Bɔa 21
21
Zɔɔ gwaa yã
(Iko 15.12-18)
1Ikoyã pɔ ńyɔ̃ danɛ́ɔn kɛ: 2Tó gbɛ̃́ Hɛbɛlu lù zɔ ũ, ali zĩkɛɛ̀ wɛ̃̀ sooloɛ, a wɛ̃̀ soplade i bɔ wɛ̃ɛ ũ fĩabosai. 3Tó à mɔ̀ adoɛ, a bɔ adoɛ. Tó a nɔ vĩɛ, aà bɔ ń a nɔo. 4Tó aà dii mɛ́ nɔ kpàwà mɛ́ à nɛɔ ìaanɔ, nɔɛpi ń a nɛɔ gɔ̃ aà diiɛ, i bɔ ado. 5Tó zɔpi mɛ̀, á ye a diizi ń a nao ń a nɛɔɛ, á ye bɔ wɛ̃ɛ ũo, 6aà dii i gɛaanɔ yãgɔ̃gɔ̃naɔ kĩi, i sɔ̃aanɔ kpɛ́ gbai, i aà swã fɔ̃ ń kao gbapiwa ge a lí, iɔ ku aà zɔ ũ gɔɔpii.
7Tó gbɛ̃́ a nɛnɔɛ yìa zɔ ũ, a e bɔ lá zɔgɔ̃ɛ ì bɔwao. 8Tó aà dii dìlɛ á aà sɛ nɔ ũɛ, mɛ́ nɔpi i su kɛ̀ɛ̀o, aà to wà aà bo. A zɛ́ vĩ aà aà yia buipãlewao, kɛ́ à bɔ̀ aà yãu yãi. 9Tó a kpà a nɛwaɛ sɔ̃, aà aà dilɛ a nɛnɔɛ ũ. 10Tó à nɔ pãle sɛ̀, asu a káau baa bɔ blɛ ge pɔkasaɔ ge kpɛ́ yãuo. 11Tó i yã mɛn aaɔ̃piɔ kɛɛ̀o, zɔpi zɛ́ vĩ aà ta pã fĩabosaiɛ.
Gbɛ̃́ kɛa'ĩa yã
12Tó gbɛ̃́ gbɛ̃́ lɛ̀ a dɛ̀, wà ade dɛ sɔ̃. 13Tó àlɛ wɛɛlɛ à aà dɛoɛ sɔ̃, tó kai mɛ́ mɔ̀, má ulɛkĩi dilɛɛ́, íli baalɛ ta we. 14Tó gbɛ̃́ nɔsɛpãsĩkɛ̀, à a gbɛ̃dee dɛ̀, baa tó à baalɛ̀, à gɛ̀ nà ma gbagbakĩizi, wà gi wà aà dɛɛ.
15Tó gbɛ̃́ a de ge a da gbɛ̃̀, wà ade dɛ. 16Tó gbɛ̃́ gbɛ̃́ sɛ̀ kpãi, a yìa ge a kũan nò, wà ade dɛ. 17Tó gbɛ̃́ a de ge a da kpɛbɔ̀, wà ade dɛ.#Mat 15.4
18Tó wàlɛ solekɛ, mɛ́ gbɛ̃́ a gbɛ̃do lɛ̀ ń gbɛo ge ɔkũɛ, mɛ́ i gao, tó a ku dɛ̃adɛ̃a, 19à fɔ̃̀ fɛ̀lɛ, àlɛ bɔ bàasi ń goo, gbɛ̃́ pɔ à aà lɛ̀ a bɔ swãgagasaiɛ, i aà zĩ pɔ i e kɛ̀o fĩaboɛ̀ ń ɛsɛ pɔ wa kɛ̀ɛ̀o. 20Tó gbɛ̃́ a zɔgɔ̃ɛ ge nɔɛ lɛ̀ ń goo, mɛ́ à gà gɔ̃̀ɔ, wa ade wɛtã. 21Tó zɔpi gɔɔ do ge gɔɔ pla lèɛ sɔ̃, wasu wà aà diipi wɛtão, asa aà ɔ̃aɛ. 22Tó gɔ̃ɛɔ lɛ́ dɛ̃ɛka mɛ́ aa kpà nɔsindeea, tó à nɔbɔ̀lɛ mɛ́ aà gue i kɛ'ĩao, lá nɔɛpi zã́ dànɛ́, aa a fĩabo màaɛ, tó yãgɔ̃gɔ̃naɔ wèi. 23Tó ĩa pãle su ku a guuɛ sɔ̃, wa ga fĩabo ń gao, 24wɛ́ ń wɛ́o, swaa ń swaao,#Mat 5.38 ɔ ń ɔo, gbá ń gbáo, 25tɛbɔ ń tɛbɔo, ĩa ń ĩao, bɔ ń bɔo. 26Tó gbɛ̃́ a zɔgɔ̃ɛ ge nɔɛ lɛ̀, aà wɛ́ wì, aà aà gbaɛ aà wɛ́ fĩaboa ũ. 27Tó aà swaaɛ sɔ̃, aà aà gbaɛ aà swaa fĩaboa ũ.
Pɔtuoɔ yã
28Tó zu gɔ̃ɛ ge nɔɛ zɔ̃̀ a dɛ̀, wà zupi papa ń gbɛo wà dɛ, aà dii i bɔyãu. Wasu zupi nɔ̀ɔ soo. 29Tó zupi pãsĩ za káauɛ sɔ̃, mɛ́ wa ò a diiɛ, tó i dɔo, ɔ̃ à gbɛ̃́ zɔ̃̀ a dɛ̀, wà zupi papa ń gbɛo wà dɛ, wi a dii dɛ lɔ. 30Tó wà ɔ̃a dà a diiɛ aà wɛ̃ni fĩaboa yãi, lá wa òɛ̀ pii a boɛ. 31Tó zupi nɛ dɛ̀, yãdoũɛ. 32Tó zupi zɔgɔ̃ɛ ge nɔɛ dɛ̀, zu dii a ãnusu ɔwatɛ̃ baakwi kpa zɔ diiwaɛ, wi zupi papa ń gbɛo wà dɛ.
33Tó gbɛ̃́ pɔ wɛ̃̀ a lɔ̀ɔlɛ, ge tó à lɔ̀ɔ yɔ̃̀, i pɔ taɛo, ɔ̃ zu ge zaa'ĩna zù a guu, 34lɔ̀ɔde fĩabo pɔ diiɛ ń ɔ̃ao, pɔgɛpi i gɔ̃ɛ̀.
35Tó gbɛ̃́ zu gbɛ̃pãle pɔ zɔ̃̀ a dɛ̀, aà a bɛ̃́ɛ yia, aai a ɔ̃a kpaalɛ, aai a gɛ kpaalɛ màa lɔ. 36Tó zù dii dɔ̃ za káau kɛ́ a pãsĩ mɛ́ i dɔo, a zu fĩabo ń zuoɛ, a gɛ i gɔ̃ɛ̀.
Aizɛɛ yã
37Tó gbɛ̃́ zu ge sã kpãi'ò, mɛ́ a dɛ̀ ge a yìa, a zu fĩabo ń zuo mɛn sɔoɛ, i sã fĩabo ń são mɛn siiɔ̃.
ទើបបានជ្រើសរើសហើយ៖
Bɔa 21: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.