ܣܘܥܪ̈ܢܐ 11
11
ܫܸܡܥܘܿܢ ܟܹܐܦܵܐ ܓܵܘ ܐܘܿܪܸܫܠܸܡ
1ܫܡܝܼܥ ܠܗܘܿܢ ܫܠܝܼܚܹ̈ܐ ܘܐܲܚܘܿܢܘܵܬܹ̈ܐ ܕܓܵܘ ܝܼܗܘܼܕ ܕܐܘܼܦ ܐܸܡܘܵܬܹ̈ܐ ܩܘܼܒܸܠ ܠܗܘܿܢ ܗܹܡܸܙܡܵܢ ܕܐܲܠܵܗܵܐ. 2ܐܝܼܡܲܢ ܕܐ݇ܣܝܼܩ ܠܹܗ ܫܸܡܥܘܿܢ ܟܹܐܦܵܐ ܠܐܘܿܪܸܫܠܸܡ، ܕܪܝܼܫ ܠܗܘܿܢ ܥܲܡܹܗ ܡܗܘܼܡܢܹ̈ܐ ܓܙܝܼܪܹ̈ܐ، 3ܒܹܐܡܵܪܵܐ، ”ܥܒ݂ܝܼܪܘܼܟ݂ ܠܟܸܣ ܐ݇ܢܵܫܹ̈ܐ ܥܘܼܪ̈ܠܹܐ ܘܐ݇ܟ݂ܝܼܠ ܠܘܼܟ݂ ܥܲܡܲܝܗܝ.“ 4ܫܘܼܪܹܐ ܠܹܗ ܫܸܡܥܘܿܢ ܟܹܐܦܵܐ ܗܲܩܘܼܝܹܐ ܐܸܠܲܝܗܝ ܪܹܐܙܵܢܵܐܝܼܬ ܟܠ ܡܸܢܕܝܼ ܕܗܘܹܐ ܠܹܗ، ܒܹܐܡܵܪܵܐ، 5”ܐܵܢܵܐ ܨܲܠܘܼܝܹܐ ܝܘܸܢ ܗ݇ܘܵܐ ܓܵܘ ܡܕܝܼܢ݇ܬܵܐ ܕܝܘܿܦܹܐ، ܘܢܦܝܼܠ ܠܹܗ ܥܲܠܝܼ ܬܸܡܗܵܐ ܘܚܙܹܐ ܠܝܼ ܚܸܙܘܵܐ، ܚܲܕ ܡܵܐܢܵܐ ܐܲܝܟ݂ ܟܸܬܵܢܵܐ ܓܘܼܪܵܐ، ܐ݇ܣܝܼܪܵܐ ܒܐܲܪܒܲܥ ܩܘܼܪ̈ܢܝܼܵܬܹܐ ܘܒܸܨܠܵܝܵܐ ܡ̣ܢ ܫܡܲܝܵܐ، ܘܐ݇ܬܹܐ ܠܹܗ ܠܟܸܣ ܠܝܼ. 6”ܚܝܼܪܝܼ ܓܵܘܹܗ ܘܚܙܹܐ ܠܝܼ ܗܲܝܘܵܢܹ̈ܐ ܕܐܲܪܥܵܐ ܕܐܲܪܒܲܥ ܐܲܩܠܵܬܹ̈ܐ، ܘܕܵܒܹ̈ܐ ܘܪܸ̈ܓ̰ܒܹܐ، ܘܛܲܝܪܹ̈ܐ ܕܫܡܲܝܵܐ، 7”ܘܫܡܝܼܥ ܠܝܼ ܩܵܠܵܐ ܒܹܐܡܵܪܵܐ ܐܸܠܝܼ، ’ܟܹܐܦܵܐ، ܩܘܼܡ، ܦܪܘܿܡ ܘܐ݇ܟ݂ܘܿܠ.‘ 8”ܐܵܢܵܐ ܓ̰ܘܼܘܸܒ ܠܝܼ، ’ܚܵܣ ܠܝܼ ܡܵܪܝܼ، ܠܹܐ ܝܠܹܗ ܥܒ݂ܝܼܪܵܐ ܠܦܘܼܡܝܼ ܡܸܢܕܝܼ ܠܵܐ ܕܸܟ݂ܝܵܐ ܘܛܲܡܐܵܐ.‘ 9”ܓܵܗܵܐ ܕܬܲܪܬܹܝ ܐ݇ܡܝܼܪܹܗ ܐܸܠܝܼ ܩܵܠܵܐ ܡ̣ܢ ܫܡܲܝܵܐ، ’ܡܸܢܕܝܼ ܕܐܲܠܵܗܵܐ ܕܘܼܟܹܐ ܠܹܗ، ܐܲܢ݇ܬ ܠܵܐ ܩܵܪܹܝܬ ܠܹܗ ܛܲܡܐܵܐ.‘ 10”ܗܲܕܟ݂ܵܐ ܗܘܹܐ ܠܵܗ̇ ܬܠܵܬ ܓܵܗܹ̈ܐ. ܗ̇ܝܓܵܗ ܦܝܼܫ ܠܹܗ ܡܘܼܪܡܵܐ ܡܵܐܢܵܐ ܠܫܡܲܝܵܐ. 11”ܒܗ̇ܝ ܥܕܵܢܵܐ ܬܠܵܬܵܐ ܓܲܒ݂ܪܹ̈ܐ ܕܦܝܼܫܹܐ ܝܗ݇ܘܵܘ ܫܘܼܕܪܹܐ ܠܟܸܣ ܠܝܼ ܡ̣ܢ ܩܹܣܲܪܝܵܐ، ܟܠܹܐ ܠܗܘܿܢ ܩܵܕ݇ܡ ܬܲܪܥܵܐ ܕܒܲܝܬܵܐ ܕܫܸܪܝܵܐ ܝܘܸܢ ܗ݇ܘܵܐ ܓܵܘܹܗ. 12”ܐ݇ܡܝܼܪܹܗ ܐܸܠܝܼ ܪܘܼܚܵܐ ܕܐܵܙܹܠ݇ܢ ܥܲܡܲܝܗܝ ܕܠܵܐ ܡܲܟܠܵܝܬܵܐ. ܘܐ݇ܬܹܐ ܠܗܘܿܢ ܥܲܡܝܼ ܐܘܼܦ ܐܲܢܹܐ ܐܸܫܬܵܐ ܐܲܚܘܿܢܘܵܬܹ̈ܐ، ܘܥܒ݂ܝܼܪܲܢ ܠܒܲܝܬܵܐ ܕܗ̇ܘ ܐ݇ܢܵܫܵܐ. 13”ܘܗ̇ܘ ܗܘܼܩܹܐ ܠܹܗ ܐܸܠܲܢ ܕܵܐܟ݂ܝܼ ܚܙܹܐ ܠܹܗ ܡܲܠܲܐܟ݂ܵܐ ܓܵܘ ܒܲܝܬܹܗ ܘܐ݇ܡܝܼܪܹܗ ܐܸܠܹܗ، ’ܫܲܕܸܪ ܠܝܘܿܦܹܐ ܒܵܬ݇ܪ ܫܸܡܥܘܿܢ ܕܦܝܵܫܵܐ ܝܠܹܗ ܩܸܪܝܵܐ ܟܹܐܦܵܐ، 14”’ܗ̇ܘ ܒܸܬ ܗܲܡܙܸܡ ܥܲܡܘܼܟ݂ ܗܹܡܸܙܡܵܢܹ̈ܐ ܕܒܝܼܲܝܗܝ ܒܸܬ ܦܵܪܩܹܬ، ܐܲܢ݇ܬ ܘܟܠܹܗ ܒܲܝܬܘܼܟ݂.‘ 15”ܟܲܕ ܫܘܼܪܹܐ ܠܝܼ ܠܗܲܡܙܘܼܡܹܐ، ܨܠܹܐ ܠܹܗ ܪܘܼܚܵܐ ܕܩܘܼܕܫܵܐ ܥܲܠܲܝܗܝ ܐܲܝܟ݂ ܕܨܠܹܐ ܠܹܗ ܥܲܠܲܢ ܒܫܘܼܪܵܝܵܐ. 16”ܗ̇ܝܓܵܗ ܕܟ݂ܝܼܪܝܼ ܗܹܡܸܙܡܵܢܹ̈ܐ ܕܡܵܪܲܢ، ܕܐ݇ܡܝܼܪܹܗ، ’ܝܘܿܚܲܢܵܢ ܡܘܼܥܡܸܕ ܠܹܗ ܒܡ̈ܝܼܵܐ، ܐܝܼܢܵܐ ܐܲܚܬܘܿܢ ܒܸܬ ܥܵܡܕܝܼܬܘܿܢ ܒܪܘܼܚܵܐ ܕܩܘܼܕܫܵܐ.‘ 17”ܐܸܢ ܗܲܕܟ݂ܵܐ ܐܲܠܵܗܵܐ ܝܘܼܗ݇ܒܸܠ ܠܹܗ ܐܸܠܲܝܗܝ ܗ̇ܝ ܡܵܘܗܲܒ݂ܬܵܐ ܕܝܘܼܗ݇ܒܸܠ ܠܹܗ ܐܸܠܲܢ ܐܝܼܡܲܢ ܕܗܘܼܡܸܢܲܢ ܒܡܵܪܲܢ ܝܼܫܘܿܥ ܡܫܝܼܚܵܐ، ܡܵܢܝܼ ܝܘܸܢ ܗ݇ܘܵܐ ܐܵܢܵܐ ܕܡܵܨܹܝܢ ܗ݇ܘܵܐ ܠܡܲܟܠܘܼܝܹܐ ܠܐܲܠܵܗܵܐ؟“ 18ܐܝܼܡܲܢ ܕܫܡܝܼܥ ܠܗܘܿܢ ܐܲܢܹܐ ܗܹܡܸܙܡܵܢܹ̈ܐ، ܫܬܝܼܩ ܠܗܘܿܢ، ܘܫܘܼܒܸܚ ܠܗܘܿܢ ܠܐܲܠܵܗܵܐ، ܒܹܐܡܵܪܵܐ، ”ܗܲܕܟ݂ܵܐ ܐܲܠܵܗܵܐ ܥܒ݂ܝܼܕ ܠܹܗ ܐܘܼܦ ܠܐܸܡܘܵܬܹ̈ܐ ܕܬܲܘܸܒܝܼ ܘܚܵܝܝܼ.“
ܥܹܕܬܵܐ ܓܵܘ ܐܵܢܛܝܘܿܟ݂ܝ
19ܐܵܢܝܼ ܕܒܘܼܪܒܸܙ ܠܗܘܿܢ ܡ̣ܢ ܐܘܼܠܨܵܢܵܐ ܕܗܘܹܐ ܠܹܗ ܒܘܼܬ ܩܸܛܠܵܐ ܕܐܸܣܛܲܦܵܢܘܿܣ، ܡܛܹܐ ܠܗܘܿܢ ܗܲܠ ܦܹܘܢܝܼܩܹܐ، ܘܩܸܘܦܪܘܿܣ، ܘܐܵܢܛܝܘܿܟ݂ܝ، ܟܲܕ ܠܐ݇ܢܵܫܵܐ ܠܹܐ ܡܲܟܪܸܙܝܼ ܗ݇ܘܵܘ ܐܸܠܵܐ ܠܝܗܘܼܕܵܝܹ̈ܐ. 20ܐܝܼܢܵܐ ܐܝܼܬ ܗ݇ܘܵܘ ܚܲܕ݇ܟܡܵܐ ܡܸܢܲܝܗܝ ܡ̣ܢ ܩܸܘܦܪܘܿܣ ܘܡ̣ܢ ܩܸܘܪܝܼܢܹܐ. ܐܲܢܹܐ ܐ݇ܙܝܼܠ ܠܗܘܿܢ ܠܐܵܢܛܝܘܿܟ݂ܝ ܘܡܘܼܟܪܸܙ ܠܗܘܿܢ ܠܝܵܘܢܵܝܹ̈ܐ ܒܘܼܬ ܡܵܪܲܢ ܝܼܫܘܿܥ. 21ܘܐܝܼܕܵܐ ܕܡܵܪܝܵܐ ܥܲܡܲܝܗܝ ܝܗ݇ܘܵܐ، ܘܪܵܒܵܐ ܗܘܼܡܸܢܗܘܿܢ ܘܕܝܼܪܗܘܿܢ ܠܟܸܣ ܡܵܪܝܵܐ. 22ܘܡܛܹܐ ܠܹܗ ܚܲܒܪܵܐ ܒܘܼܬ ܐܵܗܵܐ ܠܥܹܕܬܵܐ ܕܓܵܘ ܐܘܿܪܸܫܠܸܡ، ܘܫܘܼܕܸܪܗܘܿܢ ܒܲܪܢܒ݂ܵܐ ܠܐܵܢܛܝܘܿܟ݂ܝ. 23ܐܝܼܡܲܢ ܕܡܛܹܐ ܠܹܗ ܬܵܡܵܐ ܘܚܙܹܐ ܠܹܗ ܡܘܿܕܝܼ ܫܵܦܵܩܲܬ ܕܐܲܠܵܗܵܐ ܒܸܥܒ݂ܵܕܵܐ ܝܗ݇ܘܵܐ، ܚܕܹܐ ܠܹܗ، ܘܛܠܝܼܒ ܠܹܗ ܡܸܢܲܝܗܝ ܕܬܵܒܥܝܼ ܠܡܵܪܝܵܐ ܡ̣ܢ ܟܠܹܗ ܠܸܒܲܝܗܝ، 24ܣܵܒܵܒ ܐ݇ܢܵܫܵܐ ܛܵܒ݂ܵܐ ܝܗ݇ܘܵܐ، ܘܡܸܠܝܵܐ ܡ̣ܢ ܪܘܼܚܵܐ ܕܩܘܼܕܫܵܐ ܘܗܲܝܡܵܢܘܼܬܵܐ، ܘܪܵܒܵܐ ܗܘܼܡܸܢܗܘܿܢ ܒܡܵܪܲܢ.
25ܗ̇ܝܓܵܗ ܐ݇ܙܝܼܠ ܠܹܗ ܒܲܪܢܒ݂ܵܐ ܠܛܵܪܣܘܿܣ ܒܸܛܥܵܝܵܐ ܠܫܵܐܘܿܠ. 26ܘܟܲܕ ܡܘܼܫ݇ܟ̰ܸܚ ܠܹܗ، ܡܘܼܐܬܹܐ ܠܹܗ ܥܲܡܹܗ ܠܐܵܢܛܝܘܿܟ݂ܝ. ܩܵܐ ܡܸܬܚܵܐ ܕܚܕܵܐ ܫܹܢ݇ܬܵܐ ܒܲܪܢܒ݂ܵܐ ܘܫܵܐܘܿܠ ܟܹܐ ܓ̰ܵܡܥܝܼ ܗ݇ܘܵܘ ܥܲܡ ܥܹܕܬܵܐ ܘܡܲܠܦܝܼ ܗ݇ܘܵܘ ܡܸܢܝܵܢܵܐ ܓܘܼܪܵܐ ܡ̣ܢ ܐ݇ܢܵܫܹ̈ܐ. ܘܬܲܠܡܝܼ̈ܕܹܐ ܦܝܼܫ ܠܗܘܿܢ ܩܸܪܝܹܐ ܡܫܝܼܚܵܝܹ̈ܐ ܩܵܕ݇ܡܵܝܬܵܐ ܓܵܘ ܐܵܢܛܝܘܿܟ݂ܝ.
27ܒܗ̇ܝ ܥܕܵܢܵܐ ܐ݇ܬܹܐ ܠܗܘܿܢ ܚܲܕ݇ܟܡܵܐ ܢܒ݂ܝܼܹ̈ܐ ܡ̣ܢ ܐܘܿܪܸܫܠܸܡ ܠܐܵܢܛܝܘܿܟ݂ܝ. 28ܩܝܼܡ ܠܹܗ ܚܲܕ ܡܸܢܲܝܗܝ ܫܸܡܹܗ ܐܵܓ݂ܵܒ݂ܘܿܣ ܘܢܘܼܒܹܐ ܠܹܗ ܒܪܘܼܚܵܐ ܕܒܸܬ ܗܵܘܹܐ ܟܸܦܢܵܐ ܓܘܼܪܵܐ ܒܟܠܵܗ̇ ܐܲܪܥܵܐ. ܘܐܵܗܵܐ ܟܸܦܢܵܐ ܗܘܹܐ ܠܹܗ ܒܥܕܵܢܵܐ ܕܩܠܵܘܕܝܘܿܣ ܩܹܣܲܪ. 29ܘܬܲܠܡܝܼ̈ܕܹܐ، ܟܠ ܚܲܕ ܐܲܝܟ݂ ܡܨܵܝܬܹܗ، ܡܘܼܚܫܸܚ ܠܗܘܿܢ ܕܫܲܕܪܝܼ ܗܵܝܲܪܬܵܐ ܩܵܐ ܐܲܚܘܿܢܘܵܬܹ̈ܐ ܕܒܸܚܵܝܵܐ ܝܗ݇ܘܵܘ ܓܵܘ ܝܼܗܘܼܕ. 30ܥܒ݂ܝܼܕ ܠܗܘܿܢ ܐܵܗܵܐ ܒܫܵܕܲܪܬܵܐ ܕܗܵܝܲܪܬܵܐ ܒܝܲܕ ܒܲܪܢܒ݂ܵܐ ܘܫܵܐܘܿܠ ܠܟܸܣ ܚܘܵܪ̈ܕܸܩܢܹܐ.
ទើបបានជ្រើសរើសហើយ៖
ܣܘܥܪ̈ܢܐ 11: ABTAB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Aramaic Bible Translation Assyrian Bible © 2025 Aramaic Bible Translation
ܣܘܥܪ̈ܢܐ 11
11
ܫܸܡܥܘܿܢ ܟܹܐܦܵܐ ܓܵܘ ܐܘܿܪܸܫܠܸܡ
1ܫܡܝܼܥ ܠܗܘܿܢ ܫܠܝܼܚܹ̈ܐ ܘܐܲܚܘܿܢܘܵܬܹ̈ܐ ܕܓܵܘ ܝܼܗܘܼܕ ܕܐܘܼܦ ܐܸܡܘܵܬܹ̈ܐ ܩܘܼܒܸܠ ܠܗܘܿܢ ܗܹܡܸܙܡܵܢ ܕܐܲܠܵܗܵܐ. 2ܐܝܼܡܲܢ ܕܐ݇ܣܝܼܩ ܠܹܗ ܫܸܡܥܘܿܢ ܟܹܐܦܵܐ ܠܐܘܿܪܸܫܠܸܡ، ܕܪܝܼܫ ܠܗܘܿܢ ܥܲܡܹܗ ܡܗܘܼܡܢܹ̈ܐ ܓܙܝܼܪܹ̈ܐ، 3ܒܹܐܡܵܪܵܐ، ”ܥܒ݂ܝܼܪܘܼܟ݂ ܠܟܸܣ ܐ݇ܢܵܫܹ̈ܐ ܥܘܼܪ̈ܠܹܐ ܘܐ݇ܟ݂ܝܼܠ ܠܘܼܟ݂ ܥܲܡܲܝܗܝ.“ 4ܫܘܼܪܹܐ ܠܹܗ ܫܸܡܥܘܿܢ ܟܹܐܦܵܐ ܗܲܩܘܼܝܹܐ ܐܸܠܲܝܗܝ ܪܹܐܙܵܢܵܐܝܼܬ ܟܠ ܡܸܢܕܝܼ ܕܗܘܹܐ ܠܹܗ، ܒܹܐܡܵܪܵܐ، 5”ܐܵܢܵܐ ܨܲܠܘܼܝܹܐ ܝܘܸܢ ܗ݇ܘܵܐ ܓܵܘ ܡܕܝܼܢ݇ܬܵܐ ܕܝܘܿܦܹܐ، ܘܢܦܝܼܠ ܠܹܗ ܥܲܠܝܼ ܬܸܡܗܵܐ ܘܚܙܹܐ ܠܝܼ ܚܸܙܘܵܐ، ܚܲܕ ܡܵܐܢܵܐ ܐܲܝܟ݂ ܟܸܬܵܢܵܐ ܓܘܼܪܵܐ، ܐ݇ܣܝܼܪܵܐ ܒܐܲܪܒܲܥ ܩܘܼܪ̈ܢܝܼܵܬܹܐ ܘܒܸܨܠܵܝܵܐ ܡ̣ܢ ܫܡܲܝܵܐ، ܘܐ݇ܬܹܐ ܠܹܗ ܠܟܸܣ ܠܝܼ. 6”ܚܝܼܪܝܼ ܓܵܘܹܗ ܘܚܙܹܐ ܠܝܼ ܗܲܝܘܵܢܹ̈ܐ ܕܐܲܪܥܵܐ ܕܐܲܪܒܲܥ ܐܲܩܠܵܬܹ̈ܐ، ܘܕܵܒܹ̈ܐ ܘܪܸ̈ܓ̰ܒܹܐ، ܘܛܲܝܪܹ̈ܐ ܕܫܡܲܝܵܐ، 7”ܘܫܡܝܼܥ ܠܝܼ ܩܵܠܵܐ ܒܹܐܡܵܪܵܐ ܐܸܠܝܼ، ’ܟܹܐܦܵܐ، ܩܘܼܡ، ܦܪܘܿܡ ܘܐ݇ܟ݂ܘܿܠ.‘ 8”ܐܵܢܵܐ ܓ̰ܘܼܘܸܒ ܠܝܼ، ’ܚܵܣ ܠܝܼ ܡܵܪܝܼ، ܠܹܐ ܝܠܹܗ ܥܒ݂ܝܼܪܵܐ ܠܦܘܼܡܝܼ ܡܸܢܕܝܼ ܠܵܐ ܕܸܟ݂ܝܵܐ ܘܛܲܡܐܵܐ.‘ 9”ܓܵܗܵܐ ܕܬܲܪܬܹܝ ܐ݇ܡܝܼܪܹܗ ܐܸܠܝܼ ܩܵܠܵܐ ܡ̣ܢ ܫܡܲܝܵܐ، ’ܡܸܢܕܝܼ ܕܐܲܠܵܗܵܐ ܕܘܼܟܹܐ ܠܹܗ، ܐܲܢ݇ܬ ܠܵܐ ܩܵܪܹܝܬ ܠܹܗ ܛܲܡܐܵܐ.‘ 10”ܗܲܕܟ݂ܵܐ ܗܘܹܐ ܠܵܗ̇ ܬܠܵܬ ܓܵܗܹ̈ܐ. ܗ̇ܝܓܵܗ ܦܝܼܫ ܠܹܗ ܡܘܼܪܡܵܐ ܡܵܐܢܵܐ ܠܫܡܲܝܵܐ. 11”ܒܗ̇ܝ ܥܕܵܢܵܐ ܬܠܵܬܵܐ ܓܲܒ݂ܪܹ̈ܐ ܕܦܝܼܫܹܐ ܝܗ݇ܘܵܘ ܫܘܼܕܪܹܐ ܠܟܸܣ ܠܝܼ ܡ̣ܢ ܩܹܣܲܪܝܵܐ، ܟܠܹܐ ܠܗܘܿܢ ܩܵܕ݇ܡ ܬܲܪܥܵܐ ܕܒܲܝܬܵܐ ܕܫܸܪܝܵܐ ܝܘܸܢ ܗ݇ܘܵܐ ܓܵܘܹܗ. 12”ܐ݇ܡܝܼܪܹܗ ܐܸܠܝܼ ܪܘܼܚܵܐ ܕܐܵܙܹܠ݇ܢ ܥܲܡܲܝܗܝ ܕܠܵܐ ܡܲܟܠܵܝܬܵܐ. ܘܐ݇ܬܹܐ ܠܗܘܿܢ ܥܲܡܝܼ ܐܘܼܦ ܐܲܢܹܐ ܐܸܫܬܵܐ ܐܲܚܘܿܢܘܵܬܹ̈ܐ، ܘܥܒ݂ܝܼܪܲܢ ܠܒܲܝܬܵܐ ܕܗ̇ܘ ܐ݇ܢܵܫܵܐ. 13”ܘܗ̇ܘ ܗܘܼܩܹܐ ܠܹܗ ܐܸܠܲܢ ܕܵܐܟ݂ܝܼ ܚܙܹܐ ܠܹܗ ܡܲܠܲܐܟ݂ܵܐ ܓܵܘ ܒܲܝܬܹܗ ܘܐ݇ܡܝܼܪܹܗ ܐܸܠܹܗ، ’ܫܲܕܸܪ ܠܝܘܿܦܹܐ ܒܵܬ݇ܪ ܫܸܡܥܘܿܢ ܕܦܝܵܫܵܐ ܝܠܹܗ ܩܸܪܝܵܐ ܟܹܐܦܵܐ، 14”’ܗ̇ܘ ܒܸܬ ܗܲܡܙܸܡ ܥܲܡܘܼܟ݂ ܗܹܡܸܙܡܵܢܹ̈ܐ ܕܒܝܼܲܝܗܝ ܒܸܬ ܦܵܪܩܹܬ، ܐܲܢ݇ܬ ܘܟܠܹܗ ܒܲܝܬܘܼܟ݂.‘ 15”ܟܲܕ ܫܘܼܪܹܐ ܠܝܼ ܠܗܲܡܙܘܼܡܹܐ، ܨܠܹܐ ܠܹܗ ܪܘܼܚܵܐ ܕܩܘܼܕܫܵܐ ܥܲܠܲܝܗܝ ܐܲܝܟ݂ ܕܨܠܹܐ ܠܹܗ ܥܲܠܲܢ ܒܫܘܼܪܵܝܵܐ. 16”ܗ̇ܝܓܵܗ ܕܟ݂ܝܼܪܝܼ ܗܹܡܸܙܡܵܢܹ̈ܐ ܕܡܵܪܲܢ، ܕܐ݇ܡܝܼܪܹܗ، ’ܝܘܿܚܲܢܵܢ ܡܘܼܥܡܸܕ ܠܹܗ ܒܡ̈ܝܼܵܐ، ܐܝܼܢܵܐ ܐܲܚܬܘܿܢ ܒܸܬ ܥܵܡܕܝܼܬܘܿܢ ܒܪܘܼܚܵܐ ܕܩܘܼܕܫܵܐ.‘ 17”ܐܸܢ ܗܲܕܟ݂ܵܐ ܐܲܠܵܗܵܐ ܝܘܼܗ݇ܒܸܠ ܠܹܗ ܐܸܠܲܝܗܝ ܗ̇ܝ ܡܵܘܗܲܒ݂ܬܵܐ ܕܝܘܼܗ݇ܒܸܠ ܠܹܗ ܐܸܠܲܢ ܐܝܼܡܲܢ ܕܗܘܼܡܸܢܲܢ ܒܡܵܪܲܢ ܝܼܫܘܿܥ ܡܫܝܼܚܵܐ، ܡܵܢܝܼ ܝܘܸܢ ܗ݇ܘܵܐ ܐܵܢܵܐ ܕܡܵܨܹܝܢ ܗ݇ܘܵܐ ܠܡܲܟܠܘܼܝܹܐ ܠܐܲܠܵܗܵܐ؟“ 18ܐܝܼܡܲܢ ܕܫܡܝܼܥ ܠܗܘܿܢ ܐܲܢܹܐ ܗܹܡܸܙܡܵܢܹ̈ܐ، ܫܬܝܼܩ ܠܗܘܿܢ، ܘܫܘܼܒܸܚ ܠܗܘܿܢ ܠܐܲܠܵܗܵܐ، ܒܹܐܡܵܪܵܐ، ”ܗܲܕܟ݂ܵܐ ܐܲܠܵܗܵܐ ܥܒ݂ܝܼܕ ܠܹܗ ܐܘܼܦ ܠܐܸܡܘܵܬܹ̈ܐ ܕܬܲܘܸܒܝܼ ܘܚܵܝܝܼ.“
ܥܹܕܬܵܐ ܓܵܘ ܐܵܢܛܝܘܿܟ݂ܝ
19ܐܵܢܝܼ ܕܒܘܼܪܒܸܙ ܠܗܘܿܢ ܡ̣ܢ ܐܘܼܠܨܵܢܵܐ ܕܗܘܹܐ ܠܹܗ ܒܘܼܬ ܩܸܛܠܵܐ ܕܐܸܣܛܲܦܵܢܘܿܣ، ܡܛܹܐ ܠܗܘܿܢ ܗܲܠ ܦܹܘܢܝܼܩܹܐ، ܘܩܸܘܦܪܘܿܣ، ܘܐܵܢܛܝܘܿܟ݂ܝ، ܟܲܕ ܠܐ݇ܢܵܫܵܐ ܠܹܐ ܡܲܟܪܸܙܝܼ ܗ݇ܘܵܘ ܐܸܠܵܐ ܠܝܗܘܼܕܵܝܹ̈ܐ. 20ܐܝܼܢܵܐ ܐܝܼܬ ܗ݇ܘܵܘ ܚܲܕ݇ܟܡܵܐ ܡܸܢܲܝܗܝ ܡ̣ܢ ܩܸܘܦܪܘܿܣ ܘܡ̣ܢ ܩܸܘܪܝܼܢܹܐ. ܐܲܢܹܐ ܐ݇ܙܝܼܠ ܠܗܘܿܢ ܠܐܵܢܛܝܘܿܟ݂ܝ ܘܡܘܼܟܪܸܙ ܠܗܘܿܢ ܠܝܵܘܢܵܝܹ̈ܐ ܒܘܼܬ ܡܵܪܲܢ ܝܼܫܘܿܥ. 21ܘܐܝܼܕܵܐ ܕܡܵܪܝܵܐ ܥܲܡܲܝܗܝ ܝܗ݇ܘܵܐ، ܘܪܵܒܵܐ ܗܘܼܡܸܢܗܘܿܢ ܘܕܝܼܪܗܘܿܢ ܠܟܸܣ ܡܵܪܝܵܐ. 22ܘܡܛܹܐ ܠܹܗ ܚܲܒܪܵܐ ܒܘܼܬ ܐܵܗܵܐ ܠܥܹܕܬܵܐ ܕܓܵܘ ܐܘܿܪܸܫܠܸܡ، ܘܫܘܼܕܸܪܗܘܿܢ ܒܲܪܢܒ݂ܵܐ ܠܐܵܢܛܝܘܿܟ݂ܝ. 23ܐܝܼܡܲܢ ܕܡܛܹܐ ܠܹܗ ܬܵܡܵܐ ܘܚܙܹܐ ܠܹܗ ܡܘܿܕܝܼ ܫܵܦܵܩܲܬ ܕܐܲܠܵܗܵܐ ܒܸܥܒ݂ܵܕܵܐ ܝܗ݇ܘܵܐ، ܚܕܹܐ ܠܹܗ، ܘܛܠܝܼܒ ܠܹܗ ܡܸܢܲܝܗܝ ܕܬܵܒܥܝܼ ܠܡܵܪܝܵܐ ܡ̣ܢ ܟܠܹܗ ܠܸܒܲܝܗܝ، 24ܣܵܒܵܒ ܐ݇ܢܵܫܵܐ ܛܵܒ݂ܵܐ ܝܗ݇ܘܵܐ، ܘܡܸܠܝܵܐ ܡ̣ܢ ܪܘܼܚܵܐ ܕܩܘܼܕܫܵܐ ܘܗܲܝܡܵܢܘܼܬܵܐ، ܘܪܵܒܵܐ ܗܘܼܡܸܢܗܘܿܢ ܒܡܵܪܲܢ.
25ܗ̇ܝܓܵܗ ܐ݇ܙܝܼܠ ܠܹܗ ܒܲܪܢܒ݂ܵܐ ܠܛܵܪܣܘܿܣ ܒܸܛܥܵܝܵܐ ܠܫܵܐܘܿܠ. 26ܘܟܲܕ ܡܘܼܫ݇ܟ̰ܸܚ ܠܹܗ، ܡܘܼܐܬܹܐ ܠܹܗ ܥܲܡܹܗ ܠܐܵܢܛܝܘܿܟ݂ܝ. ܩܵܐ ܡܸܬܚܵܐ ܕܚܕܵܐ ܫܹܢ݇ܬܵܐ ܒܲܪܢܒ݂ܵܐ ܘܫܵܐܘܿܠ ܟܹܐ ܓ̰ܵܡܥܝܼ ܗ݇ܘܵܘ ܥܲܡ ܥܹܕܬܵܐ ܘܡܲܠܦܝܼ ܗ݇ܘܵܘ ܡܸܢܝܵܢܵܐ ܓܘܼܪܵܐ ܡ̣ܢ ܐ݇ܢܵܫܹ̈ܐ. ܘܬܲܠܡܝܼ̈ܕܹܐ ܦܝܼܫ ܠܗܘܿܢ ܩܸܪܝܹܐ ܡܫܝܼܚܵܝܹ̈ܐ ܩܵܕ݇ܡܵܝܬܵܐ ܓܵܘ ܐܵܢܛܝܘܿܟ݂ܝ.
27ܒܗ̇ܝ ܥܕܵܢܵܐ ܐ݇ܬܹܐ ܠܗܘܿܢ ܚܲܕ݇ܟܡܵܐ ܢܒ݂ܝܼܹ̈ܐ ܡ̣ܢ ܐܘܿܪܸܫܠܸܡ ܠܐܵܢܛܝܘܿܟ݂ܝ. 28ܩܝܼܡ ܠܹܗ ܚܲܕ ܡܸܢܲܝܗܝ ܫܸܡܹܗ ܐܵܓ݂ܵܒ݂ܘܿܣ ܘܢܘܼܒܹܐ ܠܹܗ ܒܪܘܼܚܵܐ ܕܒܸܬ ܗܵܘܹܐ ܟܸܦܢܵܐ ܓܘܼܪܵܐ ܒܟܠܵܗ̇ ܐܲܪܥܵܐ. ܘܐܵܗܵܐ ܟܸܦܢܵܐ ܗܘܹܐ ܠܹܗ ܒܥܕܵܢܵܐ ܕܩܠܵܘܕܝܘܿܣ ܩܹܣܲܪ. 29ܘܬܲܠܡܝܼ̈ܕܹܐ، ܟܠ ܚܲܕ ܐܲܝܟ݂ ܡܨܵܝܬܹܗ، ܡܘܼܚܫܸܚ ܠܗܘܿܢ ܕܫܲܕܪܝܼ ܗܵܝܲܪܬܵܐ ܩܵܐ ܐܲܚܘܿܢܘܵܬܹ̈ܐ ܕܒܸܚܵܝܵܐ ܝܗ݇ܘܵܘ ܓܵܘ ܝܼܗܘܼܕ. 30ܥܒ݂ܝܼܕ ܠܗܘܿܢ ܐܵܗܵܐ ܒܫܵܕܲܪܬܵܐ ܕܗܵܝܲܪܬܵܐ ܒܝܲܕ ܒܲܪܢܒ݂ܵܐ ܘܫܵܐܘܿܠ ܠܟܸܣ ܚܘܵܪ̈ܕܸܩܢܹܐ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Aramaic Bible Translation Assyrian Bible © 2025 Aramaic Bible Translation