɛ̀, aa gɛ̀ yãpi oinɛ́ wɛ̃lɛu ń bualoũɔ. Ɔ̃ wà bɔ̀lɛ wà gɛ̀ yã pɔ kɛ̀pi gwai. 15Kɛ́ aa kà Yesu kĩi, aa gɔ̃ɛ pɔ tãa sɛa dasi yãapi è zɔ̃lɛa we, a ula daa, aà ĩanapi wèewà, ɔ̃ vĩa ń kṹ. 16Gbɛ̃́ pɔ yãpi è ń wɛ́oɔ yã pɔ tãadepi ń sawaɔ lè dàu aa sìunɛ́. 17Ɔ̃ aa wabikɛ̀ Yesuwa aà bɔnɛ́ ń busuu.
18Kɛ́ Yesu lɛ́ gɛ̃ go'ilɛna guu, gɔ̃ɛpi wabikɛ̀wà à e taaanɔ. 19Yesu i weio, a òɛ̀: Ta n bɛ n gbɛ̃́ɔ kĩi, ní yã pɔ Dii kɛ̀nɛ onɛ́ pii ń lá à wɛ̃nadɔ̃̀nɛo. 20Ɔ̃ gɔ̃ɛpi tà, àlɛ yã pɔ Yesu kɛ̀ɛ kpawakɛ Wɛ̃lɛmɛnkwi busuu, ɔ̃ yãpi kɛ̀ gbɛ̃piiɛ dabuyã ũ.
Zailu nɛ vua ń nɔɛ pɔ ɔkã̀ Yesu ulawao
(Mat 9.18-26; Luk 8.40-56)
21Yesu ɛ̀a bùa isidawa ń góo, ɔ̃ wà kã̀aaaazi dasidasi isidalɛ. 22Luasisikpɛ gbɛ̃zɔ̃ɔ Zailu mɔ̀ we. Kɛ́ à Yesu è, à wùlɛ aà gbázĩ, 23ɔ̃ à awakpàɛ̀ maamaa à mɛ̀: Ma nɛnɔɛna lɛ́ kãsãnkɛ. Mɔ ǹ ɔnawà aà gbãgbã, iɔ ku. 24Ɔ̃ Yesu dàaanɔ zɛ́u. Bila tɛaazi, aalɛ naɛwà.
25Nɔɛe ku we, au lɛ́ bɔlɛwà, à kà wɛ̃̀ kuɛpla. 26Ɛsɛdeɔ aà dà taasiu maamaa, à a ɔ̃a blè pii. I aafia eo, ì kɛkɛ àɔ ka'ilɛɛ. 27Kɛ́ à Yesu baomà, ɔ̃ à bila kɛ̃̀aa à sɔ̃̀aazi aà kpɛ oi. Ɔ̃ à ɔkã̀ aà ulawa, 28asa à mɛ̀: Baa aà ula, tó ma ɔkã̀wà, má gbãgbãɛ. 29Ɔ̃ aà aubɔlɛapi zɛ̀ gɔ̃̀ɔ. A dɔ̃̀ a mɛ guu kɛ́ a gbãgbã̀ ń a gyãpio. 30Wegɔ̃ɔ Yesu dɔ̃̀ azĩawa kɛ́ gbãa bɔ̀agu, ɔ̃ à lìli bila guu à mɛ̀: Demɛ ɔkã̀ ma ulawai? 31Ɔ̃ aà iwaɔ òɛ̀: Ń è lá bila lɛ́ naɛma, ɔ̃ nlɛ mɛ demɛ ɔkã̀maia? 32Ɔ̃ Yesu wɛpã̀ bilaa kɛ́ à gbɛ̃́ pɔ yãpi kɛ̀ e. 33Nɔɛpi lɛ́ lualua ń vĩao, asa a dɔ̃ yã pɔ kɛ̀ a mɛu, ɔ̃ à mɔ̀ azĩa kwɛ̀ aà gbázĩ, à a sĩana òɛ̀ pii. 34Ɔ̃ Yesu òɛ̀: Nɔɛ, ma naai pɔ ń kɛ̀ mɛ́ n gbãgbã̀. Ta bɛ aafia, n gyãpi wèeman we.
35Lá Yesu lɛ́ yã bee o, ɔ̃ wà bɔ̀ luasisikpɛ gbɛ̃zɔ̃ɔpi bɛ wà mɔ̀ wa òɛ̀: N nɛpi kɛ̀sai. Nsu takpa mɛtuluzi pão. 36Ãma Yesu i swãsɛ ń yãio. A ò gbɛ̃zɔ̃ɔpiɛ: Nsu to n sɔ̃ vĩo, ma naaikɛ lé. 37I wei gbɛ̃e gɛ́ zɛiɛo, sema Piɛɛ ń Zakio ń Zaki dãuna Zãao. 38Kɛ́ aa kà gbɛ̃zɔ̃ɔpi bɛ, Yesu è aà bɛ lòo, wàlɛ ɔɔlɔ, wàlɛ bubuapɛ maamaa. 39Kɛ́ à gɛ̃̀ kpɛ́u, à ń lá à mɛ̀: Bɔyãi á kĩi dɔ, álɛ ɔɔlɔi? Nɛpi i gao, àlɛ i'oɛ. 40Kɛ́ aalɛ aà kɛ pɔɔpɔɔ, ɔ̃ à ń yá à ń bɔlɛ pii. Ɔ̃ à nɛpi de ń aà dao sɛ̀ ń gbɛ̃́ pɔ aa mɔ̀ sãnuɔ, à gɛ̃̀ńnɔ gu pɔ nɛpi kuu. 41Ɔ̃ à aà kũ̀ a ɔwa a òɛ̀: Talita kuũ! (Bee mɛ̀ nɛnɔɛna, má ònɛ fɛlɛ.) 42Wegɔ̃ɔ nɛpi fɛ̀lɛ, à taa'ò, asa nɛpi kà wɛ̃̀ kuɛplaɛ. Yãpi ń kṹ gbãa maamaa. 43Ɔ̃ Yesu gìnɛ́ fĩ́afĩa aasu o gbɛ̃e mao. Ɔ̃ à mɛ̀ wà pɔblea kpawà.
ទើបបានជ្រើសរើសហើយ៖
Maa 5: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.
Maa 5
5
Tãaɔ dia sawaɔnɛ
(Mat 8.28-34; Luk 8.26-39)
1Aa kà Gadala busuu isida baale. 2Kɛ́ Yesu bɔ̀ gó guu gɔ̃̀ɔ, tãadee bɔ̀ gɛvĩkĩi à mɔ̀ daiaalɛ. 3Ìɔ ku gbɛ'ɛ pɔ dɛ mia ũɔ guuɛ. Baa mɔdaona lí fɔ̃ à aà kũ̀ lɔo. 4Asa wìɔ aà ye ń mɔdaonaɔ, wìɔ aà da líu mɔɔmɔɔɛ, ãma ì mɔpiɔ kɛ̃kɛ̃ɛ, ì lípiɔ gboogboo. Gbɛ̃e gbãa i ka à aà zuukɛ̀o. 5Gwãasĩna ń fãanɛo pii ìɔ bɛbɛ gɛvĩkĩi ń sĩsĩpɔlɛɔɛ, ìɔ wiilɛ, ìɔ azĩa lili ń gbɛo.
6Kɛ́ à Yesu è kãaa, ɔ̃ à baalɛ̀, à mɔ̀ wùlɛ aà aɛ. 7-8Ɔ̃ Yesu mɛ̀ tãapi gowà, ɔ̃ à wii gbãa lɛ̀ à mɛ̀: Yesu, Lua Musude Nɛ, bɔmɛ wá daaai? Ma nanɛ Luazi, nsu ǹ ma wɛtão. 9Ɔ̃ Yesu aà là à mɛ̀: N tɔ́n kpelewai? Ɔ̃ a wèwà à mɛ̀: Ma tɔ́n Dasi, asa wá dasiɛ. 10Ɔ̃ aa awakpà Yesuɛ maamaa, asu ń yá à ń bɔlɛ busupiuo.
11Gɔɔ bee sawakusan waiɔ ku we, aalɛ pɔble sĩsĩpɔlɛu. 12Ɔ̃ tãapiɔ wabikɛ̀ Yesuwa aa mɛ̀: Wá gbaɛ sawaɔ guu wà dinɛ́. 13Yesu ń gba zɛ́, ɔ̃ tãapiɔ gò gɔ̃ɛpiwa aa gɛ̀ dì sawapiɔnɛ. Ɔ̃ sawa wai pɔ kà ɔaa kwi (2 000) taawapiɔ wì ń bao, aa pìla sòonawa aa sì isidau, ɔ̃ aa gàga we. 14Ɔ̃ an dãnaɔ baalɛ̀, aa gɛ̀ yãpi oinɛ́ wɛ̃lɛu ń bualoũɔ. Ɔ̃ wà bɔ̀lɛ wà gɛ̀ yã pɔ kɛ̀pi gwai. 15Kɛ́ aa kà Yesu kĩi, aa gɔ̃ɛ pɔ tãa sɛa dasi yãapi è zɔ̃lɛa we, a ula daa, aà ĩanapi wèewà, ɔ̃ vĩa ń kṹ. 16Gbɛ̃́ pɔ yãpi è ń wɛ́oɔ yã pɔ tãadepi ń sawaɔ lè dàu aa sìunɛ́. 17Ɔ̃ aa wabikɛ̀ Yesuwa aà bɔnɛ́ ń busuu.
18Kɛ́ Yesu lɛ́ gɛ̃ go'ilɛna guu, gɔ̃ɛpi wabikɛ̀wà à e taaanɔ. 19Yesu i weio, a òɛ̀: Ta n bɛ n gbɛ̃́ɔ kĩi, ní yã pɔ Dii kɛ̀nɛ onɛ́ pii ń lá à wɛ̃nadɔ̃̀nɛo. 20Ɔ̃ gɔ̃ɛpi tà, àlɛ yã pɔ Yesu kɛ̀ɛ kpawakɛ Wɛ̃lɛmɛnkwi busuu, ɔ̃ yãpi kɛ̀ gbɛ̃piiɛ dabuyã ũ.
Zailu nɛ vua ń nɔɛ pɔ ɔkã̀ Yesu ulawao
(Mat 9.18-26; Luk 8.40-56)
21Yesu ɛ̀a bùa isidawa ń góo, ɔ̃ wà kã̀aaaazi dasidasi isidalɛ. 22Luasisikpɛ gbɛ̃zɔ̃ɔ Zailu mɔ̀ we. Kɛ́ à Yesu è, à wùlɛ aà gbázĩ, 23ɔ̃ à awakpàɛ̀ maamaa à mɛ̀: Ma nɛnɔɛna lɛ́ kãsãnkɛ. Mɔ ǹ ɔnawà aà gbãgbã, iɔ ku. 24Ɔ̃ Yesu dàaanɔ zɛ́u. Bila tɛaazi, aalɛ naɛwà.
25Nɔɛe ku we, au lɛ́ bɔlɛwà, à kà wɛ̃̀ kuɛpla. 26Ɛsɛdeɔ aà dà taasiu maamaa, à a ɔ̃a blè pii. I aafia eo, ì kɛkɛ àɔ ka'ilɛɛ. 27Kɛ́ à Yesu baomà, ɔ̃ à bila kɛ̃̀aa à sɔ̃̀aazi aà kpɛ oi. Ɔ̃ à ɔkã̀ aà ulawa, 28asa à mɛ̀: Baa aà ula, tó ma ɔkã̀wà, má gbãgbãɛ. 29Ɔ̃ aà aubɔlɛapi zɛ̀ gɔ̃̀ɔ. A dɔ̃̀ a mɛ guu kɛ́ a gbãgbã̀ ń a gyãpio. 30Wegɔ̃ɔ Yesu dɔ̃̀ azĩawa kɛ́ gbãa bɔ̀agu, ɔ̃ à lìli bila guu à mɛ̀: Demɛ ɔkã̀ ma ulawai? 31Ɔ̃ aà iwaɔ òɛ̀: Ń è lá bila lɛ́ naɛma, ɔ̃ nlɛ mɛ demɛ ɔkã̀maia? 32Ɔ̃ Yesu wɛpã̀ bilaa kɛ́ à gbɛ̃́ pɔ yãpi kɛ̀ e. 33Nɔɛpi lɛ́ lualua ń vĩao, asa a dɔ̃ yã pɔ kɛ̀ a mɛu, ɔ̃ à mɔ̀ azĩa kwɛ̀ aà gbázĩ, à a sĩana òɛ̀ pii. 34Ɔ̃ Yesu òɛ̀: Nɔɛ, ma naai pɔ ń kɛ̀ mɛ́ n gbãgbã̀. Ta bɛ aafia, n gyãpi wèeman we.
35Lá Yesu lɛ́ yã bee o, ɔ̃ wà bɔ̀ luasisikpɛ gbɛ̃zɔ̃ɔpi bɛ wà mɔ̀ wa òɛ̀: N nɛpi kɛ̀sai. Nsu takpa mɛtuluzi pão. 36Ãma Yesu i swãsɛ ń yãio. A ò gbɛ̃zɔ̃ɔpiɛ: Nsu to n sɔ̃ vĩo, ma naaikɛ lé. 37I wei gbɛ̃e gɛ́ zɛiɛo, sema Piɛɛ ń Zakio ń Zaki dãuna Zãao. 38Kɛ́ aa kà gbɛ̃zɔ̃ɔpi bɛ, Yesu è aà bɛ lòo, wàlɛ ɔɔlɔ, wàlɛ bubuapɛ maamaa. 39Kɛ́ à gɛ̃̀ kpɛ́u, à ń lá à mɛ̀: Bɔyãi á kĩi dɔ, álɛ ɔɔlɔi? Nɛpi i gao, àlɛ i'oɛ. 40Kɛ́ aalɛ aà kɛ pɔɔpɔɔ, ɔ̃ à ń yá à ń bɔlɛ pii. Ɔ̃ à nɛpi de ń aà dao sɛ̀ ń gbɛ̃́ pɔ aa mɔ̀ sãnuɔ, à gɛ̃̀ńnɔ gu pɔ nɛpi kuu. 41Ɔ̃ à aà kũ̀ a ɔwa a òɛ̀: Talita kuũ! (Bee mɛ̀ nɛnɔɛna, má ònɛ fɛlɛ.) 42Wegɔ̃ɔ nɛpi fɛ̀lɛ, à taa'ò, asa nɛpi kà wɛ̃̀ kuɛplaɛ. Yãpi ń kṹ gbãa maamaa. 43Ɔ̃ Yesu gìnɛ́ fĩ́afĩa aasu o gbɛ̃e mao. Ɔ̃ à mɛ̀ wà pɔblea kpawà.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.