Mat 13
13
Pɔwɛnkɛɛlɛa
(Maa 4.1-20; Luk 8.4-15)
1Gɔɔdoũpizĩ Yesu bɔ̀ bɛ à gɛ̀ zɔ̃̀lɛ isidalɛ. 2Wà kã̀aaaazi dasidasi, ɔ̃ à gɛ̀ zɔ̃̀lɛ go'ilɛna guu, gbɛ̃pii gɔ̃̀ sĩa isidalɛ. 3Ɔ̃ à yãlɛ̀ɛũnɛ́ dasi à mɛ̀: Zɔ̃ɛe mɛ́ bɔ̀ gɛ̀ pɔwɛna kɛɛlɛi. 4Lá àlɛ kɛɛlɛ, ɔ̃ a keeɔ lɛ̀lɛ zɛ́ guu, bãɔ mɔ̀ aa blè. 5A keeɔ lɛ̀lɛ gbɛsɛɛna musu, gu pɔ tɔɔlɛ geeleuo, ɔ̃ aa bɔ̀lɛ gɔ̃̀ɔ kɛ́ tɔɔlɛ geele weo yãi. 6Kɛ́ ĩatɛ̃ gbãakũ̀, aa tɛkũ̀, aa giigàga, kɛ́ aa zĩ́na vĩo yãi. 7A keeɔ lɛ̀lɛ lɛ guu, ɔ̃ lɛ kũ̀aamá. 8A keeɔ lɛ̀lɛ tɔɔlɛ maawa, aa fɛ̀lɛ aa nɛ'ì, a keeɔ wɛn basɔobasɔo, a keeɔ baaɔ̃baaɔ̃, a keeɔ baakwikwi. 9Gbɛ̃́ pɔ nɔ̀sɛ vĩ aà yãpi ma.
10Ɔ̃ Yesu iwaɔ sɔ̃̀aazi aa aà là aa mɛ̀: Bɔyãi nlɛ yã'onɛ́ ń yãlɛɛũaoi? 11Ɔ̃ a wèmá à mɛ̀: Lua á gbá zɛ́ à kia pɔ a kpà asiiɔ dɔ̃, ãma ampiɔ i ń gba a zɛ́o. 12Asa gbɛ̃́ pɔ pɔ vĩ, Lua a kãfĩɛ̀ e à fɛ̃ɛ̀. Gbɛ̃́ pɔ pɔe vĩ sɔ̃o, baa yɔɔna pɔ a vĩ, Lua a siwàɛ. 13Ayãmɛto malɛ yã'onɛ́ ń yãlɛɛũao, asa aaì gugwa pɔe'esai, mɛ́ aaì swãkpa yãmasaiɛ. 14Lua yã pɔ ãnabi Isaia ò an musu pàpa à mɛ̀:
Baa tó aa swãkpà maamaa,
aa yãe mao,
baa tó aa wɛbìi maamaa,
aa pɔe eo.
15Asa an nɔ̀sɛ paaao,
kɛ́ aasu ɔ̃nɔkũo yãi,
an swã gbãa, kɛ́ aasu yãmao yãi,
an wɛ́ kũaaa, kɛ́ asu kɛ̃o yãi.
Aa ye wà ɛa sua mà ń gbãgbão.#Isa 6.9-10
16Baaadeɔn á ũ, kɛ́ á wɛ́ lɛ́ gu'e, mɛ́ á swã lɛ́ yãma. 17Sĩana malɛ oɛ́: Ãnabiɔ ń gbɛ̃maaɔ ku dasi aa ye wà pɔ pɔ álɛ eɔ e, aai eo. Aa ye wà yã pɔ álɛ maɔ ma, aai mao.
18À pɔwɛnkɛɛlɛa yãma sa. 19Tó gbɛ̃́ kia pɔ Lua kpà yãmà mɛ́ i a gbá dɔ̃o, Setãu ì mɔ à pɔ pɔ wa tɔ̃̀ aà sɔ̃ guu siwàɛ. Pɔwɛna pɔ lɛ̀lɛ zɛ́ guu min we. 20Pɔwɛna pɔ lɛ̀lɛ gbɛsɛɛnawa sɔ̃, bee mɛ́ yã pɔ gbɛ̃́ mà a sì gɔ̃̀ɔ ń pɔnao ũ. 21Lá yãpi zĩ́na vĩ aà guuo, ìli kɛ gɔɔplao. Tó taasi aà lè ge tó wàlɛ ĩadawà yãpi yãi, ì fu gɔ̃̀ɔɛ. 22Pɔwɛna pɔ lɛ̀lɛ lɛ guu dɛ yã pɔ gbɛ̃́ mà, ɔ̃ dũnia yãkãakɛa ń yea aizɛɛio yã dɔ̀aaɛ̀ ũ, ɔ̃ ì gɔ̃ aisai. 23Pɔwɛna pɔ lɛ̀lɛ tɔɔlɛ maau dɛ yã pɔ gbɛ̃́ mà mɛ́ a dɔ̃̀ ũ. Ì kãfĩakɛ lɛɛ basɔobasɔo, keeɔ lɛɛ baaɔ̃baaɔ̃, keeɔ lɛɛ baakwikwi.
Yãlɛɛũa ń kpala pɔ Lua kpào
(Maa 4.30-34; Luk 13.18-21)
24Yesu yãpãle lɛ̀ɛũnɛ́ à mɛ̀: Lá kpala pɔ Lua kpà dɛn kɛ: Gbɛ̃e mɛ́ pɔwɛn maa tɔ̃̀ a bua. 25Gɔɔ pɔ wàlɛ i'o, ɔ̃ aà ibɛɛ mɔ̀ à papaa tɔ̃̀ pɔwɛnapiu, ɔ̃ à gɛ̃̀zɛa. 26Kɛ́ pɔ maapi nɔsì, àlɛ pia, ɔ̃ papaa bɔ̀ gupuau. 27Ɔ̃ bude zĩkɛnaɔ mɔ̀ aa òɛ̀: Dii, pɔwɛn maa ń tɔ̃̀ n buao lò? Papaa bɔ̀ má ni? 28Ɔ̃ a ònɛ́: Ibɛɛ mɛ́ bee kɛ̀. Ɔ̃ zĩkɛnaɔ òɛ̀: Ń ye wà gɛ wà wolɛwolɛ yã? 29Ɔ̃ à mɛ̀: Aawo! Tó álɛ wolɛwolɛ, á a maa wolɛòɛ. 30À to aa fɛlɛ sãnu e pɔkɛkɛgɔɔ, mí o pɔkɛkɛnaɔnɛ aa papaa kɛ̃ gĩ́a, aai a gbakpa tɛ́ pɔ ũ, aai gbasa pɔ maa kɛkɛ aa ka ma dɔ̃u.
31Yesu yãpãle lɛ̀ɛũnɛ́ lɔ à mɛ̀: Kpala pɔ Lua kpà dɛ lan dò bui pɔ gbɛ̃e sɛ̀ a tɔ̃̀ a búawaɛ. 32A wɛna keleũ dɛ pɔwɛnaɔla pii, ãma tó à fɛ̀lɛ, ì zɔ̃ɔkũ dɛ dò buiɔla pii. Ì lí kɛ, ɔ̃ bãɔ ì mɔ bɛkpa a láu.
33Yesu yãpãle lɛ̀ɛũnɛ́ à mɛ̀: Kpala pɔ Lua kpà dɛ lan pɛ̃ɛsɛ'ɛsɛ pɔ nɔɛ sɛ̀ a kà pɛ̃ɛti zaa lɛ aaɔ̃ guu a lìa piiwa.
34Yesu yãpiɔ ò bilaɛ ń yãlɛɛũao, i yãe onɛ́ yãlɛɛũanɛ saio, 35kɛ́ yã pɔ ãnabi ò pa yãi, asa à mɛ̀:
Má yãlɛɛũnɛ́,
má yã pɔ ulɛa za dũniakalɛgɔɔ onɛ́.#Soũ 78.2
36Ɔ̃ Yesu bila tò we à tà bɛ. Aà iwaɔ sɔ̃̀aazi aa mɛ̀: Bua papaapi yã bɔɔlɛkɛwɛ̃ɛ. 37Ɔ̃ a ònɛ́: Blɛwɛntɔ̃naá Gbɛ̃nazĩn Nɛɛ. 38Buaá dũniaɛ. Pɔwɛnaá kpala nɛɔnɛ. Papaaá gbɛ̃vãiɔnɛ. 39Ibɛɛ pɔ ń tɔ̃́á Ibiisiɛ. Pɔkɛkɛaá dũniaɛ bee laagɔɔɛ. Pɔkɛkɛnaɔá malaikaɔnɛ. 40Lá wì papaa kɛ̃ wà katɛu, màa a kɛ dũnia tiaɛ bee laagɔɔ. 41Gbɛ̃nazĩn Nɛ a a malaikaɔ gbaɛ aa gbɛ̃sãsãnaɔ ń vãikɛnaɔ bɔlɛ a gbɛ̃́ɔ guu pii, 42aai ń ká tɛ́ pãsĩ guu. We aa ɔdiu ń musu aa ɔɔlɔ. 43Ɔ̃ gbɛ̃maaɔ aaɔ tɛkɛ lan ĩatɛ̃wa kpala pɔ an Mae kpà guu.#Dan 12.3 Gbɛ̃́ pɔ nɔ̀sɛ vĩ aà yãpi ma.
44Kia pɔ Lua kpà dɛ lan aizɛɛ pɔ ulɛa tɔɔlɛuwaɛ. Kɛ́ gbɛ̃e bɔ̀wà, ɔ̃ a pɔkàkaa. Aà pɔ kɛ̀ na à tà, à pɔ pɔ a vĩɔ yìa pii, ɔ̃ à tɔɔlɛpi lù.
45Lá kia pɔ Lua kpà dɛn kɛ lɔ. Laatana mɛ́ lɛ́ oso maaɔ wɛɛlɛ. 46Kɛ́ à oso ɔde è, ɔ̃ à tà, à pɔ pɔ a vĩɔ yìa pii, ɔ̃ à osopi lù.
47Lá kpala pɔ a bɔ Lua kĩi dɛn kɛ lɔ. Wà taaluzù isiau, à kpɔ bui pii kũ̀. 48Kɛ́ à pà, wa gàlɛ wa bùaò sĩsĩa, ɔ̃ wà zɔ̃̀lɛ wà a maaɔ plɛ̀ wa kà gbiu, wà a vãiɔ kɔ̀lɛ. 49Màa a kɛ dũnia tiaɛ bee laagɔɔ. Malaikaɔ mɔ aa gbɛ̃vãiɔ sɛlɛ aa ń bɔlɛ gbɛ̃maaɔ guu, 50aa ń ká tɛ́ pãsĩ guu. We aa ɔdiu ń musu aa ɔɔlɔ. 51Ɔ̃ Yesu ń lá à mɛ̀: A yãpiɔ mi dɔ̃̀ sa piia? Aa wèwà aa mɛ̀: Ao! 52Ɔ̃ a ònɛ́: Tó Mɔizi ikoyãdanɛde kia pɔ Lua kpà yãdàda, aɔ dɛ lan uabele pɔ ì pɔ dafu ń a zio bɔ a laasi guuwaɛ.
Nazalɛtideɔ gia Yesu naaikɛi
(Maa 6.1-6; Luk 4.16-30)
53Kɛ́ Yesu yãpiɔ lɛ̀ɛũnɛ́ a làa, à bɔ̀ we. 54À gɛ̀ gu pɔ à nɛblèu, ɔ̃ à yãdànɛ́ an luasisikpɛu. Aà yã bɔ̀ ń saɛ aa mɛ̀: À ɔ̃nɔ ń dabudabu beeɔ sɛ̀ má ni? 55Li'ãna nɛn aà ũo lò? Aà da tɔ́n Maliamao lò? Aà dãunaɔn Zaki ń Yosɛfuo ń Simɔo ń Yudao ũo lò? 56Aà dãeɔ kuwanɔ lao le? À yãpiɔ è má pii ni? 57Bee mɛ́ tò aai aà naaikɛo. Yesu ònɛ́: Ãnabi líɔ bɛɛɛsaio, sema aà bɛ wɛ̃lɛu ń aà uao baasio. 58I dabudabukɛ we bilao, kɛ́ aai aà naaikɛo yãi.
ទើបបានជ្រើសរើសហើយ៖
Mat 13: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.
Mat 13
13
Pɔwɛnkɛɛlɛa
(Maa 4.1-20; Luk 8.4-15)
1Gɔɔdoũpizĩ Yesu bɔ̀ bɛ à gɛ̀ zɔ̃̀lɛ isidalɛ. 2Wà kã̀aaaazi dasidasi, ɔ̃ à gɛ̀ zɔ̃̀lɛ go'ilɛna guu, gbɛ̃pii gɔ̃̀ sĩa isidalɛ. 3Ɔ̃ à yãlɛ̀ɛũnɛ́ dasi à mɛ̀: Zɔ̃ɛe mɛ́ bɔ̀ gɛ̀ pɔwɛna kɛɛlɛi. 4Lá àlɛ kɛɛlɛ, ɔ̃ a keeɔ lɛ̀lɛ zɛ́ guu, bãɔ mɔ̀ aa blè. 5A keeɔ lɛ̀lɛ gbɛsɛɛna musu, gu pɔ tɔɔlɛ geeleuo, ɔ̃ aa bɔ̀lɛ gɔ̃̀ɔ kɛ́ tɔɔlɛ geele weo yãi. 6Kɛ́ ĩatɛ̃ gbãakũ̀, aa tɛkũ̀, aa giigàga, kɛ́ aa zĩ́na vĩo yãi. 7A keeɔ lɛ̀lɛ lɛ guu, ɔ̃ lɛ kũ̀aamá. 8A keeɔ lɛ̀lɛ tɔɔlɛ maawa, aa fɛ̀lɛ aa nɛ'ì, a keeɔ wɛn basɔobasɔo, a keeɔ baaɔ̃baaɔ̃, a keeɔ baakwikwi. 9Gbɛ̃́ pɔ nɔ̀sɛ vĩ aà yãpi ma.
10Ɔ̃ Yesu iwaɔ sɔ̃̀aazi aa aà là aa mɛ̀: Bɔyãi nlɛ yã'onɛ́ ń yãlɛɛũaoi? 11Ɔ̃ a wèmá à mɛ̀: Lua á gbá zɛ́ à kia pɔ a kpà asiiɔ dɔ̃, ãma ampiɔ i ń gba a zɛ́o. 12Asa gbɛ̃́ pɔ pɔ vĩ, Lua a kãfĩɛ̀ e à fɛ̃ɛ̀. Gbɛ̃́ pɔ pɔe vĩ sɔ̃o, baa yɔɔna pɔ a vĩ, Lua a siwàɛ. 13Ayãmɛto malɛ yã'onɛ́ ń yãlɛɛũao, asa aaì gugwa pɔe'esai, mɛ́ aaì swãkpa yãmasaiɛ. 14Lua yã pɔ ãnabi Isaia ò an musu pàpa à mɛ̀:
Baa tó aa swãkpà maamaa,
aa yãe mao,
baa tó aa wɛbìi maamaa,
aa pɔe eo.
15Asa an nɔ̀sɛ paaao,
kɛ́ aasu ɔ̃nɔkũo yãi,
an swã gbãa, kɛ́ aasu yãmao yãi,
an wɛ́ kũaaa, kɛ́ asu kɛ̃o yãi.
Aa ye wà ɛa sua mà ń gbãgbão.#Isa 6.9-10
16Baaadeɔn á ũ, kɛ́ á wɛ́ lɛ́ gu'e, mɛ́ á swã lɛ́ yãma. 17Sĩana malɛ oɛ́: Ãnabiɔ ń gbɛ̃maaɔ ku dasi aa ye wà pɔ pɔ álɛ eɔ e, aai eo. Aa ye wà yã pɔ álɛ maɔ ma, aai mao.
18À pɔwɛnkɛɛlɛa yãma sa. 19Tó gbɛ̃́ kia pɔ Lua kpà yãmà mɛ́ i a gbá dɔ̃o, Setãu ì mɔ à pɔ pɔ wa tɔ̃̀ aà sɔ̃ guu siwàɛ. Pɔwɛna pɔ lɛ̀lɛ zɛ́ guu min we. 20Pɔwɛna pɔ lɛ̀lɛ gbɛsɛɛnawa sɔ̃, bee mɛ́ yã pɔ gbɛ̃́ mà a sì gɔ̃̀ɔ ń pɔnao ũ. 21Lá yãpi zĩ́na vĩ aà guuo, ìli kɛ gɔɔplao. Tó taasi aà lè ge tó wàlɛ ĩadawà yãpi yãi, ì fu gɔ̃̀ɔɛ. 22Pɔwɛna pɔ lɛ̀lɛ lɛ guu dɛ yã pɔ gbɛ̃́ mà, ɔ̃ dũnia yãkãakɛa ń yea aizɛɛio yã dɔ̀aaɛ̀ ũ, ɔ̃ ì gɔ̃ aisai. 23Pɔwɛna pɔ lɛ̀lɛ tɔɔlɛ maau dɛ yã pɔ gbɛ̃́ mà mɛ́ a dɔ̃̀ ũ. Ì kãfĩakɛ lɛɛ basɔobasɔo, keeɔ lɛɛ baaɔ̃baaɔ̃, keeɔ lɛɛ baakwikwi.
Yãlɛɛũa ń kpala pɔ Lua kpào
(Maa 4.30-34; Luk 13.18-21)
24Yesu yãpãle lɛ̀ɛũnɛ́ à mɛ̀: Lá kpala pɔ Lua kpà dɛn kɛ: Gbɛ̃e mɛ́ pɔwɛn maa tɔ̃̀ a bua. 25Gɔɔ pɔ wàlɛ i'o, ɔ̃ aà ibɛɛ mɔ̀ à papaa tɔ̃̀ pɔwɛnapiu, ɔ̃ à gɛ̃̀zɛa. 26Kɛ́ pɔ maapi nɔsì, àlɛ pia, ɔ̃ papaa bɔ̀ gupuau. 27Ɔ̃ bude zĩkɛnaɔ mɔ̀ aa òɛ̀: Dii, pɔwɛn maa ń tɔ̃̀ n buao lò? Papaa bɔ̀ má ni? 28Ɔ̃ a ònɛ́: Ibɛɛ mɛ́ bee kɛ̀. Ɔ̃ zĩkɛnaɔ òɛ̀: Ń ye wà gɛ wà wolɛwolɛ yã? 29Ɔ̃ à mɛ̀: Aawo! Tó álɛ wolɛwolɛ, á a maa wolɛòɛ. 30À to aa fɛlɛ sãnu e pɔkɛkɛgɔɔ, mí o pɔkɛkɛnaɔnɛ aa papaa kɛ̃ gĩ́a, aai a gbakpa tɛ́ pɔ ũ, aai gbasa pɔ maa kɛkɛ aa ka ma dɔ̃u.
31Yesu yãpãle lɛ̀ɛũnɛ́ lɔ à mɛ̀: Kpala pɔ Lua kpà dɛ lan dò bui pɔ gbɛ̃e sɛ̀ a tɔ̃̀ a búawaɛ. 32A wɛna keleũ dɛ pɔwɛnaɔla pii, ãma tó à fɛ̀lɛ, ì zɔ̃ɔkũ dɛ dò buiɔla pii. Ì lí kɛ, ɔ̃ bãɔ ì mɔ bɛkpa a láu.
33Yesu yãpãle lɛ̀ɛũnɛ́ à mɛ̀: Kpala pɔ Lua kpà dɛ lan pɛ̃ɛsɛ'ɛsɛ pɔ nɔɛ sɛ̀ a kà pɛ̃ɛti zaa lɛ aaɔ̃ guu a lìa piiwa.
34Yesu yãpiɔ ò bilaɛ ń yãlɛɛũao, i yãe onɛ́ yãlɛɛũanɛ saio, 35kɛ́ yã pɔ ãnabi ò pa yãi, asa à mɛ̀:
Má yãlɛɛũnɛ́,
má yã pɔ ulɛa za dũniakalɛgɔɔ onɛ́.#Soũ 78.2
36Ɔ̃ Yesu bila tò we à tà bɛ. Aà iwaɔ sɔ̃̀aazi aa mɛ̀: Bua papaapi yã bɔɔlɛkɛwɛ̃ɛ. 37Ɔ̃ a ònɛ́: Blɛwɛntɔ̃naá Gbɛ̃nazĩn Nɛɛ. 38Buaá dũniaɛ. Pɔwɛnaá kpala nɛɔnɛ. Papaaá gbɛ̃vãiɔnɛ. 39Ibɛɛ pɔ ń tɔ̃́á Ibiisiɛ. Pɔkɛkɛaá dũniaɛ bee laagɔɔɛ. Pɔkɛkɛnaɔá malaikaɔnɛ. 40Lá wì papaa kɛ̃ wà katɛu, màa a kɛ dũnia tiaɛ bee laagɔɔ. 41Gbɛ̃nazĩn Nɛ a a malaikaɔ gbaɛ aa gbɛ̃sãsãnaɔ ń vãikɛnaɔ bɔlɛ a gbɛ̃́ɔ guu pii, 42aai ń ká tɛ́ pãsĩ guu. We aa ɔdiu ń musu aa ɔɔlɔ. 43Ɔ̃ gbɛ̃maaɔ aaɔ tɛkɛ lan ĩatɛ̃wa kpala pɔ an Mae kpà guu.#Dan 12.3 Gbɛ̃́ pɔ nɔ̀sɛ vĩ aà yãpi ma.
44Kia pɔ Lua kpà dɛ lan aizɛɛ pɔ ulɛa tɔɔlɛuwaɛ. Kɛ́ gbɛ̃e bɔ̀wà, ɔ̃ a pɔkàkaa. Aà pɔ kɛ̀ na à tà, à pɔ pɔ a vĩɔ yìa pii, ɔ̃ à tɔɔlɛpi lù.
45Lá kia pɔ Lua kpà dɛn kɛ lɔ. Laatana mɛ́ lɛ́ oso maaɔ wɛɛlɛ. 46Kɛ́ à oso ɔde è, ɔ̃ à tà, à pɔ pɔ a vĩɔ yìa pii, ɔ̃ à osopi lù.
47Lá kpala pɔ a bɔ Lua kĩi dɛn kɛ lɔ. Wà taaluzù isiau, à kpɔ bui pii kũ̀. 48Kɛ́ à pà, wa gàlɛ wa bùaò sĩsĩa, ɔ̃ wà zɔ̃̀lɛ wà a maaɔ plɛ̀ wa kà gbiu, wà a vãiɔ kɔ̀lɛ. 49Màa a kɛ dũnia tiaɛ bee laagɔɔ. Malaikaɔ mɔ aa gbɛ̃vãiɔ sɛlɛ aa ń bɔlɛ gbɛ̃maaɔ guu, 50aa ń ká tɛ́ pãsĩ guu. We aa ɔdiu ń musu aa ɔɔlɔ. 51Ɔ̃ Yesu ń lá à mɛ̀: A yãpiɔ mi dɔ̃̀ sa piia? Aa wèwà aa mɛ̀: Ao! 52Ɔ̃ a ònɛ́: Tó Mɔizi ikoyãdanɛde kia pɔ Lua kpà yãdàda, aɔ dɛ lan uabele pɔ ì pɔ dafu ń a zio bɔ a laasi guuwaɛ.
Nazalɛtideɔ gia Yesu naaikɛi
(Maa 6.1-6; Luk 4.16-30)
53Kɛ́ Yesu yãpiɔ lɛ̀ɛũnɛ́ a làa, à bɔ̀ we. 54À gɛ̀ gu pɔ à nɛblèu, ɔ̃ à yãdànɛ́ an luasisikpɛu. Aà yã bɔ̀ ń saɛ aa mɛ̀: À ɔ̃nɔ ń dabudabu beeɔ sɛ̀ má ni? 55Li'ãna nɛn aà ũo lò? Aà da tɔ́n Maliamao lò? Aà dãunaɔn Zaki ń Yosɛfuo ń Simɔo ń Yudao ũo lò? 56Aà dãeɔ kuwanɔ lao le? À yãpiɔ è má pii ni? 57Bee mɛ́ tò aai aà naaikɛo. Yesu ònɛ́: Ãnabi líɔ bɛɛɛsaio, sema aà bɛ wɛ̃lɛu ń aà uao baasio. 58I dabudabukɛ we bilao, kɛ́ aai aà naaikɛo yãi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.