Bɔa 5
5
Mɔizi ń Aalonao gɛa Falaɔ̃ kĩi
1Bee gbɛa Mɔizi ń Aalonao gɛ̀ aa Falaɔ̃ lè, aa òɛ̀: Yã pɔ Dii Isailiɔ Lua òn kɛ: À mɛ̀ ǹ a gbɛ̃́ɔ gbaɛ aa gɛ́ dikpɛkɛiɛ gbáau. 2Falaɔ̃ wèmá à mɛ̀: Dén Dii ũ mà misiilɛɛ̀, mí Isailiɔ gbaɛi? Má Dii dɔ̃o. Má Isailiɔ gbaɛo. 3Ɔ̃ aa òɛ̀: Hɛbɛluɔ Lua mɛ́ bɔ̀ à mɔ̀wá. Wá gba zɛ́ wà gɛ́ gɔɔ aaɔ̃ kɛi gbáau, wí sa'o Dii wá Luapiwa, kɛ́ asu gagyã kawáguo ge zĩ. 4Ɔ̃ Egipiɔ kiapi ò Mɔiziɛ ń Aalonao: Bɔyãi á tò gbɛ̃́ɔ laai lɛ́ go ń zĩwai? À ɛa á zĩwa. 5Ɔ̃ à ɛ̀a mɛ̀: Kɛ́ aa dasikũ̀ sa, ɔ̃ á ye aa kãmabo ń ń zĩoa?
6Zĩ́ bee Falaɔ̃ yãdìlɛ Isaili wɛtãnaɔnɛ ń ń dɔaanaɔ à mɛ̀: 7Ásuli musã kpamá aa bilikibɔò lá i kɛ yãawa lɔo. Aali gɛ́ ń pɔ kɛ̃i ńzĩa. 8Kási aali bilikibɔ a lɛ́ gbɛu lá aaì bɔ ziwaɛ. Ásu laonɛ́o, asa màadeɔnɛ. A yãi tò an wii dɔ, aalɛ mɛ wa ye gɛ́ sa'oi ń Luawaɛ. 9À zĩ kãfĩnɛ́, kɛ́ aasu ĩampakĩi e aa laaidɔ ɛgɛ yãɔwa lɔo.
10Ɔ̃ an wɛtãnapiɔ ń ń dɔaanaɔ mɔ̀ wa ònɛ́: Falaɔ̃ mɛ̀ á musã kpawá lɔo. 11À gɛ́ sɛlɛ ázĩa gu pɔ á eu. Kási wá zĩ laoɛ́o, baa yɔɔ. 12Ɔ̃ aa fã̀aa, aa gɛ̀ Egipi gupiiu sɛ̃kɛ̃i musã ũ. 13An wɛtãnapiɔ ìɔ naɛmá lagulɛdɔ, kɛ́ aali ń zĩ nɛ́, lá aaì nɛ gɔɔ pɔ wì musã kpamáwaɛ. 14Wà gbɛ̃akɛ̀ Isaili dɔaana pɔ an wɛtãnaɔ ń dilɛɔnɛ, wa ònɛ́: Bɔyãi i bilikibɔ gbã ge gĩa, à kà lá wà a lɛ́ dàɛ́ yãawao ni? 15Ɔ̃ Isaili dɔaanaɔ gɛ̀, aa wiilɛ̀ Falaɔ̃wa aa mɛ̀: Bɔyãi nlɛ kɛ wapiɔ n zɔblenaɔnɛ màai? 16Wàlɛ musã kpawá lɔo, mɛ́ wàlɛ mɛ wà bilikibɔ. Wàlɛ wá gbɛ̃, kási n gbɛ̃́ɔ mɛ́ tàae vĩ. 17Ɔ̃ à mɛ̀: Màadeɔn á ũ. Màa á bɛò! A yãi iɔ mɛ á gɛ́ sa'oi Diiwaɛ. 18À gɛ́ zĩkɛi. Wa musã kpawá lɔo, kási áli bilikibɔ lá wa a lɛ́ dàɛ́waɛ.
19Kɛ́ wa ò Isaili dɔaanaɔnɛ aasu gɔɔ do bilikibɔa laoo, aa dɔ̃̀ kɛ́ wà yã èɛ sa. 20Kɛ́ aa bɔ̀ Falaɔ̃ kĩi, aa kpàaũ ń Mɔizio ń Aalonao, aalɛ ń dã́, 21ɔ̃ aa ònɛ́: Dii á yã gwa, i yãkpalɛkɛánɔ, asa á tò Falaɔ̃ ń a gbɛ̃́ɔ ye wá gĩyãio. A wá dɛdɛa zɛbɔnɛ́ɛ. 22Ɔ̃ Mɔizi ɛ̀a gɛ̀ a ò Diiɛ: Dii, bɔyãi n ĩadà gbɛ̃́piɔwai? Bee yãi n ma zĩia? 23Za gɔɔ pɔ ma gɛ ma yã'ò Falaɔ̃ɛ ń n tɔ́o, ɔ̃ àlɛ ĩada n gbɛ̃́ɔwa, mɛ́ ni ń bɔo!
ទើបបានជ្រើសរើសហើយ៖
Bɔa 5: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.
Bɔa 5
5
Mɔizi ń Aalonao gɛa Falaɔ̃ kĩi
1Bee gbɛa Mɔizi ń Aalonao gɛ̀ aa Falaɔ̃ lè, aa òɛ̀: Yã pɔ Dii Isailiɔ Lua òn kɛ: À mɛ̀ ǹ a gbɛ̃́ɔ gbaɛ aa gɛ́ dikpɛkɛiɛ gbáau. 2Falaɔ̃ wèmá à mɛ̀: Dén Dii ũ mà misiilɛɛ̀, mí Isailiɔ gbaɛi? Má Dii dɔ̃o. Má Isailiɔ gbaɛo. 3Ɔ̃ aa òɛ̀: Hɛbɛluɔ Lua mɛ́ bɔ̀ à mɔ̀wá. Wá gba zɛ́ wà gɛ́ gɔɔ aaɔ̃ kɛi gbáau, wí sa'o Dii wá Luapiwa, kɛ́ asu gagyã kawáguo ge zĩ. 4Ɔ̃ Egipiɔ kiapi ò Mɔiziɛ ń Aalonao: Bɔyãi á tò gbɛ̃́ɔ laai lɛ́ go ń zĩwai? À ɛa á zĩwa. 5Ɔ̃ à ɛ̀a mɛ̀: Kɛ́ aa dasikũ̀ sa, ɔ̃ á ye aa kãmabo ń ń zĩoa?
6Zĩ́ bee Falaɔ̃ yãdìlɛ Isaili wɛtãnaɔnɛ ń ń dɔaanaɔ à mɛ̀: 7Ásuli musã kpamá aa bilikibɔò lá i kɛ yãawa lɔo. Aali gɛ́ ń pɔ kɛ̃i ńzĩa. 8Kási aali bilikibɔ a lɛ́ gbɛu lá aaì bɔ ziwaɛ. Ásu laonɛ́o, asa màadeɔnɛ. A yãi tò an wii dɔ, aalɛ mɛ wa ye gɛ́ sa'oi ń Luawaɛ. 9À zĩ kãfĩnɛ́, kɛ́ aasu ĩampakĩi e aa laaidɔ ɛgɛ yãɔwa lɔo.
10Ɔ̃ an wɛtãnapiɔ ń ń dɔaanaɔ mɔ̀ wa ònɛ́: Falaɔ̃ mɛ̀ á musã kpawá lɔo. 11À gɛ́ sɛlɛ ázĩa gu pɔ á eu. Kási wá zĩ laoɛ́o, baa yɔɔ. 12Ɔ̃ aa fã̀aa, aa gɛ̀ Egipi gupiiu sɛ̃kɛ̃i musã ũ. 13An wɛtãnapiɔ ìɔ naɛmá lagulɛdɔ, kɛ́ aali ń zĩ nɛ́, lá aaì nɛ gɔɔ pɔ wì musã kpamáwaɛ. 14Wà gbɛ̃akɛ̀ Isaili dɔaana pɔ an wɛtãnaɔ ń dilɛɔnɛ, wa ònɛ́: Bɔyãi i bilikibɔ gbã ge gĩa, à kà lá wà a lɛ́ dàɛ́ yãawao ni? 15Ɔ̃ Isaili dɔaanaɔ gɛ̀, aa wiilɛ̀ Falaɔ̃wa aa mɛ̀: Bɔyãi nlɛ kɛ wapiɔ n zɔblenaɔnɛ màai? 16Wàlɛ musã kpawá lɔo, mɛ́ wàlɛ mɛ wà bilikibɔ. Wàlɛ wá gbɛ̃, kási n gbɛ̃́ɔ mɛ́ tàae vĩ. 17Ɔ̃ à mɛ̀: Màadeɔn á ũ. Màa á bɛò! A yãi iɔ mɛ á gɛ́ sa'oi Diiwaɛ. 18À gɛ́ zĩkɛi. Wa musã kpawá lɔo, kási áli bilikibɔ lá wa a lɛ́ dàɛ́waɛ.
19Kɛ́ wa ò Isaili dɔaanaɔnɛ aasu gɔɔ do bilikibɔa laoo, aa dɔ̃̀ kɛ́ wà yã èɛ sa. 20Kɛ́ aa bɔ̀ Falaɔ̃ kĩi, aa kpàaũ ń Mɔizio ń Aalonao, aalɛ ń dã́, 21ɔ̃ aa ònɛ́: Dii á yã gwa, i yãkpalɛkɛánɔ, asa á tò Falaɔ̃ ń a gbɛ̃́ɔ ye wá gĩyãio. A wá dɛdɛa zɛbɔnɛ́ɛ. 22Ɔ̃ Mɔizi ɛ̀a gɛ̀ a ò Diiɛ: Dii, bɔyãi n ĩadà gbɛ̃́piɔwai? Bee yãi n ma zĩia? 23Za gɔɔ pɔ ma gɛ ma yã'ò Falaɔ̃ɛ ń n tɔ́o, ɔ̃ àlɛ ĩada n gbɛ̃́ɔwa, mɛ́ ni ń bɔo!
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.