Mat 12
12
Kãmabogɔɔ
(Maa 2.23–3.6; Luk 6.1-11)
1Bee gbɛa Yesu lɛ́ pã blɛwɛmbua kãmabogɔɔzĩ. Nɔana lɛ́ aà iwaɔ dɛ, ɔ̃ aa pɔwɛna wòlo, aalɛ só.#Iko 23.25 2Kɛ́ Falisiɔ è, ɔ̃ aa ò Yesuɛ: N iwaɔ gwa, aalɛ yã pɔ wìli kɛ kãmabogɔɔzĩo kɛ.#Bɔa 34.21 3Ɔ̃ Yesu ònɛ́: I a kyokɛ á è lá Davidi kɛ̀ ń a gbɛ̃́ɔ gɔɔ pɔ nɔana lɛ́ ń dɛo le? 4À gɛ̃̀ Lua ua, à pɛ̃ɛ pɔ wa kàlɛ Luaɛ sò, pɛ̃ɛ pɔ aapi ń a gbɛ̃́ɔ aa a soa zɛ́ vĩo, sema sa'onaɔ baasio.#1 Sam 21.1-6; Lev 24.9 5Kɛ́ sa'ona pɔ aa ku Lua ua kãmabogɔɔzĩɔ lɛ́ bɔ gɔɔpi yã kpɛ mɛ́ aa tàae vĩ sɔ̃o, i a kyokɛ á è Mɔizi ikoyã guuo le?#Nao 28.9-10 6Malɛ oɛ́: Pɔ pɔ a zɔ̃ɔ dɛ Lua uaa ku la. 7Tó á yãɛ bee mi dɔ̃ɛ, gbɛ̃kɛkɛakɔ̃ɛ ɔ̃ má yei, i kɛ sa'oa no,#Oze 6.6 dɔ̃ yãa i yãesaideɔ taae'eo. 8Asa Gbɛ̃nazĩn Nɛ iko vĩ kãmabogɔɔwaɛ.
9Kɛ́ Yesu bɔ̀ we, ɔ̃ à gɛ̃̀ an luasisikpɛu. 10Gɔ̃ɛ pɔ a ɔ imia ku we. Kɛ́ gbɛ̃eɔ ye wà yãda Yesula yãi, ɔ̃ aa aà là aa mɛ̀: Gbɛ̃gbãgbãa zɛ́ vĩ kãmabogɔɔzĩa? 11Ɔ̃ Yesu wèmá à mɛ̀: Á demɛ aɔ sã vĩ, a zuwà ɛu kãmabogɔɔzĩ, a gɛ̃ bɔio ni? 12Gbɛ̃nazĩna dɛ sãa zɔ̃ɔ. Ayãmɛto maakɛa kãmabogɔɔzĩ zɛ́ vĩ. 13Ɔ̃ Yesu ò gɔ̃ɛpiɛ: Ǹ n ɔpi poo. A pòo, ɔ̃ à sù a gbɛu wasawasa lá adowa. 14Ɔ̃ Falisiɔ bɔ̀lɛ gɛ̀ lɛkpaaĩi Yesuzi, lá aa kɛ wà aà dɛ.
Zĩkɛna pɔ Lua sɛ̀
15Yesu dɔ̃̀má, ɔ̃ à gò we. Bila bɔ̀ wa tɛaazi, ɔ̃ à ń gyãeɔ gbã̀gbã pii, 16à gìnɛ́ aa a tɔ́ fãaa. 17Beewa Lua yã pɔ ãnabi Isaia òɛ bee kɛ̀ à mɛ̀:
18Ma zĩkɛna pɔ má sɛ̀n kɛ,
ma yenzide pɔ aà yã ì kamagu.
Má a Nisĩna pisiwà,
i yãzɛde da buiɔnɛ.
19A lɛkpaakɛo, a palamáo,
gbɛ̃e a aà zɔa ma dɔ gãaɛo.
20A fee ɛkpaazɛua ɛo,
a filia yɛ̃ɛɛna dɛo,
i to yãzɛde mɔ ɔda zãa.
21Bui pii wɛ́ iɔ dɔaazi.#Isa 42.1-4
Tãagoa
(Maa 3.20-30; Luk 11.14-23)
22Ɔ̃ wà mɔ̀ Yesuɛ ń tãade vĩ̀a pɔ a lɛ́na naalɛao. Yesu aà gbã̀gbã, àlɛ yã'o sa, àlɛ gu'e. 23Ɔ̃ yãpi dì bilawa pii aa mɛ̀: Davidi Buipi yã̀ mɔɔɔ? 24Kɛ́ Falisiɔ mà, ɔ̃ aa mɛ̀: Gbɛ̃́ɛ bee a fɔ̃ tãagomáo, mɛ́ i kɛ ń tãaɔ kia Beezebu gbãao baasio.#Mat 9.34 25Yesu ń laasoo dɔ̃, ɔ̃ à mɛ̀: Kpala pɔ a gbɛ̃́ɔ ibɛlɛsɛ̀ ń kɔ̃o a midɛ. Wɛ̃lɛ ge ua pɔ a gbɛ̃́ɔ ibɛlɛsɛ̀ ń kɔ̃o a gɔ̃ bɛzĩ ũɛ. 26Tó Setãu lɛ́ Setãu gomá, à ibɛlɛsɛ̀ ń azĩaon we. Aà kpala aɔ zɛa kpelewa ni? 27Tó Beezebu gbãa miɔ tãagoòmá bɛ, á gbɛ̃́ɔ ì go ń dé gbãao sɔ̃ ni? Beewa ázĩa gbɛ̃́ɔ yã'ĩikpàwá. 28Lá Lua Nisĩna gbãa ɔ̃ malɛ tãaɔ goòmá, àɔ dɔ̃ kɛ́ kia pɔ Lua kpà á kĩi lèn we.
29Kpelewa gbɛ̃́ a gɛ̃ gɔ̃sa gbãa kpɛ́u à aà pɔɔ sɛlɛ, mɛ́ i kɛ à aà yè gĩ́a baasio ni? Aà yea gbɛa ɔ̃ a aà kpɛ́ yɔɛ sa. 30Gbɛ̃́ pɔ dɛ ma gbɛ̃́ ũoá ma ibɛɛɛ, mɛ́ gbɛ̃́ pɔ aalɛ pɔ kãaamanɔo, àlɛ fãaaɛ. 31Ayãmɛto malɛ oɛ́, Lua a gbɛ̃́ɔ kɛ̃ ń ń duunao ń a tɔ́ bɛ̃̀ɛ pɔ aa sìɔ pii, ãma a gbɛ̃́ pɔ à a Nisĩna tɔbɛ̃ɛsì kɛ̃o. 32Tó gbɛ̃́ yãdɔ̀ Gbɛ̃nazĩn Nɛwa, Lua a aà kɛ̃́, ãma tó gbɛ̃́ yãdɔ̀ Lua Nisĩnawa, Lua a ade kɛ̃ dũnia tiaɛ bee guuo ge a pɔ lɛ́ mɔ́.
Gbɛ̃́ dɔ̃a a yãkɛawa
(Luk 6.43-45)
33Tó n lí maa bà, a nɛ ìɔ maaɛ. Tó n lí vãi bà sɔ̃, a nɛ ìɔ vãiɛ. Asa libɛ ɔ̃ wì lí dɔ̃wà.#Mat 7.20 34Gbɛ̃nazĩn piligonaɔ!#Mat 3.7 Kɛ́ á vãi, kpelewa á fɔ̃ yãmaa'oi? Asa yã pɔ kɔ̃̀ sɔ̃u ɔ̃ lɛ́ ì o. 35Gbɛ̃maa ì maa bɔ a sɔ̃̀ maa guuɛ. Gbɛ̃vãi sɔ̃ ì vãi bɔ a sɔ̃̀ vãi guuɛ. 36Malɛ oɛ́: Yãkpalɛkɛgɔɔzĩ gbɛ̃́ɔ ń yãfaasai pɔ aa ò sɛlɛ aa siu Luaɛ pii. 37Asa yã pɔ ń ò mɛ́ a yãnakpama ge ɔ̃mɛ a yãdanla.
Seelagbɛaa Yesuwa
(Maa 8.11-12; Luk 11.29-32)
38Ɔ̃ Mɔizi ikoyãdanɛdeeɔ ń Falisieɔ ò Yesuɛ: Mae, wá ye ǹ seelae kɛ wà e. 39Ɔ̃ Yesu wèmá à mɛ̀: Gbãgbɛ̃ vãi luanaaikɛnsaiɔ mɛ́ aalɛ seela gbɛaa. Má seelae kɛnɛ́o, sema ãnabi Yonasi pɔ. 40Lá Yonasi kɛ̀ kpɔ gbɛ̃̀nɛ gbɛɛ guu fãanɛ ń gwãasĩnao e gɔɔ aaɔ̃, màa Gbɛ̃nazĩn Nɛ a kɛ tɛ̃ɛnau fãanɛ ń gwãasĩnao e gɔɔ aaɔ̃.#Yon 2.1 41Yãkpalɛkɛgɔɔ Ninivadeɔ fɛlɛ aa yãda gbãgbɛ̃ɔlaɛ. Asa kɛ́ aa Yonasi waaso mà, aa nɔsɛlìlɛɛ,#Yon 3.5 mɛ́ gbɛ̃́ pɔ a zɔ̃ɔ dɛ Yonasia ku la. 42Yãkpalɛkɛgɔɔzĩ gɛɔmidɔkĩi oi nɔɛ kia a fɛlɛ à yãda gbãgbɛ̃ɔlaɛ. Asa nɔɛpi bɔ̀ za tɔɔlɛlɛwa, à mɔ̀ Salomɔ ɔ̃nɔyã maiɛ,#1 Kia 10.1-10 mɛ́ gbɛ̃́ pɔ a zɔ̃ɔ dɛ Salomɔa ku la.
Tãa taa a sɔ̃́ ziwa
(Luk 11.24-26)
43Tó wà tãagò gbɛ̃́ɛ, ìɔ liaaliaa gugiiu àɔ gbɛ̃́ wɛɛlɛ à diɛ̀ɛ. Tó i eo, 44ɔ̃ ì mɛ: Má ɛa mà ta ma sɔ̃ ziwaɛ. Tó à tàwà, ì e a bɛ ado à zu'ò, à azĩa kɛ̀kɛ wasawasa. 45Ɔ̃ ì gɛ tãa pɔ an vãi dɛalaɔ sɛlɛ mɛn sopla à suńnɔ, aaì diɛ̀. Ɔ̃ gbɛ̃́pi gwea gbɛzã vãi ìɔ dɛ a káaua. Gó doũpi mɛ́ a ń bua ń gbãgbɛ̃ɔ.
Yesu daɛɔ
(Maa 3.31-35; Luk 8.19-21)
46Kɛ́ Yesu lɛ́ yã'o bilaɛ, ɔ̃ aà da ń aà dãunaɔ kà, aa zɛ̀ bàasi, aa ye aà yãi. 47Ɔ̃ wa òɛ̀: N da ń n dãunaɔ zɛa bàasi, aa ye n yãi. 48Ɔ̃ Yesu a zãsì gbɛ̃́piwa à mɛ̀: Demɛ ma da ge ma dãunaɔ ũi? 49Ɔ̃ à ɔdɔ̀ a iwaɔwa à mɛ̀: Ma da ń ma dãunaɔn kɛ. 50Asa gbɛ̃́ pɔ ì ma Mae pɔ ku musu pɔeã kɛ mɛ́ ma dãuna ge ma dãe ge ma da ũ.
ទើបបានជ្រើសរើសហើយ៖
Mat 12: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.
Mat 12
12
Kãmabogɔɔ
(Maa 2.23–3.6; Luk 6.1-11)
1Bee gbɛa Yesu lɛ́ pã blɛwɛmbua kãmabogɔɔzĩ. Nɔana lɛ́ aà iwaɔ dɛ, ɔ̃ aa pɔwɛna wòlo, aalɛ só.#Iko 23.25 2Kɛ́ Falisiɔ è, ɔ̃ aa ò Yesuɛ: N iwaɔ gwa, aalɛ yã pɔ wìli kɛ kãmabogɔɔzĩo kɛ.#Bɔa 34.21 3Ɔ̃ Yesu ònɛ́: I a kyokɛ á è lá Davidi kɛ̀ ń a gbɛ̃́ɔ gɔɔ pɔ nɔana lɛ́ ń dɛo le? 4À gɛ̃̀ Lua ua, à pɛ̃ɛ pɔ wa kàlɛ Luaɛ sò, pɛ̃ɛ pɔ aapi ń a gbɛ̃́ɔ aa a soa zɛ́ vĩo, sema sa'onaɔ baasio.#1 Sam 21.1-6; Lev 24.9 5Kɛ́ sa'ona pɔ aa ku Lua ua kãmabogɔɔzĩɔ lɛ́ bɔ gɔɔpi yã kpɛ mɛ́ aa tàae vĩ sɔ̃o, i a kyokɛ á è Mɔizi ikoyã guuo le?#Nao 28.9-10 6Malɛ oɛ́: Pɔ pɔ a zɔ̃ɔ dɛ Lua uaa ku la. 7Tó á yãɛ bee mi dɔ̃ɛ, gbɛ̃kɛkɛakɔ̃ɛ ɔ̃ má yei, i kɛ sa'oa no,#Oze 6.6 dɔ̃ yãa i yãesaideɔ taae'eo. 8Asa Gbɛ̃nazĩn Nɛ iko vĩ kãmabogɔɔwaɛ.
9Kɛ́ Yesu bɔ̀ we, ɔ̃ à gɛ̃̀ an luasisikpɛu. 10Gɔ̃ɛ pɔ a ɔ imia ku we. Kɛ́ gbɛ̃eɔ ye wà yãda Yesula yãi, ɔ̃ aa aà là aa mɛ̀: Gbɛ̃gbãgbãa zɛ́ vĩ kãmabogɔɔzĩa? 11Ɔ̃ Yesu wèmá à mɛ̀: Á demɛ aɔ sã vĩ, a zuwà ɛu kãmabogɔɔzĩ, a gɛ̃ bɔio ni? 12Gbɛ̃nazĩna dɛ sãa zɔ̃ɔ. Ayãmɛto maakɛa kãmabogɔɔzĩ zɛ́ vĩ. 13Ɔ̃ Yesu ò gɔ̃ɛpiɛ: Ǹ n ɔpi poo. A pòo, ɔ̃ à sù a gbɛu wasawasa lá adowa. 14Ɔ̃ Falisiɔ bɔ̀lɛ gɛ̀ lɛkpaaĩi Yesuzi, lá aa kɛ wà aà dɛ.
Zĩkɛna pɔ Lua sɛ̀
15Yesu dɔ̃̀má, ɔ̃ à gò we. Bila bɔ̀ wa tɛaazi, ɔ̃ à ń gyãeɔ gbã̀gbã pii, 16à gìnɛ́ aa a tɔ́ fãaa. 17Beewa Lua yã pɔ ãnabi Isaia òɛ bee kɛ̀ à mɛ̀:
18Ma zĩkɛna pɔ má sɛ̀n kɛ,
ma yenzide pɔ aà yã ì kamagu.
Má a Nisĩna pisiwà,
i yãzɛde da buiɔnɛ.
19A lɛkpaakɛo, a palamáo,
gbɛ̃e a aà zɔa ma dɔ gãaɛo.
20A fee ɛkpaazɛua ɛo,
a filia yɛ̃ɛɛna dɛo,
i to yãzɛde mɔ ɔda zãa.
21Bui pii wɛ́ iɔ dɔaazi.#Isa 42.1-4
Tãagoa
(Maa 3.20-30; Luk 11.14-23)
22Ɔ̃ wà mɔ̀ Yesuɛ ń tãade vĩ̀a pɔ a lɛ́na naalɛao. Yesu aà gbã̀gbã, àlɛ yã'o sa, àlɛ gu'e. 23Ɔ̃ yãpi dì bilawa pii aa mɛ̀: Davidi Buipi yã̀ mɔɔɔ? 24Kɛ́ Falisiɔ mà, ɔ̃ aa mɛ̀: Gbɛ̃́ɛ bee a fɔ̃ tãagomáo, mɛ́ i kɛ ń tãaɔ kia Beezebu gbãao baasio.#Mat 9.34 25Yesu ń laasoo dɔ̃, ɔ̃ à mɛ̀: Kpala pɔ a gbɛ̃́ɔ ibɛlɛsɛ̀ ń kɔ̃o a midɛ. Wɛ̃lɛ ge ua pɔ a gbɛ̃́ɔ ibɛlɛsɛ̀ ń kɔ̃o a gɔ̃ bɛzĩ ũɛ. 26Tó Setãu lɛ́ Setãu gomá, à ibɛlɛsɛ̀ ń azĩaon we. Aà kpala aɔ zɛa kpelewa ni? 27Tó Beezebu gbãa miɔ tãagoòmá bɛ, á gbɛ̃́ɔ ì go ń dé gbãao sɔ̃ ni? Beewa ázĩa gbɛ̃́ɔ yã'ĩikpàwá. 28Lá Lua Nisĩna gbãa ɔ̃ malɛ tãaɔ goòmá, àɔ dɔ̃ kɛ́ kia pɔ Lua kpà á kĩi lèn we.
29Kpelewa gbɛ̃́ a gɛ̃ gɔ̃sa gbãa kpɛ́u à aà pɔɔ sɛlɛ, mɛ́ i kɛ à aà yè gĩ́a baasio ni? Aà yea gbɛa ɔ̃ a aà kpɛ́ yɔɛ sa. 30Gbɛ̃́ pɔ dɛ ma gbɛ̃́ ũoá ma ibɛɛɛ, mɛ́ gbɛ̃́ pɔ aalɛ pɔ kãaamanɔo, àlɛ fãaaɛ. 31Ayãmɛto malɛ oɛ́, Lua a gbɛ̃́ɔ kɛ̃ ń ń duunao ń a tɔ́ bɛ̃̀ɛ pɔ aa sìɔ pii, ãma a gbɛ̃́ pɔ à a Nisĩna tɔbɛ̃ɛsì kɛ̃o. 32Tó gbɛ̃́ yãdɔ̀ Gbɛ̃nazĩn Nɛwa, Lua a aà kɛ̃́, ãma tó gbɛ̃́ yãdɔ̀ Lua Nisĩnawa, Lua a ade kɛ̃ dũnia tiaɛ bee guuo ge a pɔ lɛ́ mɔ́.
Gbɛ̃́ dɔ̃a a yãkɛawa
(Luk 6.43-45)
33Tó n lí maa bà, a nɛ ìɔ maaɛ. Tó n lí vãi bà sɔ̃, a nɛ ìɔ vãiɛ. Asa libɛ ɔ̃ wì lí dɔ̃wà.#Mat 7.20 34Gbɛ̃nazĩn piligonaɔ!#Mat 3.7 Kɛ́ á vãi, kpelewa á fɔ̃ yãmaa'oi? Asa yã pɔ kɔ̃̀ sɔ̃u ɔ̃ lɛ́ ì o. 35Gbɛ̃maa ì maa bɔ a sɔ̃̀ maa guuɛ. Gbɛ̃vãi sɔ̃ ì vãi bɔ a sɔ̃̀ vãi guuɛ. 36Malɛ oɛ́: Yãkpalɛkɛgɔɔzĩ gbɛ̃́ɔ ń yãfaasai pɔ aa ò sɛlɛ aa siu Luaɛ pii. 37Asa yã pɔ ń ò mɛ́ a yãnakpama ge ɔ̃mɛ a yãdanla.
Seelagbɛaa Yesuwa
(Maa 8.11-12; Luk 11.29-32)
38Ɔ̃ Mɔizi ikoyãdanɛdeeɔ ń Falisieɔ ò Yesuɛ: Mae, wá ye ǹ seelae kɛ wà e. 39Ɔ̃ Yesu wèmá à mɛ̀: Gbãgbɛ̃ vãi luanaaikɛnsaiɔ mɛ́ aalɛ seela gbɛaa. Má seelae kɛnɛ́o, sema ãnabi Yonasi pɔ. 40Lá Yonasi kɛ̀ kpɔ gbɛ̃̀nɛ gbɛɛ guu fãanɛ ń gwãasĩnao e gɔɔ aaɔ̃, màa Gbɛ̃nazĩn Nɛ a kɛ tɛ̃ɛnau fãanɛ ń gwãasĩnao e gɔɔ aaɔ̃.#Yon 2.1 41Yãkpalɛkɛgɔɔ Ninivadeɔ fɛlɛ aa yãda gbãgbɛ̃ɔlaɛ. Asa kɛ́ aa Yonasi waaso mà, aa nɔsɛlìlɛɛ,#Yon 3.5 mɛ́ gbɛ̃́ pɔ a zɔ̃ɔ dɛ Yonasia ku la. 42Yãkpalɛkɛgɔɔzĩ gɛɔmidɔkĩi oi nɔɛ kia a fɛlɛ à yãda gbãgbɛ̃ɔlaɛ. Asa nɔɛpi bɔ̀ za tɔɔlɛlɛwa, à mɔ̀ Salomɔ ɔ̃nɔyã maiɛ,#1 Kia 10.1-10 mɛ́ gbɛ̃́ pɔ a zɔ̃ɔ dɛ Salomɔa ku la.
Tãa taa a sɔ̃́ ziwa
(Luk 11.24-26)
43Tó wà tãagò gbɛ̃́ɛ, ìɔ liaaliaa gugiiu àɔ gbɛ̃́ wɛɛlɛ à diɛ̀ɛ. Tó i eo, 44ɔ̃ ì mɛ: Má ɛa mà ta ma sɔ̃ ziwaɛ. Tó à tàwà, ì e a bɛ ado à zu'ò, à azĩa kɛ̀kɛ wasawasa. 45Ɔ̃ ì gɛ tãa pɔ an vãi dɛalaɔ sɛlɛ mɛn sopla à suńnɔ, aaì diɛ̀. Ɔ̃ gbɛ̃́pi gwea gbɛzã vãi ìɔ dɛ a káaua. Gó doũpi mɛ́ a ń bua ń gbãgbɛ̃ɔ.
Yesu daɛɔ
(Maa 3.31-35; Luk 8.19-21)
46Kɛ́ Yesu lɛ́ yã'o bilaɛ, ɔ̃ aà da ń aà dãunaɔ kà, aa zɛ̀ bàasi, aa ye aà yãi. 47Ɔ̃ wa òɛ̀: N da ń n dãunaɔ zɛa bàasi, aa ye n yãi. 48Ɔ̃ Yesu a zãsì gbɛ̃́piwa à mɛ̀: Demɛ ma da ge ma dãunaɔ ũi? 49Ɔ̃ à ɔdɔ̀ a iwaɔwa à mɛ̀: Ma da ń ma dãunaɔn kɛ. 50Asa gbɛ̃́ pɔ ì ma Mae pɔ ku musu pɔeã kɛ mɛ́ ma dãuna ge ma dãe ge ma da ũ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.