ܣܘܥܪ̈ܢܐ 10
10
ܩܘܼܪܢܹܠܝܼܘܿܣ ܫܲܕܘܼܪܹܐ ܒܵܬ݇ܪ ܫܸܡܥܘܿܢ ܟܹܐܦܵܐ
1ܐܝܼܬ ܗ݇ܘܵܐ ܚܲܕ ܐ݇ܢܵܫܵܐ ܓܵܘ ܩܹܣܲܪܝܵܐ ܫܸܡܹܗ ܩܘܼܪܢܹܠܝܼܘܿܣ، ܪܲܒ ܐܸܡܵܐܐ ܕܣܝܼܥܬܵܐ ܕܟܹܐ ܦܵܝܫܵܐ ܩܪܝܼܬܵܐ ܣܝܼܥܬܵܐ ܕܐܝܼܛܵܠܝܼܵܐ. 2ܙܲܕܝܼܩܵܐ ܝܗ݇ܘܵܐ ܘܟܹܐ ܙܵܕܹܥ ܗ݇ܘܵܐ ܡ̣ܢ ܐܲܠܵܗܵܐ، ܗ̇ܘ ܘܟܠܹܗ ܒܲܝܬܹܗ. ܟܹܐ ܥܵܒܹܕ ܗ݇ܘܵܐ ܐܸܪ̈ܘܵܢܹܐ ܠܥܲܡܵܐ، ܘܒܟܠ ܙܲܒ݂ܢܵܐ ܟܹܐ ܨܲܠܹܐ ܗ݇ܘܵܐ ܠܐܲܠܵܗܵܐ. 3ܚܲܕ ܝܵܘܡܵܐ، ܡܐܲܝܟ݂ ܣܵܥܲܬ ܕܬܠܵܬ ܡ̣ܢ ܒܵܬ݇ܪ ܟܵܘܸܬܪܵܐ، ܚܙܹܐ ܠܹܗ ܡܲܠܲܐܟ݂ܵܐ ܕܡܵܪܝܵܐ ܒܚܸܙܘܵܐ ܓܲܠܝܵܐܝܼܬ. ܥܒ݂ܝܼܪܹܗ ܠܟܸܣ ܠܹܗ ܘܐ݇ܡܝܼܪܹܗ ܐܸܠܹܗ، ”ܩܘܼܪܢܹܠܝܼܘܿܣ.“ 4ܘܩܘܼܪܢܹܠܝܼܘܿܣ ܚܝܼܪܹܗ ܒܝܼܹܗ ܟܲܕ ܒܸܙܕܵܥܵܐ ܘܐ݇ܡܝܼܪܹܗ، ”ܡܘܿܕܝܼ ܡܵܪܝܼ؟“ ܓ̰ܘܼܘܸܒ ܠܹܗ ܡܲܠܲܐܟ݂ܵܐ، ”ܨܠܵܘܵܬܘܼ̈ܟ݂ ܘܐܸܪ̈ܘܵܢܘܼܟ݂ ܐ݇ܣܝܼܩ ܠܗܘܿܢ ܕܟ݂ܵܪܵܐ ܩܵܕ݇ܡ ܐܲܠܵܗܵܐ. 5”ܘܐܵܕܝܼܵܐ ܫܲܕܸܪ ܐ݇ܢܵܫܹ̈ܐ ܠܝܘܿܦܹܐ ܕܡܲܝܬܝܼ ܠܫܸܡܥܘܿܢ ܕܟܹܐ ܦܵܐܹܫ ܩܸܪܝܵܐ ܟܹܐܦܵܐ. 6”ܫܸܪܝܵܐ ܝܠܹܗ ܠܟܸܣ ܕܲܒܵܓ݂ ܫܸܡܹܗ ܫܸܡܥܘܿܢ، ܗ̇ܘ ܕܒܲܝܬܹܗ ܥܲܠ ܡܲܪܙܵܐ ܕܝܵܡܵܐ ܝܠܹܗ.“ 7ܐܝܼܡܲܢ ܕܐ݇ܙܝܼܠ ܠܹܗ ܡܲܠܲܐܟ݂ܵܐ ܕܗܘܼܡܙܸܡ ܠܹܗ ܥܲܡܹܗ، ܩܪܹܐ ܠܹܗ ܩܘܼܪܢܹܠܝܼܘܿܣ ܬܪܹܝ ܡ̣ܢ ܪܹ̈ܓܵܘܵܬܹܗ ܘܚܲܕ ܕܲܚܫܵܐ ܙܵܕܥܵܢܵܐ ܡ̣ܢ ܐܲܠܵܗܵܐ، ܕܟܹܐ ܗܵܘܹܐ ܗ݇ܘܵܐ ܠܟܸܣ ܠܹܗ. 8ܡ̣ܢ ܒܵܬ݇ܪ ܕܗܘܼܩܹܐ ܠܹܗ ܐܸܠܲܝܗܝ ܟܠ ܡܸܢܕܝܼ، ܫܘܼܕܪܲܝ ܠܹܗ ܠܝܘܿܦܹܐ.
ܚܸܙܘܵܐ ܕܫܸܡܥܘܿܢ ܟܹܐܦܵܐ
9ܒܝܵܘܡܵܐ ܐ݇ܚܹܪ݇ܢܵܐ ܐܲܝܟ݂ ܣܵܥܲܬ ܕܬܪܸܥܣܲܪ ܟܵܘܸܬܪܵܐ، ܟܲܕ ܐܵܢܝܼ ܐ݇ܢܵܫܹ̈ܐ ܒܐܘܼܪܚܲܝܗܝ، ܩܘܼܪܒܸܢܗܘܿܢ ܠܡܕܝܼܢ݇ܬܵܐ، ܫܸܡܥܘܿܢ ܟܹܐܦܵܐ ܐ݇ܣܝܼܩ ܠܹܗ ܠܐ݇ܓܵܪܹܐ ܕܨܲܠܹܐ ܗ݇ܘܵܐ ܨܠܘܿܬܵܐ. 10ܟܦܝܼܢܹܗ ܘܒܥܹܐ ܠܹܗ ܠܹܐܟ݂ܵܠܵܐ. ܟܲܕ ܟܵܘܸܬܪܵܐ ܦܝܵܫܵܐ ܝܗ݇ܘܵܐ ܗܘܼܕܸܪܬܵܐ، ܢܦܝܼܠ ܠܹܗ ܥܲܠܘܼܗܝ ܬܸܡܗܵܐ. 11ܚܙܹܐ ܠܹܗ ܫܡܲܝܵܐ ܦܬܝܼܚܬܵܐ، ܘܚܲܕ ܡܵܐܢܵܐ ܒܸܕܡܵܝܵܐ ܠܟܸܬܵܢܵܐ ܓܘܼܪܵܐ، ܐ݇ܣܝܼܪܵܐ ܒܐܲܪܒܲܥ ܩܘܼܪ̈ܢܝܼܵܬܹܐ ܘܒܸܨܠܵܝܵܐ ܡ̣ܢ ܫܡܲܝܵܐ ܥܲܠ ܐܲܪܥܵܐ. 12ܐܝܼܬ ܗ݇ܘܵܐ ܓܵܘܹܗ ܟܠܲܝܗܝ ܗܲܝܘܵܢܹ̈ܐ ܕܐܲܪܒܲܥ ܐܲܩܠܵܬܹ̈ܐ، ܘܪܸ̈ܓ̰ܒܹܐ ܕܐܲܪܥܵܐ، ܘܛܲܝܪܹ̈ܐ ܕܫܡܲܝܵܐ. 13ܘܩܵܠܵܐ ܐ݇ܬܹܐ ܠܹܗ ܐܸܠܹܗ، ܒܹܐܡܵܪܵܐ، ”ܟܹܐܦܵܐ، ܩܘܼܡ، ܦܪܘܿܡ ܘܐ݇ܟ݂ܘܿܠ.“ 14ܓ̰ܘܼܘܸܒ ܠܹܗ ܫܸܡܥܘܿܢ ܟܹܐܦܵܐ، ”ܚܵܣ ܠܝܼ ܡܵܪܝܼ، ܓܵܘ ܚܲܝܝܼ̈ ܠܹܐ ܝܘܸܢ ܐ݇ܟ݂ܝܼܠܵܐ ܡܸܢܕܝܼ ܠܵܐ ܕܸܟ݂ܝܵܐ ܘܛܲܡܐܵܐ.“ 15ܓܵܗܵܐ ܕܬܲܪܬܹܝ ܗܘܹܐ ܠܹܗ ܩܵܠܵܐ ܒܹܐܡܵܪܵܐ ܐܸܠܹܗ، ”ܡܸܢܕܝܼ ܕܐܲܠܵܗܵܐ ܕܘܼܟܹܐ ܠܹܗ، ܐܲܢ݇ܬ ܠܵܐ ܩܵܪܹܝܬ ܠܹܗ ܛܲܡܐܵܐ.“ 16ܐܵܗܵܐ ܗܘܹܐ ܠܵܗ̇ ܬܠܵܬ ܓܵܗܹ̈ܐ، ܗ̇ܝܓܵܗ ܒܓ̰ܲܠܕܘܼܬܵܐ ܦܝܼܫ ܠܹܗ ܡܘܼܪܡܵܐ ܡܵܐܢܵܐ ܠܫܡܲܝܵܐ.
17ܟܲܕ ܫܸܡܥܘܿܢ ܟܹܐܦܵܐ ܦܝܼܫܵܐ ܝܗ݇ܘܵܐ ܗܝܼܪܵܐ ܒܘܼܬ ܚܸܙܘܵܐ ܕܚܙܹܐ ܠܹܗ، ܡܛܹܐ ܠܗܘܿܢ ܐ݇ܢܵܫܹ̈ܐ ܕܦܝܼܫܹܐ ܝܗ݇ܘܵܘ ܫܘܼܕܪܹܐ ܒܝܲܕ ܩܘܼܪܢܹܠܝܼܘܿܣ. ܡܘܼܫ݇ܟ̰ܸܚ ܠܗܘܿܢ ܒܲܝܬܵܐ ܕܫܸܡܥܘܿܢ ܘܟܠܹܐ ܠܗܘܿܢ ܩܵܕ݇ܡ ܬܲܪܥܵܐ ܕܕܵܪܬܵܐ. 18ܩܪܹܐ ܠܗܘܿܢ ܘܒܘܼܩܸܪܗܘܿܢ ܐܸܢ ܫܸܡܥܘܿܢ ܕܟܹܐ ܦܵܐܹܫ ܩܸܪܝܵܐ ܟܹܐܦܵܐ ܫܸܪܝܵܐ ܝܗ݇ܘܵܐ ܬܵܡܵܐ. 19ܟܲܕ ܫܸܡܥܘܿܢ ܟܹܐܦܵܐ ܬܲܚܡܘܼܢܹܐ ܝܗ݇ܘܵܐ ܒܘܼܬ ܚܸܙܘܵܐ، ܐ݇ܡܝܼܪܹܗ ܐܸܠܹܗ ܪܘܼܚܵܐ، ”ܫܸܡܥܘܿܢ، ܗܵܐ ܬܠܵܬܵܐ ܐ݇ܢܵܫܹ̈ܐ ܒܲܩܘܼܪܹܐ ܝܢܵܐ ܥܲܠܘܼܟ݂. 20”ܩܘܼܡ، ܨܠܝܼ ܘܙܹܠ݇ ܥܲܡܲܝܗܝ، ܘܠܵܐ ܗܵܘܹܝܬ ܒܫܸܟ ܣܵܒܵܒ ܐܵܢܵܐ ܫܘܼܕܪܲܝ ܠܝܼ.“ 21ܘܨܠܹܐ ܠܹܗ ܫܸܡܥܘܿܢ ܟܹܐܦܵܐ ܠܟܸܣ ܐܵܢܝܼ ܐ݇ܢܵܫܹ̈ܐ ܘܐ݇ܡܝܼܪܹܗ ܐܸܠܲܝܗܝ، ”ܐܵܢܵܐ ܝܘܸܢ ܗ̇ܘ ܕܒܲܩܘܼܪܹܐ ܝܬܘܿܢ ܥܲܠܘܼܗܝ. ܒܘܼܬ ܡܘܿܕܝܼ ܐ݇ܬܝܼܹܐ ܝܬܘܿܢ؟“ 22ܐ݇ܡܝܼܪܗܘܿܢ ܐܸܠܹܗ، ”ܩܘܼܪܢܹܠܝܼܘܿܣ ܪܲܒ ܐܸܡܵܐܐ، ܐ݇ܢܵܫܵܐ ܟܹܐܢܵܐ ܝܠܹܗ ܘܙܵܕܥܵܢܵܐ ܡ̣ܢ ܐܲܠܵܗܵܐ، ܘܟܹܐ ܝܲܗ݇ܒܸܠ ܣܵܗܕܘܼܬܵܐ ܒܘܼܬ ܕܝܼܹܗ ܟܠܹܗ ܛܵܝܸܦܵܐ ܕܝܗܘܼܕܵܝܹ̈ܐ. ܦܝܼܫ ܠܹܗ ܐ݇ܡܝܼܪܵܐ ܐܸܠܹܗ ܒܝܲܕ ܡܲܠܲܐܟ݂ܵܐ ܩܲܕܝܼܫܵܐ ܕܫܲܕܸܪ ܠܟܸܣ ܠܘܼܟ݂ ܕܐܵܬܹܝܬ ܠܒܲܝܬܹܗ ܕܫܵܡܹܥ ܡܸܢܘܼܟ݂ ܗܹܡܸܙܡܵܢܹ̈ܐ.“ 23ܡܘܼܥܒܸܪܲܝ ܠܹܗ ܠܒܲܝܬܵܐ ܘܡܘܼܫܪܝܼܲܝ ܠܹܗ. ܘܒܝܵܘܡܵܐ ܐ݇ܚܹܪ݇ܢܵܐ ܐ݇ܙܝܼܠ ܠܹܗ ܥܲܡܲܝܗܝ. ܐܘܼܦ ܚܲܕ݇ܟܡܵܐ ܐܲܚܘܿܢܘܵܬܹ̈ܐ ܡ̣ܢ ܝܘܿܦܹܐ ܐ݇ܙܝܼܠ ܠܗܘܿܢ ܥܲܡܹܗ.
24ܒܝܵܘܡܵܐ ܐ݇ܚܹܪ݇ܢܵܐ ܡܛܹܐ ܠܗܘܿܢ ܠܩܹܣܲܪܝܵܐ. ܩܘܼܪܢܹܠܝܼܘܿܣ ܒܸܣܦܵܪܵܐ ܝܗ݇ܘܵܐ ܐܸܠܲܝܗܝ، ܘܩܸܪܝܵܐ ܝܗ݇ܘܵܐ ܚܸܙܡܵܢܘܼ̈ܗܝ ܘܚܲܒ݂ܪ̈ܵܘܵܬܹܗ ܡܘܼܚܸܒܹ̈ܐ. 25ܟܲܕ ܒܸܥܒ݂ܵܪܵܐ ܝܗ݇ܘܵܐ ܫܸܡܥܘܿܢ ܟܹܐܦܵܐ ܠܒܲܝܬܵܐ، ܬܦܝܼܩ ܠܹܗ ܒܝܼܹܗ ܩܘܼܪܢܹܠܝܼܘܿܣ، ܘܢܦܝܼܠ ܠܹܗ ܘܣܓ݂ܝܼܕ ܠܹܗ ܩܵܕ݇ܡ ܐܲܩܠܵܬܹ̈ܗ. 26ܐܝܼܢܵܐ ܫܸܡܥܘܿܢ ܟܹܐܦܵܐ ܡܘܼܩܸܡ ܠܹܗ ܘܐ݇ܡܝܼܪܹܗ ܐܸܠܹܗ، ”ܩܘܼܡ، ܐܘܼܦ ܐܵܢܵܐ ܒܲܪܢܵܫܵܐ ܝܘܸܢ.“ 27ܘܗ̇ܘ ܗܲܡܙܘܼܡܹܐ ܥܲܡܹܗ، ܥܒ݂ܝܼܪܹܗ ܫܸܡܥܘܿܢ ܟܹܐܦܵܐ ܠܒܲܝܬܵܐ ܘܚܙܹܐ ܠܹܗ ܪܵܒܵܐ ܐ݇ܢܵܫܹ̈ܐ ܓ̰ܡܝܼܥܹܐ ܬܵܡܵܐ. 28ܘܐ݇ܡܝܼܪܹܗ ܐܸܠܲܝܗܝ، ”ܐܲܚܬܘܿܢ ܟܹܐ ܝܵܕܥܝܼܬܘܿܢ ܕܠܲܝܬ ܦܣܵܣܵܐ ܠܚܲܕ ܝܗܘܼܕܵܝܵܐ ܕܐܵܙܹܠ ܠܟܸܣ ܚܲܕ ܢܘܼܟ݂ܪܵܝܵܐ، ܝܲܢ ܥܵܒܹܕ ܫܵܘܬܵܦܘܼܬܵܐ ܥܲܡܹܗ. ܐܝܼܢܵܐ ܐܲܠܵܗܵܐ ܡܘܼܚܙܹܐ ܠܹܗ ܐܸܠܝܼ ܕܠܵܐ ܩܵܪܹܝܢ ܠܐ݇ܢܵܫܵܐ ܠܵܐ ܕܸܟ݂ܝܵܐ ܘܛܲܡܐܵܐ. 29”ܒܘܼܬ ܐܵܗܵܐ ܕܠܵܐ ܡܲܟܠܵܝܬܵܐ ܐ݇ܬܹܐ ܠܝܼ ܐܝܼܡܲܢ ܕܫܘܼܕܸܪܵܘܟ݂ܘܿܢ ܒܵܬ݇ܪܝܼ. ܒܵܥܹܝܢ ܕܒܲܩܪܸܢܵܘܟ݂ܘܿܢ، ܩܵܡܘܿܕܝܼ ܫܘܼܕܸܪܵܘܟ݂ܘܿܢ ܒܵܬ݇ܪܝܼ؟“ 30ܓ̰ܘܼܘܸܒ ܠܹܗ ܩܘܼܪܢܹܠܝܼܘܿܣ ܘܐ݇ܡܝܼܪܹܗ، ”ܐܲܪܒܥܵܐ ܝܵܘܡܵܢܹ̈ܐ ܡ̣ܢ ܩܵܕ݇ܡ ܐܵܕܝܼܵܐ، ܨܲܠܘܼܝܹܐ ܝܘܸܢ ܗ݇ܘܵܐ ܓܵܘ ܒܲܝܬܝܼ ܒܐܵܗܵܐ ܥܕܵܢܵܐ ܐܲܝܟ݂ ܣܵܥܲܬ ܕܬܠܵܬ ܡ̣ܢ ܒܵܬ݇ܪ ܟܵܘܸܬܪܵܐ. ܗܵܐ ܟܠܹܐ ܠܹܗ ܩܵܕ݇ܡܝܼ ܚܲܕ ܐ݇ܢܵܫܵܐ ܒܠܒ݂ܝܼܫܬܵܐ ܡܲܒܪܸܩܵܢܬܵܐ، 31”ܘܐ݇ܡܝܼܪܹܗ ܐܸܠܝܼ، ’ܩܘܼܪܢܹܠܝܼܘܿܣ، ܦܝܼܫ ܠܵܗ̇ ܫܡܝܼܥܬܵܐ ܨܠܘܿܬܘܼܟ݂، ܘܐܸܪ̈ܘܵܢܘܼܟ݂ ܐ݇ܣܝܼܩ ܠܗܘܿܢ ܕܟ݂ܵܪܵܐ ܩܵܕ݇ܡ ܐܲܠܵܗܵܐ. 32”’ܫܲܕܸܪ ܠܝܘܿܦܹܐ ܘܡܲܝܬܝܼ ܠܫܸܡܥܘܿܢ ܕܦܝܵܫܵܐ ܝܠܹܗ ܩܸܪܝܵܐ ܟܹܐܦܵܐ، ܫܸܪܝܵܐ ܝܠܹܗ ܓܵܘ ܒܲܝܬܵܐ ܕܕܲܒܵܓ݂ ܫܸܡܹܗ ܫܸܡܥܘܿܢ، ܥܲܠ ܡܲܪܙܵܐ ܕܝܵܡܵܐ.‘ 33”ܐܵܢܵܐ ܒܓ̰ܲܠܕܘܼܬܵܐ ܫܘܼܕܸܪܝܼ ܒܵܬ݇ܪܘܼܟ݂، ܘܐܲܢ݇ܬ ܨܦܵܝܝܼ ܥܒ݂ܝܼܕ ܠܘܼܟ݂ ܕܐ݇ܬܹܐ ܠܘܼܟ݂. ܘܐܲܚܢܲܢ ܐܵܕܝܼܵܐ ܟܠܲܢ ܩܵܕ݇ܡ ܐܲܠܵܗܵܐ ܝܘܲܚ ܕܫܵܡܥܲܚ ܟܠ ܡܸܢܕܝܼ ܕܦܩܝܼܕ ܠܹܗ ܐܸܠܘܼܟ݂ ܡܵܪܝܵܐ ܕܗܲܡܙܸܡܸܬ ܐܸܠܲܢ.“
34ܗ̇ܝܓܵܗ ܫܘܼܪܹܐ ܠܹܗ ܫܸܡܥܘܿܢ ܟܹܐܦܵܐ ܠܗܲܡܙܘܼܡܹܐ ܘܐ݇ܡܝܼܪܹܗ، ”ܒܫܲܪܝܼܪܘܼܬܵܐ ܐܵܕܝܼܵܐ ܒܝܼܕܵܥܵܐ ܝܘܸܢ ܕܐܲܠܵܗܵܐ ܠܹܐ ܝܠܹܗ ܚܵܙܝܵܢܵܐ ܕܦܵܬܵܐ، 35”ܐܸܠܵܐ ܟܠܲܝܗܝ ܐܸܡܘܵܬܹ̈ܐ ܕܙܵܕܥܝܼ ܡܸܢܹܗ ܘܦܵܠܚܝܼ ܙܲܕܝܼܩܘܼܬܵܐ، ܩܘܼܒܠܹܐ ܝܢܵܐ ܠܟܸܣ ܠܹܗ. 36”ܐܵܗܵܐ ܝܠܵܗ̇ ܗܹܡܸܙܡܵܢ ܕܫܘܼܕܪܵܐ ܠܹܗ ܐܲܠܵܗܵܐ ܠܒܢܲܝ̈ ܝܼܣܪܵܝܹܠ، ܡܘܼܟܪܸܙ ܠܹܗ ܐܸܠܲܝܗܝ ܫܠܵܡܵܐ ܒܝܲܕ ܝܼܫܘܿܥ ܡܫܝܼܚܵܐ، ܗ̇ܘ ܕܝܼܠܹܗ ܡܵܪܝܵܐ ܥܲܠ ܟܠ. 37”ܗ̇ܝ ܗܹܡܸܙܡܵܢ ܕܐܘܼܦ ܐܲܚܬܘܿܢ ܒܝܼܕܵܥܵܐ ܝܬܘܿܢ ܕܗܘܹܐ ܠܵܗ̇ ܒܟܠܵܗ̇ ܝܼܗܘܼܕ، ܫܘܼܪܹܐ ܠܵܗ̇ ܡ̣ܢ ܓܠܝܼܠܵܐ، ܡ̣ܢ ܒܵܬ݇ܪ ܡܲܥܡܘܿܕܝܼܬܵܐ ܕܡܘܼܟܪܸܙ ܠܹܗ ܝܘܿܚܲܢܵܢ، 38”ܕܵܐܟ݂ܝܼ ܐܲܠܵܗܵܐ ܡܫܝܼܚ ܠܹܗ ܠܝܼܫܘܿܥ ܢܵܨܪܵܝܵܐ ܒܝܲܕ ܪܘܼܚܵܐ ܕܩܘܼܕܫܵܐ ܘܒܚܲܝܠܵܐ، ܘܕܵܐܟ݂ܝܼ ܒܸܚܕܵܪܵܐ ܝܗ݇ܘܵܐ ܒܸܥܒ݂ܵܕܵܐ ܛܵܒ݂ܬܵܐ، ܘܒܲܣܘܼܡܹܐ ܟܠܲܝܗܝ ܐܵܢܝܼ ܕܝܼܗ݇ܘܵܘ ܬܚܘܿܬ ܚܲܝܠܵܐ ܕܐܵܟܹܠܩܲܪܨܵܐ، ܣܵܒܵܒ ܐܲܠܵܗܵܐ ܥܲܡܹܗ ܝܗ݇ܘܵܐ. 39”ܐܲܚܢܲܢ ܣܵܗܕܹ̈ܐ ܝܘܲܚ ܒܘܼܬ ܟܠ ܡܸܢܕܝܼ ܕܥܒ݂ܝܼܕ ܠܹܗ ܒܐܲܪܥܵܐ ܕܝܼܗܘܼܕ ܘܒܐܘܿܪܸܫܠܸܡ. ܘܐܵܢܝܼ ܩܛܝܼܠ ܠܗܘܿܢ ܐܸܠܹܗ ܒܬܠܵܝܬܹܗ ܥܲܠ ܩܲܝܣܵܐ، 40”ܐܝܼܢܵܐ ܐܲܠܵܗܵܐ ܡܘܼܩܸܡ ܠܹܗ ܐܸܠܹܗ ܒܝܵܘܡܵܐ ܕܬܠܵܬܵܐ، ܘܡܘܼܥܒܸܕ ܠܹܗ ܕܦܵܐܹܫ ܚܸܙܝܵܐ، 41”ܐܝܼܢܵܐ ܠܵܐ ܦܝܼܫ ܠܹܗ ܚܸܙܝܵܐ ܠܟܠܹܗ ܥܲܡܵܐ، ܫܒ݂ܘܿܩ ܡܸܢܲܢ، ܐܲܚܢܲܢ ܕܩܵܕ݇ܡܵܝܬܵܐ ܐܲܠܵܗܵܐ ܩܲܡ ܓܲܒܹܐ ܠܲܢ ܕܗܵܘܲܚ ܣܵܗܕܹ̈ܐ، ܘܐ݇ܟ݂ܝܼܠ ܠܲܢ ܘܫܬܹܐ ܠܲܢ ܥܲܡܹܗ ܡ̣ܢ ܒܵܬ݇ܪ ܩܝܵܡܬܹܗ ܡ̣ܢ ܓܵܘ ܡܝܼܬܹ̈ܐ. 42”ܘܩܲܡ ܦܵܩܹܕ ܠܲܢ ܕܡܲܟܪܸܙܲܚ ܘܝܵܗ݇ܒܲܚ ܣܵܗܕܘܼܬܵܐ ܠܟܠܹܗ ܥܲܡܵܐ، ܕܗ̇ܘ ܦܝܼܫ ܠܹܗ ܓܘܼܒܝܵܐ ܒܝܲܕ ܐܲܠܵܗܵܐ ܕܲܝܵܢܵܐ ܕܚܵܝܹ̈ܐ ܘܕܡܝܼܬܹ̈ܐ. 43”ܟܠܲܝܗܝ ܢܒ݂ܝܼܹ̈ܐ ܝܘܼܗ݇ܒܸܠ ܠܗܘܿܢ ܣܵܗܕܘܼܬܵܐ ܒܘܼܬ ܕܝܼܹܗ، ܕܟܠ ܡ̇ܢ ܕܗܲܡܸܢ ܒܝܼܹܗ ܒܸܬ ܦܵܐܹܫ ܦܘܼܚܠܵܐ ܒܫܸܡܹܗ.“
44ܟܲܕ ܫܸܡܥܘܿܢ ܟܹܐܦܵܐ ܗܲܡܙܘܼܡܹܐ ܝܗ݇ܘܵܐ ܐܲܢܹܐ ܗܹܡܸܙܡܵܢܹ̈ܐ، ܫܪܹܐ ܠܵܗ̇ ܪܘܼܚܵܐ ܕܩܘܼܕܫܵܐ ܥܲܠ ܟܠܲܝܗܝ ܐܵܢܝܼ ܕܒܸܫܡܵܥܵܐ ܝܗ݇ܘܵܘ ܗܹܡܸܙܡܵܢ. 45ܥܘܼܓ̰ܸܒ ܠܗܘܿܢ ܡܗܘܼܡܢܹ̈ܐ ܓܙܝܼܪܹ̈ܐ، ܐܵܢܝܼ ܕܐ݇ܬܹܐ ܠܗܘܿܢ ܥܲܡ ܫܸܡܥܘܿܢ ܟܹܐܦܵܐ، ܐܝܼܡܲܢ ܕܚܙܹܐ ܠܗܘܿܢ ܕܡܵܘܗܲܒ݂ܬܵܐ ܕܪܘܼܚܵܐ ܕܩܘܼܕܫܵܐ ܦܝܼܫ ܠܵܗ̇ ܫܘܼܦܸܟ݂ܬܵܐ ܐܘܼܦ ܥܲܠ ܐܸܡܘܵܬܹ̈ܐ. 46ܣܵܒܵܒ ܒܸܫܡܵܥܵܐ ܝܗ݇ܘܵܘ ܗܲܡܙܘܼܡܹܐ ܒܠܸܫܵܢܹ̈ܐ ܘܫܲܒܘܼܚܹܐ ܠܐܲܠܵܗܵܐ. ܗ̇ܝܓܵܗ ܐ݇ܡܝܼܪܹܗ ܫܸܡܥܘܿܢ ܟܹܐܦܵܐ، 47”ܡܵܨܹܐ ܐ݇ܢܵܫܵܐ ܡܲܟܠܹܐ ܐܲܢܹܐ ܐ݇ܢܵܫܹ̈ܐ ܕܠܵܐ ܦܵܝܫܝܼ ܥܡܝܼܕܹܐ ܒܡ̈ܝܼܵܐ؟ ܣܵܒܵܒ ܐܘܼܦ ܐܲܢܹܐ ܩܘܼܒܸܠ ܠܗܘܿܢ ܪܘܼܚܵܐ ܕܩܘܼܕܫܵܐ ܐܲܝܟ݂ ܕܝܼܲܢ.“ 48ܗ̇ܝܓܵܗ ܦܩܝܼܕ ܠܹܗ ܕܦܵܝܫܝܼ ܥܡܝܼܕܹܐ ܒܫܸܡܵܐ ܕܝܼܫܘܿܥ ܡܫܝܼܚܵܐ. ܘܛܠܝܼܒ ܠܗܘܿܢ ܡܸܢܹܗ ܕܦܵܐܹܫ ܠܟܸܣ ܠܲܝܗܝ ܚܲܕ݇ܟܡܵܐ ܝܵܘܡܵܢܹ̈ܐ.
ទើបបានជ្រើសរើសហើយ៖
ܣܘܥܪ̈ܢܐ 10: ABTAB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Aramaic Bible Translation Assyrian Bible © 2025 Aramaic Bible Translation
ܣܘܥܪ̈ܢܐ 10
10
ܩܘܼܪܢܹܠܝܼܘܿܣ ܫܲܕܘܼܪܹܐ ܒܵܬ݇ܪ ܫܸܡܥܘܿܢ ܟܹܐܦܵܐ
1ܐܝܼܬ ܗ݇ܘܵܐ ܚܲܕ ܐ݇ܢܵܫܵܐ ܓܵܘ ܩܹܣܲܪܝܵܐ ܫܸܡܹܗ ܩܘܼܪܢܹܠܝܼܘܿܣ، ܪܲܒ ܐܸܡܵܐܐ ܕܣܝܼܥܬܵܐ ܕܟܹܐ ܦܵܝܫܵܐ ܩܪܝܼܬܵܐ ܣܝܼܥܬܵܐ ܕܐܝܼܛܵܠܝܼܵܐ. 2ܙܲܕܝܼܩܵܐ ܝܗ݇ܘܵܐ ܘܟܹܐ ܙܵܕܹܥ ܗ݇ܘܵܐ ܡ̣ܢ ܐܲܠܵܗܵܐ، ܗ̇ܘ ܘܟܠܹܗ ܒܲܝܬܹܗ. ܟܹܐ ܥܵܒܹܕ ܗ݇ܘܵܐ ܐܸܪ̈ܘܵܢܹܐ ܠܥܲܡܵܐ، ܘܒܟܠ ܙܲܒ݂ܢܵܐ ܟܹܐ ܨܲܠܹܐ ܗ݇ܘܵܐ ܠܐܲܠܵܗܵܐ. 3ܚܲܕ ܝܵܘܡܵܐ، ܡܐܲܝܟ݂ ܣܵܥܲܬ ܕܬܠܵܬ ܡ̣ܢ ܒܵܬ݇ܪ ܟܵܘܸܬܪܵܐ، ܚܙܹܐ ܠܹܗ ܡܲܠܲܐܟ݂ܵܐ ܕܡܵܪܝܵܐ ܒܚܸܙܘܵܐ ܓܲܠܝܵܐܝܼܬ. ܥܒ݂ܝܼܪܹܗ ܠܟܸܣ ܠܹܗ ܘܐ݇ܡܝܼܪܹܗ ܐܸܠܹܗ، ”ܩܘܼܪܢܹܠܝܼܘܿܣ.“ 4ܘܩܘܼܪܢܹܠܝܼܘܿܣ ܚܝܼܪܹܗ ܒܝܼܹܗ ܟܲܕ ܒܸܙܕܵܥܵܐ ܘܐ݇ܡܝܼܪܹܗ، ”ܡܘܿܕܝܼ ܡܵܪܝܼ؟“ ܓ̰ܘܼܘܸܒ ܠܹܗ ܡܲܠܲܐܟ݂ܵܐ، ”ܨܠܵܘܵܬܘܼ̈ܟ݂ ܘܐܸܪ̈ܘܵܢܘܼܟ݂ ܐ݇ܣܝܼܩ ܠܗܘܿܢ ܕܟ݂ܵܪܵܐ ܩܵܕ݇ܡ ܐܲܠܵܗܵܐ. 5”ܘܐܵܕܝܼܵܐ ܫܲܕܸܪ ܐ݇ܢܵܫܹ̈ܐ ܠܝܘܿܦܹܐ ܕܡܲܝܬܝܼ ܠܫܸܡܥܘܿܢ ܕܟܹܐ ܦܵܐܹܫ ܩܸܪܝܵܐ ܟܹܐܦܵܐ. 6”ܫܸܪܝܵܐ ܝܠܹܗ ܠܟܸܣ ܕܲܒܵܓ݂ ܫܸܡܹܗ ܫܸܡܥܘܿܢ، ܗ̇ܘ ܕܒܲܝܬܹܗ ܥܲܠ ܡܲܪܙܵܐ ܕܝܵܡܵܐ ܝܠܹܗ.“ 7ܐܝܼܡܲܢ ܕܐ݇ܙܝܼܠ ܠܹܗ ܡܲܠܲܐܟ݂ܵܐ ܕܗܘܼܡܙܸܡ ܠܹܗ ܥܲܡܹܗ، ܩܪܹܐ ܠܹܗ ܩܘܼܪܢܹܠܝܼܘܿܣ ܬܪܹܝ ܡ̣ܢ ܪܹ̈ܓܵܘܵܬܹܗ ܘܚܲܕ ܕܲܚܫܵܐ ܙܵܕܥܵܢܵܐ ܡ̣ܢ ܐܲܠܵܗܵܐ، ܕܟܹܐ ܗܵܘܹܐ ܗ݇ܘܵܐ ܠܟܸܣ ܠܹܗ. 8ܡ̣ܢ ܒܵܬ݇ܪ ܕܗܘܼܩܹܐ ܠܹܗ ܐܸܠܲܝܗܝ ܟܠ ܡܸܢܕܝܼ، ܫܘܼܕܪܲܝ ܠܹܗ ܠܝܘܿܦܹܐ.
ܚܸܙܘܵܐ ܕܫܸܡܥܘܿܢ ܟܹܐܦܵܐ
9ܒܝܵܘܡܵܐ ܐ݇ܚܹܪ݇ܢܵܐ ܐܲܝܟ݂ ܣܵܥܲܬ ܕܬܪܸܥܣܲܪ ܟܵܘܸܬܪܵܐ، ܟܲܕ ܐܵܢܝܼ ܐ݇ܢܵܫܹ̈ܐ ܒܐܘܼܪܚܲܝܗܝ، ܩܘܼܪܒܸܢܗܘܿܢ ܠܡܕܝܼܢ݇ܬܵܐ، ܫܸܡܥܘܿܢ ܟܹܐܦܵܐ ܐ݇ܣܝܼܩ ܠܹܗ ܠܐ݇ܓܵܪܹܐ ܕܨܲܠܹܐ ܗ݇ܘܵܐ ܨܠܘܿܬܵܐ. 10ܟܦܝܼܢܹܗ ܘܒܥܹܐ ܠܹܗ ܠܹܐܟ݂ܵܠܵܐ. ܟܲܕ ܟܵܘܸܬܪܵܐ ܦܝܵܫܵܐ ܝܗ݇ܘܵܐ ܗܘܼܕܸܪܬܵܐ، ܢܦܝܼܠ ܠܹܗ ܥܲܠܘܼܗܝ ܬܸܡܗܵܐ. 11ܚܙܹܐ ܠܹܗ ܫܡܲܝܵܐ ܦܬܝܼܚܬܵܐ، ܘܚܲܕ ܡܵܐܢܵܐ ܒܸܕܡܵܝܵܐ ܠܟܸܬܵܢܵܐ ܓܘܼܪܵܐ، ܐ݇ܣܝܼܪܵܐ ܒܐܲܪܒܲܥ ܩܘܼܪ̈ܢܝܼܵܬܹܐ ܘܒܸܨܠܵܝܵܐ ܡ̣ܢ ܫܡܲܝܵܐ ܥܲܠ ܐܲܪܥܵܐ. 12ܐܝܼܬ ܗ݇ܘܵܐ ܓܵܘܹܗ ܟܠܲܝܗܝ ܗܲܝܘܵܢܹ̈ܐ ܕܐܲܪܒܲܥ ܐܲܩܠܵܬܹ̈ܐ، ܘܪܸ̈ܓ̰ܒܹܐ ܕܐܲܪܥܵܐ، ܘܛܲܝܪܹ̈ܐ ܕܫܡܲܝܵܐ. 13ܘܩܵܠܵܐ ܐ݇ܬܹܐ ܠܹܗ ܐܸܠܹܗ، ܒܹܐܡܵܪܵܐ، ”ܟܹܐܦܵܐ، ܩܘܼܡ، ܦܪܘܿܡ ܘܐ݇ܟ݂ܘܿܠ.“ 14ܓ̰ܘܼܘܸܒ ܠܹܗ ܫܸܡܥܘܿܢ ܟܹܐܦܵܐ، ”ܚܵܣ ܠܝܼ ܡܵܪܝܼ، ܓܵܘ ܚܲܝܝܼ̈ ܠܹܐ ܝܘܸܢ ܐ݇ܟ݂ܝܼܠܵܐ ܡܸܢܕܝܼ ܠܵܐ ܕܸܟ݂ܝܵܐ ܘܛܲܡܐܵܐ.“ 15ܓܵܗܵܐ ܕܬܲܪܬܹܝ ܗܘܹܐ ܠܹܗ ܩܵܠܵܐ ܒܹܐܡܵܪܵܐ ܐܸܠܹܗ، ”ܡܸܢܕܝܼ ܕܐܲܠܵܗܵܐ ܕܘܼܟܹܐ ܠܹܗ، ܐܲܢ݇ܬ ܠܵܐ ܩܵܪܹܝܬ ܠܹܗ ܛܲܡܐܵܐ.“ 16ܐܵܗܵܐ ܗܘܹܐ ܠܵܗ̇ ܬܠܵܬ ܓܵܗܹ̈ܐ، ܗ̇ܝܓܵܗ ܒܓ̰ܲܠܕܘܼܬܵܐ ܦܝܼܫ ܠܹܗ ܡܘܼܪܡܵܐ ܡܵܐܢܵܐ ܠܫܡܲܝܵܐ.
17ܟܲܕ ܫܸܡܥܘܿܢ ܟܹܐܦܵܐ ܦܝܼܫܵܐ ܝܗ݇ܘܵܐ ܗܝܼܪܵܐ ܒܘܼܬ ܚܸܙܘܵܐ ܕܚܙܹܐ ܠܹܗ، ܡܛܹܐ ܠܗܘܿܢ ܐ݇ܢܵܫܹ̈ܐ ܕܦܝܼܫܹܐ ܝܗ݇ܘܵܘ ܫܘܼܕܪܹܐ ܒܝܲܕ ܩܘܼܪܢܹܠܝܼܘܿܣ. ܡܘܼܫ݇ܟ̰ܸܚ ܠܗܘܿܢ ܒܲܝܬܵܐ ܕܫܸܡܥܘܿܢ ܘܟܠܹܐ ܠܗܘܿܢ ܩܵܕ݇ܡ ܬܲܪܥܵܐ ܕܕܵܪܬܵܐ. 18ܩܪܹܐ ܠܗܘܿܢ ܘܒܘܼܩܸܪܗܘܿܢ ܐܸܢ ܫܸܡܥܘܿܢ ܕܟܹܐ ܦܵܐܹܫ ܩܸܪܝܵܐ ܟܹܐܦܵܐ ܫܸܪܝܵܐ ܝܗ݇ܘܵܐ ܬܵܡܵܐ. 19ܟܲܕ ܫܸܡܥܘܿܢ ܟܹܐܦܵܐ ܬܲܚܡܘܼܢܹܐ ܝܗ݇ܘܵܐ ܒܘܼܬ ܚܸܙܘܵܐ، ܐ݇ܡܝܼܪܹܗ ܐܸܠܹܗ ܪܘܼܚܵܐ، ”ܫܸܡܥܘܿܢ، ܗܵܐ ܬܠܵܬܵܐ ܐ݇ܢܵܫܹ̈ܐ ܒܲܩܘܼܪܹܐ ܝܢܵܐ ܥܲܠܘܼܟ݂. 20”ܩܘܼܡ، ܨܠܝܼ ܘܙܹܠ݇ ܥܲܡܲܝܗܝ، ܘܠܵܐ ܗܵܘܹܝܬ ܒܫܸܟ ܣܵܒܵܒ ܐܵܢܵܐ ܫܘܼܕܪܲܝ ܠܝܼ.“ 21ܘܨܠܹܐ ܠܹܗ ܫܸܡܥܘܿܢ ܟܹܐܦܵܐ ܠܟܸܣ ܐܵܢܝܼ ܐ݇ܢܵܫܹ̈ܐ ܘܐ݇ܡܝܼܪܹܗ ܐܸܠܲܝܗܝ، ”ܐܵܢܵܐ ܝܘܸܢ ܗ̇ܘ ܕܒܲܩܘܼܪܹܐ ܝܬܘܿܢ ܥܲܠܘܼܗܝ. ܒܘܼܬ ܡܘܿܕܝܼ ܐ݇ܬܝܼܹܐ ܝܬܘܿܢ؟“ 22ܐ݇ܡܝܼܪܗܘܿܢ ܐܸܠܹܗ، ”ܩܘܼܪܢܹܠܝܼܘܿܣ ܪܲܒ ܐܸܡܵܐܐ، ܐ݇ܢܵܫܵܐ ܟܹܐܢܵܐ ܝܠܹܗ ܘܙܵܕܥܵܢܵܐ ܡ̣ܢ ܐܲܠܵܗܵܐ، ܘܟܹܐ ܝܲܗ݇ܒܸܠ ܣܵܗܕܘܼܬܵܐ ܒܘܼܬ ܕܝܼܹܗ ܟܠܹܗ ܛܵܝܸܦܵܐ ܕܝܗܘܼܕܵܝܹ̈ܐ. ܦܝܼܫ ܠܹܗ ܐ݇ܡܝܼܪܵܐ ܐܸܠܹܗ ܒܝܲܕ ܡܲܠܲܐܟ݂ܵܐ ܩܲܕܝܼܫܵܐ ܕܫܲܕܸܪ ܠܟܸܣ ܠܘܼܟ݂ ܕܐܵܬܹܝܬ ܠܒܲܝܬܹܗ ܕܫܵܡܹܥ ܡܸܢܘܼܟ݂ ܗܹܡܸܙܡܵܢܹ̈ܐ.“ 23ܡܘܼܥܒܸܪܲܝ ܠܹܗ ܠܒܲܝܬܵܐ ܘܡܘܼܫܪܝܼܲܝ ܠܹܗ. ܘܒܝܵܘܡܵܐ ܐ݇ܚܹܪ݇ܢܵܐ ܐ݇ܙܝܼܠ ܠܹܗ ܥܲܡܲܝܗܝ. ܐܘܼܦ ܚܲܕ݇ܟܡܵܐ ܐܲܚܘܿܢܘܵܬܹ̈ܐ ܡ̣ܢ ܝܘܿܦܹܐ ܐ݇ܙܝܼܠ ܠܗܘܿܢ ܥܲܡܹܗ.
24ܒܝܵܘܡܵܐ ܐ݇ܚܹܪ݇ܢܵܐ ܡܛܹܐ ܠܗܘܿܢ ܠܩܹܣܲܪܝܵܐ. ܩܘܼܪܢܹܠܝܼܘܿܣ ܒܸܣܦܵܪܵܐ ܝܗ݇ܘܵܐ ܐܸܠܲܝܗܝ، ܘܩܸܪܝܵܐ ܝܗ݇ܘܵܐ ܚܸܙܡܵܢܘܼ̈ܗܝ ܘܚܲܒ݂ܪ̈ܵܘܵܬܹܗ ܡܘܼܚܸܒܹ̈ܐ. 25ܟܲܕ ܒܸܥܒ݂ܵܪܵܐ ܝܗ݇ܘܵܐ ܫܸܡܥܘܿܢ ܟܹܐܦܵܐ ܠܒܲܝܬܵܐ، ܬܦܝܼܩ ܠܹܗ ܒܝܼܹܗ ܩܘܼܪܢܹܠܝܼܘܿܣ، ܘܢܦܝܼܠ ܠܹܗ ܘܣܓ݂ܝܼܕ ܠܹܗ ܩܵܕ݇ܡ ܐܲܩܠܵܬܹ̈ܗ. 26ܐܝܼܢܵܐ ܫܸܡܥܘܿܢ ܟܹܐܦܵܐ ܡܘܼܩܸܡ ܠܹܗ ܘܐ݇ܡܝܼܪܹܗ ܐܸܠܹܗ، ”ܩܘܼܡ، ܐܘܼܦ ܐܵܢܵܐ ܒܲܪܢܵܫܵܐ ܝܘܸܢ.“ 27ܘܗ̇ܘ ܗܲܡܙܘܼܡܹܐ ܥܲܡܹܗ، ܥܒ݂ܝܼܪܹܗ ܫܸܡܥܘܿܢ ܟܹܐܦܵܐ ܠܒܲܝܬܵܐ ܘܚܙܹܐ ܠܹܗ ܪܵܒܵܐ ܐ݇ܢܵܫܹ̈ܐ ܓ̰ܡܝܼܥܹܐ ܬܵܡܵܐ. 28ܘܐ݇ܡܝܼܪܹܗ ܐܸܠܲܝܗܝ، ”ܐܲܚܬܘܿܢ ܟܹܐ ܝܵܕܥܝܼܬܘܿܢ ܕܠܲܝܬ ܦܣܵܣܵܐ ܠܚܲܕ ܝܗܘܼܕܵܝܵܐ ܕܐܵܙܹܠ ܠܟܸܣ ܚܲܕ ܢܘܼܟ݂ܪܵܝܵܐ، ܝܲܢ ܥܵܒܹܕ ܫܵܘܬܵܦܘܼܬܵܐ ܥܲܡܹܗ. ܐܝܼܢܵܐ ܐܲܠܵܗܵܐ ܡܘܼܚܙܹܐ ܠܹܗ ܐܸܠܝܼ ܕܠܵܐ ܩܵܪܹܝܢ ܠܐ݇ܢܵܫܵܐ ܠܵܐ ܕܸܟ݂ܝܵܐ ܘܛܲܡܐܵܐ. 29”ܒܘܼܬ ܐܵܗܵܐ ܕܠܵܐ ܡܲܟܠܵܝܬܵܐ ܐ݇ܬܹܐ ܠܝܼ ܐܝܼܡܲܢ ܕܫܘܼܕܸܪܵܘܟ݂ܘܿܢ ܒܵܬ݇ܪܝܼ. ܒܵܥܹܝܢ ܕܒܲܩܪܸܢܵܘܟ݂ܘܿܢ، ܩܵܡܘܿܕܝܼ ܫܘܼܕܸܪܵܘܟ݂ܘܿܢ ܒܵܬ݇ܪܝܼ؟“ 30ܓ̰ܘܼܘܸܒ ܠܹܗ ܩܘܼܪܢܹܠܝܼܘܿܣ ܘܐ݇ܡܝܼܪܹܗ، ”ܐܲܪܒܥܵܐ ܝܵܘܡܵܢܹ̈ܐ ܡ̣ܢ ܩܵܕ݇ܡ ܐܵܕܝܼܵܐ، ܨܲܠܘܼܝܹܐ ܝܘܸܢ ܗ݇ܘܵܐ ܓܵܘ ܒܲܝܬܝܼ ܒܐܵܗܵܐ ܥܕܵܢܵܐ ܐܲܝܟ݂ ܣܵܥܲܬ ܕܬܠܵܬ ܡ̣ܢ ܒܵܬ݇ܪ ܟܵܘܸܬܪܵܐ. ܗܵܐ ܟܠܹܐ ܠܹܗ ܩܵܕ݇ܡܝܼ ܚܲܕ ܐ݇ܢܵܫܵܐ ܒܠܒ݂ܝܼܫܬܵܐ ܡܲܒܪܸܩܵܢܬܵܐ، 31”ܘܐ݇ܡܝܼܪܹܗ ܐܸܠܝܼ، ’ܩܘܼܪܢܹܠܝܼܘܿܣ، ܦܝܼܫ ܠܵܗ̇ ܫܡܝܼܥܬܵܐ ܨܠܘܿܬܘܼܟ݂، ܘܐܸܪ̈ܘܵܢܘܼܟ݂ ܐ݇ܣܝܼܩ ܠܗܘܿܢ ܕܟ݂ܵܪܵܐ ܩܵܕ݇ܡ ܐܲܠܵܗܵܐ. 32”’ܫܲܕܸܪ ܠܝܘܿܦܹܐ ܘܡܲܝܬܝܼ ܠܫܸܡܥܘܿܢ ܕܦܝܵܫܵܐ ܝܠܹܗ ܩܸܪܝܵܐ ܟܹܐܦܵܐ، ܫܸܪܝܵܐ ܝܠܹܗ ܓܵܘ ܒܲܝܬܵܐ ܕܕܲܒܵܓ݂ ܫܸܡܹܗ ܫܸܡܥܘܿܢ، ܥܲܠ ܡܲܪܙܵܐ ܕܝܵܡܵܐ.‘ 33”ܐܵܢܵܐ ܒܓ̰ܲܠܕܘܼܬܵܐ ܫܘܼܕܸܪܝܼ ܒܵܬ݇ܪܘܼܟ݂، ܘܐܲܢ݇ܬ ܨܦܵܝܝܼ ܥܒ݂ܝܼܕ ܠܘܼܟ݂ ܕܐ݇ܬܹܐ ܠܘܼܟ݂. ܘܐܲܚܢܲܢ ܐܵܕܝܼܵܐ ܟܠܲܢ ܩܵܕ݇ܡ ܐܲܠܵܗܵܐ ܝܘܲܚ ܕܫܵܡܥܲܚ ܟܠ ܡܸܢܕܝܼ ܕܦܩܝܼܕ ܠܹܗ ܐܸܠܘܼܟ݂ ܡܵܪܝܵܐ ܕܗܲܡܙܸܡܸܬ ܐܸܠܲܢ.“
34ܗ̇ܝܓܵܗ ܫܘܼܪܹܐ ܠܹܗ ܫܸܡܥܘܿܢ ܟܹܐܦܵܐ ܠܗܲܡܙܘܼܡܹܐ ܘܐ݇ܡܝܼܪܹܗ، ”ܒܫܲܪܝܼܪܘܼܬܵܐ ܐܵܕܝܼܵܐ ܒܝܼܕܵܥܵܐ ܝܘܸܢ ܕܐܲܠܵܗܵܐ ܠܹܐ ܝܠܹܗ ܚܵܙܝܵܢܵܐ ܕܦܵܬܵܐ، 35”ܐܸܠܵܐ ܟܠܲܝܗܝ ܐܸܡܘܵܬܹ̈ܐ ܕܙܵܕܥܝܼ ܡܸܢܹܗ ܘܦܵܠܚܝܼ ܙܲܕܝܼܩܘܼܬܵܐ، ܩܘܼܒܠܹܐ ܝܢܵܐ ܠܟܸܣ ܠܹܗ. 36”ܐܵܗܵܐ ܝܠܵܗ̇ ܗܹܡܸܙܡܵܢ ܕܫܘܼܕܪܵܐ ܠܹܗ ܐܲܠܵܗܵܐ ܠܒܢܲܝ̈ ܝܼܣܪܵܝܹܠ، ܡܘܼܟܪܸܙ ܠܹܗ ܐܸܠܲܝܗܝ ܫܠܵܡܵܐ ܒܝܲܕ ܝܼܫܘܿܥ ܡܫܝܼܚܵܐ، ܗ̇ܘ ܕܝܼܠܹܗ ܡܵܪܝܵܐ ܥܲܠ ܟܠ. 37”ܗ̇ܝ ܗܹܡܸܙܡܵܢ ܕܐܘܼܦ ܐܲܚܬܘܿܢ ܒܝܼܕܵܥܵܐ ܝܬܘܿܢ ܕܗܘܹܐ ܠܵܗ̇ ܒܟܠܵܗ̇ ܝܼܗܘܼܕ، ܫܘܼܪܹܐ ܠܵܗ̇ ܡ̣ܢ ܓܠܝܼܠܵܐ، ܡ̣ܢ ܒܵܬ݇ܪ ܡܲܥܡܘܿܕܝܼܬܵܐ ܕܡܘܼܟܪܸܙ ܠܹܗ ܝܘܿܚܲܢܵܢ، 38”ܕܵܐܟ݂ܝܼ ܐܲܠܵܗܵܐ ܡܫܝܼܚ ܠܹܗ ܠܝܼܫܘܿܥ ܢܵܨܪܵܝܵܐ ܒܝܲܕ ܪܘܼܚܵܐ ܕܩܘܼܕܫܵܐ ܘܒܚܲܝܠܵܐ، ܘܕܵܐܟ݂ܝܼ ܒܸܚܕܵܪܵܐ ܝܗ݇ܘܵܐ ܒܸܥܒ݂ܵܕܵܐ ܛܵܒ݂ܬܵܐ، ܘܒܲܣܘܼܡܹܐ ܟܠܲܝܗܝ ܐܵܢܝܼ ܕܝܼܗ݇ܘܵܘ ܬܚܘܿܬ ܚܲܝܠܵܐ ܕܐܵܟܹܠܩܲܪܨܵܐ، ܣܵܒܵܒ ܐܲܠܵܗܵܐ ܥܲܡܹܗ ܝܗ݇ܘܵܐ. 39”ܐܲܚܢܲܢ ܣܵܗܕܹ̈ܐ ܝܘܲܚ ܒܘܼܬ ܟܠ ܡܸܢܕܝܼ ܕܥܒ݂ܝܼܕ ܠܹܗ ܒܐܲܪܥܵܐ ܕܝܼܗܘܼܕ ܘܒܐܘܿܪܸܫܠܸܡ. ܘܐܵܢܝܼ ܩܛܝܼܠ ܠܗܘܿܢ ܐܸܠܹܗ ܒܬܠܵܝܬܹܗ ܥܲܠ ܩܲܝܣܵܐ، 40”ܐܝܼܢܵܐ ܐܲܠܵܗܵܐ ܡܘܼܩܸܡ ܠܹܗ ܐܸܠܹܗ ܒܝܵܘܡܵܐ ܕܬܠܵܬܵܐ، ܘܡܘܼܥܒܸܕ ܠܹܗ ܕܦܵܐܹܫ ܚܸܙܝܵܐ، 41”ܐܝܼܢܵܐ ܠܵܐ ܦܝܼܫ ܠܹܗ ܚܸܙܝܵܐ ܠܟܠܹܗ ܥܲܡܵܐ، ܫܒ݂ܘܿܩ ܡܸܢܲܢ، ܐܲܚܢܲܢ ܕܩܵܕ݇ܡܵܝܬܵܐ ܐܲܠܵܗܵܐ ܩܲܡ ܓܲܒܹܐ ܠܲܢ ܕܗܵܘܲܚ ܣܵܗܕܹ̈ܐ، ܘܐ݇ܟ݂ܝܼܠ ܠܲܢ ܘܫܬܹܐ ܠܲܢ ܥܲܡܹܗ ܡ̣ܢ ܒܵܬ݇ܪ ܩܝܵܡܬܹܗ ܡ̣ܢ ܓܵܘ ܡܝܼܬܹ̈ܐ. 42”ܘܩܲܡ ܦܵܩܹܕ ܠܲܢ ܕܡܲܟܪܸܙܲܚ ܘܝܵܗ݇ܒܲܚ ܣܵܗܕܘܼܬܵܐ ܠܟܠܹܗ ܥܲܡܵܐ، ܕܗ̇ܘ ܦܝܼܫ ܠܹܗ ܓܘܼܒܝܵܐ ܒܝܲܕ ܐܲܠܵܗܵܐ ܕܲܝܵܢܵܐ ܕܚܵܝܹ̈ܐ ܘܕܡܝܼܬܹ̈ܐ. 43”ܟܠܲܝܗܝ ܢܒ݂ܝܼܹ̈ܐ ܝܘܼܗ݇ܒܸܠ ܠܗܘܿܢ ܣܵܗܕܘܼܬܵܐ ܒܘܼܬ ܕܝܼܹܗ، ܕܟܠ ܡ̇ܢ ܕܗܲܡܸܢ ܒܝܼܹܗ ܒܸܬ ܦܵܐܹܫ ܦܘܼܚܠܵܐ ܒܫܸܡܹܗ.“
44ܟܲܕ ܫܸܡܥܘܿܢ ܟܹܐܦܵܐ ܗܲܡܙܘܼܡܹܐ ܝܗ݇ܘܵܐ ܐܲܢܹܐ ܗܹܡܸܙܡܵܢܹ̈ܐ، ܫܪܹܐ ܠܵܗ̇ ܪܘܼܚܵܐ ܕܩܘܼܕܫܵܐ ܥܲܠ ܟܠܲܝܗܝ ܐܵܢܝܼ ܕܒܸܫܡܵܥܵܐ ܝܗ݇ܘܵܘ ܗܹܡܸܙܡܵܢ. 45ܥܘܼܓ̰ܸܒ ܠܗܘܿܢ ܡܗܘܼܡܢܹ̈ܐ ܓܙܝܼܪܹ̈ܐ، ܐܵܢܝܼ ܕܐ݇ܬܹܐ ܠܗܘܿܢ ܥܲܡ ܫܸܡܥܘܿܢ ܟܹܐܦܵܐ، ܐܝܼܡܲܢ ܕܚܙܹܐ ܠܗܘܿܢ ܕܡܵܘܗܲܒ݂ܬܵܐ ܕܪܘܼܚܵܐ ܕܩܘܼܕܫܵܐ ܦܝܼܫ ܠܵܗ̇ ܫܘܼܦܸܟ݂ܬܵܐ ܐܘܼܦ ܥܲܠ ܐܸܡܘܵܬܹ̈ܐ. 46ܣܵܒܵܒ ܒܸܫܡܵܥܵܐ ܝܗ݇ܘܵܘ ܗܲܡܙܘܼܡܹܐ ܒܠܸܫܵܢܹ̈ܐ ܘܫܲܒܘܼܚܹܐ ܠܐܲܠܵܗܵܐ. ܗ̇ܝܓܵܗ ܐ݇ܡܝܼܪܹܗ ܫܸܡܥܘܿܢ ܟܹܐܦܵܐ، 47”ܡܵܨܹܐ ܐ݇ܢܵܫܵܐ ܡܲܟܠܹܐ ܐܲܢܹܐ ܐ݇ܢܵܫܹ̈ܐ ܕܠܵܐ ܦܵܝܫܝܼ ܥܡܝܼܕܹܐ ܒܡ̈ܝܼܵܐ؟ ܣܵܒܵܒ ܐܘܼܦ ܐܲܢܹܐ ܩܘܼܒܸܠ ܠܗܘܿܢ ܪܘܼܚܵܐ ܕܩܘܼܕܫܵܐ ܐܲܝܟ݂ ܕܝܼܲܢ.“ 48ܗ̇ܝܓܵܗ ܦܩܝܼܕ ܠܹܗ ܕܦܵܝܫܝܼ ܥܡܝܼܕܹܐ ܒܫܸܡܵܐ ܕܝܼܫܘܿܥ ܡܫܝܼܚܵܐ. ܘܛܠܝܼܒ ܠܗܘܿܢ ܡܸܢܹܗ ܕܦܵܐܹܫ ܠܟܸܣ ܠܲܝܗܝ ܚܲܕ݇ܟܡܵܐ ܝܵܘܡܵܢܹ̈ܐ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Aramaic Bible Translation Assyrian Bible © 2025 Aramaic Bible Translation