Oroomanak Aaniin keshinihsitohtaakwahk o'o masina'ikan
Aaniin keshinihsitohtaakwahk o'o masina'ikan
Pwaal okii'ishipii'amawaa' otepwehtamoo' ekii'inentamokopanen ewii'antawaapamaatc. Kii'inentamokopan ciwiitanohkiimaatc, pehkihsh ciwiici'aatc. Okii'ishipakohsentaan hsa kewiin ciwiitoohkaakotc.
Miitahsh eshimaaciipii'iketc e'wiintank kahkina pemaatisiwaatc Coowak, iki kaye kaaCoowiwihsikwaa ehtipenimikowaatc macitootamowin, kahkina e'noontehsewaatc cikii'minowiiciiwaawaahpan Kishemanitoon. Awiya hsa ehta kiitepweyenimaatc Ciisahs Christan, mii 'imaa wenci inakimintc e'minowiiciiwaatc Kishemanitoon. Miitahsh i'i payesh awiya pisaan ciwiiciiwikotc Kishemanitoon, mii kaye 'i Kishemanitoon otAhcaahkoni ci/aapa'okotc miinawaa citipenimikohsik macitootamowin.
Otashintaan itahsh aaniin mayaa eshianohkiimakaninik Kishemanitoon otInaahkonikewinini, mii 'imaa e'onci kihkencikaatenik macitootamowin; Kishemanitoon otAhcaahkoni tahsh wiin e'mashkawisiishkawaanitc otepwehtamoon cishaakoocihtoonitc macitootamowin.
Otashintaan itahsh kaye Coowak ekii'aanawentamowaatc Kishemanitoon kaakii'ishi antawenimikowaatc ci ishihcikewaatc. O'o tahsh ekii'ishihsek, mii hsa kewiinawaa kaaCoowiwihsikwaa kaa'onci kashkihtoowaatc citepinamowaatc Kishemanitoon eshikishewaatisinitc. Kishemanitoon ihsa o'oweni kaakii'onci ishihsenikopanen ekii'naakohtoonitc ehsaaki'aanitc kahkina awiya'.
Owiintamawaa' itahsh otepwehtamoo' aaniin keshipimaatisinihpan, aaniin kaye keshiwaawiiciintinihpan. Otashintaan itahsh kaye aaniin awiyan keishiayaanihpan anohkiihtawaanitc Kishemanitoon. E'antawenimaatc kaye otepwehtamoo' kwayahk ci ishihcikenihpan ciminwaapamikonitc wekimaawaatisinitc, weweni cikakwepimaatisinitc aaniin iko eshihcikenitc. Kaawiin tahsh kekoon okamikoshkaatentamo'ikohsiini o'omaa ahkiink.
Miitahsh eshipooshoo'aatc otepwehtamoo' e'waawiinaatc minihk kehkenimaatc.
Entahsopepahkaanipii'ikaatek o'o masina'ikan
Eshimaaciipii'iketc 1.1-17
Kahkina awiya cikiihpimaaci'intipan 1.18—3.20
Kishemanitoo opimaaci'iwewin 3.21—4.25
Oshkipimaatisiwin Christ kaamiikiwetc 5.1—8.39
Kishemanitoo kaakii'inenimaatc Isriyala' ci ishiwepisinitc 9.1—11.36
Otepwehtamoo keishicikehpan 12.1—15.13
Pwaal ishkwaac kaakii'ihkitotc 15.14—16.27
ទើបបានជ្រើសរើសហើយ៖
Oroomanak Aaniin keshinihsitohtaakwahk o'o masina'ikan: OJBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ojibwe Shorter Bible (Roman Script) © 2008 Canadian Bible Society