Maa 2
2
Gbɛ̃́ kaaũa gbãgbãa
(Mat 9.1-8; Luk 5.17-26)
1Gɔɔpla gbɛa Yesu ɛ̀a tà Kapɛnaũ. Kɛ́ wa mà a ku bɛ, 2ɔ̃ wà kã̀aaaazi dasidasi, gɛ̃kĩi ku lɔo baa kpɛɛlɛ, àlɛ Lua yã'onɛ́. 3Ɔ̃ wà mɔ̀ɛ̀ ń gbɛ̃́ kaaũao, gbɛ̃ɔn siiɔ̃ɔ mɛ́ aa aà sɛa. 4Lá aai e sɔ̃̀ò Yesuzio dasi yãi, ɔ̃ aa dɛ̀dɛaanɔ musu, aa kpɛ́ fɔ̃̀ gu pɔ Yesu kuu, ɔ̃ aa gbɛ̃́ kaaũapi pìla wulɛa makɛlɛ guu. 5Kɛ́ Yesu è aalɛ a naaikɛ, a ò gbɛ̃́ kaaũapiɛ à mɛ̀: Ma gbɛ̃́, n duuna kɛ̃̀ma.
6Mɔizi ikoyãdanɛdeeɔ zɔ̃lɛa we, aalɛ o ń nɔ̀sɛ guu: 7Bɔyãi gbɛ̃́pi lɛ́ oi màai? Àlɛ dɔɛ ń Luaoɛ! Demɛ a fɔ̃ duunakɛ̃mái, mɛ́ i kɛ Lua ado baasio?#Isa 43.25 8Wegɔ̃ɔ Yesu dɔ̃̀ a nɔ̀sɛ guu laasoo pɔ aalɛ kɛ, ɔ̃ à ń lá à mɛ̀: Bɔyãi álɛ laasoo bee taa kɛ á nɔ̀sɛ guui? 9Tó má ò gbɛ̃́ kaaũapiɛ aà duuna kɛ̃̀wà, ge tó má òɛ̀ aà fɛlɛ aà a makɛlɛ sɛ aà taa'o, a kpele mɛ́ àai? 10Má ò màa kɛ́ àɔ dɔ̃ Gbɛ̃nazĩn Nɛ duunakɛ̃ama iko vĩ tɔɔlɛ laɛ. Ɔ̃ a ò gbɛ̃́ kaaũapiɛ à mɛ̀: 11Malɛ onɛ, fɛlɛ ǹ n makɛlɛ sɛ ǹ ta bɛ. 12Ɔ̃ à fɛ̀lɛ gɔ̃̀ɔ, à a makɛlɛpi sɛ̀ bɔ̀ò gbɛ̃pii wáa. Yãpi bɔ̀ ń saɛ, ɔ̃ aa Lua tɔbɔ̀ aa mɛ̀: Wi yãɛ taa e yãao.
Yesu Levi sisia
(Mat 9.9-17; Luk 5.27-39)
13Yesu ɛ̀a bɔ̀ gɛ̀ isidalɛ. Wàlɛ mɔ́ aà kĩi dasidasi, ɔ̃ àlɛ yãdanɛ́. 14Gɔɔ pɔ àlɛ gɛ̃, à Alafe nɛ Levi è zɔ̃lɛa a ɔsikpɛu, ɔ̃ a òɛ̀: Mɔ ǹ tɛmazi. Ɔ̃ à fɛ̀lɛ tɛ̀aazi.
15Zĩewa kɛ́ Yesu lɛ́ pɔble aà bɛ, ɔsinaɔ ń duunkɛnaɔ lɛ́ pɔbleaanɔ dasidasi ń aà iwaɔ. Asa gbɛ̃́ɔ tɛaazi dasiɛ. 16Falisi pɔ aaì Mɔizi ikoyã danɛ́ɔ ku we. Kɛ́ aa è Yesu lɛ́ pɔble ń ɔsinaɔ ń duunkɛnaɔ, ɔ̃ aa aà iwaɔ là aa mɛ̀: Bɔyãi ì pɔble ń ɔsinaɔ ń duunkɛnaɔi? 17Kɛ́ Yesu yãpi mà, a ònɛ́: Gbɛ̃́ gbãa bàa ku ń lootoooo, sema gyãe. Mi mɔ gbɛ̃maaɔ sisiio, sema duunkɛnaɔ.
18Zãa Da'ilɛna iwaɔ ń Falisiɔ lɛ́ lɛye, ɔ̃ wà mɔ̀ wà Yesu là wà mɛ̀: Zãa iwaɔ ń Falisiɔ iwaɔ aaì lɛye, mɛ́ n iwaɔ lí ye sɔ̃o bɛ? 19Ɔ̃ Yesu ònɛ́: Nɔsɛna gbɛ̃́ɔ lɛye gɔɔ pɔ a kuńnɔ nɔsɛ guue? Aawo! Gɔɔ pɔ nɔsɛna kuńnɔ, aa lɛyeo. 20A gɔɔ a mɔ kɛ́ wa nɔsɛna bɔ ń guu. Gɔɔ bee ɔ̃ aa lɛye sa. 21À mɛ̀ lɔ: Wìli pɔlɛ dafu di pɔ ziuo. Tó wa kɛ̀ màa, a dafu a sɔ̃ɔuɛ, aai kɔ̃ga, pɔ zi fɔ̃a i kãfĩ. 22À mɛ̀ lɔ: Wìli vɛ̃ɛ dafu ká báa tuu zi guuo. Tó wa kɛ̀ màa, vɛ̃ɛ a tuu pũnaɛ, vɛ̃ɛ ń tuuo i ɔ̃ɔkpa. Wì vɛ̃ɛ dafu ká báa tuu dafu guuɛ.
Kãmabogɔɔ
(Mat 12.1-21; Luk 6.1-11)
23Kãmabogɔɔ Yesu lɛ́ pã blɛ búa. Lá àlɛ gɛ́, aà iwaɔ lɛ́ pɔwɛna wolo aalɛ só.#Iko 23.25 24Ɔ̃ Falisiɔ ò Yesuɛ aa mɛ̀: Gwa! Aalɛ yã pɔ wìli kɛ kãmabogɔɔzĩo kɛe?#Bɔa 34.21 25Ɔ̃ Yesu ń lá à mɛ̀: Lá Davidi kɛ̀ gɔɔ pɔ aapi ń a gbɛ̃́ɔ aalɛ taasikɛ, nɔana lɛ́ ń dɛ, i a kyokɛ á èo le? 26À gɛ̃̀ Lua ua sa'onkia Abiataa gɔɔ, à pɛ̃ɛ pɔ wa kàlɛ Luaɛ sò, ɔ̃ a kpà a gbɛ̃́ɔwa.#1 Sam 21.1-6 Sa'onaɔ baasio gbɛ̃e lí pɛ̃ɛpi so sɔ̃o.#Lev 24.9 27Yesu ɛ̀a ònɛ́ lɔ à mɛ̀: Lua kãmabogɔɔ dìlɛ gbɛ̃nazĩna aafia yãiɛ. I kɛ kãmabogɔɔ yãi ɔ̃ à gbɛ̃nazĩna kɛ̀io. 28Ayãmɛto Gbɛ̃nazĩn Nɛ iko vĩ kãmabogɔɔwa sɔ̃.
ទើបបានជ្រើសរើសហើយ៖
Maa 2: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.