Ekihsatahs 4
4
Moosihs Kiimiinikotc Kishemanitoon Mashkawisiiwin
1Miitahsh o'o Moosihs (Moses) kaaishi nahkwehtank, “Wekonen itahsh wiin tepwehtansikwaa, pisintansikwaa kaye aaniin keihkitowak? O'o maawiin ninka'ikoo, ‘Kaawiin maawiin kikii naakosiihtaakohsiitok kaaTipenciketc,’ ” kii‑ihkito.
2Miihsh o'o kaaTipencikenitc kaa'ikotc, “Wekonen i'i kaatahkonaman.”
Miihsh kaa'inaatc, “Sahka'onaahk,” okii'inaan.
3O'ohsh okii'ikoon, “Mihtahkamik ahpakitoon,” okii'ikoon. Miitahsh Moosihs kaaishi ahpakitootc mihtahkamik. Mii hsa kaaishi kinepikohsenik. Miihsh kaaishi tapasiihtootc. 4Miihsh kaaTipencikenitc kaa'ikotc, “Sakaanowepihsh a'a kinepik,” okii'ikoon. Miitahsh Moosihs kaaishi sakaanowepinaatc ini kinepikoon. Miitahsh miinawaa kaakiih kiiwe sahka'onaahkowaninik. 5Miitahsh kaa‑ani'ikotc, “Mii hsa 'owe keishihcikeyan citepwehtawihkwaa ekii naakosiihtawimihk oKishemanitoomiwaan Eparahaam (Abraham), Aaisik (Isaac), Cekap (Jacob) kaye,” okii'ikoon.
6Miinawaa tahsh okii ani'ikoon, “Sheko ninciinin kaakikishkaman kikashkiikiiwin,” ekii'ikotc. Miihsh Moosihs kaakiih sheko ninciinitc okashkiikiiwinink. Ahpii hsa kaahwiihko ninciinitc, mii hsa 'i oninc kaakii waapaahpinewi naakwaninik taapishkoo koonink ekii ishi waapinaakwaninik. 7Miitahsh kaaTipencikenitc miinawaa kaa'ikotc, “Miinawaa hsa sheko ninciinin kikashkiikiiwinink,” okii'ikoon. Miihsh Moosihs miinawaa kaaishi sheko ninciinitc okashkiikiiwinink. Ahpii tahsh ehwiihko ninciinitc, mii hsa 'i kaakiih kiiwe ishi'ayaanik taapishkoo eshinaakwaninik misiwe owiiyaw. 8Miihsh o'o kaa'ikotc, “Kiishpin hsa tepwehtansikwaa, komaa kaye papaapisiskihtansikwaa i'i nihtam maamahkaaci kihkinawaacihcikewin, kehcinaac maawiin oka tepwehtaanaawaa i'i kotak maamahkaaci kihkinawaacihcikewin. 9Kiishpin itahsh tepwehtansikwaa ono niishin maamahkaaci kihkinawaacihcikewinan, komaa kaye ehkitowatc, mii hsa 'i keishihcikeyan cionci kwaapa'aman i'i nipi i'imaa Naayal (Nile) siipink. Mihtahkamik hsa kika ishi siikinaan. Miihsh cimiskwiiwaakamihsek i'i nipi i'imaa mihtahkamik,” okii'ikoon.
10Moosihs itahsh okii'inaan kaaTipencikenitc, “Kiin, Tepencikeyan, kaawiin iitok wiihkaa nimpi nihtaa kaakiikitohsii, piinihsh o'o ishi ahpii noonkom kaakanooshiyan. Etatawe iitok kaawiin aahpici ninihtaawehsii, wiinke kaye nimpapwaahtawikiishwe.”
11Miitahsh kaa'ikotc, “Awenenan inini kaaoshihtamaakotc otoon? Awenenan kaye kaaishi'ikotc cionsihtehsik, komaa kaye ciokiikitoowinihsik? Awenenan kaye kaaishi'ikotc ciwaapitc komaa kaye ciwaapihsik? Niin ohsha kaaTipencikeyaan i'i kaaishi'iweyaan! 12Noonkom itahsh anishi maacaan! Niin hsa ko kika wiici'in cikiikitoyan, kika kihkino'amawin kaye aaniin keihkitoyan,” okii'ikoon.
13Moosihs kii‑ihkito, “Kiin Tepencikeyan, taka pahkaan awiya ishinisha'o o'o ci‑ishihciketc,” kii‑ihkito.
14Miitahsh o'o ahpii kaakii nishki'aatc kaaTipencikenitc o'o ekii'ikotc, “A'a tahsh wiin kiicihkiwensi Eran (Aaron) Liipaaink (Levi) kaaontahkaanesitc, ninkihkenimaa ohsha enihtaa kaakiikitotc. Inashke, aasha ohsha kipi anta nakishkaak, aahpici hsa taminwentam ahpii waapamihk. 15Kiin tahsh kika kakanoonaa ciwiintamawatc aaniin keihkitotc; kika wiici'ininim hsa minciniish cikakitoyek, kika kihkino'amawininim kaye aaniin keishihcikeyek. 16Wiin hsa kika kiikitoohtamaak ahpii kakanoonimatc pemaatisinitc, mii hsa 'i keinentaakwaninik ehkanootamawihk. Miitahsh ci‑inentaakwahk kaye kiin taapishkoo eoKishemanitoomimihk ciwiintamawatc aaniin keihkitotc. 17Maaciitoon itahsh o'o sahka'onaahk, keonci kashkihtooyan ci‑ishihcikeyan maamahkaaci kihkinawaacihcikanan,” okii'ikoon.
Moosihs Kiishikiiwetc Iicipahkiink
18Moosihs (Moses) itahsh okiih kiiwe anta waapamaan oshihshenshan Cehtaroon (Jethro) ekii'inaatc, “Taka pakitinihshin cikiiwenotawakwaa niicipimaatisiimak Iicipahkiink (Egypt) eyaawaatc, ewii anta waapamakwaa taka keyaapi cipimaatisiwaakwen,” okii'inaan. Miihsh kaa'ikotc, “Pisaan maacaan.”
19Mekwaa hsa Moosihs kiiayaakopanen Mitiyan (Midian) ahkiink kaaTipencikenitc kii‑ikookopan, “Maacaan, kiiwe ishaan Iicipahkiink, kahkina ohsha kaawii nihsinohkwaapan kaawiin pimaatisihsiiwak,” kii‑ikookopan. 20Miitahsh Moosihs kaaishi maaciinaatc wiiwan, okosihsa' kaye ekii onapi'aatc maanshimihtatimonk, ekii maacaatc eishaatc Iicipahkiink. Okiih tako maaciitoon Kishemanitoon osahka'onaahkoni.
21Miitahsh kaaTipencikenitc kaa'ikotc, “Ahpii hsa takohshinan weti Iicipahkiink, kehcinaac hsa ishihcikehkan enaahsamiitc Peroo (Pharaoh) kahkina maamahkaaci kihkinawaacihcikanan kaakii miininaan cikashki'ewisiyan citootaman. Aanciihke ohsha niwiih tootawaa Peroo cishashiipihtank cipakitinaahsik pemaatisinitc cimaacaanitc. 22Miihsh o'o ke'inatc Peroo, ‘Mii hsa 'o ehkitotc kaaTipenciketc; “Isriyalak (Israel) hsa ninkosihs nintinenimaak, maawac nihtam kaakii okosihsiyaan.” 23#Exo 12.29. Miitahsh eninaan, “Taka pisaan pakitin ninkosihs cimaacaatc, cianami'ehtawitc.” Kaawiin itahsh kitinentansii i'i ci‑ishihcikeyan; miihsh cinihsak kikosihs nihtam kaanihtaawikitc,’ ” okii'ikoon ci‑ihkitotc.
24Kaaishi kapehshiwaatc itahsh ehpimi ayaawaatc, kaaTipencikenitc Moosihs okii nakishkaakoon, ewii nihsikotc. 25-26Wiiwan itahsh Sihpoorawan (Zipporah) okii otaahpinaani kaahshaapihkahsiniin, ekii kihkinawaatashakeshwaanitc okosihsini, miihsh kaaishi ahpakitoonitc Moosihs eshi sitekaapawitc. I'i tahsh kihkinawaatashakeshikewin o'o kaakii onci'ikotc, “Mii hsa 'i eneniminaan ninaapem kaamiskwiiwitc kaakihkinawaatashakeshontc,” okii'ikoon. Miitahsh kaaTipencikenitc kaaishi pooni'ikotc.
27KaaTipenciketc itahsh okii'inaan Eranoon (Aaron), “Pikwatahkamik ishaan cianta nakishkawatc Moosihs,” okii'inaan. Miitahsh Eran kaaishi ishaatc ekii anta nakishkawaatc Moosihsoon weti Kishemanitoo owaciimink, miihsh kaye kaaishi ociimaatc. 28Miitahsh Moosihs kaakii wiintamawaatc Eranoon kahkina kaakii ihkitonitc kaaTipencikenitc ci‑ihkitotc ahpii takohshink Iicipahkiink; okii wiintamawaan kaye kahkina maamahkaaci kihkinawaacihcikewinan kaakii anoonikotc ci‑ishihciketc. 29Miihsh Moosihs a'a kaye Eran kii‑ishaawak Iicipahkiink ekii maamawi antomaawaatc kahkina kaaniikaanisinitc Isriyala' (Israel). 30Miitahsh Eran kaakii wiintamaaketc kahkina kekoon Moosihsoon kaakii ikonitc kaaTipencikenitc. Miitahsh kaakii ishi ishihciketc maamahkaaci kihkinawaacihcikewinan enaahsamiinitc pemaatisinitc. 31Pemaatisiwaatc hsa kiihtepwehtamook ahpii kaanoontamowaatc kaaTipencikenitc ehkoohpaatenimikowaatc, ekii waapantaminitc kaye eshi kakwaataki'intwaa. Miihsh kaaishi acitawihkwehtaawaatc ekii anami'ehtawaawaatc Kishemanitoon.
ទើបបានជ្រើសរើសហើយ៖
Ekihsatahs 4: OJBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ojibwe Shorter Bible (Roman Script) © 2008 Canadian Bible Society
Ekihsatahs 4
4
Moosihs Kiimiinikotc Kishemanitoon Mashkawisiiwin
1Miitahsh o'o Moosihs (Moses) kaaishi nahkwehtank, “Wekonen itahsh wiin tepwehtansikwaa, pisintansikwaa kaye aaniin keihkitowak? O'o maawiin ninka'ikoo, ‘Kaawiin maawiin kikii naakosiihtaakohsiitok kaaTipenciketc,’ ” kii‑ihkito.
2Miihsh o'o kaaTipencikenitc kaa'ikotc, “Wekonen i'i kaatahkonaman.”
Miihsh kaa'inaatc, “Sahka'onaahk,” okii'inaan.
3O'ohsh okii'ikoon, “Mihtahkamik ahpakitoon,” okii'ikoon. Miitahsh Moosihs kaaishi ahpakitootc mihtahkamik. Mii hsa kaaishi kinepikohsenik. Miihsh kaaishi tapasiihtootc. 4Miihsh kaaTipencikenitc kaa'ikotc, “Sakaanowepihsh a'a kinepik,” okii'ikoon. Miitahsh Moosihs kaaishi sakaanowepinaatc ini kinepikoon. Miitahsh miinawaa kaakiih kiiwe sahka'onaahkowaninik. 5Miitahsh kaa‑ani'ikotc, “Mii hsa 'owe keishihcikeyan citepwehtawihkwaa ekii naakosiihtawimihk oKishemanitoomiwaan Eparahaam (Abraham), Aaisik (Isaac), Cekap (Jacob) kaye,” okii'ikoon.
6Miinawaa tahsh okii ani'ikoon, “Sheko ninciinin kaakikishkaman kikashkiikiiwin,” ekii'ikotc. Miihsh Moosihs kaakiih sheko ninciinitc okashkiikiiwinink. Ahpii hsa kaahwiihko ninciinitc, mii hsa 'i oninc kaakii waapaahpinewi naakwaninik taapishkoo koonink ekii ishi waapinaakwaninik. 7Miitahsh kaaTipencikenitc miinawaa kaa'ikotc, “Miinawaa hsa sheko ninciinin kikashkiikiiwinink,” okii'ikoon. Miihsh Moosihs miinawaa kaaishi sheko ninciinitc okashkiikiiwinink. Ahpii tahsh ehwiihko ninciinitc, mii hsa 'i kaakiih kiiwe ishi'ayaanik taapishkoo eshinaakwaninik misiwe owiiyaw. 8Miihsh o'o kaa'ikotc, “Kiishpin hsa tepwehtansikwaa, komaa kaye papaapisiskihtansikwaa i'i nihtam maamahkaaci kihkinawaacihcikewin, kehcinaac maawiin oka tepwehtaanaawaa i'i kotak maamahkaaci kihkinawaacihcikewin. 9Kiishpin itahsh tepwehtansikwaa ono niishin maamahkaaci kihkinawaacihcikewinan, komaa kaye ehkitowatc, mii hsa 'i keishihcikeyan cionci kwaapa'aman i'i nipi i'imaa Naayal (Nile) siipink. Mihtahkamik hsa kika ishi siikinaan. Miihsh cimiskwiiwaakamihsek i'i nipi i'imaa mihtahkamik,” okii'ikoon.
10Moosihs itahsh okii'inaan kaaTipencikenitc, “Kiin, Tepencikeyan, kaawiin iitok wiihkaa nimpi nihtaa kaakiikitohsii, piinihsh o'o ishi ahpii noonkom kaakanooshiyan. Etatawe iitok kaawiin aahpici ninihtaawehsii, wiinke kaye nimpapwaahtawikiishwe.”
11Miitahsh kaa'ikotc, “Awenenan inini kaaoshihtamaakotc otoon? Awenenan kaye kaaishi'ikotc cionsihtehsik, komaa kaye ciokiikitoowinihsik? Awenenan kaye kaaishi'ikotc ciwaapitc komaa kaye ciwaapihsik? Niin ohsha kaaTipencikeyaan i'i kaaishi'iweyaan! 12Noonkom itahsh anishi maacaan! Niin hsa ko kika wiici'in cikiikitoyan, kika kihkino'amawin kaye aaniin keihkitoyan,” okii'ikoon.
13Moosihs kii‑ihkito, “Kiin Tepencikeyan, taka pahkaan awiya ishinisha'o o'o ci‑ishihciketc,” kii‑ihkito.
14Miitahsh o'o ahpii kaakii nishki'aatc kaaTipencikenitc o'o ekii'ikotc, “A'a tahsh wiin kiicihkiwensi Eran (Aaron) Liipaaink (Levi) kaaontahkaanesitc, ninkihkenimaa ohsha enihtaa kaakiikitotc. Inashke, aasha ohsha kipi anta nakishkaak, aahpici hsa taminwentam ahpii waapamihk. 15Kiin tahsh kika kakanoonaa ciwiintamawatc aaniin keihkitotc; kika wiici'ininim hsa minciniish cikakitoyek, kika kihkino'amawininim kaye aaniin keishihcikeyek. 16Wiin hsa kika kiikitoohtamaak ahpii kakanoonimatc pemaatisinitc, mii hsa 'i keinentaakwaninik ehkanootamawihk. Miitahsh ci‑inentaakwahk kaye kiin taapishkoo eoKishemanitoomimihk ciwiintamawatc aaniin keihkitotc. 17Maaciitoon itahsh o'o sahka'onaahk, keonci kashkihtooyan ci‑ishihcikeyan maamahkaaci kihkinawaacihcikanan,” okii'ikoon.
Moosihs Kiishikiiwetc Iicipahkiink
18Moosihs (Moses) itahsh okiih kiiwe anta waapamaan oshihshenshan Cehtaroon (Jethro) ekii'inaatc, “Taka pakitinihshin cikiiwenotawakwaa niicipimaatisiimak Iicipahkiink (Egypt) eyaawaatc, ewii anta waapamakwaa taka keyaapi cipimaatisiwaakwen,” okii'inaan. Miihsh kaa'ikotc, “Pisaan maacaan.”
19Mekwaa hsa Moosihs kiiayaakopanen Mitiyan (Midian) ahkiink kaaTipencikenitc kii‑ikookopan, “Maacaan, kiiwe ishaan Iicipahkiink, kahkina ohsha kaawii nihsinohkwaapan kaawiin pimaatisihsiiwak,” kii‑ikookopan. 20Miitahsh Moosihs kaaishi maaciinaatc wiiwan, okosihsa' kaye ekii onapi'aatc maanshimihtatimonk, ekii maacaatc eishaatc Iicipahkiink. Okiih tako maaciitoon Kishemanitoon osahka'onaahkoni.
21Miitahsh kaaTipencikenitc kaa'ikotc, “Ahpii hsa takohshinan weti Iicipahkiink, kehcinaac hsa ishihcikehkan enaahsamiitc Peroo (Pharaoh) kahkina maamahkaaci kihkinawaacihcikanan kaakii miininaan cikashki'ewisiyan citootaman. Aanciihke ohsha niwiih tootawaa Peroo cishashiipihtank cipakitinaahsik pemaatisinitc cimaacaanitc. 22Miihsh o'o ke'inatc Peroo, ‘Mii hsa 'o ehkitotc kaaTipenciketc; “Isriyalak (Israel) hsa ninkosihs nintinenimaak, maawac nihtam kaakii okosihsiyaan.” 23#Exo 12.29. Miitahsh eninaan, “Taka pisaan pakitin ninkosihs cimaacaatc, cianami'ehtawitc.” Kaawiin itahsh kitinentansii i'i ci‑ishihcikeyan; miihsh cinihsak kikosihs nihtam kaanihtaawikitc,’ ” okii'ikoon ci‑ihkitotc.
24Kaaishi kapehshiwaatc itahsh ehpimi ayaawaatc, kaaTipencikenitc Moosihs okii nakishkaakoon, ewii nihsikotc. 25-26Wiiwan itahsh Sihpoorawan (Zipporah) okii otaahpinaani kaahshaapihkahsiniin, ekii kihkinawaatashakeshwaanitc okosihsini, miihsh kaaishi ahpakitoonitc Moosihs eshi sitekaapawitc. I'i tahsh kihkinawaatashakeshikewin o'o kaakii onci'ikotc, “Mii hsa 'i eneniminaan ninaapem kaamiskwiiwitc kaakihkinawaatashakeshontc,” okii'ikoon. Miitahsh kaaTipencikenitc kaaishi pooni'ikotc.
27KaaTipenciketc itahsh okii'inaan Eranoon (Aaron), “Pikwatahkamik ishaan cianta nakishkawatc Moosihs,” okii'inaan. Miitahsh Eran kaaishi ishaatc ekii anta nakishkawaatc Moosihsoon weti Kishemanitoo owaciimink, miihsh kaye kaaishi ociimaatc. 28Miitahsh Moosihs kaakii wiintamawaatc Eranoon kahkina kaakii ihkitonitc kaaTipencikenitc ci‑ihkitotc ahpii takohshink Iicipahkiink; okii wiintamawaan kaye kahkina maamahkaaci kihkinawaacihcikewinan kaakii anoonikotc ci‑ishihciketc. 29Miihsh Moosihs a'a kaye Eran kii‑ishaawak Iicipahkiink ekii maamawi antomaawaatc kahkina kaaniikaanisinitc Isriyala' (Israel). 30Miitahsh Eran kaakii wiintamaaketc kahkina kekoon Moosihsoon kaakii ikonitc kaaTipencikenitc. Miitahsh kaakii ishi ishihciketc maamahkaaci kihkinawaacihcikewinan enaahsamiinitc pemaatisinitc. 31Pemaatisiwaatc hsa kiihtepwehtamook ahpii kaanoontamowaatc kaaTipencikenitc ehkoohpaatenimikowaatc, ekii waapantaminitc kaye eshi kakwaataki'intwaa. Miihsh kaaishi acitawihkwehtaawaatc ekii anami'ehtawaawaatc Kishemanitoon.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ojibwe Shorter Bible (Roman Script) © 2008 Canadian Bible Society