Bɔa 15
15
Mɔizi lɛ
1Ɔ̃ Mɔizi ń Isailiɔ pii lɛɛ bee sì Diiɛ#Zia 15.3 aa mɛ̀:
Má lɛsi Diiɛ, asa à tɔkɛ̀,
à sɔ̃deɔ ń ń sɔ̃́ɔ kà isiau.
2Dii mɛ́ ma gbãa ũ,
má lɛmawà, aapi mɛ́ ma suabà.
Ɔ̃mɛ ma Lua ũ,
má aà taasilɛ.
Ɔ̃mɛ ma mae Lua ũ,
má aà tɔbɔ.
3Diiá zĩgɔ̃ɛ, aà tɔ́n Dii.
4À Falaɔ̃ sɔ̃goɔ ń aà zĩgɔ̃ɔ kà isiau,
à zĩgɔ̃ dɔaanaɔ sɔ̃̀ɔlɛ Isiatɛ̃au.
5Ípi dàńla,
aa kpàlɛ zĩlɛ lan gbɛwa.
6Dii, n ɔplaa n gbãa tɔbɔ̀,
Dii, n n ibɛɛɔ ulɔ̀ ń n ɔplaao.
7N n wɛ̀lɛɔ nɛ̀ n n zɔ̃ɔkɛ gawio,
n pɔ pà, n ń kwɛ́ lan sɛ̃wa.
8N fɛ̃ n pɔbɔ̀ n níu, ɔ̃ í fɛ̀lɛ,
a zɛa lan bĩ́iwa,
isia í ì a guoguo.
9Wá ibɛɛpiɔ mɛ̀,
wa pɛlɛwázi wà wá leɛ,
wi wá pɔɔ siwá lá wa yeiwa,
wi ń fɛ̃ndaɔ wo wà wá dɛdɛò.
10N n lɛ'ĩana gbàɛ, ɔ̃ isia dàńla,
aa kpàlɛ lan bɛɔmawa í zɔ̃ɔpiu.
11Dii, tãa kpele mɛ́ muaannɔi?
Demɛ muaannɔi?
Yãbɔnsaɛkɛna, n zɔ̃ɔkɛ adoa,
n gawi ì to vĩa wá kṹ.
12N n ɔplaa dɔ̀, ɔ̃ tɔɔlɛ ń mɔmɔ̀.
13Ńyɔ̃ dɔaa wá gbɛ̃́ pɔ n wá bóɔnɛ n n gbɛ̃kɛo,
ńyɔ̃ gɛ́wanɔ n busuu ń n gbãao.
14Tó buipãleɔ mà, aa lualua,
iwãa a ka Filitɛ̃ɔ busudeɔ pɔa.
15Ɛdɔũɔ kiaɔ bilikɛ,
gili a gɛ̃ Mɔabu dɔaanaɔgu,
Kanaa busudeɔ kúsu a kwɛ mpii.
16Vĩa zɔ̃ɔ a ń kṹ, sɔ̃ i kɛ̃ńgu,
aa gɔ̃ kílikili lan gbɛwa n gbãa zɔ̃ɔ yãi, Dii,
e gbɛ̃́ pɔ n ń lú n pɔ ũɔ gɛ̃.
17Ńyɔ̃ gɛńnɔ gbɛsĩsĩ pɔ ń sɛ̀ n pɔ ũ kĩi,
ní ń zɛdɔ gu pɔ ń dìlɛ n zɔ̃lɛkĩi ũ, Dii,
n kukĩi pɔ ń kɛ̀kɛ nzĩaɛ guu.
18Dii aɔ kible gɔɔpiiɛ.
19Kɛ́ Falaɔ̃ sɔ̃́ɔ ń a sɔ̃goɔ ń a sɔ̃deɔ gɛ̃̀ isia ɛu, ɔ̃ Dii sù ń ío à dàńla, kási Isailiɔ taa'ò gugiiu isiapiuɛ. 20Ɔ̃ ãnabi Miliaũ, Aalona dãe, sɛ̃sɛ̃na sɛ̀, ɔ̃ nɔɛɔ bɔ̀ tɛaazi pii, aalɛ sɛ̃sɛ̃napa, aalɛ ɔ̃wã. 21Miliaũ lɛsìnɛ́ à mɛ̀:
À lɛsi Diiɛ, asa à tɔkɛ̀,
à sɔ̃deɔ ń ń sɔ̃́ɔ kà isiau.
Í ĩi
22Mɔizi dà zɛ́u ń Isailiɔ, aa kɛ̃̀ Isiatɛ̃awa aa gɛ̃̀ Sulu gbáau. Aa taa'ò gɔɔ aaɔ̃ gbáapiu, aai í eo. 23Kɛ́ aa kà gu pɔ wì mɛ Mala, aa fùa a imii, kɛ́ a ĩi yãi. A yãi tò wà tɔkpài gupiɛ Mala.#15.23 Bee mɛ̀ ĩi 24Ɔ̃ aa zɔadɔ̀ Mɔiziwa aa mɛ̀: Bɔ́ wá mii? 25Mɔizi wiilɛ̀ Diiwa, ɔ̃ Dii lí ɔlɔ̀ɛ̀. Kɛ́ a zù íu, ɔ̃ ípi nakũ̀. Wekĩi ɔ̃ Dii ikoyã dìlɛunɛ́ à ń yɔ̃́ 26à mɛ̀: Tó a laaidɔ̀ ma Dii á Lua ma yãwa mɛ́ álɛ yã pɔ má yei kɛ, tó a yã pɔ má dìlɛɔ mà mɛ́ á ma ikoyãɔ kũa pii, má gyã pɔ má kà Egipiɔgu kee kááguo, asa mamɛ má Dii á gbãgbãna ũ. 27Bee gbɛa aa kà Eliũ, gu pɔ nibɔna mɛn kuɛplaɔ kuu ń damina lí mɛn baaɔ̃kwiɔ. Ɔ̃ aa bookpà í saɛ we.
ទើបបានជ្រើសរើសហើយ៖
Bɔa 15: Boo2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Boko Bible © SIM International, 2024.