ܙܟ݂ܪܝܐ 3

ܚܸܙܘܵܐ ܪܒ݂ܝܼܥܵܝܵܐ: ܝܼܫܘܿܥ ܟܵܗܢܵܐ ܟܸܠܝܵܐ ܩܵܕ݇ܡ ܡܲܠܲܐܟ݂ܵܐ ܕܡܵܪܝܵܐ

1ܘܡܘܼܚܙܹܐ ܠܹܗ ܐܸܠܝܼ ܠܝܼܫܘܿܥ ܟܵܗܢܵܐ ܓܘܼܪܵܐ ܟܸܠܝܵܐ ܩܵܕ݇ܡ ܡܲܠܲܐܟ݂ܵܐ ܕܡܵܪܝܵܐ، ܘܣܵܛܵܢܵܐ ܟܸܠܝܵܐ ܥܲܠܔ ܝܲܡܝܼܢܹܗ ܠܸܗܘܵܝܵܐ ܠܕܲܠܩܘܼܒ݂ܠܹܗ. 2ܘܐ݇ܡܝܼܪܹܗ ܡܵܪܝܵܐ ܠܣܵܛܵܢܵܐ، ”ܢܵܓ̰ܹܘ ܡܵܪܝܵܐ ܒܝܼܘܼܟ݂، ܝܵܐ ܣܵܛܵܢܵܐ؛ ܢܵܓ̰ܹܘ ܡܵܪܝܵܐ ܒܝܼܘܼܟ݂ ܗ̇ܘ ܕܓܘܼܒܹܐ ܠܹܗ ܠܐܘܿܪܸܫܠܸܡ. ܠܹܐ ܝܠܹܗ ܐܵܗܵܐ ܝܼܫܘܿܥ ܟܵܗܢܵܐ ܒܵܕܘܿܘܵܐ ܦܘܼܨܝܵܐ ܡ̣ܢ ܢܘܼܪܵܐ؟“ 3ܘܝܼܫܘܿܥ ܠܒ݂ܝܼܫܵܐ ܝܗ݇ܘܵܐ ܓ̰ܘܼܠܹ̈ܐ ܫܸܚܬܵܢܹ̈ܐ ܘܟܸܠܝܵܐ ܩܵܕ݇ܡ ܡܲܠܲܐܟ݂ܵܐ. 4ܘܓ̰ܘܼܘܸܒ ܠܹܗ ܡܲܠܲܐܟ݂ܵܐ ܘܐ݇ܡܝܼܪܹܗ ܠܐܵܢܝܼ ܕܟܸܠܝܹܐ ܝܗ݇ܘܵܘ ܩܵܕ݇ܡܘܼܗܝ، ”ܫܲܠܚܘܼܢ ܡܥܲܠܘܼܗܝ ܓ̰ܘܼܠܹ̈ܐ ܫܸܚܬܵܢܹ̈ܐ.“ ܘܐ݇ܡܝܼܪܹܗ ܐܸܠܹܗ، ”ܚܙܝܼ، ܡܘܼܥܒܸܪܝܼ ܡܥܲܠܘܼܟ݂ ܥܵܘܠܘܼܟ݂، ܘܒܸܬ ܡܲܠܒܸܫܸܢܘܼܟ݂ ܓ̰ܘܼܠܹ̈ܐ ܛܝܼܡܵܢܹ̈ܐ.“ 5ܘܐ݇ܡܝܼܪܝܼ، ”ܡܲܬܒ݂ܝܼ ܟܪܲܟ݂ܬܵܐ ܕܟ݂ܝܼܬܵܐ ܥܲܠܔ ܪܹܫܹܗ.“ ܘܡܘܼܬܸܒ݂ ܠܗܘܿܢ ܟܪܲܟ݂ܬܵܐ ܕܟ݂ܝܼܬܵܐ ܥܲܠܔ ܪܹܫܹܗ، ܘܩܲܡ ܡܲܠܒܸܫܝܼ ܠܹܗ ܓ̰ܘܼܠܹ̈ܐ ܛܝܼܡܵܢܹ̈ܐ. ܘܡܲܠܲܐܟ݂ܵܐ ܕܡܵܪܝܵܐ ܟܸܠܝܵܐ ܝܗ݇ܘܵܐ.

6ܘܣܗܝܼܕ ܠܹܗ ܡܲܠܲܐܟ݂ܵܐ ܕܡܵܪܝܵܐ ܒܝܼܫܘܿܥ، ܒܹܐܡܵܪܵܐ، 7”ܗܲܕܟ݂ܵܐ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ’ܐܸܢ ܒܐܘܼܪ̈ܚܵܬܝܼ ܚܵܕܪܹܬ، ܘܐܸܢ ܦܘܼܩܕܵܢܝܼ̈ ܢܵܛܪܹܬ، ܐܲܢ݇ܬ ܒܸܬ ܕܵܝܢܹܬ ܠܒܲܝܬܝܼ، ܘܒܸܬ ܢܵܛܪܹܬ ܠܕܵܪ̈ܵܬܝܼ، ܘܒܸܬ ܝܵܗ݇ܒܹܢ ܐܸܠܘܼܟ݂ ܕܚܵܕܪܹܬ ܒܹܝܠܔ ܕܐܲܢܹܐ ܕܝܼܢܵܐ ܟܸܠܝܹܐ.

ܐ݇ܬܵܝܬܵܐ ܕܢܘܼܪ݇ܒ݂ܵܐ

8ܕܹܐ ܫܡܸܥ، ܝܼܫܘܿܥ ܟܵܗܢܵܐ ܓܘܼܪܵܐ، ܐܲܢ݇ܬ ܘܚܲܒ݂ܪ̈ܵܘܵܬܘܼܟ݂ ܕܝ݇ܬܝܼܒܹܐ ܝܢܵܐ ܩܵܕ݇ܡܘܼܟ݂، ܣܵܒܵܒ ܐ݇ܢܵܫܹ̈ܐ ܕܢܝܼܫܲܢܩܵܐ ܥܓ̰ܝܼܒܵܐ ܝܢܵܐ ܐܵܢܝܼ، ܣܵܒܵܒ ܗܵܐ، ܐܵܢܵܐ ܡܲܝܬܘܼܝܹܐ ܝܘܸܢ ܪܹܓܝܼ، ܢܘܼܪ݇ܒ݂ܵܐ. 9ܣܵܒܵܒ ܗܵܐ، ܟܹܐܦܵܐ ܕܡܘܼܬܸܒ݂ ܠܝܼ ܩܵܕ݇ܡ ܝܼܫܘܿܥ، ܥܲܠܔ ܚܲܕ ܟܹܐܦܵܐ ܫܒܲܥ ܥܲܝܢܹ̈ܐ، ܗܵܐ، ܐܵܢܵܐ ܒܸܢܩܵܪܵܐ ܝܘܸܢ ܟܬܝܼܒ݂ܬܹܗ،‘ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ’ܘܒܸܬ ܡܲܥܒܸܪܸܢ ܥܵܘܠܵܐ ܕܗ̇ܝ ܐܲܪܥܵܐ ܒܚܲܕ ܝܵܘܡܵܐ. 10ܒܗ̇ܘ ܝܵܘܡܵܐ،‘ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ’ܒܸܬ ܩܵܪܹܐ ܐ݇ܢܵܫܵܐ ܠܚܲܒ݂ܪܹܗ ܠܸܬܝܵܒ݂ܵܐ ܠܬܚܘܿܬ ܓܸܦܬܹܗ ܘܠܬܚܘܿܬ ܬܹܐܢܹܗ.‘“

ទើបបានជ្រើសរើសហើយ៖

ܙܟ݂ܪܝܐ 3: ABTAB

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ស្វែងយល់បន្ថែមទៀតអំពី ܟܬܵܒ݂ܵܐ ܩܲܕܝܼܫܵܐ ܒܠܸܫܵܢܵܐ ܐܵܬܘܿܪܵܝܵܐ