Bɔa 4
4
Lua Mɔizi gbaa dabudabukɛa zɛ́
1Mɔizi wèwà à mɛ̀: Tó aai ma naaikɛo, mɛ́ aai ma yãmao, tó aa mɛ̀ mmɛ ni bɔ n mɔao sɔ̃ bɛ? 2Ɔ̃ Dii aà là à mɛ̀: Bɔ́ ń kũa wei? A wèwà à mɛ̀: Goɛ. 3Dii òɛ̀: Pãlɛ zĩlɛ. Kɛ́ a pã̀lɛ, ɔ̃ à lì mlɛ ũ, ɔ̃ Mɔizi bɔ̀zã. 4Ɔ̃ Dii òɛ̀: Ɔbɔ ǹ kũ a vlã́wa. Kɛ́ a kũ̀, ɔ̃ à ɛ̀a gɔ̃̀ go ũ aà ɔzĩ. 5Dii òɛ̀: Màa ńyɔ̃ kɛ, wi si kɛ́ ma Dii an deziɔ Ablahaũ ń Izaakio ń Yakɔbuo Lua mɛ́ bɔ̀ à mɔ̀ma.
6Dii ɛ̀a òɛ̀ lɔ: Ɔsɔlɔ n ulau. Ɔ̃ a sɔ̀lɔu. Kɛ́ a bɔ̀, a è kusu lìa, à kɛ̀ puuu lan nɛɛziwa. 7Dii òɛ̀: Ɛa ǹ ɔsɔlɔ n ulau. À ɛ̀a sɔ̀lɔu. Kɛ́ a bɔ̀, a è à sù a gbɛu. 8Dii òɛ̀: Tó aai n naaikɛ aa seela sɛ̃ia sìo, aa seela gbɛzã sí. 9Tó aai seela mɛn plapiɔ si aa n yãmà sɔ̃o, Niili í tɔ́ ǹ kɔlɛ tɔɔlɛ, a li au ũɛ.
10Ɔ̃ Mɔizi òɛ̀: O'o Dii! Za zi yã'o àamanɔo. Baa za gɔɔ pɔ n yã'òmɛɛ, ma lɛ́ gbiaɛ. 11Ɔ̃ Dii òɛ̀: Demɛ lɛdɔ̀ gbɛ̃nazĩnaɛi? Demɛ ì aà lɛ́na naalɛ ge ì aà swãdokũi? Demɛ ì to aà gu'e ge ì aà vĩ̀akũi? Ma Dii, mamɛo lò? 12Gɛ́ sa! Má dɔnlɛ ń yã'oao, má yã pɔ ńyɔ̃ o danɛ. 13Ɔ̃ à mɛ̀: O'o Dii! N yã na! Gbɛ̃pãle zĩ. 14Ɔ̃ Dii pɔ pà Mɔizizi à mɛ̀: Levi bui Aalona, n vĩi nolo? Má dɔ̃ kɛ́ yã'o zĩ'ũaanɔo. Àlɛ mɔ́ dainlɛ. Tó à wɛsìnlɛ, aà pɔ à kɛ na. 15Yã'oaanɔ, ní yã pɔ asu o daɛ̀. Mapi, máɔ dɔálɛ ń yã'oao, míɔ yã pɔ ásu kɛ daɛ́. 16Àli yã'onɛ́ n gɛ̃ɛ ũ, aɔ dɛ n lɛdɔɛkɛna ũ, mɛ́ ńyɔ̃ɔ dɛɛ̀ Lua ũ. 17Goɛ bee sɛ ǹyɔ̃ kũa, ní seelaɔ kɛò.
Mɔizi ɛaa Egipi
18Mɔizi tà a ãnsue Yetolowa, a òɛ̀: Ma gba zɛ́ mà ta ma gbɛ̃́ɔ kĩi Egipi, mà e tó aa ku wɛ̃ni guu e tia. Yetolo òɛ̀: Ka aafia. 19Asa Dii ò Mɔiziɛ Madiã busuu à mɛ̀: Fɛlɛ ǹ ta Egipi, asa gbɛ̃́ pɔ aalɛ n wɛ yãaɔ gàga pii. 20Ɔ̃ Mɔizi a na sɛ̀ ń a nɛgɔ̃ɛnapiɔ, à ń dí zaa'ĩnaɔ kpɛ, à ɛ̀a lɛ́ tá Egipi, a Lua gopi kũa. 21Ɔ̃ Dii òɛ̀: Tó n ka Egipi, dabudabu pɔ ma a iko kpàmaɔ kɛ Falaɔ̃ aɛ pii. Kási má aà swãfɛ̃ɛ̀, i gi gbɛ̃́piɔ gbaɛi. 22Ní oɛ̀ ma Dii ma mɛ̀ Isaili mɛ́ ma nɛgɔ̃ɛ sɛ̃ia ũ, 23ɔ̃ má òɛ̀ aà ma nɛgɔ̃ɛ sɛ̃iapi gbaɛ aà gɛ́ ma sisii. Lá à gì aà gbaɛi, má aà nɛgɔ̃ɛ sɛ̃ia dɛ sa sɔ̃ɛ.
24Zɛ́ guu Mɔizi lɛ́ i guei, ɔ̃ Dii aà lè we, a ye à aà dɛ. 25Ɔ̃ Sefola gbɛ̀ fɛ̃na sɛ̀, à a nɛ tɔ̃zɔ̃̀ò,#Daa 17.10 à a gyafɔɔ nà Mɔizi gbáwa à mɛ̀: Sĩanaɛ, mmɛ ń ma au gɔ̃ ũ. 26Tɔ̃zɔ̃api yãi à mɛ̀, au gɔ̃. Ɔ̃ Dii Mɔizi tò.
27Dii ò Aalonaɛ: Gɛ́ dai Mɔizilɛ gbáau. Ɔ̃ à gɛ̀, à aà lè Lua gbɛ kĩi, à lɛpɛ̀wà. 28Mɔizi yã pɔ Dii a zĩ oi dàu a sìu Aalonaɛ ń seela pɔ a òɛ à kɛɔ. 29Ɔ̃ Mɔizi ń Aalonao tà Egipi aa Isaili gbɛ̃zɔ̃ɔɔ kã̀aa. 30Aalona yã pɔ Dii ò Mɔiziɛ dàu a sìunɛ́ pii, ɔ̃ Mɔizi dabudabupiɔ kɛ̀ Isailiɔ wáa. 31Aa yãpi sì. Kɛ́ aa mà Dii mɛ́ mɔ̀ ń gwai à ń taasikɛa è, ɔ̃ aa kùlɛɛ̀, aa mipɛ̀lɛ.
ទើបបានជ្រើសរើសហើយ៖
Bɔa 4: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.
Bɔa 4
4
Lua Mɔizi gbaa dabudabukɛa zɛ́
1Mɔizi wèwà à mɛ̀: Tó aai ma naaikɛo, mɛ́ aai ma yãmao, tó aa mɛ̀ mmɛ ni bɔ n mɔao sɔ̃ bɛ? 2Ɔ̃ Dii aà là à mɛ̀: Bɔ́ ń kũa wei? A wèwà à mɛ̀: Goɛ. 3Dii òɛ̀: Pãlɛ zĩlɛ. Kɛ́ a pã̀lɛ, ɔ̃ à lì mlɛ ũ, ɔ̃ Mɔizi bɔ̀zã. 4Ɔ̃ Dii òɛ̀: Ɔbɔ ǹ kũ a vlã́wa. Kɛ́ a kũ̀, ɔ̃ à ɛ̀a gɔ̃̀ go ũ aà ɔzĩ. 5Dii òɛ̀: Màa ńyɔ̃ kɛ, wi si kɛ́ ma Dii an deziɔ Ablahaũ ń Izaakio ń Yakɔbuo Lua mɛ́ bɔ̀ à mɔ̀ma.
6Dii ɛ̀a òɛ̀ lɔ: Ɔsɔlɔ n ulau. Ɔ̃ a sɔ̀lɔu. Kɛ́ a bɔ̀, a è kusu lìa, à kɛ̀ puuu lan nɛɛziwa. 7Dii òɛ̀: Ɛa ǹ ɔsɔlɔ n ulau. À ɛ̀a sɔ̀lɔu. Kɛ́ a bɔ̀, a è à sù a gbɛu. 8Dii òɛ̀: Tó aai n naaikɛ aa seela sɛ̃ia sìo, aa seela gbɛzã sí. 9Tó aai seela mɛn plapiɔ si aa n yãmà sɔ̃o, Niili í tɔ́ ǹ kɔlɛ tɔɔlɛ, a li au ũɛ.
10Ɔ̃ Mɔizi òɛ̀: O'o Dii! Za zi yã'o àamanɔo. Baa za gɔɔ pɔ n yã'òmɛɛ, ma lɛ́ gbiaɛ. 11Ɔ̃ Dii òɛ̀: Demɛ lɛdɔ̀ gbɛ̃nazĩnaɛi? Demɛ ì aà lɛ́na naalɛ ge ì aà swãdokũi? Demɛ ì to aà gu'e ge ì aà vĩ̀akũi? Ma Dii, mamɛo lò? 12Gɛ́ sa! Má dɔnlɛ ń yã'oao, má yã pɔ ńyɔ̃ o danɛ. 13Ɔ̃ à mɛ̀: O'o Dii! N yã na! Gbɛ̃pãle zĩ. 14Ɔ̃ Dii pɔ pà Mɔizizi à mɛ̀: Levi bui Aalona, n vĩi nolo? Má dɔ̃ kɛ́ yã'o zĩ'ũaanɔo. Àlɛ mɔ́ dainlɛ. Tó à wɛsìnlɛ, aà pɔ à kɛ na. 15Yã'oaanɔ, ní yã pɔ asu o daɛ̀. Mapi, máɔ dɔálɛ ń yã'oao, míɔ yã pɔ ásu kɛ daɛ́. 16Àli yã'onɛ́ n gɛ̃ɛ ũ, aɔ dɛ n lɛdɔɛkɛna ũ, mɛ́ ńyɔ̃ɔ dɛɛ̀ Lua ũ. 17Goɛ bee sɛ ǹyɔ̃ kũa, ní seelaɔ kɛò.
Mɔizi ɛaa Egipi
18Mɔizi tà a ãnsue Yetolowa, a òɛ̀: Ma gba zɛ́ mà ta ma gbɛ̃́ɔ kĩi Egipi, mà e tó aa ku wɛ̃ni guu e tia. Yetolo òɛ̀: Ka aafia. 19Asa Dii ò Mɔiziɛ Madiã busuu à mɛ̀: Fɛlɛ ǹ ta Egipi, asa gbɛ̃́ pɔ aalɛ n wɛ yãaɔ gàga pii. 20Ɔ̃ Mɔizi a na sɛ̀ ń a nɛgɔ̃ɛnapiɔ, à ń dí zaa'ĩnaɔ kpɛ, à ɛ̀a lɛ́ tá Egipi, a Lua gopi kũa. 21Ɔ̃ Dii òɛ̀: Tó n ka Egipi, dabudabu pɔ ma a iko kpàmaɔ kɛ Falaɔ̃ aɛ pii. Kási má aà swãfɛ̃ɛ̀, i gi gbɛ̃́piɔ gbaɛi. 22Ní oɛ̀ ma Dii ma mɛ̀ Isaili mɛ́ ma nɛgɔ̃ɛ sɛ̃ia ũ, 23ɔ̃ má òɛ̀ aà ma nɛgɔ̃ɛ sɛ̃iapi gbaɛ aà gɛ́ ma sisii. Lá à gì aà gbaɛi, má aà nɛgɔ̃ɛ sɛ̃ia dɛ sa sɔ̃ɛ.
24Zɛ́ guu Mɔizi lɛ́ i guei, ɔ̃ Dii aà lè we, a ye à aà dɛ. 25Ɔ̃ Sefola gbɛ̀ fɛ̃na sɛ̀, à a nɛ tɔ̃zɔ̃̀ò,#Daa 17.10 à a gyafɔɔ nà Mɔizi gbáwa à mɛ̀: Sĩanaɛ, mmɛ ń ma au gɔ̃ ũ. 26Tɔ̃zɔ̃api yãi à mɛ̀, au gɔ̃. Ɔ̃ Dii Mɔizi tò.
27Dii ò Aalonaɛ: Gɛ́ dai Mɔizilɛ gbáau. Ɔ̃ à gɛ̀, à aà lè Lua gbɛ kĩi, à lɛpɛ̀wà. 28Mɔizi yã pɔ Dii a zĩ oi dàu a sìu Aalonaɛ ń seela pɔ a òɛ à kɛɔ. 29Ɔ̃ Mɔizi ń Aalonao tà Egipi aa Isaili gbɛ̃zɔ̃ɔɔ kã̀aa. 30Aalona yã pɔ Dii ò Mɔiziɛ dàu a sìunɛ́ pii, ɔ̃ Mɔizi dabudabupiɔ kɛ̀ Isailiɔ wáa. 31Aa yãpi sì. Kɛ́ aa mà Dii mɛ́ mɔ̀ ń gwai à ń taasikɛa è, ɔ̃ aa kùlɛɛ̀, aa mipɛ̀lɛ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.