ܙܟ݂ܪܝܐ 4

ܚܸܙܘܵܐ ܚܡܝܼܫܵܝܵܐ: ܡܢܵܪܬܵܐ ܕܕܲܗܒ݂ܵܐ ܘܬܪܹܝ ܐܝܼܠܵܢܹ̈ܐ ܕܙܲܝܬܵܐ

1ܘܕܝܼܪܹܗ ܡܲܠܲܐܟ݂ܵܐ ܕܗܲܡܙܘܼܡܹܐ ܝܗ݇ܘܵܐ ܥܲܡܝܼ، ܘܡܘܼܪܥܸܫܸܢܹܗ ܐܲܝܟ݂ ܐ݇ܢܵܫܵܐ ܕܪܵܥܹܫ ܡ̣ܢ ܫܸܢܬܹܗ. 2ܘܐ݇ܡܝܼܪܹܗ ܐܸܠܝܼ، ”ܡܘܿܕܝܼ ܐܲܢ݇ܬ ܒܸܚܙܵܝܵܐ ܝܘܸܬ؟“ ܘܐ݇ܡܝܼܪܝܼ، ”ܗܵܐ، ܒܸܚܙܵܝܵܐ ܝܘܸܢ ܡܢܵܪܬܵܐ ܕܟܠܵܗ̇ ܡ̣ܢ ܕܲܗܒ݂ܵܐ ܝܠܵܗ̇، ܘܓܘܼܠܬܵܐ ܥܲܠܔ ܪܹܫܘܼܗ̇، ܘܫܒܲܥ ܫܪ̈ܵܓ݂݇ܝܵܬܹܐ ܥܲܠܘܼܗ̇، ܘܫܪ̈ܵܓ݂݇ܝܵܬܹܐ ܕܥܲܠܔ ܪܹܫܘܼܗ̇ ܟܠܔ ܚܕܵܐ ܐܝܼܬ ܠܵܗ̇ ܫܲܒ݂ܥܵܐ ܦܘܼܡܵܢܹ̈ܐ. 3ܘܬܪܹܝ ܐܝܼܠܵܢܹ̈ܐ ܕܙܲܝܬܵܐ ܐܝܼܬ ܥܲܠܘܼܗ̇، ܚܲܕ ܡ̣ܢ ܝܲܡܝܼܢܵܐ ܕܓܘܼܠܬܵܐ، ܘܚܲܕ ܥܲܠܔ ܣܸܡܵܠܘܼܗ̇.“ 4ܘܓ̰ܘܼܘܸܒ ܠܝܼ ܘܐ݇ܡܝܼܪܝܼ ܠܡܲܠܲܐܟ݂ܵܐ ܕܗܲܡܙܘܼܡܹܐ ܝܗ݇ܘܵܐ ܥܲܡܝܼ، ”ܡܘܿܕܝܼ ܝܢܵܐ ܐܲܢܹܐ، ܡܵܪܝܼ؟“ 5ܘܓ̰ܘܼܘܸܒ ܠܹܗ ܡܲܠܲܐܟ݂ܵܐ ܕܗܲܡܙܘܼܡܹܐ ܝܗ݇ܘܵܐ ܥܲܡܝܼ، ܘܐ݇ܡܝܼܪܹܗ ܐܸܠܝܼ، ”ܠܹܐ ܝܵܕܥܹܬ ܡܘܿܕܝܼ ܝܢܵܐ ܐܲܢܹܐ؟“ ܘܐ݇ܡܝܼܪܝܼ، ”ܠܵܐ ܡܵܪܝܼ.“ 6ܘܓ̰ܘܼܘܸܒ ܠܹܗ ܘܐ݇ܡܝܼܪܹܗ ܐܸܠܝܼ، ”ܐܵܗܵܐ ܝܠܹܗ ܚܲܒܪܵܐ ܕܡܵܪܝܵܐ ܠܙܘܼܪܒܵܒܹܠܔ، ’ܠܵܐ ܒܚܲܝܠܵܐ، ܘܠܵܐ ܒܥܘܼܫܢܵܐ، ܐܸܠܵܐ ܒܪܘܼܚܝܼ،‘ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ. 7’ܡܵܢܝܼ ܝܘܸܬ ܐܲܢ݇ܬ، ܝܵܐ ܛܘܼܪܵܐ ܓܘܼܪܵܐ؟ ܩܵܕ݇ܡ ܙܘܼܪܒܵܒܹܠܔ ܒܸܬ ܗܵܘܹܝܬ ܐܲܝܟ݂ ܕܸܫܬܵܐ، ܘܒܸܬ ܦܲܠܸܛ ܟܹܐܦܵܐ ܕܪܹܫܵܐ ܒܩܵܘܲܚܝܵܬܹ̈ܐ ܕ”ܫܵܦܵܩܲܬ، ܫܵܦܵܩܲܬ، ܐܸܠܘܼܗ̇!“‘“

8ܘܗܘܹܐ ܠܹܗ ܚܲܒܪܵܐ ܕܡܵܪܝܵܐ ܐܸܠܝܼ، ܒܹܐܡܵܪܵܐ، 9”ܐܝܼܕܵܬܹ̈ܐ ܕܙܘܼܪܒܵܒܹܠܔ ܫܘܼܬܐܸܣ ܠܗܘܿܢ ܐܵܗܵܐ ܒܲܝܬܵܐ، ܘܐܝܼܕܵܬܹ̈ܗ ܒܸܬ ܬܲܡܸܡܝܼ ܠܹܗ، ܘܒܸܬ ܝܵܕܥܝܼܬܘܿܢ ܕܡܵܪܝܵܐ ܚܲܝܠܬܵܢܵܐ ܫܘܼܕܪܸܢܹܗ ܠܟܸܣ ܠܵܘܟ݂ܘܿܢ. 10ܣܵܒܵܒ ܡܵܢܝܼ ܡܘܼܣܠܹܐ ܠܹܗ ܠܝܵܘܡܵܐ ܕܫܘܼܠܵܢܹ̈ܐ ܙܥܘܿܪܹ̈ܐ؟ ܘܒܸܬ ܚܵܕܝܼ، ܘܒܸܬ ܚܵܙܝܼ ܠܟܹܐܦܵܐ ܕܩܵܠܥܲܝܝܼ ܒܐܝܼܕܵܐ ܕܙܘܼܪܒܵܒܹܠܔ، ܐܲܢܹܐ ܫܒܲܥ ܥܲܝܢܹ̈ܐ ܕܡܵܪܝܵܐ ܝܢܵܐ، ܕܟܹܐ ܚܵܕܪܝܼ ܒܟܠܵܗ̇ ܐܲܪܥܵܐ.“

11ܘܓ̰ܘܼܘܸܒ ܠܝܼ ܘܐ݇ܡܝܼܪܝܼ ܐܸܠܹܗ، ”ܡܘܿܕܝܼ ܝܢܵܐ ܐܲܢܹܐ ܬܪܹܝ ܐܝܼܠܵܢܹ̈ܐ ܕܙܲܝܬܵܐ، ܥܲܠܔ ܝܲܡܝܼܢܵܐ ܕܡܢܵܪܬܵܐ ܘܥܲܠܔ ܣܸܡܵܠܘܼܗ̇؟“ 12ܘܓ̰ܘܼܘܸܒ ܠܝܼ ܓܵܗܵܐ ܕܬܲܪܬܹܝ، ܘܐ݇ܡܝܼܪܝܼ ܐܸܠܹܗ، ”ܡܘܿܕܝܼ ܝܢܵܐ ܐܲܢܹܐ ܬܪܹܝ ܦܲܥܘܵܢܹ̈ܐ ܕܐܝܼܠܵܢܹ̈ܐ ܕܙܲܝܬܵܐ ܕܒܝܲܕ ܬܪܹܝ ܠܘܼܠܹ̈ܐ ܕܕܲܗܒ݂ܵܐ ܟܹܐ ܡܲܓ̰ܪܝܼ ܡܸܫܚܵܐ ܕܕܲܗܒ݂ܵܐ؟“ 13ܘܐ݇ܡܝܼܪܹܗ ܐܸܠܝܼ، ”ܠܹܐ ܝܵܕܥܹܬ ܡܘܿܕܝܼ ܝܢܵܐ ܐܲܢܹܐ؟“ ܘܐ݇ܡܝܼܪܝܼ، ”ܠܵܐ، ܡܵܪܝܼ.“ 14ܘܐ݇ܡܝܼܪܹܗ، ”ܐܲܢܹܐ ܬܪܹܝ ܒܢܲܝ̈ ܡܸܫܚܵܐ ܝܢܵܐ، ܕܟܸܠܝܹܐ ܝܢܵܐ ܩܵܕ݇ܡ ܡܵܪܵܐ ܕܟܠܵܗ̇ ܐܲܪܥܵܐ.“

ទើបបានជ្រើសរើសហើយ៖

ܙܟ݂ܪܝܐ 4: ABTAB

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ស្វែងយល់បន្ថែមទៀតអំពី ܟܬܵܒ݂ܵܐ ܩܲܕܝܼܫܵܐ ܒܠܸܫܵܢܵܐ ܐܵܬܘܿܪܵܝܵܐ