ROMANKVDVNG 10
10
1Bvrrangkvdvnga, ngok asinsok mcngkamclang kumnamdc jc bulum mopvtycpc cmna. 2Ngo bulum lukancm lubidu:bong jc bulukkc Ru:ncpvnckc lcgangc mc:pola mc:namc dung, cmpige:la cdc kinnamdcmpc imang. 3Kapila:nc, dormokanamdcm kinma:pc du:la cdc Ru:ncpvnc kodokkc gvncdcm, odokkc buluk avkcdcm mogablvgpc cmna, bulu Ru:ncpvnckc dormokanamdo:pc tolvg tomang. 4Kapila:nc Kristobv lujvglurodok du:tcrc, jc appvngc sc:kkci mc:jvgc du:ji dormokadag cmna luycpc.
Moturnamdc Appvngkcpc
5Mose:bv adtag jc lujvg lurodok lukamdcmpc dormo ager gerncdc odokki turycpc. 6Cmpige:la mc:jvgdo jvggabla jvgnamdc ludag, Nok asin ara:bo “sc:kobv taycng amo:to:pc dc:sa:yckun?” Cmna luyoka, (cdcna, Kristomc sikolokkcm la:sangkakupc.) 7Cdcmanggom “Sc:kobv jiki:-jiobo:pc gviycnc?” (Cdcna, Kristomc sikolokkcm la:sangkakupc.) 8Cmpige:la cdc okko cmdang? Agomdc noluk kcra:dc, noluk nabberdo odokkc noluk asin kvdv:do (cdcna, mc:jvgdok agomdc okodcm ngolu lutadbidoji;) 9kapila:nc no jodi nabberdokki lude:sumvlo jc Ru:ncpvncbv Bvm sikolokkcm turmotoku, no turyc. 10Kapila:nc tani:yc bvk asinbokki mc:jvgdag odokkc cdcmv:pc aidag cmna ludag, odokkc bvk nabberdokki bv lude:sudag odokkc cdcmv:pc mopvdag. 11Ru:nckc agom adgabdc lutag, “Sc:kosin sc:ko Bvm mc:jvgycnc anyi:moma:yc.” 12Kapila:nc angupc lunamc okkosin kamang Jiwukvdv:doklang Girikdok; cdc Ru:tumv:dc appv:lok Ru:tumdc odokkc Bvk mitcmircmcm Bvm gognc appv:dcm bidag. 13Kapila:nc, “appvngcmci sc:kobv Ru:tumkc aminno gogycji mopvtyc.”
14Cmpige:la kapc tani:kvdv:dc Bvm gogycn sc:kom bulu mc:jvgma:ji? Odokkc kapc bulu Bvm mc:jvgycn sc:kokc agomcm bulu cdvlosin tadkvma:ji? Odokkc bulu kapc tadycn agom lutadbinc ako kama:pc? 15Odokkc kapc tani:kvdv:dc lutadbiycn bulum mclvgma:mvlo? Cdcm adla lc:namdcmpc, “sc:kobulu tadponc lutaddcm lubidagji kapc alckvdv:dc kangkandagnc!” 16Cmpige:la bulu appv:dc tadponc lutaddcm tattomang; kapila:nc Isaia:bv luto, “Ru:tuma, sc:konu mc:jvgton sc:kobv ngolukkolokkcm tattoji?” 17Cdcmpinamc mc:jvgdc a:dag okodcm taddagji, odokkc okodcm taddagji Kristomc lutad lubinamdokkc a:dag.
18Cmpige:la ngo tawudung bulu tattoma:lang? Aropakpci bulu tatto; kapila:nc
“Gomugdc mo:pvsok appv:lo:pc gvlenkang,
odokkc buluk agom kvdv:dc mo:pvsok du:tcrlo:pc.”
19Lckoda ngo tawudung, Israeldc mcngkintoma:nci? Lupo:danna Mose:bv luto,
“Ngo nolum amik ka:lv:mvnsuma:dopc
imoyc sc:kobulu opvnma:ji bulukkokki;
okkomsin kinma:nc opvn kokki
ngo nolum aglvngcm sa:moyc.”
20Isaia:bv cddvko bottapc lula:dagnc, cdcmpcmvlo,
“Ngom cdc sc:kobulu madagaji pa:to;
Ngom sc:kobulu ka:pc cmmangaji
bulum avycm lcngkansuto.”
21Cmpige:la Israeldok agomdcm Bv ludag, longc lo:bung kvdv:do ngok alagcm agom tadma:ncm odokkc birudi:pc agom lunc tani:kvdv:dcm laglento.
ទើបបានជ្រើសរើសហើយ៖
ROMANKVDVNG 10: MISIBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
