Maa 3
3
1Yesu ɛ̀a gɛ̀ luasisikpɛu. Gbɛ̃e ku we, aà ɔ do imia. 2Falisiɔ lɛ́ Yesu taasika, tó asu à aà gbãgbã kãmabogɔɔzĩ, wi e wà yãdaaala. 3Ɔ̃ Yesu ò gbɛ̃́ pɔ a ɔ imiapiɛ à mɛ̀: Fɛlɛ, mɔ ǹ zɛ zã guu la. 4Ɔ̃ à ń lá à mɛ̀: Kãmabogɔɔ a zɛ́ vĩ wà maakɛ yã̀, ge vãiɛ? Wì gbɛ̃́ misi yã̀, ge wì aà dɛɛ? Ɔ̃ aai yãe oo. 5Yesu wɛpã̀ńla à ń gwá ń pɔfɛ̃o, asa aà pɔ yà an nɔsɛsai yãiɛ. Ɔ̃ a ò gɔ̃ɛpiɛ à mɛ̀: Ǹ n ɔpi poo. Kɛ́ a pòo, ɔ̃ aà ɔpi sù a gbɛu. 6Ɔ̃ Falisiɔ ń ki Helodi kpala zɛnkpɛdeɔ bɔ̀lɛ aa gɛ̀ lɛkpaaĩi Yesuzi gɔ̃̀ɔ, lá aa kɛ aa aà dɛ.
Yesu zĩna gbɛ̃ɔn kuɛplaɔ dilɛa
(Mat 10.1-4; Luk 6.12-19)
7Yesu ń a iwaɔ ńzĩa gànɛ́ we, aa gɛ̀ isidalɛ. Ɔ̃ bila bɔ̀ Galile aa tɛ̀aazi. Wà bɔ̀ Yude lɔ 8ń Yelusalɛũo ń Ɛdɔũ busuo ń Yuudɛ̃ baaleo ń Tiio ń Sidɔ̃o, wà mɔ̀ aà kĩi dasidasi, kɛ́ aa yã pɔ àlɛ kɛɔ baomà yãi. 9Bilapi yãi Yesu ò a iwaɔnɛ aa go'ilɛna sɔukɛɛ, kɛ́ wasu naɛwao yãi. 10Asa Yesu ìɔ gbɛ̃́ɔ gbãgbã dasiɛ, ɔ̃ gyãeɔ lɛ́ naɛwà dasi kɛ́ aa e aa ɔkãwà. 11Tãadeɔ sɔ̃, tó aa aà è, aaì mɔ wulɛ aà aɛɛ, aaì wiilɛ aa mɛ: Lua Nɛn n ũ. 12Ɔ̃ Yesu ì ginɛ́ aa o gbɛ̃́ pɔ á dɛ a ũ.
13Kɛ́ Yesu dɛ̀dɛ sĩ̀sĩwa, à gbɛ̃́ pɔ a yeiɔ sìsi, ɔ̃ aa mɔ̀ aà kĩi. 14Ɔ̃ à gbɛ̃ɔn kuɛplaɔ dìlɛ aaɔ kuanɔ, kɛ́ àɔ ń zĩ waasokɛi 15aaiɔ tãagoamá iko vĩ. À tɔkpànɛ́ zĩnaɔ. 16An tɔ́ɔn kɛ: Simɔ pɔ à tɔkpàɛ̀ Piɛɛ, 17Zebede nɛɔ Zaki ń a dãuna Zãao. À tɔkpànɛ́ Bɔanɛɛgɛ, bee mɛ̀ loupũnaadeɔ. 18Bee gbɛa Ãndele, Filipi, Batelemi, Matie, Toma, Alafe nɛ Zaki, Tade, Simɔ Ginzĩao 19ń Yudasi Isaliɔti pɔ bɔ̀ aà kpɛo. Ɔ̃ Yesu ɛ̀a tà bɛ.
Tãagoa
(Mat 12.22-32; Luk 11.14-23)
20Bila ɛ̀a kã̀aa lɔ, ɔ̃ Yesu ń a iwaɔ aai zɛ'e baa aa pɔblèo. 21Kɛ́ aà daɛɔ yãpi mà, ɔ̃ aa dà aà gbɛsizɛu, asa wàlɛ mɛ ĩana kàwàɛ.
22Mɔizi ikoyãdanɛde pɔ aa bɔ̀ Yelusalɛũ aa mɔ̀ɔ mɛ̀: Tãaɔ kia Beezebu mɛ́ diɛ̀, ì tãagonɛ́ ń aà tɔ́oɛ. 23Ɔ̃ Yesu ń kãaaazi à yãtaa ònɛ́ à mɛ̀: Setãu a we à azĩa gbɛ̃́ɔ goe? 24Tó kpala kɛ̃̀aa lɛɛ pla, kpalapi a gɛ̃gɛ̃e? 25Tó ua kɛ̃̀aa lɛɛ pla, uapi a gɛ̃gɛ̃e? 26Tó Setãu ibɛlɛsɛ̀ ń azĩao, à azĩa kpaalɛ̀, a gɛ̃gɛ̃o, a midɛɛ. 27Gbɛ̃e a fɔ̃ gɛ̃ gɔ̃sa gbãa kpɛ́u à aà taiinkɛo, sema à aà ye gĩ́a baasio, i gbasa à aà kpɛ́ yɔɛ.
28Sĩana malɛ oɛ́, Lua a gbɛ̃́ɔ kɛ̃́ ń ń tàaeɔ ń a tɔ́ bɛ̃̀ɛ pɔ aaì siɔ pii, 29ãma tó gbɛ̃́ aà Nisĩna tɔbɛ̃ɛsì, a aà kɛ̃o, à duuna pɔ lí kɛ̃máo kɛ̀n we. 30Yesu bee ò kɛ́ aa mɛ̀ a tãa vĩ yãiɛ.
Yesu daɛɔ
(Mat 12.46-50; Luk 8.19-21)
31Kɛ́ aà da ń aà dãunaɔ kà, aa zɛ̀ kpɛɛlɛ, ɔ̃ aa aà gbɛ̀a. 32Wa kalɛa wa liaaaazi dasidasi, ɔ̃ wa òɛ̀ wà mɛ̀: Gwa! N da ń n dãunaɔ zɛ kpɛɛlɛ, aalɛ n gbɛa. 33Ɔ̃ à mɛ̀: Demɛ ma da ń ma dãunaɔ ũi? 34Ɔ̃ à wɛpã̀ gbɛ̃́ pɔ kalɛa liaaaziɔla à mɛ̀: Ma da ń ma dãunaɔn kɛ. 35Luapɔeãkɛna mɛ́ ma dãuna ń ma dãeo ń ma dao ũ.
ទើបបានជ្រើសរើសហើយ៖
Maa 3: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.