Lok Mii 'owe keoncinihsitohtaman o'o masina'ikan
Mii 'owe keoncinihsitohtaman o'o masina'ikan
Lok (Luke) Ominwaacimowinink mii 'imaa eshi tashintank aaniin kaakiihpi ayishihcikenitc Ciisahsoon. O'omaa minwaacimowinink Ciisahs ishi tashimaa cipimaaci'iwetc, Kishemanitoo kaakii ahshotamawaatc Isriyala' (Israel), ewii piicinisha'amawaatc, i'i kaye kahkina o'omaa ahkiink kaa'ayaanitc cionci pimaatisinitc.
Ciisahs kii'inentam ciwiici'aatc kaakitimaakisinitc kaayaahkosinitc, i'i kaye kaakiih pwaanawihcikenitc, aya'aan kaye okii wiici'aan ihkwewan, apinoonciishan kaye, awenenan iko aaniin iko kaaishi noontehsenitc.
Lok kiimashkihkiiwininiiwi Kalaahshiyanak (4.14). Mayaa tahsh okiih payahtewiintaan aahkosiwin, wiinke piko kiihkihkentaahso. I'iwe piko kii'ishipii'ike kaaCoowiwihsinik cinihsitohtaminitc. I'imaa Ishihcikewinan (Acts) masina'ikanink otani'-ishi aanihke waawiintaanan o'omaa Lok masina'ikanink kaakiih tashintank.
Minwentamowin i'imaa tashincikaate, aaniin kaa'ahpiihci minwentamonaaniwank Christ kiinihtaawikitc. Mii kaye 'imaa eshi tashimintc ahpii Christ kaakiih kiiwetc kihcikiishikonk. Niipiwa' o'omaa tashincikaate anamihcikewin, kaye tahsh Kishemanitoo otAhcaahkwan tashimimaawan. Iki kaye tashimaawak ihkwewak aaniin kaakii'ishi wiici'aawaatc Ciisahsoon. Tashinteni kaye aaniin Kishemanitoo eshi poonentamaaketc macitootamowinan.
Lok tahsh wiin okii oshipii'aanan kekoonan kotak kaakii'-oshipii'ansikwaa omasina'ikaniwaank. Lok wiin okiih tashimaan encalan kaakiih kanoonaanitc okanawi maanahcaanihshiwe' mekwetipihk. Otashintaan kaye mekwaa Ciisahsoon kiikwiiwisenhsiwinitc Kihcianami'ewikamikonk kaakiihtashi kanoonaanitc anami'ewininiwa'. Aya'iini kaye okiih tipaatotaan aaniin Ciisahsoon kaakii'ishi awehcikaakenitc Sameriyaawininiwan (Samaritan) kaakii minohcikenitc. Lok kaye okiih tashimaan ini okosihsimaan kaakii maacaanitc nanaake tahsh kaakiih pikiiwenotawaanitc oteteni.
Lok okiihpapaa wiiciiwaan Pwaalan (Paul). Okiih kihkenimaan Maarhkan (Mark). Miitahsh iitok iniweniwan kaakii wiintamaakotc aaniin Ciisahsoon kaakii ayishihcikenitc, aaniin kaye kaakii'ishi kihkino'amaakenitc.
Entahsopepahkaanipii'ikaatenikin o'omaa Lok omasina'ikanink
Lok ewiintamawaatc Tiyaahpilahsoon (Theophilus) aaniin wenci oshipii'iketc 1.1-4
Cwaan (John) Osiika'antaake a'a kaye Ciisahs ehtashincikaatenik kaakiihpi'-ishi nihtaawikiwaatc, kaye tahsh kiipi ompikiwaatc 1.5—2.52
Cwaan Osiika'antaake kiihkakiihkwetc 3.1-20
Ciisahs kiihsiika'antaasotc, kiihkotenimikotc kaye Setanan 3.21—4.13
Ciisahs kiihpapaaminohciketc i'imaa Kaalalii (Galilee) ahkiink 4.14—9.50
Aaniin Ciisahs kaa'ayishihciketc, kaa'ayihkitotc kaye i'imaa Ceroosalamink (Jerusalem) piinihsh weti Kaalaliink 9.51—19.27
Ishkwaac kiipimikonakaanik imaa Ceroosalamink, i'imaa kaye waahkaaya'ii taawinenhsan kaakii ayaanikin 19.28—23.56
Ciisahs kiihkiiwe pimaatisitc nipowinink onci, kiinaako'itisotc ciwaapamikotc okihkino'amawaakana', kaye tahsh kiihkiiwe ompishkaatc kihcikiishikonk 24.1-53
ទើបបានជ្រើសរើសហើយ៖
Lok Mii 'owe keoncinihsitohtaman o'o masina'ikan: OJBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ojibwe Shorter Bible (Roman Script) © 2008 Canadian Bible Society