HIBRIUKVDVNG 5
5
1Kapcnc dormo ager gernclok bottcnc kvdv:dok ara:lokkcm ballenna la:namdcm tani:kvdv:dok lcgangc ager gerdopc agercm Ru:ncpvnckolo du:mvndagmvnla bitag, pa:p lcgangc amancm odokkc palvgnam bidopc cmna. 2Bv ijupsikabo:pc kinma:nam kvdv:dcm odokkc agom lukam tadnckvdv:dcm ibisa:bila:dag, bv avdci ilang gvlangma:namkokki yedrila:yam. 3Odok lcgangc bv bvk avkc pa:p lcgangc palvgnammcm palvgru:pa:yc cdc tani:kvdv:dok lcgangvngcmpc. 4Odokkc akonc avkcm mcnggcnammcm avyc mcnggcsumang, cmpige:la Bvm Ru:ncpvncbv gogtag, kapc Aronmc gokkaji.
5Cdcmv:pc Kristobv avyc Bv bottcpc mc:sumangai dormo ager gernclok bottcncpc, cmpige:la Bvkkokki agercm gerdopc tolvgto sc:kobv Bvm lutoji,
“No ngok Aowo,
silo ngo nom oto.”
6Kapc akon dungkolo:sin Bv lutu:ji,
“No dormo ager lo:dvlongkvpc gerncko.
Melkijedekkc inamdok lcdudokkc.”
7Bvk adinamvrki inamdok lcdudo, Jisubv kumnamclang amikc lcgang bottcru:pc kabla odokkc miksi dvla kumnamcm kumka, Bvm sc:kobv Bvm sikolokkc motula:dagaji, odokkc Bvm Bvk dormokanam pcsokokki taddungai. 8Bv Awoka:gom, Bv agom lukam tadnamcm tadkaisuto okodcm Bv odokki du:gpa:toji; 9odokkc pv:namkopc aimola Bv lo:dvlongkvpc moturnamlok lenkopc ikang Bvm sc:kobulu agom lukamcm tadlvngka:ji, 10Ru:ncpvnckokki dormo ager gernclok bottcnc cmna Melkijedekkc lcdudokkc tolvgla:yam.
Mc:jvgcm Mcpakma:dopc Lutadla Lunam
11Sc agomscm ngolukkc bojcrungko lupcnammc dung okodc lulen lua:la lubipc tordagji, nolu tadpc tadkindantoma:bong. 12Kapcnc su:pakkc ayirso nolu poyirncpc ingappcnama:ji, nolum sc:koiyc poyirncko lckoda nolu lagidung Ru:ncpvnckc lupongarnam agomkvdv:dcm lubincko. 13Kapcnc sc:kobulu gakvr tv:tvla du:nc appv:dc dormokanc agomdo kinncmang, kapcnc bv ko:kang sv:sa:nc. 14Tornc apin donamdc bottcnc sv:titsunc kvdv:dokkcpc, kapcnc cdc sc:kobulukkc ainclokkc aima:ncdcm kangkinnapc ycbu:-yerungcm tadyitgvyittagnc.
ទើបបានជ្រើសរើសហើយ៖
HIBRIUKVDVNG 5: MISIBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
HIBRIUKVDVNG 5
5
1Kapcnc dormo ager gernclok bottcnc kvdv:dok ara:lokkcm ballenna la:namdcm tani:kvdv:dok lcgangc ager gerdopc agercm Ru:ncpvnckolo du:mvndagmvnla bitag, pa:p lcgangc amancm odokkc palvgnam bidopc cmna. 2Bv ijupsikabo:pc kinma:nam kvdv:dcm odokkc agom lukam tadnckvdv:dcm ibisa:bila:dag, bv avdci ilang gvlangma:namkokki yedrila:yam. 3Odok lcgangc bv bvk avkc pa:p lcgangc palvgnammcm palvgru:pa:yc cdc tani:kvdv:dok lcgangvngcmpc. 4Odokkc akonc avkcm mcnggcnammcm avyc mcnggcsumang, cmpige:la Bvm Ru:ncpvncbv gogtag, kapc Aronmc gokkaji.
5Cdcmv:pc Kristobv avyc Bv bottcpc mc:sumangai dormo ager gernclok bottcncpc, cmpige:la Bvkkokki agercm gerdopc tolvgto sc:kobv Bvm lutoji,
“No ngok Aowo,
silo ngo nom oto.”
6Kapc akon dungkolo:sin Bv lutu:ji,
“No dormo ager lo:dvlongkvpc gerncko.
Melkijedekkc inamdok lcdudokkc.”
7Bvk adinamvrki inamdok lcdudo, Jisubv kumnamclang amikc lcgang bottcru:pc kabla odokkc miksi dvla kumnamcm kumka, Bvm sc:kobv Bvm sikolokkc motula:dagaji, odokkc Bvm Bvk dormokanam pcsokokki taddungai. 8Bv Awoka:gom, Bv agom lukam tadnamcm tadkaisuto okodcm Bv odokki du:gpa:toji; 9odokkc pv:namkopc aimola Bv lo:dvlongkvpc moturnamlok lenkopc ikang Bvm sc:kobulu agom lukamcm tadlvngka:ji, 10Ru:ncpvnckokki dormo ager gernclok bottcnc cmna Melkijedekkc lcdudokkc tolvgla:yam.
Mc:jvgcm Mcpakma:dopc Lutadla Lunam
11Sc agomscm ngolukkc bojcrungko lupcnammc dung okodc lulen lua:la lubipc tordagji, nolu tadpc tadkindantoma:bong. 12Kapcnc su:pakkc ayirso nolu poyirncpc ingappcnama:ji, nolum sc:koiyc poyirncko lckoda nolu lagidung Ru:ncpvnckc lupongarnam agomkvdv:dcm lubincko. 13Kapcnc sc:kobulu gakvr tv:tvla du:nc appv:dc dormokanc agomdo kinncmang, kapcnc bv ko:kang sv:sa:nc. 14Tornc apin donamdc bottcnc sv:titsunc kvdv:dokkcpc, kapcnc cdc sc:kobulukkc ainclokkc aima:ncdcm kangkinnapc ycbu:-yerungcm tadyitgvyittagnc.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.