Maa 4
4
Pɔwɛnkɛɛlɛa
(Mat 13.1-23; Luk 8.4-15)
1Yesu ɛ̀a àlɛ yãdanɛ́ isida saɛ. Wà kã̀aaaazi dasidasi, ɔ̃ à gɛ̃̀, à zɔ̃̀lɛ go'ilɛnau ía, gbɛ̃́piɔ kalɛa mpii isida gɔ̃sɔ̃lɛ. 2À yãdàdanɛ́ ń yãlɛɛũanɛo dasi. Lá àlɛ dadanɛ́ à mɛ̀: 3À swãkpa! Zɔ̃ɛe mɛ́ ku à bɔ̀ gɛ̀ pɔwɛna kɛɛlɛi. 4Lá àlɛ kɛɛlɛ, ɔ̃ a keeɔ lɛ̀lɛ zɛ́ guu, bãɔ mɔ̀ aa blè. 5A keeɔ lɛ̀lɛ gbɛsɛɛna musu, gua pɔ tɔɔlɛ geeleuo, ɔ̃ aa bɔ̀lɛ gɔ̃̀ɔ, kɛ́ tɔɔlɛ geele weo yãi. 6Kɛ́ ĩatɛ̃ fɛ̀lɛ, ɔ̃ aa tɛkũ̀, aa giigàga, kɛ́ aa zĩ́na vĩo yãi. 7A keeɔ lɛ̀lɛ lɛ guu, ɔ̃ lɛ kũ̀aamá, aai nɛ'io. 8A keeɔ sɔ̃ aa lɛ̀lɛ tɔɔlɛ maawa. Aa bɔ̀lɛ aa zɔ̃ɔkũ̀, aa nɛ'ì. A keeɔ kãfĩakɛ̀ baakwikwi, keeɔ baaɔ̃baaɔ̃, keeɔ basɔobasɔo. 9Ɔ̃ Yesu mɛ̀: Gbɛ̃́ pɔ nɔ̀sɛ vĩ aà yãpi ma.
10Kɛ́ Yesu gònɛ́ we, a ku ado, ɔ̃ aà zĩna gbɛ̃ɔn kuɛplaɔ ń aà iwaɔ mɔ̀ aa yãpiɔ mi gbɛ̀awà. 11Ɔ̃ a ònɛ́: Á kia pɔ Lua kpà asii dɔ̃a zɛ́ vĩ, ãma mi yãpii o gbɛ̃kĩniɔnɛ ń yãlɛɛũaoɛ,
12kɛ́ aa wɛbiibii pɔe'esai
mɛ́ aa swãkpakpa yãmasai,
kɛ́ aasu zɛ ń Luao,
i suuukɛńnɔo yãi.#Isa 6.9-10
13Ɔ̃ Yesu ń lá à mɛ̀: I yãpi maoa? Kpelewa á a kĩniɔ ma lɔi? 14À ma! Zɔ̃ɛpi Lua yã ɔ̃ àlɛ kɛɛlɛ. 15Gbɛ̃eɔ dɛ lan pɔwɛna pɔ lɛ̀lɛ zɛ́ guuwaɛ, gu pɔ wà Lua yã kɛ̀ɛlɛu. Tó aa yãpi mà, ɔ̃ Setãu ì mɔ à Lua yã pɔ wa kɛ̀ɛlɛ ń guu simá gɔ̃̀ɔ. 16Gbɛ̃eɔ dɛ lan pɔwɛna pɔ lɛ̀lɛ gbɛsɛɛna musuwaɛ. Tó aa Lua yãmà, aaì sí ń pɔnao gɔ̃̀ɔ. 17Ãma lá aa zĩ́na vĩo, ɔ̃ aali kɛ gɔɔplao. Tó wà ń wɛtã̀ ge wà ĩadàmá Lua yãpi yãi, aaì fu gɔ̃̀ɔɛ. 18Gbɛ̃eɔ dɛ lan pɔwɛna pɔ lɛ̀lɛ lɛ guuwaɛ. Aa Lua yãmà, 19ãma aaì aafia kãakɛ, aizɛɛ yã ì ń sɔ̃ ble mɛ́ aaì pɔ kĩniɔ nidɛ, ɔ̃ yã beeɔ ì gupa Lua yãpizi, ɔ̃ ì bɔ aisai. 20Gbɛ̃eɔ dɛ lan pɔwɛna pɔ lɛ̀lɛ tɔɔlɛ maa guuɔwaɛ. Aaì Lua yãma, aaì sí, ɔ̃ aaì kãfĩakɛ, an keeɔ baakwikwi, keeɔ baaɔ̃baaɔ̃, keeɔ basɔobasɔo.
Yãlɛɛũa ń kpala pɔ Lua kpào
(Mat 13.31-34; Luk 8.16-18, 13.18-19)
21Yesu ònɛ́: Wìli filia na wà pɛ̃na kùlɛwào. Wìli dilɛ wulɛbɔ ziɛo. Bábana ɔ̃ wì diwào lò? 22Pɔe ku ulɛa kɛ́ à gi bɔi gupuauo. Asiie ku kɛ́ wà gi maio. 23Gbɛ̃́ pɔ nɔ̀sɛ vĩ, aà swãkpa aà yãpi ma.
24A ònɛ́ lɔ: À laaidɔ yã pɔ álɛ mawa. Zaa pɔ á yɔ̃̀unɛ́, bee Lua a yɔ̃uɛ́ sɔ̃, i ɛa kãfĩɛ́. 25Gbɛ̃́ pɔ pɔ vĩ ɔ̃ Lua a ɛa kãfĩɛ̀. Gbɛ̃́ pɔ pɔe vĩo, baa a yɔɔna pɔ a vĩ Lua a siwàɛ.
26À mɛ̀ lɔ: Kpala pɔ Lua kpà dɛ lan pɔwɛna pɔ gbɛ̃́ kɛ̀ɛlɛ búawaɛ. 27Gwãasĩna ń fãanɛo àlɛ i'on nò, a bɛ̃́ɛn nò, pɔwɛnapi ì bɔlɛ ì zɔ̃ɔkũ, gbɛ̃́pi líɔ dɔ̃ lá ì kɛo. 28Tɔɔlɛ mɛ́ ì to à nɛ'i. Ì bɔlɛ gĩ́aɛ, a gbɛa ì nɔsi, a gbɛa ɔ̃ ì pia. 29Tó à mà, ɔ̃ wì kɛ̃́ ń kɔmao, asa a kɛkɛgɔɔ mɛ́ kà we.#Yoɛ 4.12-13
30À mɛ̀ lɔ: Kpala pɔ Lua kpà dɛa ni? Bɔ́ wa lɛɛũòi? 31Doe ku lan ɛfɔwa. A tɔ̃gɔɔ a wɛna kelen dɛ pɔwɛna pɔ ku dũniauɔla pii. 32Tó wa tɔ̃̀ sɔ̃, ì bɔlɛ à zɔ̃ɔkũ dɛ dò buiɔla pii. Ì gɔ̃n geeleɔ papa, bãɔ iɔ bɛkpa a láu.
33Yesu Lua yã'ònɛ́ dasi ń yãlɛɛũa bee taaɔ lá aa fɔ̃ ma lɛu. 34I yã'onɛ́ yãlɛɛũsaio. Tó à gɔ̃̀ ń a iwaɔ ntɛ̃ɛ, ɔ̃ ì yãpii bɔɔlɛkɛnɛ́.
Yesu zaa'ĩana zɛa
(Mat 8.23-27; Luk 8.22-25)
35Gɔɔ doũpi oosi Yesu ò a iwaɔnɛ à mɛ̀: Wà bua baale. 36Lá Yesu ku gó guu, aa gɛ̃̀uaanɔ aa dà zɛ́u màa, aa bila tò we. Gó pãleɔ gɛ̀ńnɔ. 37Ɔ̃ zaa'ĩan gbãa fɛ̀lɛ. Í lɛ́ gó zãampapa, àlɛ ká a guu e a ye pai. 38Yesu ku gó pɔɔkpɛ, àlɛ i'o, aà midi mibɔɔwa. Ɔ̃ aà iwaɔ aà vù, aa òɛ̀: Mɛtulu! Kɛ́ wálɛ gaga, àlɛ kãadanlao le? 39Ɔ̃ Yesu fɛ̀lɛ, à gì ĩanaɛ, a ò íɛ à mɛ̀: Zɛ! Zuukɛ we! Ɔ̃ ĩana kpàlɛ, gu kɛ̀ kílikili. 40Ɔ̃ à ń lá à mɛ̀: Bɔyãi á sea vĩ màai? Asi álɛ ma naaikɛo e tia yã? 41Ɔ̃ aa bilikɛ̀, aalɛ kɔ̃lala aa mɛ̀: Dén gbɛ̃́pi ũ sai? Baa ĩana ń ío aaì aà yãmaɛ.
ទើបបានជ្រើសរើសហើយ៖
Maa 4: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.
Maa 4
4
Pɔwɛnkɛɛlɛa
(Mat 13.1-23; Luk 8.4-15)
1Yesu ɛ̀a àlɛ yãdanɛ́ isida saɛ. Wà kã̀aaaazi dasidasi, ɔ̃ à gɛ̃̀, à zɔ̃̀lɛ go'ilɛnau ía, gbɛ̃́piɔ kalɛa mpii isida gɔ̃sɔ̃lɛ. 2À yãdàdanɛ́ ń yãlɛɛũanɛo dasi. Lá àlɛ dadanɛ́ à mɛ̀: 3À swãkpa! Zɔ̃ɛe mɛ́ ku à bɔ̀ gɛ̀ pɔwɛna kɛɛlɛi. 4Lá àlɛ kɛɛlɛ, ɔ̃ a keeɔ lɛ̀lɛ zɛ́ guu, bãɔ mɔ̀ aa blè. 5A keeɔ lɛ̀lɛ gbɛsɛɛna musu, gua pɔ tɔɔlɛ geeleuo, ɔ̃ aa bɔ̀lɛ gɔ̃̀ɔ, kɛ́ tɔɔlɛ geele weo yãi. 6Kɛ́ ĩatɛ̃ fɛ̀lɛ, ɔ̃ aa tɛkũ̀, aa giigàga, kɛ́ aa zĩ́na vĩo yãi. 7A keeɔ lɛ̀lɛ lɛ guu, ɔ̃ lɛ kũ̀aamá, aai nɛ'io. 8A keeɔ sɔ̃ aa lɛ̀lɛ tɔɔlɛ maawa. Aa bɔ̀lɛ aa zɔ̃ɔkũ̀, aa nɛ'ì. A keeɔ kãfĩakɛ̀ baakwikwi, keeɔ baaɔ̃baaɔ̃, keeɔ basɔobasɔo. 9Ɔ̃ Yesu mɛ̀: Gbɛ̃́ pɔ nɔ̀sɛ vĩ aà yãpi ma.
10Kɛ́ Yesu gònɛ́ we, a ku ado, ɔ̃ aà zĩna gbɛ̃ɔn kuɛplaɔ ń aà iwaɔ mɔ̀ aa yãpiɔ mi gbɛ̀awà. 11Ɔ̃ a ònɛ́: Á kia pɔ Lua kpà asii dɔ̃a zɛ́ vĩ, ãma mi yãpii o gbɛ̃kĩniɔnɛ ń yãlɛɛũaoɛ,
12kɛ́ aa wɛbiibii pɔe'esai
mɛ́ aa swãkpakpa yãmasai,
kɛ́ aasu zɛ ń Luao,
i suuukɛńnɔo yãi.#Isa 6.9-10
13Ɔ̃ Yesu ń lá à mɛ̀: I yãpi maoa? Kpelewa á a kĩniɔ ma lɔi? 14À ma! Zɔ̃ɛpi Lua yã ɔ̃ àlɛ kɛɛlɛ. 15Gbɛ̃eɔ dɛ lan pɔwɛna pɔ lɛ̀lɛ zɛ́ guuwaɛ, gu pɔ wà Lua yã kɛ̀ɛlɛu. Tó aa yãpi mà, ɔ̃ Setãu ì mɔ à Lua yã pɔ wa kɛ̀ɛlɛ ń guu simá gɔ̃̀ɔ. 16Gbɛ̃eɔ dɛ lan pɔwɛna pɔ lɛ̀lɛ gbɛsɛɛna musuwaɛ. Tó aa Lua yãmà, aaì sí ń pɔnao gɔ̃̀ɔ. 17Ãma lá aa zĩ́na vĩo, ɔ̃ aali kɛ gɔɔplao. Tó wà ń wɛtã̀ ge wà ĩadàmá Lua yãpi yãi, aaì fu gɔ̃̀ɔɛ. 18Gbɛ̃eɔ dɛ lan pɔwɛna pɔ lɛ̀lɛ lɛ guuwaɛ. Aa Lua yãmà, 19ãma aaì aafia kãakɛ, aizɛɛ yã ì ń sɔ̃ ble mɛ́ aaì pɔ kĩniɔ nidɛ, ɔ̃ yã beeɔ ì gupa Lua yãpizi, ɔ̃ ì bɔ aisai. 20Gbɛ̃eɔ dɛ lan pɔwɛna pɔ lɛ̀lɛ tɔɔlɛ maa guuɔwaɛ. Aaì Lua yãma, aaì sí, ɔ̃ aaì kãfĩakɛ, an keeɔ baakwikwi, keeɔ baaɔ̃baaɔ̃, keeɔ basɔobasɔo.
Yãlɛɛũa ń kpala pɔ Lua kpào
(Mat 13.31-34; Luk 8.16-18, 13.18-19)
21Yesu ònɛ́: Wìli filia na wà pɛ̃na kùlɛwào. Wìli dilɛ wulɛbɔ ziɛo. Bábana ɔ̃ wì diwào lò? 22Pɔe ku ulɛa kɛ́ à gi bɔi gupuauo. Asiie ku kɛ́ wà gi maio. 23Gbɛ̃́ pɔ nɔ̀sɛ vĩ, aà swãkpa aà yãpi ma.
24A ònɛ́ lɔ: À laaidɔ yã pɔ álɛ mawa. Zaa pɔ á yɔ̃̀unɛ́, bee Lua a yɔ̃uɛ́ sɔ̃, i ɛa kãfĩɛ́. 25Gbɛ̃́ pɔ pɔ vĩ ɔ̃ Lua a ɛa kãfĩɛ̀. Gbɛ̃́ pɔ pɔe vĩo, baa a yɔɔna pɔ a vĩ Lua a siwàɛ.
26À mɛ̀ lɔ: Kpala pɔ Lua kpà dɛ lan pɔwɛna pɔ gbɛ̃́ kɛ̀ɛlɛ búawaɛ. 27Gwãasĩna ń fãanɛo àlɛ i'on nò, a bɛ̃́ɛn nò, pɔwɛnapi ì bɔlɛ ì zɔ̃ɔkũ, gbɛ̃́pi líɔ dɔ̃ lá ì kɛo. 28Tɔɔlɛ mɛ́ ì to à nɛ'i. Ì bɔlɛ gĩ́aɛ, a gbɛa ì nɔsi, a gbɛa ɔ̃ ì pia. 29Tó à mà, ɔ̃ wì kɛ̃́ ń kɔmao, asa a kɛkɛgɔɔ mɛ́ kà we.#Yoɛ 4.12-13
30À mɛ̀ lɔ: Kpala pɔ Lua kpà dɛa ni? Bɔ́ wa lɛɛũòi? 31Doe ku lan ɛfɔwa. A tɔ̃gɔɔ a wɛna kelen dɛ pɔwɛna pɔ ku dũniauɔla pii. 32Tó wa tɔ̃̀ sɔ̃, ì bɔlɛ à zɔ̃ɔkũ dɛ dò buiɔla pii. Ì gɔ̃n geeleɔ papa, bãɔ iɔ bɛkpa a láu.
33Yesu Lua yã'ònɛ́ dasi ń yãlɛɛũa bee taaɔ lá aa fɔ̃ ma lɛu. 34I yã'onɛ́ yãlɛɛũsaio. Tó à gɔ̃̀ ń a iwaɔ ntɛ̃ɛ, ɔ̃ ì yãpii bɔɔlɛkɛnɛ́.
Yesu zaa'ĩana zɛa
(Mat 8.23-27; Luk 8.22-25)
35Gɔɔ doũpi oosi Yesu ò a iwaɔnɛ à mɛ̀: Wà bua baale. 36Lá Yesu ku gó guu, aa gɛ̃̀uaanɔ aa dà zɛ́u màa, aa bila tò we. Gó pãleɔ gɛ̀ńnɔ. 37Ɔ̃ zaa'ĩan gbãa fɛ̀lɛ. Í lɛ́ gó zãampapa, àlɛ ká a guu e a ye pai. 38Yesu ku gó pɔɔkpɛ, àlɛ i'o, aà midi mibɔɔwa. Ɔ̃ aà iwaɔ aà vù, aa òɛ̀: Mɛtulu! Kɛ́ wálɛ gaga, àlɛ kãadanlao le? 39Ɔ̃ Yesu fɛ̀lɛ, à gì ĩanaɛ, a ò íɛ à mɛ̀: Zɛ! Zuukɛ we! Ɔ̃ ĩana kpàlɛ, gu kɛ̀ kílikili. 40Ɔ̃ à ń lá à mɛ̀: Bɔyãi á sea vĩ màai? Asi álɛ ma naaikɛo e tia yã? 41Ɔ̃ aa bilikɛ̀, aalɛ kɔ̃lala aa mɛ̀: Dén gbɛ̃́pi ũ sai? Baa ĩana ń ío aaì aà yãmaɛ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.