Ishihcikewinan Mii 'owe keonci nihsitohtaman o'owe oshipii'ikan Ishihcikewin
Mii 'owe keonci nihsitohtaman o'owe oshipii'ikan Ishihcikewin
O'owe masina'ikan Ishihcikewin kaaishinihkaatek, mii 'imaa Lok masina'ikanink onci aanihke tipaacimowin. Miitahsh mayaa enaacimoomakahk ehtashinsonitc Ciisahs nihtam okihkino'amawaakana'. Kishemanitoon otAhcaahkoni okii'-niikaaniihtamaakowaan ekiihpapaa minwaacimowaatc i'imaa Ceroosalamink. I'imaa kaye Cootiiya ahkiink, Sameriya ahkiink, misiwe kaye waapanonk inahke ahkiink (1.8).
Miitahsh kaye i'imaa eshi tashintek aaniin anami'aawin kaaonci maacihtaamakahk eshi ayaawaatc Coowak. Miitahsh i'imaa wenciimakahk tepwehtamowin misiwe ahkiink kaa'ayaamakahk.
A'a tahsh Lok okii'-onci oshipii'aan o'o masina'ikan ekii'-antawentank cikihkencikaatek o'oweni. I'iweniwa' otepwehtamoo' ehtinowihsinik kaakakwe nakaashkaminitc Oroomi kihciokimaawiwin. I'iweni kaye eshi tepwehtaminitc, mii 'imaa wenci naakwaninik mayaa Coowianami'aawin.
Nihsweyek hsa ishinenaawipii'ikaate o'o masina'ikan. Misiwe kii'ishi mihsisteshkaamakan eshi minwaacimintc Ciisahs aaniin kaye otepwehtamook kaa'ishi maacihtaawaatc. 1 Aaniin anami'aawin kaa'ishi maacihsek i'imaa Ceroosalamink kii'ishkwaaompishkaatc Ciisahs. 2 Weti kaye inahke ekii'ani ishaamakahk minwaacimowin Isriyal (Israel) ahkiink. 3 Weti kaye inahke ekii'ani'-ishaamakahk Metahcareniyan (Mediterranean) kihcikamiink piinihsh weti Oroom ahkiink.
Tashimaawaan kaye Kishemanitoo otAhcaahkwan aaniin iko mayaa kaa'ishihcikenitc. A'a Ahcaahk kii'mashkawentaakosi ahpii kiipinaasihkawaatc otepwehtamoo' eyaanitc i'imaa Ceroosalamink. Wiin kaye kaakiih pimiwinaatc, kaakii'-mashkawisii'aatc kaye otepwehtamoo', i'i kaye kaaniikaanisinitc. Mii kaye 'imaa eshi tashincikaatenikin nihtam otepwehtamook kaa'ishi kakiihkwewaatc. Opimaatisiwiniwaank kaye kii'ishinaakwanini aaniin kaa'ahpihici mashkawentaakwaninik i'i tipaacimowin, i'imaa kaye kaakii'ishi maawaci'itiwaatc otepwehtamook.
Entahsopepahkaanipii'ikaatek o'o masina'ikan
Kihkino'amawaakanak kiikwayaanciiwaatc cipapaa wiintamaakewaatc minwaacimowin 1.1-26
Ciisahs ishkwaac kaakii'inaatc, kaakii'ishi ahshotamawaatc kaye okihkino'amawaakana' 1.1-14
Ishinisha'waakan kaakii'-onaapamintc kenaapishkawaatc Cootahsan 1.15-26
Minwaacimowin kiitashincikaatek Ceroosalamink 2.1—8.3
Minwaacimowin ehtashinciketek Cootiiya ahkiink, weti kaye Sameriya ahkiink 8.4—12.25
Kaapapaaminwaacimotc Pwaal 13.1—28.31
Pwaal nihtam kiikihci maacaatc ehpapaaminwaacimotc 13.1—14.28
Kaaniikaanisiwaatc otepwehtamook kiimaawaci'itiwaatc Ceroosalamink 15.1-35
Pwaal niishink kiikihcimaacaatc 15.36—18.22
Pwaal nihsink kiikihcimaacaatc 18.23—21.16
Pwaal kiikipa'ontc Ceroosalamink, Sehsariiyaahkiink kaye, kaye tahsh Oroomink 21.17—28.31
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ojibwe Shorter Bible (Roman Script) © 2008 Canadian Bible Society