Bɔa 17
17
Í bɔa gbɛu
(Nao 20.2-13)
1Isailiɔ fɛ̀lɛ Sini gbáau mpii, aalɛ bookpakpa lá Dii ònɛ́wa, ɔ̃ aa gɛ̀ aa bookpà Lefidiũ. Aai í e we wa mìo, 2ɔ̃ aa zɔadɔ̀ Mɔiziwa aa mɛ̀: Wá gba í wà mi. A ònɛ́: Bɔyãi álɛ zɔadɔai? Bɔyãi álɛ Dii lɛwɛi? 3Kɛ́ imi lɛ́ ń dɛ, ɔ̃ aa zɔadɔ̀ Mɔiziwa aa mɛ̀: Bɔyãi n wá bɔlɛ Egipii? Ń ye ǹ wá dɛdɛ ń imio ń wá nɛɔ ń wá pɔtuoɔ yã? 4Ɔ̃ Mɔizi wiilɛ̀ Diiwa à mɛ̀: Kpelewa má kɛ ń gbɛ̃́piɔi? À gɔ̃̀ yɔɔ aa ma papa ń gbɛo wà ma dɛɛ. 5Dii òɛ̀: Isaili gbɛ̃zɔ̃ɔɔ sɛlɛ, í dɔaa gbɛ̃́piɔnɛ. Ǹ n go pɔ n Niili lɛ̀ò sɛ lɔ. 6Máɔ zɛa n aɛ Olebu gbɛwa we. Gbɛpi lɛ́, í i bɔu, aai mi. Ɔ̃ Mɔizi kɛ̀ màa Isaili gbɛ̃zɔ̃ɔɔ wáa. 7Ɔ̃ wà tɔkpà gupiɛ Masa,#17.7 Bee mɛ̀ lɛwɛa asa we aa Dii lɛwɛ̀u aa mɛ̀: Dii kuwanɔɛ wee? Wà tɔkpàɛ̀ lɔ Mɛliba,#17.7 Bee mɛ̀ zɔakaa kɛ́ Isailiɔ zɔakà we yãi.
Zĩkaa ń Amalɛkiɔ
8Amalɛkiɔ mɔ̀ zĩkai ń Isailiɔ Lefidiũ. 9Ɔ̃ Mɔizi ò Yozueɛ: Gbɛ̃́ɔ plɛwɛ̃ɛ, í gɛ́ zĩkai ń Amalɛkiɔ. Zia máɔ zɛa sĩ̀sĩɛ bee musu ń Lua goo kũa. 10Yozue kɛ̀ lá Mɔizi òɛwa, à gɛ̀ zĩkai ń Amalɛkiɔ. Ɔ̃ Mɔizi ń Aalonao ń Huluo dɛ̀dɛ sĩ̀sĩpiwa e a musu. 11Tó Mɔizi a ɔɔ sɛ̀ musu, Isailiɔ ìɔ Amalɛkiɔ fuɛ, ãma tó à a ɔɔ sìilɛ sɔ̃, Amalɛkiɔ ìɔ Isailiɔ fuɛ. 12Kɛ́ Mɔizi ɔɔ wã̀, ɔ̃ wà gbɛ sɛ̀ wa dìlɛ aà ziɛ, à zɔ̃̀lɛwà, ɔ̃ Aalona ń Huluo aa aà ɔɔ kũkũa, gbɛ̃do ɔplaai, gbɛ̃do ɔzɛɛi, ɔ̃ aà ɔɔ gɔ̃̀ dɔa musu e ĩatɛ̃ gɛ̀ gɛ̃̀ kpɛ́u. 13Ɔ̃ Yozue zĩblè Amalɛkiɔwa, à ń dɛdɛ ń fɛ̃ndao.
14Dii ò Mɔiziɛ: Bee kɛ̃ lá guu, iɔ dɛ dɔngubɔ ũ, ní o Yozueɛ, asa má Amalɛkiɔ midɛ dũniau piiɛ.#1 Sam 15.2-9 15Mɔizi gbagbakĩi bò, ɔ̃ à tɔkpàɛ̀ Diimadalapo 16à mɛ̀: À Dii dalapo dɔ musu, Dii iɔ zĩka ń Amalɛkiɔ gɔɔpiiɛ.
ទើបបានជ្រើសរើសហើយ៖
Bɔa 17: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.